Azaya 26:6 - Yálá laawoo hɛɓɛ (dc)

⁶ Nuą diɛ ɓɔlɔn mɛ̨i, nuąi kɔ́lɔn və diɛ, da nuąi hvaŋą hvo di yəi diɛ ɓɔlɔn mɛ̨i.

Yálá laawoo hɛɓɛ

⁶ Nuą diɛ ɓɔlɔn mɛ̨i, nuąi kɔ́lɔn və diɛ, da nuąi hvaŋą hvo di yəi diɛ ɓɔlɔn mɛ̨i.

Bible

⁶ À kɛ̀ tí, diai kɛ̀ mɔ̃lɛ̂i daa-leei ŋí su-ƃela yée mui, da pâi kɛ̂i sia-siai naa díkɛ naa taŋ-taŋ a díkɔɔ.

Azaya 26:6 Referans Kwoze

Lomaŋ 16:20

Ɉu hvo kɛa kwɛa li Liilaa-Yálá, yɛ pa ɓilihi nwun nwoloi ka kɔ́wɔ mu. Gu Ną́mu Jesus nwɔ mɛ̨inɛ̨ɛ̨ ə kɛ ka pɔ!

Lukə 10:19

Jesus yɛ diɛ: «Ka ka wəli tɔɔ, ŋą huwalawala tɛɛ ka pɔ, kaa hiɛ kaalə mɛ̨i da ɲɔ̨n-gaalə, ə lɛɛ, ka ɓilihi nwɔ huwalawalaɠaa kəlee hu taɠa. Mɛ̨nį ɲɔ̨n nɔpee ta hvo kɛ a kaa.

Zasua 10:24

Dɔɔɓɛlaa lɔɔlii tii kulɔi di mo di pa a diɛ Ɉosue pɔ, yili ə Israɛlə lonnii təli, yɛ gɔ́laɠa ɲɛ̨itɔwɔ nuą diɛ: «Ka lɛɠɛ ɓɛ, ka ka kɔ́wɔ hvilɛn dɔɔɓɛlaai ŋɛ̨i kɔ́n bulu.» Di lɛɠɛ laa, di di kɔ́wɔ hvilɛn dɔɔɓɛlaa kɔ́n bulu.

M̀ɛni-lɛɛi 2:26

«Nui ɲee a tɛɛ mɛ̨nįɠaa tii kəlee ɓa, yai a ɲee kąnąn nwɔ́ kólóɠaai diɛ, ə lɛɛ ɉu ɲąąkpɛɛ yələi, ŋą́ hvaŋą tɛɛ pɔ hįi lɔi kəlee mɛ̨i,

Zĩi 2:5

Ną́n nonnii, nwɛ́likɛmąą nuą, 'ká ká wəli tɔɔ kpɔ tai a nɛlɛɛ, kɛlɛi nuąi yeehowolo laa hu yɛnɛ̨ɛ̨ ɓɛ, diɛ ɓə Yálá ə di həɠə ɉu, ə di kɛ a hɛn gɔw nąmįną, a Yələkɔlɔn ɉu tɔɔlaa hɔlɔɓo nuą, yai ə naakwɛlanmo nwɛlikɛmąą nuą diɛ-e?

Korɛntə dɔlɔɔ 1:26

Ną́n nonnii, káá kpinįi ka ká kpɔwɔ kaa tai, a káái Yálá aa ka təlii: Nuąi di kaa nuą ɲɛ̨i ɓa a kilikɛɲəi nuą, di hvo tamą li ká lɔwai, ə mą kɛ, nu kpɛa-kpɛaa, ɛlɛɛ, laa kɛnɛ̨ nąmįną di hvo tamą li ká lɔwai.

Sofoni 3:11

Mąą yələi tii, hvó pai nwumɛ̨i, ə́ kɛ mɛ̨nį ɲɔ̨nwɔ̨ɔ̨ɠaa mąą mɛ̨nį ɓa, yɛ́ kɔ́ pɛlɛ mą́ą́. Gbala ə tɔɔ, nąąlɔwai, gbɔwɔ ɲąą kɛnɛ̨ nuąi tii, da kɛ di nwun dɛi, ŋą́ kɛ kɛa, a di hukalaa ə́ lɔwai, ɛlɛɛ, hvá kɛa humɛ̨ni kɛnɛ̨ kulɔ nwɔ́ yee mąąhəɠɛɛ nwuɔ̨.

Danîa 7:27

Tɔɔlaa, heeɓolaa, kɛnɛ̨ laa, da tɔɔlaaɠaai kpɔ di kaa lɔi mɛ̨i, di kaa pai gəlee tɛɛi Yálá Yii Gaa Hɛn Gəlee Nwun Mɛi nwɔ nuą pɔ. Dɔɔlaai tii kaa pai kɛi a tɔɔlaa yii kpɛɛ hvo mą. Huwalawala hɛnŋaa kəlee kaa pai kɛi nwoo mu.»

Ɉeremi 50:45

Mɛ̨nįi nwɔ̨nɔ̨ Yai-Laa aa mąą kili tee gwəi, yɛ hvilɛn na Babilonə ɓa, ka ka wəli tɔɔ nwɔ̨nɔ̨ mą; aa mɛ̨nįɠaa mąą nwun dɔɔ kɛ, yɛ hvilɛn na Kalde ɓa, daatɛlɛɛ kpulu lɔwai, ə mą kɛ, yiiɠaa di pɛlɛɛ-pɛlɛɛ, di kaa pai kɛi di yalai, yili hva ɉəɠə mą. Gaa pai kɛi di wɔ lɔi huwoloi, di hɔn ma, yili hvo pai ɉəɠəi mą.

Azaya 60:14

Nuąi kɛi ə́ mɔ̨nɔ̨ ɓo, di lonnii kaa pai ə́ pɔ, di mąą pɛlɛɛ, nuąi kpɔ kɛi ə́ hviiɓo, di kaa pai pɛlɛi di liiɓa, ə́ kɔ́wɔ mu. Di kaa pai ə́ laa heei a Yai-Laa nwɔ taa, Israɛlə nwɔ Mąąhəɠə mun nwɔ Siɔn taa.

Azaya 37:25

Ŋą́ yálɔwaɠaa tee, gɛ́ di hu yá kpələ, Eziptə yá pɛlɛɛɠaa kəlee daa kpála gɔ́wɔ mu.›

Azaya 25:10

Yai-Laa kaa pai ɲee pɛlɛi ɲeei ŋɛ̨i mɛ̨i, Kɛlaa, di kaa pai Moabə hu woloi ɲąą ɓa, yɛ bələi mɔ̨nun-danmun a mɔ̨nun dan na.

Azaya 3:15

Lə mɛ̨nį ɓa ka hee nwɔ́ nu huwui mɛ̨i, kaa mąąwɛli nuą hon a di ɲɛ̨i paa pələ? Nąmu Yai-Laa Mɛ̨nį Kəlee ŋą Hééɓomun woo li!»

M̀ɛni-lɛɛi 3:9

Ə́ ɲɛ̨i hee, gáá ɓilihi hvɛli pɛlɛ́ mu nuą tɛɛi ə́ pɔ, a diɛi da di kpɔwɔ kɛ a Ɉuifəɠaa, ɛlɛɛ yaan, di hvo la, mąąhɔlɔɓo da kɛ lɛɛ kɛi. Ə́ ɲəi hee, gáá pai a diɛ, di gwɛli hvilɛn ə́ kɔwɔ mu, ɛlɛɛ, di kili a pu ɉu, diɛ, ə́ wɛlikaa mą́ą́.

Azaya 3:14

Yai-Laa kaa nwɔ lɔi hu kalanɉonŋąą, da ɲɛ̨itɔwɔ nuą təlii kiti ɓa, yɛ kɛ diɛ: «Káá ɓə, káá tɛ nwɔ́ kələ́i ɓa, ka hvo ɉɔɔ li! Kaa too mąąwɛli nuą mɛ̨i, di wɔ hɛnŋąąi di ɓo ka yəi bɛlɛ́n.

Azaya 11:4

A mąąwɛli nuą mąą mɛ̨nį hutɔɔ a tɛ̨ą, yee hvowolo nuąi nɔi, a di mąą mɛ̨nį ɓo a ɉaŋąą. Nwoo kaa pai kɛi yɛ hváɠá, yɛ toomɛ̨i kɛ nuą kɛlɛ la, yɛ nwąnąlɔ nuą paa a naa wəleen.

Azaya 28:3

di kaa pai di kɔ́wɔ tɔɔi, Ɛfraimə lɔɔ honŋąą di wɔ ɓɔlɔ ɲɛ̨i tɔɔi mɛ̨i;

Azaya 29:19

Yili pulu, kpɔwɔ mąąyɛɛ nuą diɛ di kwəinɛ̨ɛ̨ Yai-Laa laa hu, ɛlɛɛ yeehowolo nuą diɛ ɓələn, Israɛlə nwɔ Mąąhəɠəmun mąą mɛ̨nį ɓa.

Tɔɔɓɛlaa veelɛ 9:33

Ɉehu yɛ nuą tii diɛ: «Ka nɛ̨ɛ̨nui tii kulɔ ka doo nɔi ɓa!» Di Ɉezabɛlə kulɔ di doo, ɲąmą ta ə taɠa ɉį́i nwąną ɓa, da ə taɠa ɉooɠaa diɛ. Ɉehu ə ɓɔlɔɔn Ɉezabɛlə mɛ̨i.