Azaya 26:5 - Yálá laawoo hɛɓɛ (dc)

⁵ Nuąi kɛ di ɓɛlaa nwun mɛ̨i, aa yiliɠaai nwun mąą yɛɛ, ɛlɛɛ, daai tii nu yee hvo kɛi pɛli mą, aa bu; aa bɛlɛ nɔi ɓa, munuun ɉu.

Yálá laawoo hɛɓɛ

⁵ Nuąi kɛ di ɓɛlaa nwun mɛ̨i, aa yiliɠaai nwun mąą yɛɛ, ɛlɛɛ, daai tii nu yee hvo kɛi pɛli mą, aa bu; aa bɛlɛ nɔi ɓa, munuun ɉu.

Bible

⁵ Diai díyoŋkai a díŋa-yèŋ, daa-lêei da zui é maa taa-leei su-kara, ǹaa é lɛ́ɛ a muluŋ su.

Azaya 26:5 Referans Kwoze

M̀ɛni-lɛɛi 18:2

Ə tomą kpɔ a nwoo kɛnɛ̨, yɛ kɛ mą: «Aa too, aa too, Babilonə kɛnɛ̨i aa too; aa lɛɛ kɛa a ɲįnɛ̨nŋaa heei, aa lɛɛ a ɲinɛ̨n ɉuwui lɔpee gəlee heei, a nwɛ̨nį kɔ́hɔɓoɔɠaa, diɛi di wɛlikpɛɛ nu kanŋaa diɛ, di heei.

Ɉeremi 51:37

Babilonə kaa pai lɛɛi a kwɛni hįį, a yalaɠaa pɛlɛi, a lɔi pun, yii nu a gaa, hvo kɛli a kɛ: «Éé kə́!» Ŋą́ ɉu nuą kulɔ laa.

Ɉeremi 51:64

Ɛlɛɛ, yɛ́ mą: «Bələ ɓə Babilonə kaa pai lɛɛi la yai, mɔ̨nɔ̨ɠaai gáá pai naai mą, hva kɛa pənə hvo kulɔ ɉu.» Ɉeremi wooɠaa kpɛlai ka tii.

Azaya 13:11

Gáá pai nwą́nąkulɔi yɛnɛ̨ɛ̨ ɓa, ɉɔn ɲɔ̨nwɔ̨ mɛ̨nį ɓa, gɛ́ nwą́nąkulɔ nwąnąlɔ nuą diɛ, di wɔ nɛ̨ŋɛ̨nŋąąi mąą mɛ̨nį ɓa, gɛ́ kpɔwɔ ɲąąkɛnɛ̨ kulɔ tɛɠɛɓo ɉu nuą yee pɔ, gɛ́ nu mɔ̨nɔ̨ɓo tɔɔɓɛlaa, di wɔ ɓələn mąą yɛɛ.

Azaya 47:1

Yɛi ɓaa a Babilonə nɛ̨ɛ̨gbɛla, 'ə́ mąą yɛɛ kpɔ kɛnɛ̨! 'Laa munuun gbala hu! 'Ka həɠə dɔɔ kpəlin ɉu, 'ka hee luwu hu, Kalde nɛ̨ɛ̨gbɛlaɠaa, mąąhɔlɔɓo, di hvo kɛa pai kɛi ə́ laa ɓa: «Nɛ̨ɛ̨nu lɛlɛɛ, kwəinɛ̨ɛ̨ kulɔ nɛ̨ɛ̨nu.»

Azaya 32:19

Kɛlaa, daa hu kaa pai kalai a hanwon gbuɠulu laa pɔɔ ɛlɛɛ, daa mąą yɛ yɛɛ kpɔ kɛnɛ̨.

Azaya 14:13

Ə́ kɛi kɛ diɛ: «Gáá tɛi yələkwəi, gáá nwɔ́ tɔɔ kpəlin ɉeei Yálá nwɔ pɛmɛ̨lɛ̨n-gɔwɠaa mɛ̨i pələ, gáá lii ŋį́ hee yáláɠaa di wɔ ɲąąkpɔn ɲee nwuɔ̨, ŋį́ hee kpɔ ɲələkwəi leelee.

Azaya 2:12

Yai-Laa Mɛ̨nį Kəlee ŋą Hééɓomun, aa hvóló ta həɠə ɉu, ə gɛ, ə kiti tee, nuąi da di kpɔwɔ kaa a nu kpɛa-kpɛa, di hunɛ̨ɛ̨, a di mąą yɛɛ.

Mąątɛ̨nɛ̨ 79:8

'Hvó ə́ kiliŋąhiɛ ku tuwɔ pələ ɲɔ̨n bɔlɔɠaa diɛ, ku laakwiyɛn ɉa a ə́ wɔ ɲɛ̨imąąwɛli kaalaai, mąąhɔlɔɓo hvaŋą lɔpee hvo kɛa ku yəi.

Azaya 25:2

Yáá daa kɛ a taa kpoloon, daa yii kɛ mąątínɛ̨n ŋąą a hįį, Yáá nɛɛ a lɔi pun, Túwɔ́ pələ ɲɔ̨n gulɔ nuą, di wɔ taai, hvo kɛa a taa, hva kɛa pənə hvo tɔɔ kpɔ tanɔ̨n gbɛli.

Woolaa 2:2

Yai-Laa aa Ɉakɔbə heei kəlee wolo hvo kpɛli mąąwɛli kaa li nwɔ liiholi hu, aa Ɉuda halakpɛla mąąkpɛ hįi wolo aa dɔɔlaa da dɔɔɓɛlaa ɓɛlɛkpɛɛ diɛ, aa di too nɔi ɓa.

Izikiɛ 26:11

Nwɔ hooɠaai kɔ́wɔ kaa pai tɛɛi ə́ wɔ kwəliɠaai kəlee hu; gaa pai ə́ hu nuą paai a kɔ́ kɔ́ ɓɔwa; ə́ wɔ hali kɔ́iɠaai ti ə́ kilitɔɔ diɛ, gaa pai di kulɔi ə di too.

Azaya 24:10

Daa hvowoloi aa too, bɛlɛ kəlee laa kpuloɔi, nu hva pɛli lɔi da mu.

Izikiɛ 28:17

Ə́i kpɔwɔ ɲąą kɛnɛ̨, ə́ lɛlɛ mɛ̨nį hu, ə́ mąąwiɛ pələ ə́ ə́ wɔ kilikɛɲəi hukala. Gáá ə́ tooi lɔi ɓa, yɛnɛ̨ɛ̨ tɔɔɓɛlaa diɛ pa, diɛ ə́ kaa.