Azaya 26:17 - Yálá laawoo hɛɓɛ (dc)

¹⁷ Ku pa Ə́ lííla, Yɛ́i a Yai-Laa, yɛ nɛ̨ɛ̨nui kwəi nwąną kɛi, yai a kɛ kpɛlaan ɉi, yɛ tómą mɔ̨nɔ̨ yəi.

Yálá laawoo hɛɓɛ

¹⁷ Ku pa Ə́ lííla, Yɛ́i a Yai-Laa, yɛ nɛ̨ɛ̨nui kwəi nwąną kɛi, yai a kɛ kpɛlaan ɉi, yɛ tómą mɔ̨nɔ̨ yəi.

Bible

¹⁷ Yâwɛɛ, ya gɛ́ kwa wɔ́lɔ, yɛ̂ɛ berei nɛnî a kɛ̀ koi-têe su a kɛ̂ wɔ̂lɔi lai.

Azaya 26:17 Referans Kwoze

Ɉaan 16:21

Ɓɛlɔwai nɛ̨ɛ̨nu a kɛ kwəinwąną kɛi la, nii a kɛ a gələn ŋąą gwəi, mąąhɔlɔɓo, nwɔ mɔ̨nɔ̨ mį́i lɔwai aa ɉəli. Kɛlaa, a naayɛɛ kɛa, nwɔ mɔ̨nɔ̨i tii kili a kpɛɛ ŋą́; mąąhɔlɔɓo, aa nu kan ɉɔlɔɓo.

Azaya 13:8

Ɲɔw aa too di hu, di mąą yɛ kpɛlin, diɛ mɔ̨nɔ̨ mįi, diɛ kpɛlaan gbɛlaan yɛ nɛ̨ɛ̨nu a kɛi kwəinwąną kɛ, diɛ di kee kaa a kwəi pili, di ɲɛ̨i kɔ́w aa kpɔlu yɛ nwɔ̨n dəŋą.

Tɛsalonikə dɔlɔɔ 5:3

Ɓɛlɔwai nu kəlee kaa pai kɛi la diɛ: «Liilaa, wəlipululaɠi», nąąlɔwai kpɔlɔ ɓə nwun napili a kulɔ la di tɛɠii, ə yɛɛ di mɛ̨i, yɛ bələi kwəinwąną a nɛ̨ɛ̨nu hon na; ɛlɛɛ, di nwun hva kulɔ ɉu.

Azaya 21:3

Ya ka ŋɛ̨i níí kəlee kaa kpɛlin ɉii ɉú, mɔ̨nɔ̨ aa wolo mą́ą́, yɛ́ kwəinwąną a wolo nɛ̨ɛ̨nu ɓa, yɛ mɔ̨nɔ̨ mįi, mɛ̨nįi gáá mɛ̨n ɉii, aa ɉú pu mą́ą́, gɛɛi gáá gaai, aa vínnaton.

Ɉeremi 30:6

Ka kɛɛ mąąlən gɛ, ka ka ɲɛ̨i laa, hulɔnu a mɔ̨ɔ̨ naayɛɛ? Lə ɓə kɛ yai gáá kpakolo hinąą kaai, di yee tɔɔ di woɓəi yɛ Nɛ̨ɛ̨nu a kɛi kwəi nwąną kɛ. Nu kəlee ɲɛ̨ikɔw aa kulɔ daai?

Ɉeremi 6:24

Bələ aa too ku wəlii, ku yee kɔ̨nwɔ̨nŋaa hu aa haa, liihɛlɛn aa too kuɔ, kuɔ mɔ̨nɔ̨ mį́i la, yɛ kwəi nwąną a naa tɛ Nɛ̨ɛ̨nu mu.

Ɉeremi 4:31

Gaa yɛ ŋį́ kɛi kwəi kwąną kɛ Nɛ̨ɛ̨nu woolaa woo mɛ̨n; wɔlɔ woo yɛ tɔɔ yɛ, Nɛ̨ɛ̨nu aa kɛi gbəla lon gaa. Siɔn taa ɲiŋɛ woo ka tii, yɛ ɲee hanŋa, yɛ kɛ diɛ: «Ə́kə́ kpalo aa gáá-ee! Ɉáá hiɛ ka nu paa nuą ŋɛ̨i yee mu!»

Mąątɛ̨nɛ̨ 48:6

Di gaa lɔ, di hu ə pu diɛ, di ɲɔw, di nɛɛmą di tɛɛ a gilɛ.

M̀ɛni-lɛɛi 12:2

Nɛ̨ɛ̨nui tii ə kɛ a koonɛ̨ą, naa yɛɛi lɔwai aa həli kɛa kɛ, gwəinwąną aa hee ɉu yɛ wɔlɔ.

Azaya 37:3

Ə gɛ də li diɛ mą: Ezekiasə woo ka, yɛ: «Haa kəlee hvólói kaa a lii kələn gwəi hvóló, hutɔɔ hvóló, da nwumɛ̨ hvóló, lon ɉinąą daa di nwun gulɔ di lee kwəi, kɛlaa lon-gaa hvąŋą hvo di lee yəi.

Zɛnɛse 3:16

Yai-Laa yɛ nwɔ̨nɔ̨ nɛ̨ɛ̨nu ɓa: «Ya mɔ̨nɔ̨ mį́i koonɛ̨ą lɔwai, ə́ ə́ laanɔ̨nwɔ̨ ɓo ə́ wɔ kwəinwąną kɛi lɔwai, ə́ liiɓa mɛ̨nį kəlee nwun maa pai kɛi a ə́ hilɛ, ɛlɛɛ, yili kaa pai heei ə́ mɛ̨i.»