Azaya 25:12 - Yálá laawoo hɛɓɛ (dc)

¹² Ə́ wɔ taa mąąkpɛ hįi huwiaaɠaai, Yai-Laa kaa pai gəlee pui, yɛ di hu taɠa taɠa, yɛ di pu lɔi ɓa, munuun ɉu.

Yálá laawoo hɛɓɛ

¹² Ə́ wɔ taa mąąkpɛ hįi huwiaaɠaai, Yai-Laa kaa pai gəlee pui, yɛ di hu taɠa taɠa, yɛ di pu lɔi ɓa, munuun ɉu.

Bible

¹² Yâwɛɛ pâi Môa taa-lee-ŋai dísiɣãŋ-ŋai kélee wôloi, é dífũa-fũ̂a.

Azaya 25:12 Referans Kwoze

M̀ɛni-lɛɛi 18:21

Ya ɓə, malaka ta ə kwɛni kpuwulu kɛnɛ̨ ta həɠə, ə ɓo yɛ kwɛną, ə bili gboloyá hu, yɛ mą: «Bələ ɓə di kaa pai Babilonə taalee pilii la a hvaŋą; di hva kɛa gaa.

Azaya 26:5

Nuąi kɛ di ɓɛlaa nwun mɛ̨i, aa yiliɠaai nwun mąą yɛɛ, ɛlɛɛ, daai tii nu yee hvo kɛi pɛli mą, aa bu; aa bɛlɛ nɔi ɓa, munuun ɉu.

Hebreu 11:30

Laa na laa háálai ɓə gɛ, Ɉeriko mąąkpɛ hį́iɠaa diɛ too, di kpɛɛ a daa mąątínɛ̨nŋąą a hvóló mɛ̨ihveelɛ.

Ɉeremi 51:64

Ɛlɛɛ, yɛ́ mą: «Bələ ɓə Babilonə kaa pai lɛɛi la yai, mɔ̨nɔ̨ɠaai gáá pai naai mą, hva kɛa pənə hvo kulɔ ɉu.» Ɉeremi wooɠaa kpɛlai ka tii.

Ɉeremi 51:58

Yai-Laa Mɛ̨nį Kəlee ŋą Hééɓomun woo ka, yɛ mą: «Babilonə taa mąąkpɛɛ hįį ŋąą kɛnɛ̨i, aa pu kpɔ tɛ̨ɛ̨tɛ̨ɛ̨?. Nwɔ̨n aa nwɔ kpon gbɛa-kpɛaa kələn. Nuą kaa mɔ̨nɔ̨ mįi kpɛli kpɛli, tɔ̨nɔ̨i lɔiɠaa kaa gwɛlii, nwɔ̨n gɔ̨nɔ̨n ni.»

Azaya 15:1

Mɛ̨nį kponąąi ɓo Moabə laa mɛ̨i, ya ka: Gbinii Arə-Moabə ə too la, ə lɛɛ a taa kpoloon. Gbinii Kirə-Moabə ə too la ə lɛɛ a taa kpoloon.

Azaya 14:23

Gáá pai nąą kɛi a palayá, a ya nwɛ̨niɠaa taa ŋą. Ŋą́ Babilonə kələ a taŋąn, gɛ́ hɛn gəlee kulɔ laa; Yai-Laa Mɛ̨nį Kəlee ŋą Hééɓomun woo li.»

Azaya 2:15

A həli kpɔ daa mąąkpɛ ɉįi walawalaɠaa diɛ, da di mɛ̨i kaa pɛlɛ́ɠaa, diɛi nu hva kpɛli lɛɠɛ diɛ.

Azaya 25:2

Yáá daa kɛ a taa kpoloon, daa yii kɛ mąątínɛ̨n ŋąą a hįį, Yáá nɛɛ a lɔi pun, Túwɔ́ pələ ɲɔ̨n gulɔ nuą, di wɔ taai, hvo kɛa a taa, hva kɛa pənə hvo tɔɔ kpɔ tanɔ̨n gbɛli.

Woolaa 2:2

Yai-Laa aa Ɉakɔbə heei kəlee wolo hvo kpɛli mąąwɛli kaa li nwɔ liiholi hu, aa Ɉuda halakpɛla mąąkpɛ hįi wolo aa dɔɔlaa da dɔɔɓɛlaa ɓɛlɛkpɛɛ diɛ, aa di too nɔi ɓa.

Ɉeremi 48:1

Mɛ̨nįi Yai-Laa Mɛ̨nį Kəlee ŋą Hééɓomun, Israɛlə nwɔ Yálá kaa moi yɛ hvilɛn na Moabə ɓa, ya ka, yɛ diɛ: Mąąwɛli mɛ̨nį aa laa Nebo taa ɓa, daa nwolo, daa Kiriataimə hon, daa nwumɛ̨ tɛ la. Gbakolo taai aa too, nwumɛ̨ aa ɲɛ̨i paa.

Izikiɛ 28:17

Ə́i kpɔwɔ ɲąą kɛnɛ̨, ə́ lɛlɛ mɛ̨nį hu, ə́ mąąwiɛ pələ ə́ ə́ wɔ kilikɛɲəi hukala. Gáá ə́ tooi lɔi ɓa, yɛnɛ̨ɛ̨ tɔɔɓɛlaa diɛ pa, diɛ ə́ kaa.