Azaya 24:8 - Yálá laawoo hɛɓɛ (dc)

⁸ Dulu woo nɛ̨ɛ̨ɠaa di hvo kɛa tɔɔi, ɉɛli pu nuą tín aa kpɛla mą, gwɛnįn nwoo nɛ̨ɛ̨ hvo kɛa tɔɔi.

Yálá laawoo hɛɓɛ

⁸ Dulu woo nɛ̨ɛ̨ɠaa di hvo kɛa tɔɔi, ɉɛli pu nuą tín aa kpɛla mą, gwɛnįn nwoo nɛ̨ɛ̨ hvo kɛa tɔɔi.

Bible

⁸ Kɔnîŋ ɣale tîŋ da gbùŋ-gbuŋ tua tîŋ da fé pâi ŋɔ́nɔ tɛ̂i.

Azaya 24:8 Referans Kwoze

Osia 2:11

Yili maą mɛ̨nį ɓa, gáá pai pənəi ŋį́ nwɔ́ mɔ̨nun həɠə ɲəi, ɲələ a həli, da nwɔ́ lɔɔ nɛ̨ɛ̨i, a ɲələi ŋą́ kɛ la bɔ, gɛ́ nwɔ́ həɠəɠaai kulɔ ɲəi, diɛi tii kɛi mąąkpulu.

M̀ɛni-lɛɛi 18:22

Ɛlɛɛ, gwɛnįn ɲɔw nuą di wɔɔ wələ woo, da vɛ́likɛ nuą, mɔ́ɔ́-tulu hvɛɛ nuą, dulu hvɛɛ nuą, di hva kɛa da woo mɛ̨n ə́ pɔɔli. Yɛlɛkɛmun da lɔpee, yɛlɛ kóló ta lɔpee, di hva kɛa gaa ə́ pɔɔli. Ɛlɛɛ, kwənąi hiɠɛ tín, hva tɔɔ ə́ pɔɔli.

Izikiɛ 26:13

Gáá pai ə́ wɔ wələ wooɠaai kpɛɛi, di hva kɛa ə́ wɔ gwɛniŋąąi woo mąn.

Ɉeremi 7:34

Gáá kwəinɛ̨ɛ̨ woo da yɛlɛ́ wooɠaa kpɛɛi Ɉuda taaɠaa hu, da Ɉerusalɛmə gwəliɠaa pɔ. Hilɛtaa wələ hva too, hilɛtaa kɛ Nɛ̨ɛ̨nu hva wələ hvaa. Mąąhɔlɔɓo, nɔi kaa pai lɛɛi a lɔi pun.

Ɉeremi 25:10

Gáá kwəinɛ̨ɛ̨ da lono nɛ̨ɛ̨ kpɛɛi di pɔ lɔi, gáá hilɛtaa wələ, da dooɲəi wələ kpɛɛi, ə mą kɛ, kwənąi hiɲɛ tin, ŋį́ nwulɔ nwɔ̨n nuwun.

Ɉeremi 16:9

Mąąhɔlɔɓo, mɛ̨nįi Yai-Laa Mɛ̨nį Kəlee ŋą Hééɓomun, Israɛlə nwɔ Yálá ə mo, ya ka, yɛ diɛ: Kwɛinɛ̨ɛ̨ kulɔ woo, yola kulɔ woo, da hvúlúlɔ wələɠaa, gáá pai gəlee kpɛɛi nɔi ŋɛ̨i hu, ka hvulú kɔ́wɔ ŋą, kaa kpinįi ka ɲɛ̨i kwələən ma.

Azaya 5:12

Bɛlɛgwəi gwɛnįn, gololon gwɛnįn, da damąn mə da kɛ dɔɔi di mɛ̨i nɔɔ kpələiɠaa ɓa, Kɛlaa, mɛ̨nįi Yai-Laa kaa gɛi, di ɲɛ̨i hva kɛ laa; mɛ̨nįi ɲee kaa mą, di hva nąą kaa,

Zôo 30:31

Haa wələ lɔ ɓə nwɔ́ gwɛnįn a doo, nwɔ́ túlúi yɛ haa wɔlɔ ɓo.

Mąątɛ̨nɛ̨ 137:2

Ku wɔ gwɛnįnŋaai hɛlɛnŋąąi kɛ, nwuluɠaai kɛ ku kwɛlɛ diɛ.

Azaya 5:14

Nąąlɔwai, ɲąmuątaa a naa taɠa kpɔ kɛnɛ̨, ə gwaną wolo hu kɛnɛ̨, nu kpɛa-kpɛaɠaa da mąąwɛli nuą diɛ yɛɛ ɉu da di wɔɔ kwəinɛ̨ɛ̨ huluun nwoo.

Azaya 16:10

Kwəinɛ̨ɛ̨ da yɛlɛ woo daa kpɛɛ ɲeeɠaa nwuɔ̨, ɛlɛɛ, di hvo kɛa mąnąi, di hvo kɛa di yee lɔwai viɲə yɛɛɠaa hu, di hvo kɛa lɔɔ kulɔi, gwəinɛ̨ɛ̨ wələɠaa daa kpɛɛ.

Woolaa 5:14

Ɉulɔgoloɠaa di hvo kɛa lii nwun dɔɔ hu, hilɛlɛa di hvo kɛa hvɛli kɛi.

Izikiɛ 28:13

Ə́ kɛ Edɛn Yálá nwɔ kɛɛnąą lɛlɛɛi, ə́ mąątínɛ̨n ŋąąi kɛ a kúwɔ́-kwɛni huwui lɔpee, da hɛni.

Zôo 3:7

A tɛ̨ą, gbinįi ti hu ə lɛɛ a gbalaa, lon və hɔlɔɓo la. Kwəinɛ̨ɛ̨ woo hvo tɔɔ gbinįi ti hu.

Amɔsə 6:7

Yili ɓə gaa mą, kaa ɓə pai kɛi nuwɔɠaa ɲɛ̨itɔwɔ kaa li luwɔlaa hu. Yili ɓə pai kɛ a viɲɛ̨ nuąi tii di wɔ hɛli puɔ kpɛlai.