Azaya 24:3 - Yálá laawoo hɛɓɛ (dc)

³ Nɔi hu aa kala kpɔ tɛ̨ɛ̨ tɛ̨ɛ̨, di ɉu hɛnŋąą kəlee həɠə, di nɔi kulɔ bihɛi, yɛ bələi Yai-Laa ə mo la.

Yálá laawoo hɛɓɛ

³ Nɔi hu aa kala kpɔ tɛ̨ɛ̨ tɛ̨ɛ̨, di ɉu hɛnŋąą kəlee həɠə, di nɔi kulɔ bihɛi, yɛ bələi Yai-Laa ə mo la.

Bible

³ Ŋ̀éniɛi su a pâi lɛɛ̂i a pilêŋ ŋá tee-tee. Yâwɛɛ ƃé m̀o tí.

Azaya 24:3 Referans Kwoze

Azaya 24:1

Ka kɛɛ kaa! Yai-Laa kaa lɔi hu kalai, yɛ nɛɛ a gboloon, gaa lɔi mɛ̨i hɛnŋąą kalaɠalai, yɛ ɉu hee ɓo nuą taɠa taɠa.

Azaya 6:11

Gɛ́ mą: «Ną́mu, ə lɛɛ ɉu lə yələ?» Yɛ mą́ą́: «Ə lɛɛ ɉu, daaɠaa di lɛɛ a di kpoloon, nu hva kɛ laa, bɛlɛ́ɠaa di lɛɛ a di howolo, nu hva kɛ mu; nɔi hu ə kala, ɛlɛɛ a kpomó.»

Mise 4:4

Nu kəlee kaa pai lɛɛi nwɔ hihɛnŋąą kwɛlɛ, ɛlɛɛ, nu ta hva di hviikpɛɛ, mąąhɔlɔɓo, Yai-Laa Mɛ̨nį Kəlee ŋą Hééɓomun ɓə ə kulɔ na.

Izikiɛ 36:4

yili mąą mɛ̨nį ɓa, kaai a Israɛlə yeeɠaa ka ka wəli tɔɔ, Mɛ̨nį kəlee ŋą Hééɓomun Yálá woo ɓa. Mɛ̨nį kəlee ŋą Hééɓomun Yálá yɛ: Kaai ɓaa a ɲeeɠaa, kaai a ɲee kpu kpuɠaa, kaai a ɲaɠaa, kaai a ɲee lɔwai lɔiɠaa, kaai a daa kpoloonŋaa, kaai ka kwɛlɛ lɔiɠaa di kɛi too ka mɛ̨i, diɛ yɛlɛ kulɔ ka hui;

Azaya 22:25

Mąą yələi tii, Yai-Laa Mɛ̨nį Kəlee ŋą Hééɓomun, yɛ diɛ: Nwulukpiɛi tii ŋį́ gbɔn kɛɛnąą wala wala ɓa, gaa pai ɓəleen ɉii, ɉu ə yali, ə too, ɉɛnŋąąi kpɔ tii kɛ di hɛlɛnŋąą mą, gəlee hu a kala, mąąhɔlɔɓo, Yai-Laa ɓə mo.

Azaya 21:17

Ɛlɛɛ, Kedarə nwɔ kilɛn bili nuą, dɛi tɛi lɔ ɓə pai lɛɛi; Yai-Laa Israɛlə nwɔ Yálái ɓə mo.

Kɔlɔnikɔ Veerɛi 36:21

Bələ ɓə, nwoo ŋɛ̨i Yai-Laa ə mo Ɉeremi laaləi, naa ə hon na; a yaai ə kɛ mą: «Ə lɛɛ ɉu nɔi ə vįitɔɔ a vįitɔɔ yələ, diɛ vįitɔɔ yələ pɔ mɛ̨nį kɛ di wɔɔ mąąwɛli hvólóɠaa kəlee yee mu, yaai gəlee pɛlɛɛ gee ɓa gaa a kwɛlan bow mɛ̨ihveelɛi.»

Dutɛrɔnome 29:28

«Mɛ̨nį yiiɠaa noɔ, Yai-Laa ku wɔ Yálái nwɔɔ li; yaa tɔ̨nɔ̨ ɓə gɔlɔn. Mɛ̨nį yiiɠaai aa di kulɔ pɔ̨nɔ̨ŋą, yiliɠaa kaa a ku wɔɔ kwa ku lonnii, kuɔ pɛli dɔ́n ŋɛ̨i hu wooɠaa kəlee kɛi a yələ kəlee mɛ̨nį.

Dutɛrɔnome 29:23

Nąąlɔwai, hį́i kəlee kaa pai kɛi diɛ: ‹Lə ɓə kɛ yaai, Yai-Laa ə nɔi ŋɛ̨i hon bələ kɛ ŋɛ̨i-oo? Niiholi kɛnɛ̨i ŋɛ̨i ə gulɔ, nwun maa a lə?›

Ɉeremi 13:15

Ka ka wəli tɔɔ! Ka mɛ̨nį mɛ̨n a nɛlɛɛ. Ka hvo ka wəli nwala-nwala: Yai-Laa ka tii hvaai!

Azaya 5:6

Gáá nąą kɛi a mąąwɛli lɔi, di hva kɛa mɛ̨i tee, di hva tumɔ kulɔ ɉu, ɲąąlən da ɓomodiliin mə pai ɓɔn ɉii laa, ɛlɛɛ, ŋį́ tɔ́n dɔɔ tulɔ kpinįnŋąą diɛ, di hva kɛa tulɔ pu mɛ̨i.

Azaya 24:2

Ɉaláá laa həli nuą, da nɔi lonnii, luwɔ nąmu, da nwɔ luwɔi, luwɔ leenɛ̨ą, da nwɔ luwɔ nɛ̨ɛ̨nu, lɔwɔtɔɔmun, da lɔwɔtíɲɛ̨ yamun, hiɲɛ̨n gɛmun, da hɛn nąmu, kwələ tɔɔmun, da kwələ həɠəmun.

Azaya 24:4

Lɔi kaa wɔlɔi, ɉu yɛ kala, yɛnɛ̨ɛ̨ kəlee kaa kulɔi nwului, ɉu yɛ kala, lɔi mɛ̨i hee ɓo nuą lɔwai, nu kpɛa kpɛa kaa kulɔi di wului.

Mise 2:4

Mąą yələi, da kaa ka laa too, a yɛlɛ mąą wələ, mɛ̨nįi tii aa gbɛa mun hɔlɔ kɛ, di kaa pai kɛi diɛ: «Daa ku hukala kpɔ tɛ̨ɛ̨ tɛ̨ɛ̨, daa nwɔ́ nuąi kwɛlin gulɔ di yəi, gulɔ mɛ̨nį ɲə́i nwun maa lə? Di kaa ku wɔ tíiɠaai ɲąąkwɛlɛi kulɔ nwoo mu nuą lɔwai.»

Azaya 42:22

Kɛlaa, nu huwu ta ka ŋɛ̨i, daa too di mɛ̨i, daa di yəi hɛnŋąą kulɔ di yəi, daa di too gaho ŋą kwɛni woloɠaa hu, daa di lɔ gaho pɛlɛ́ɠaa mu, diɛ di paa, kɛlaa nu ta hvo kɛi di kulɔ ɉu, diɛ too di mɛ̨i, ɛlɛɛ, nu ta hvo kɛi kɛ diɛ: «'Ka pənə ka dɛɛ di pɔ!»