Azaya 24:21 - Yálá laawoo hɛɓɛ (dc)

²¹ Mąą yələi tii, Yai-Laa kaa pai nwoo tooi ɉu, yɛ tɔɔ yələkwəi kɔlaɠaɠaa la yələ, ɛlɛɛ, lɔi mɛ̨i pələ, yɛ tɔɔ lɔi mɛ̨i tɔɔɓɛlaa la.

Yálá laawoo hɛɓɛ

²¹ Mąą yələi tii, Yai-Laa kaa pai nwoo tooi ɉu, yɛ tɔɔ yələkwəi kɔlaɠaɠaa la yələ, ɛlɛɛ, lɔi mɛ̨i pələ, yɛ tɔɔ lɔi mɛ̨i tɔɔɓɛlaa la.

Bible

²¹ Maa ɣêlei tí, Yâwɛɛ a pâi ŋ̀ele-kɔlɔŋ su wala-wala-ƃelai da ǹɔii ma-ƃela láa túɛ-ƃelai kula maa kɛ̂i.

Azaya 24:21 Referans Kwoze

Mąątɛ̨nɛ̨ 76:12

Ka mɛ̨nįɠaa laakwɛlanmo, Yai-Laa ka wɔ Yálái ɓa, ka di pɔ mɛ̨nį kɛ; 'ka pa a ka wɔ hąmą pilɛɠaai Yálá mąąɲɔwuɔ pɔ, kaai kpɔ ti a gwɛlɛ nuąi.

Azaya 10:12

Kɛlaa, ɲələi Yai-Laa kaa pai ɲee laa kulɔi la nwɔ koloi kəlee ɓa Siɔn yee nwuɔ̨ da Ɉerusalɛmə daai, gaa pai kɛi diɛ: «Gáá kɛa nwɔ́ nąą kɛi Asiri tɔɔmun ŋą kpɔwɔ ɲąą kɛnɛ̨ mɛ̨nįi ŋɛ̨i hu, da ŋą tɛɠɛɓoɉulaa.

M̀ɛni-lɛɛi 18:9

Nąąlɔwai, lɔi mɛ̨i tɔɔɓɛlaai kpɔ di kpɔwɔ tɛɛ bɔ, da diɛni diɛ wɛlikɛ, ɛlɛɛ, diɛ ɲąąnɛ̨ɛ̨ kulɔ, da pa gələn nwɔ̨n nului tii kaai, da wɔlɔ diɛ di woolaa a mąą mɛ̨nį.

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»

Azaya 2:12

Yai-Laa Mɛ̨nį Kəlee ŋą Hééɓomun, aa hvóló ta həɠə ɉu, ə gɛ, ə kiti tee, nuąi da di kpɔwɔ kaa a nu kpɛa-kpɛa, di hunɛ̨ɛ̨, a di mąą yɛɛ.

Azaya 13:11

Gáá pai nwą́nąkulɔi yɛnɛ̨ɛ̨ ɓa, ɉɔn ɲɔ̨nwɔ̨ mɛ̨nį ɓa, gɛ́ nwą́nąkulɔ nwąnąlɔ nuą diɛ, di wɔ nɛ̨ŋɛ̨nŋąąi mąą mɛ̨nį ɓa, gɛ́ kpɔwɔ ɲąąkɛnɛ̨ kulɔ tɛɠɛɓo ɉu nuą yee pɔ, gɛ́ nu mɔ̨nɔ̨ɓo tɔɔɓɛlaa, di wɔ ɓələn mąą yɛɛ.

Azaya 24:4

Lɔi kaa wɔlɔi, ɉu yɛ kala, yɛnɛ̨ɛ̨ kəlee kaa kulɔi nwului, ɉu yɛ kala, lɔi mɛ̨i hee ɓo nuą lɔwai, nu kpɛa kpɛa kaa kulɔi di wului.

Azaya 60:11

Ə́ wɔ kponŋaai laa kaa pai kɛi a moɔ a yələ kəlee, di hva di laa kpulu, ə kɛ a hvóló ə kɛ a kpinį, nuą diɛ pɛli pai ə́ pɔ a hįį lɔi takpɛliɠaa hu hɛngɔwɠaa, di wɔ tɔɔɓɛlaa ɓə pai kɛi pai a ɉɛnŋąąi tii, di ɓo yɛli ɓa.

Sofoni 1:8

Yaan, ɉaláá kulɔ yələ, gáá pai ɲéé pɛlɛi nɔi nwun nąmįną diɛ, da dɔɔɓɛlaa lonnii, da nuąi nwɛ̨ą mąą yili wɛli kaa diɛ.

Izikiɛ 39:1

«Hulɔnu lon, gwə́i mɛ̨nį ɓo, yɛ hvilɛn Gɔgə ɓa; 'kɛ mą: Mɛ̨nį kəlee ŋą Hééɓomun Yálá woo ka: Vílɛn ŋąąi ə́ pulu Gɔgə, Mɛsɛkə da Tubalə tɔɔmun gɛnɛ̨.

Izikiɛ 39:5

Ə́ kaa pai tooi gɔ́ hɛ̨ąi; Nwóó li, Ɲą́ą́ Mɛ̨nį kəlee ŋą Hééɓomun Yálá, nwóó li.