Biblia Todo Logo
Bib sou entènèt

- Piblisite -




Azaya 24:20 - Yálá laawoo hɛɓɛ (dc)

20 Lɔi kaa tɔɔi takpa takpa yɛ lɔɔ hon, aa hviyɛn yɛ hə́lə́kpuwulu, nwɔ nɛ̨ŋɛ̨n aa wiɛ mą, a too, hva pɛli muhəɠəi.

Gade chapit la Kopi

Yálá laawoo hɛɓɛ

20 Lɔi kaa tɔɔi takpa takpa yɛ lɔɔ hon, aa hviyɛn yɛ hə́lə́kpuwulu, nwɔ nɛ̨ŋɛ̨n aa wiɛ mą, a too, hva pɛli muhəɠəi.

Gade chapit la Kopi

Bible

20 Ǹɔii a pâi kɛ̂i díkɛ̂i tàka-taka yɛ̂ɛ lɔɔ kpele-nûu, gɛ́ làa-laa bɛ̂rɛ ma yɛ̂ɛ fãa a sèe pɛ́rɛ ma. Ǹɔii ŋɔsɔnyɔ̂ŋ a wuyɛ ma a ŋánaa. A pâi toôi ǹyaŋ vé ŋɔ́nɔ pâi mu siɣêi.

Gade chapit la Kopi




Azaya 24:20
26 Referans Kwoze  

Yai-Laa aa nwun ɉu tinɛ̨n ɲɔ̨n bɛlɛ diɛ, diɛ Eziptə tɔɔ lɔ takpa takpa gɛ mɛ̨nįɠaa kəlee hu, yɛ bələi lɔɔ hon a kɛ tɔɔi la, yɛ ɓaɠi.


Nuąi kɛi di kwɛla a Samari hali laa, Diɛi kɛi di kwɛla, diɛ kɛ mą: «Dan! Ə́ wɔ halii laa hu!», A wala kɛ tii, «Beɛrə-Seva pələi laa hu!» Nuą tii da too di hva kɛa di muhəɠə.


Nąąlɔwai, gaa pai tinɛ̨n ɉii ə ɲɛ̨i hee bɔ lɔi taaɠaa diɛ, yiiɠaai di mąątínɛ̨n ŋąą a hįi, kɛlaa, hva tɔ̨nɔ̨ hɔlɔɓo yili hu, kɛlaa yaamun, a haa, naa hva kpɛli lɛɛ lɔi mɛ̨i.


Ka kwəi ə pili kaa, hvaa hvo kulɔ ka la, ka ɲɛ̨i ə pu, ka lɛɛ lɔ kɛa tii; ka kɛ tɔɔi takpa takpa, kɛlaa hva kɛ a lɔɔ laa pɔɔ, ka kɛ ka yee pɛlɛi ɓɛ-ɓɛ, Kɛlaa lɔɔ laa hva kɛ ɉu.


Ya ɓə, malaka ta ə kwɛni kpuwulu kɛnɛ̨ ta həɠə, ə ɓo yɛ kwɛną, ə bili gboloyá hu, yɛ mą: «Bələ ɓə di kaa pai Babilonə taalee pilii la a hvaŋą; di hva kɛa gaa.


Aa nwɔ́ túwɔ́ pələ ɲɔ̨n gəlee kili lɛɛ ŋą, aa gəlee laa ɲee kpala. Aa kwɛli pili ɉúnwɛ̨i, aa hvaŋą kpɛɛ ɲə́i, aa dɛ́ɛ́ ɲówóɠaa pɔ. Vá pɛli mą́ą́kɔ̨nwɔ̨i.


Ə́ kaa pai kɛi diɛ: «Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka: ka ká kpələ kpɔ ə lɛɛ ɉu ə ka hon, kaa ɓaɠi, ka too ka hva pɛli ka muhəɠəi, gɔ́ kɔ́ ɓɔwai gáá pai bilii ka lɔwai ɲɛ̨i tɔwɔ.»


Mo diɛ: Yɛ́ diɛ: Yai-Laa woo ka; yɛ diɛ: Akɛti, nu a too, hva kɛa pənə hvo muhəɠə? Akɛti, nu a bulu tinɛ̨n, hva kɛa yali gələn ma?


Ə́ nąn dɔlɔɔ tɔlɔɔ ə ɉɔn gɛ, ə́ woo laa tɛɛ nuą di di kwɛli tee ɲə́i.


Daa nwɔ́ yɛnɛ̨ɛ̨ wɛan ɲə́i, daa li la kwəa la, yɛ ɓuwu haɠa. Gáá yɛ həɠə palamun, ŋą́ą́ həli nwɔ́ yɛnɛ̨ɛ̨ laa kulɔi, daa nwɔ́ yeei vani tee. Ə həɠə yələ wala pɔ ɓa, gɛɛ kpinį hvo pɛlɛ, yáá mą kpɛɛ a ɉú kalaa.


Kɛlaa, kpalo kaa pai ɓɛlai kwɛlitee nuą da nɛ̨ŋɛ̨n ɉəɠə nuą diɛ, nuąi daa di pulu tɔɔ Yai-Laa ɓa, di nwun na a pili,


Siɔn nuą diɛ tɔ̨nɔ̨ lɔ ɓə daa lɛɛ, yɛ ɓuwui gaa viɲə yɛa, yɛ kpolo kələi gaa kilikɛmąą yɛa, gaa yɛ taai mąą tínɛ̨n ŋąą a kɔlaɠa.


Di nwun ɉu yɛ tínɛ̨n, diɛ tɔɔ tapi-tapi, yɛ lɔɔ hon, Gələn ɉiɛ yɛlɛ kpaɠala kəlee yɛ pili diɛ.


Ə́ wɔ líiholii aa kulɔ ną́ą́ kəlee, aa gbóną. A tɛ̨ą, gɔ́w kəlee kponąąi ɉú, a gɛ́ nɛ̨ŋɛ̨n naa pɔɔ!


Diɛ di yee pɛlɛ ɓɛ-ɓɛ kpinį hu, ɓɛi kɛɛ pɔ̨nɔ̨ hvo laa, yɛ di tɔɔ takpa-takpa yɛ lɔɔ honŋąą.


Ka kɛɛ kaa! Yai-Laa kaa lɔi hu kalai, yɛ nɛɛ a gboloon, gaa lɔi mɛ̨i hɛnŋąą kalaɠalai, yɛ ɉu hee ɓo nuą taɠa taɠa.


Ɉaláá laa həli nuą da Yálá kwəi mɛ̨nį hukulɔ nuą kəlee, lɔɔ aa di nwun ɉu lan, nɔɔ kpəɠiɛɠaai tii kaa di tɔɔi takpa takpa; lɔɔ aa di nwun ɉu lan ɲee aa tɛɛ diɛ, nɔɔ kpəɠiɛɠaa tii kaa di tɔɔi takpa takpa; di nwɔ hį́iɠaa kili yɛ kpɛɛ di ɲą, diɛ lan ɉukulɔi.


Nuąi daa di kwɛli tee ɲə́i, di powa kaa pai kɛi puuni, nuą da kulɔ, diɛ di kaa. Di mįi kóló hvo pai haai, di kələn nwɔ̨n va luwun di kaa pai kɛi a nu huwu kəlee mąą ɲɔw hɛn.


Yeeɠaa da kɛ kpɛlin ɉii ɲɛ̨i tɔwɔ, yee kpu kpuɠaa diɛ tɔɔ takpa takpa, lɔi a gaa, ɉu yɛ pu mą, yɛnɛ̨ɛ̨ pilɛɛ gee mɛ̨i da ɉu hee ɓo nuą kəlee.


Bulu kaa pai kpɔlui, nu ta hvo kpɛli pai giliŋąhiɛi yɛ kɛ diɛ aa ta kɔ̨nɔ̨n ɉɔlɔɓo kɛnɛ̨.


Ŋą́ ɲɛ̨i hee ɲeeɠaa diɛ; di kaa kpɛli ɉii. Ɲee kpu kpuɠaa kəlee diɛ gɛ ɉuwu-ɉuwu.


Lɔi mąą kaa kpɛlin ɉii, nwun mini-mini yɛ yɛɛ laa, mɛ̨nį Yai-Laa ə mo, gaa kɛa gɛi. Yaa ɓaa, ə Babilonə lɔi mąą pənə a lɔi pun! Ə ɉu ɓo; ə ɉu nuą kəlee kulɔ ɉu.


Swiv nou:

Piblisite


Piblisite