Azaya 24:12 - Yálá laawoo hɛɓɛ (dc)

¹² Mɔ̨nɔ̨ kɛnɛ̨ lɔ ɓə kɛa daa kwəi, daa kpon aa kala, yɛ too.

Yálá laawoo hɛɓɛ

¹² Mɔ̨nɔ̨ kɛnɛ̨ lɔ ɓə kɛa daa kwəi, daa kpon aa kala, yɛ too.

Bible

¹² Daa-lêe-ŋai lá geti-ŋai kélee da wólo, daa-lêe-ŋai su a kara, ǹaa a lɛɛ a pilêŋ ŋá.

Azaya 24:12 Referans Kwoze

Mise 1:12

Ɲɔ̨n Marotə nɛ̨ɛ̨nu kaa gɛi, nwalawalaai mą, a neelee, mɛ̨nį ɲąąnwąnąą aa həɠə Yai-Laa pɔɔli, aa yɛɛ Ɉerusalɛmə gbon ma.

Mise 1:9

A tɛ̨ą, gɛ́lɛ́i daa mo, ɉali hvo mą. Ɉimą aa Ɉuda kulɔ, yɛ həli kpɔ nwɔ́ nu huwui kəlee ɓa, yɛ həli kpɔ la Ɉerusalɛmə ɓa.

Woolaa 5:18

Siɔn yee mąą a wɛli kɛa; lɔwɔ-yilɛɠaa diɛ gilɛ həɠə mą.

Woolaa 2:9

Siɔn kponŋaa kəlee daa lɛɛ pɔ́lɔ mu, naa kpulu kwɛliɠaa kəlee hu aa yali yali. Dɔɔmun da nwɔ kalanɉonŋaa daa lɛɛ nu takpɛliɠaa yee mu. Yálá kwəi mɛ̨ni hukulɔ mɛ̨ni hvo kɛa ɉu laa. Yálá hvo kpɛli kɛa gwəi mɛ̨ni lɛi gwəi mɛ̨ni hukulɔi nuą diɛ.

Woolaa 1:4

Siɔn daa pələɠaa kəlee daa kpɔlɔɔn. Nu ta hvo kɛa lii laa hɛli ɓa. Gwəli hɛ̨ąiɠaa kəlee daa kpɔlɔɔn. Ɉaláá laa həli nuą diɛ di woolaa. Siɔn halakpɛlaɠaa kwəi aa pili diɛ. Siɔn aa lɔ liikələn gwəi hu.

Woolaa 1:1

'Ká ɓɛ gaa lə! Daai kɛ naahvɛɛ a nu kan, ya ka daa lənə mą. Aa lɛɛ yɛ kalanin. Yaai wɔlɔ kɛ a tɔɔ taa, aa lɛɛ a kóló-ku-duwɔ.

Ɉeremi 9:11

Gbɛɛ ɓə kilí kaa mą, yɛ pɛli mɛ̨nį kpaɠaa la kaai, ə lɛɛ nwoo Yai-Laa a nɛ mą, ə nolo ɓo? Lə ɓə kɛ, yaai nɔi aa kala? Kɛɛnaa kəlee daa kələn. Nu hva tɛɛ laa?

Azaya 32:14

Dɔɔmun ŋą pɛ́lɛ́i aa lɛɛ a vowolo, daai tii kɛ naa hvɛɛ a nukan, aa lɛɛ a gboloon, ɲee kpu kpu da daa mąą kpɛ hį́i, daa lɛɛ a huwɔ pɛlɛi a yələ kəlee mɛ̨nį, a hoohvaalənŋaa di wɔ kwəinɛ̨ɛ̨ kulɔi, da taatɛlɛɛɠaa laamįi…

Maafîu 22:7

«Dɔɔmun tii líí ə holi ə nwɔ holahiɠaa tɔɔ, ə gə, də li nuą tii dinuą paa, di yiliɠaai paa, ə lɛɛ, di nwɔ̨n nɔ di wɔ taa hu naa ə kələn.

Azaya 14:31

Kponŋąą, ka ka woo laa, taaɠaa, ka tómą, Filisti lɔi kəlee aa too, nwɔ̨n nulu kaa həɠəi ɲánwuɔ̨ pələ, nu ta hvo gɔwɔ kulɔ mɛlaa kɔ́wɔ pɔ.

Azaya 32:19

Kɛlaa, daa hu kaa pai kalai a hanwon gbuɠulu laa pɔɔ ɛlɛɛ, daa mąą yɛ yɛɛ kpɔ kɛnɛ̨.

Azaya 45:2

Ɲą́ą́ gbinįi, gáá pai kɛi hiɛi ə́ ɲɛ̨i tɔwɔ, gɛ́ gbu-kpuɠaa mąą yɛɛ, gɛ́ gwɛli kponŋąą hu yali, gɛ́ bɛlɛ́ laa kpulu kwɛliɠaa hu yali yali.