Azaya 24:1 - Yálá laawoo hɛɓɛ (dc)

¹ Ka kɛɛ kaa! Yai-Laa kaa lɔi hu kalai, yɛ nɛɛ a gboloon, gaa lɔi mɛ̨i hɛnŋąą kalaɠalai, yɛ ɉu hee ɓo nuą taɠa taɠa.

Yálá laawoo hɛɓɛ

¹ Ka kɛɛ kaa! Yai-Laa kaa lɔi hu kalai, yɛ nɛɛ a gboloon, gaa lɔi mɛ̨i hɛnŋąą kalaɠalai, yɛ ɉu hee ɓo nuą taɠa taɠa.

Bible

¹ Yâwɛɛ a pâi ǹɔii su karâi é ǹaa lɛɛ a bûŋ. A pâi gɛ̂i ǹaa-ƃela kélee dítaa-tâa.

Azaya 24:1 Referans Kwoze

Nahumə 2:10

Ka nwali həɠə, ka ɉɛni həɠə, ɉɛn laa, kpɛɛ hvo mą; hɛn nɛlɛɛ huwu kəlee puɔi laa gee mɛ̨i.

Azaya 2:19

Ka lɔ gwɛni woloɠaa hu, ka lɔwa tee ka lɔ ɉu, ə gɛ, Yai-Laa nwɔ liiɲąnwąnąai pai, ka pu ka həɠə dɔwɔ, ka ka mąąkilɛ nwɔ nwąną kulɔ vaŋąi tɔwɔ, ɓɛlɔwai gaa pai muhəɠəi la, lɔi hutɔɔ mɛ̨nį ɓa.

Azaya 42:15

Gáá kɛa pai yeeɠaa da yee kpukpuɠaa di hu taɠai, gɛ́ di mɛ̨i kalaɠaa kəlee laa kpala di ɲą, gɛ́ tɛɛyá kpɛa-kpɛa hu tee a gbįnįn-gbįnįn, gɛ́ powaɠaa hu kpala.

Azaya 24:20

Lɔi kaa tɔɔi takpa takpa yɛ lɔɔ hon, aa hviyɛn yɛ hə́lə́kpuwulu, nwɔ nɛ̨ŋɛ̨n aa wiɛ mą, a too, hva pɛli muhəɠəi.

Izikiɛ 35:14

«Mɛ̨nii Mɛ̨nį kəlee ŋą Hééɓomun Yálá kaa moi ya ka; yɛ: Mąąhɔlɔɓo nɔi nąą kəlee ka kwəinɛ̨ɛ̨ hu, gáá pai ə́ kɛi a lɔi pun;

Izikiɛ 12:20

Daaɠaai tii nuą kaa ɉu, da lɛɛ a taa kpoloonŋaa; nɔi yɛ lɛɛ a lɔi pun. Ká gili kɔ́lɔn nąąlɔwai, kaa kɛ, Ɲą́ą́ ɓə a Yai-Laa.»

Lukə 21:24

Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Izikiɛ 6:6

Ɓɛi lɔpee ka káá pai kɛi laa, da daaɠaa pu, diɛ ɉaláá kulɔiɠaa hu taɠa taɠa, diɛ ka wɔ halaa kulɔiɠaa hu kala la ti; nąą ɓɛlɛ yɛ kpɛɛ la mą; diɛ ɉali mąąnįnįnŋąą yali yali, di mąą mɛ̨nį yɛ kpɛɛ; diɛ ɉali kɔ́ pɛlɛ́ɠaa wolo, diɛ ka yee pɔɔ taɠa taɠa.

Izikiɛ 5:14

Gáá pai ə́ kɛi a lɔi pun, a nwumɛ̨ hɛn, nɔiɠaai ə́ kwɛlɛ gəlee ɲɛ̨i ɓa; nuąi kpɔ da tɛɛ ɓɛ di ɲɛ̨i ɓa.

Izikiɛ 5:2

Ə́ ɉeei tɔ̨nɔ̨ kələn daa hɛ̨ąi; ɲələi da kpɛɛ la a gɔ́ həɛ daa ɓa; ə́ ɉeei tɔ̨nɔ̨ həɠə, ə́ ɉu tee a mowa kwɛaa, ə́ daa mąątínɛ̨n na, ə́ doo gee hu. 'Ə́ gbəli taɠa hvaŋą hu, gáá pai ɓɔwa kwəaa kulɔi daa hu di pɔ.

Ɉeremi 9:16

Mɛ̨nį Kəlee ŋą Hééɓomun Yai-Laa woo ka, yɛ diɛ: Ka ka kiliŋąhiɛ kɛa, ka ɉaa wɔlɔ ɓo nɛ̨ąą təli, yiiɠaa kpɔ di wɛlɛɛ, di pa.

Azaya 33:9

Nɔi kaa haa wɔlɔ ɓoi, yɛ kpala; Liban aa nwumɛ̨, yɛ kpala, Sarɔn aa kɛ yɛ Ɉurdɛn ɲa-ɓoloon bɔ lɔi, Basan da Karmɛlə wuluɠaa di laa aa pu.

Azaya 29:16

Lə mɛ̨nį həɠɛɛ li a gbowola pələ! Da mɔ̨ɔ̨ pɛli ləɠi tɔɔmun ɉon ɉii yɛ ləɠi pɔlɔ? Kóló a mɔ̨ɔ̨ pɛli kɛi gɛmun mą: «Yɛ́ hvə bɛ́li?» Ləɠi kpɛli a mɔ̨ɔ̨ pɛli kɛi diɛ: «Ləɠi tɔɔmun hvo mɛ̨nį kɔ́lɔn?»

Azaya 27:10

Daai tii mąątínɛ̨n ŋąą, gaa pai lɛɛi dɔ̨nɔ̨ kon ɉu, a taatɛlɛɛɠaa laamįi kpomó, nɛɛi gbɔwɔ ɓa yɛ lɔi pun, nįŋɛ̨ lon gaa pai pai yɛ naa mįi laa; yɛ laa laa, yɛ wulu laaɠaa mįi.

Azaya 5:6

Gáá nąą kɛi a mąąwɛli lɔi, di hva kɛa mɛ̨i tee, di hva tumɔ kulɔ ɉu, ɲąąlən da ɓomodiliin mə pai ɓɔn ɉii laa, ɛlɛɛ, ŋį́ tɔ́n dɔɔ tulɔ kpinįnŋąą diɛ, di hva kɛa tulɔ pu mɛ̨i.

Mąątɛ̨nɛ̨ 146:9

Yai-Laa a nwɛ̨ąą mąąkɔ̨nwɔ̨, a ɲee hee təlilon da kalanin di mu. A mɛ̨nį ɲɔ̨n gɛmun dɛɛ kpaalə hu kala.

Nehemi 1:8

Ə́ kiliŋąhiɛ mɛ̨nį ə́ mo yɛ tímun Moisə ɓa, yaai ə́ kɛ mą: ‹Akɛ ka ka woo lɛɛi, ɲą́ą́ ŋį́ ka taɠa taɠa hį́i takpɛliɠaa lɔwai.

Tɔɔɓɛlaa veelɛ 21:13

Bələi ŋą́ Samari lɔi kala la da Akabə nwɔ pɛ́lɛ́i, bələ ɓə gáá pai Ɉerusalɛmə taa kalai la. Gáá pai Ɉerusalɛmə hu waai, yɛ da kɛi hɛnɲąŋą hu waa.

Dutɛrɔnome 32:26

Ɲą́ą́ ɓə mo; gáá di hu teeteei a gbuwɔ kpuwɔ, gáá di laa kpɛɛi nuą lɔwai.

Dutɛrɔnome 28:64

Yai-Laa kaa pai ka taɠa taɠai nu huwu kəlee lɔwai, yɛnɛ̨ɛ̨ nąą kəlee. Ka káá pai kɛi tíi kɛi haliɠaa diɛ, diɛi di kaa a: kwɛniɠaa da wuluɠaa, diɛi, kaa-o ka nąnni-o ka hvo ta di kɔ́lɔn ni.

Dutɛrɔnome 4:27

Yai-Laa a ka taɠa taɠa lɔi mɛ̨i nuą lɔwai; ka huwu ta wolo tiikpə lɔ ɓə a lɛɛ lɔiɠaa lɔwai, ɓɛɠaai Yai-Laa kaa pai lii laa a kaa.

Izikiɛ 24:11

Gwɛli ləɠi howolo hee nwɔ̨n dəŋa ɲa, ə hulɔ, gwɛli ə kpɔlu, ɉu pələ kalaɠaa di kələn, mɛnɛ̨i tii gaa mą ə kələn.

Ɉeremi 40:15

Yili ɓə gɛ, Karea lon Yohanan ə mo Gedaliasə ɓa loo pələi Mispa, yɛ mą: «Hvaa mą ŋį́ li ŋį́ Netania lon Yismaɛlə paa, nu ta hva gili kɔ́lɔn. Ə́ kaa mɔ̨ɔ̨ lɔ bɔ ə ə́ paa? Ɉuda nuąi kpɔ tii daa di ɲąąkpɔn ə kwɛlɛ, da lee lɛɛ di kpɔɔ ɓa, ɛlɛɛ, nu gbəlii aa lɛɛ Ɉuda lɔi hu, nwuna ə pili.»

Zĩi 1:1

Ɲą́ą́ Ɉakə, Yálá ŋą tímun da Ną́mu Jesus Kristə, gáá ɉɛɓɛ́i ŋɛ̨i tɛɛi Israɛlə nu huwu pow kɔw hveelɛi ɓa, diɛi, di taɠa-taɠaa yɛnɛ̨ɛ̨ nąą kəlee; gáá ká túwɔ́ ɓoi.

Gɛlaɠaa 17:6

Lii di mo di hvo di kaa laa, di Ɉasɔn hon da galan nɛa taɠaa, di pa a diɛ daa nąmįną lííla. Diɛ tomą, diɛ kɛ: «Nuą ŋɛ̨i daa lɔi kəlee kulɔ bihɛi, diɛ ka ɓɛ yiihu.

Ɉeremi 50:17

Israɛlə ə kɛ a ɓɛlaa haa lɛɛ gbɔwɔ ɓa, yalaɠaa hvilɛn ŋąą kɛ bulu, diɛ gbɛ. Asiri tɔɔmun aa gbɛa kɛ naa pɛlɛ mą, yili pulu, Babilonə tɔɔmun Nabukodonosorə ə gbəli mį́i kpɔ, ə ɉəli gɔw ɓa.

Ɉeremi 4:7

Yala aa kulɔ ɲəi gban mu, nɔiɠaa kalamun aa hvilɛn bələ ɓa, aa həɠə bɔɔli, yɛ pa kuɔ lɔi kala mɛ̨nį ɓa, di kaa pai kuɔ taaɠaa kələn ɉii diɛ naa lɛɛ a taa kpoloon.

Azaya 13:5

Di kaa həɠəi kwɛala lɔi hu, yələkɔlɔn gbɛlai pələ, Yai-Laa da nwɔ liiholii nwąnąkulɔ hɛnŋąąi, di kaa pai nɔi kəlee huwoloi,

Azaya 13:13

Gáá pai yələkɔlɔn ɉiɠi-hiɠi ɓoi, lɔi yɛ kpɛlin ɉeei, Yai-Laa Mɛ̨nį Kəlee ŋą Hééɓomun ɲɛ̨i tɔwɔ, a ɲələi nwɔ liiholii kaa pai muhəɠəi la.

Azaya 24:19

Lɔi aa ɓɛla ɓɛla, lɔi yɛ taɠa taɠa a gbuɔ kpuɔ, lɔi hiɠi-híɠi aa ɓo kpɔ a nwala nwalaa.

Azaya 30:32

Yai-Laa nwɔ gbɔn pili pələ mą tɛi tɛi, damąn nwoo, da gwɛnįn nwoo da tɔɔ, ɛlɛɛ, Yai-Laa kaa pai kɛi heei ɉu, yɛ ɲee kpɛŋɛ̨n mɛ̨i.

Azaya 34:2

Yai-Laa nwɔ liiholii aa muhəɠə lɔi kəlee laa ɓa, nwɔ kɛɛ kala liiholii aa muhəɠə di wɔ kɔlaɠa kəlee pɔ, aa ɲee lɛ diɛ di hukala mɛ̨nį ɓa; aa ɲee ɓo diɛ, di hukala.

Azaya 34:10

nwɔ̨n tii hva luwun hvóló da kpinį; nulu kaa pai kɛi tɛi kpɛɛ hva kɛ mą, a lɛɛ a lɔi pun a kwɛlan gəlee, nu ta hva kɛa tɛɛ laa ɛlɛɛ la ɉu.

Ɉeremi 51:34

«Babilonə tɔɔmun Nabukodonosorə aa mį́i, aa gbɔ́lɔ kəlee yala ɉú, aa gɛ yɛ kɔ́wɔi da ɉu kɔ́mɔ̨, aa gbələ yɛ yileen, aa goo laa hvɛɛ a nwúlɔ, aa nówó pílii.

Nahumə 1:5

Yeeɠaa da kɛ kpɛlin ɉii ɲɛ̨i tɔwɔ, yee kpu kpuɠaa diɛ tɔɔ takpa takpa, lɔi a gaa, ɉu yɛ pu mą, yɛnɛ̨ɛ̨ pilɛɛ gee mɛ̨i da ɉu hee ɓo nuą kəlee.

Azaya 29:2

Gáá pai heei Ariɛlə ɓa, di kaa pai kɛi di woolaai, diɛ ɲiŋɛ̨; gaa pai kɛi ɲə́i a kuláá ta.

Azaya 32:12

Kaa ka woo laa, kaa ka kəŋə hu tuwo, kaa wɔlɔ ka wɔ yɛɛkɔwɔ lɛlɛɛɠaa mɛ̨i, kaa wɔlɔ ka wɔ mɔ̨nun nɛlɛɛɠaa mɛ̨i.

Izikiɛ 6:14

Gáá pai ɲee pɛlɛi diɛ; ɛlɛɛ, ɓɛi lɔpee di kaa pai kɛi laa nɔi ɲɛ̨i hu, ŋą nąą kɛ a lɔi pun mąąwɛlia; ə həɠə gbali hu kələnŋąą ɓa, ə həli la Divla. Da gili kɔ́lɔn nąąlɔwai diɛ Yai-Laa ɓaa a Ɲą́ą́.»

Izikiɛ 7:12

Nąąlɔwai kaa pai, ɲələ aa lɛɠɛ, hɛn ɲamun və kwəinɛ̨ɛ̨ kulɔ; hɛn nɔwɔtɔɔmun və kɛ liiɲąnwąną hu. Mąąhɔlɔɓo, kɛɛ kala liiholi kaa pai heei nɔi hu hɛn gɔw kəlee diɛ.

Izikiɛ 7:14

Di kaa pai tulu hvɛɛi, diɛ di kpɔwɔ pɛli, kɛlaa, nu ta hvo pai lii gɔ́ ɓa. Mąąhɔlɔɓo, nwɔ́ kɛɛ kala liiholi hvilɛn ŋąąi yɛnɛ̨ɛ̨ hɛnŋaa kəlee pulu.»