Azaya 23:17 - Yálá laawoo hɛɓɛ (dc)

¹⁷ Kwɛlan bow mɛ̨ihveelɛ a tɛɛ, Yai-Laa kaa pai Tirə mąą mɛ̨nį ɲɛ̨i kulɔi, ə pənə ə nwɔ yɔwii kɔ́wɔ tɔɔ, ə pənə nwɔ̨nɔ̨ yɛ gbɔwɔ kɔ́lɔ lɔwɔ́tɔɔ yɛnɛ̨ɛ̨ tɔɔlɔiɠaa kəlee diɛ.

Yálá laawoo hɛɓɛ

¹⁷ Kwɛlan bow mɛ̨ihveelɛ a tɛɛ, Yai-Laa kaa pai Tirə mąą mɛ̨nį ɲɛ̨i kulɔi, ə pənə ə nwɔ yɔwii kɔ́wɔ tɔɔ, ə pənə nwɔ̨nɔ̨ yɛ gbɔwɔ kɔ́lɔ lɔwɔ́tɔɔ yɛnɛ̨ɛ̨ tɔɔlɔiɠaa kəlee diɛ.

Bible

¹⁷ Góraŋ buu lɔ́ɔlu mɛi feerɛi a kpɛ̀ɛ, Yâwɛɛ a pâi gɛ̂i nûa dí Taya taa-leei tɔ́ɔ pôlu. Ǹaa-pɔni tɔɔ-ƃelai da pâi kɛ̂i dípɔni-ŋai tɔɔ̂i ŋ̀éniɛi gwaa kélee. Nûa da pâi ŋɔ́nɔ m̀aa mɛ̂ni kɔ́lɔnîi.

Azaya 23:17 Referans Kwoze

Nahumə 3:4

Dúwɔ pələ ɲɔ̨n gulɔ nɛ̨ɛ̨nui nwɔ nɛ̨ŋɛ̨nŋaai laa pɔɔ li, nwəlɛɛ kɛ nuą ɲɛ̨i kwɛlii, nɛlɛɛi kɛ kɛnɛ̨, ə kɛi hee lɔiɠaa mɛ̨i a nwɔ túwɔ́ pələ ɲɔ̨n, yɛ hee nuą mɛ̨i a nwɔ tɔlukpɛ mɛ̨nį.

M̀ɛni-lɛɛi 19:2

Mąąhɔlɔɓo, ŋą kitiɠaai laahvɛɛi a tɛ̨ą, ɛlɛɛ, da tələnmolaa. Aa nwɛlikɛ nɛ̨ɛ̨nu kɛnɛ̨i kiti tee, yai kɛli lɔi kəlee kɔhɔɓo a ŋą wɛlikɛɛ, ɛlɛɛ, aa ŋą tínuą ɲąmą kwələ kulɔ mą.»

Piɛrə dɔlɔɔ 5:2

'Ká Yálá ŋą kpɔn ŋɛ̨i ə galihvaɓo káá, 'ká mɛ̨i kaa a nɛlɛɛ, 'ká hvo gɛ a yee tɔɔ gwąną mɛ̨nį, kɛlaa, ká gɛ a kwəinɛ̨ɛ̨, yɛ bələi Yálá kaa la bɔ, 'ká hvo gɛ yɛ kaa kɛi tɔ̨nɔ̨ kwɛli, ká gɛ liinɛ̨ɛ̨ gwəi laa hu.

Timote dɔlɔɔ 3:8

Gbɔn ɉu mɛ̨nį ɲɛ̨i kulɔ nuą diɛ kpɛli, mąąnɛ̨ɛ̨ di kɛ a nu mąąwiaɠaa, diɛ kulɔ di woo ɓa, di hvo di kpɔwɔ tɛɛ lɔɔ pɔ, ə mą kɛ, nwumɛ̨ hɛn gwɛliɛ.

Timote dɔlɔɔ 3:3

hvo kɛ a lɔɔ kpələmun, hvo kɛ a kpilɛn gɔmun, kɛlaa, nwɔ mɛ̨nį lɛlɛɛ, hvo kɛ a hvaa kɛmun, hvo kɛ a hɛn nwɛlimun.

Gɛlaɠaa 15:14

Bələi Yálá ə tɔɔ la a nwąnąi, yɛ nuą hɔlɔɓo huwu takpɛliɠaa lɔwai a gɔwɔ tɔɔ yələ, Simɔn aa gəlee hu hukulɔ guɔ.

Sofoni 2:7

Nuąi pai lɛɛi Ɉuda nwɔ pɛlɛ́i mu, nɔi tii kaa lɛɛi a di wɔɔ, nąą ɓə di kaa pai kɛi lii laa a di wɔɔ taatɛlɛɛɠaai, diɛ di laa mį́i. Yələwulii pɔ, Askelɔn nwɔ pɛlɛ́ɠaai ɓə da di hvįįtɔɔ mu. Hvó gaai, Yai-Laa Ɉuda nwɔ Yálái, gaa pai ɲee pɛlɛi nɔi tii ɓa, di mąą mɛ̨nį ɓa, Ɉuda lɔi hu nuąi luwɔ pələi, ə pa a diɛ.

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Mise 1:7

Ɉali mąą nįnįnŋaai kpɔ daai, gəlee hu a yali yali. Ɉɔlɔɓo hɛn gəlee a lɛɛ a nwɔ̨n gɔ̨nɔ̨n, ŋą́ nwɔ haliɠaai kəlee wolo-wolo. Mąąhɔlɔɓo, di di tiɛ̨ gee mɛ̨i, a wɛlikɛ nɛ̨ąą yəi wali. Di kaa pai pənəi di kɛ a wɛlikɛ nɛ̨ąą hvɛla.

Izikiɛ 22:13

«Gáá ɲéé lɔwai gee ɓa ə́ wɔ toomɛ̨i kɛ mɛ̨nį, da ə́ wɔ ɲąmą pu mɛ̨nį ə́ pɔɔli, di mąą mɛ̨nį ɓa.

Izikiɛ 16:31

Ɓɛlɔwai ə́ ɉaláá kulɔi pɛli la bələ taŋan na kəlee ɓa, yɛ́ hali kɔ́i pɛli gwəli hą́ą́ kəlee ɓa, hvo kpɛli kɛi gɛ yɛ wɛlikɛ nɛ̨ɛ̨nu leelee, yai nwɛi a wali hon nuą́ yəi.

Izikiɛ 16:26

Ə́i kpɔɔ tɛɛ Eziptə nuą pɔ wɛli mɛ̨nį hu, da ə́ kwɛlɛ lɔi hu nuą́ koloon gbɛa kpɛai tii. Ə́i wɔ túwɔ pələ ɲɔ̨n hu wiɛ tii, yɛ́ níi kələn gwə́i.

Ɉeremi 29:10

«Yai-Laa woo ka, yɛ diɛ: Gwɛlan bow mɛ̨ihveelɛi bɛ̨ɛ̨ Babilonə nwuɔ̨, a tɛɛ, ŋą́ ka mąą mɛ̨nį ɲɛ̨i kulɔ, ka pənə ka pa, gɛɛnąą ŋɛ̨i ɓa, ɓɛi ŋį́ naakwɛlanmo kaa, gɛ́ nwóó tii pɔ mɛ̨nį kɛ.

Dutɛrɔnome 23:18

Mąą hvo nɛ̨ɛ̨li haláá wɛli kɛ nɛ̨ąą di hvo kɛ Israɛlə nɛ̨ąą lɔwai, mąą hvo nɛ̨ɛ̨li nwɔ̨nɔ̨ haláá wɛli kɛ nuą di hvo kɛ Israɛlə hinąą lɔwai.

Azaya 23:15

Nąąlɔwai da lɛ̨ą Tirə ɓa, kwɛlan bow mɛ̨ihveelɛ yee mu, yai a tɔɔmun dɔ̨nɔ̨ ŋą. Gwɛlan bow mɛ̨ihveelɛi tii a tɛɛ, mɛ̨nįi nwələwoo ə mo yɛ hvilɛ na nwɛlikɛ nɛ̨ɛ̨nui ɓa, yili a həli Tirə ɓa; yai ə kɛ mą:

Azaya 23:16

'Gwɛnįn ɉəɠə, ə́ daa mąą tínɛ̨n, yɛ́i a hinąą kəlee di nɛ̨ą, yɛ́i daa lɛ̨ą yɛ́i. 'Vɛli kɛ a ə́ nwąnąi, bənə ə́ ə́ wɔ wələɠaai too, ə gɛ ə́ kili ə too nuą ŋą.

Izikiɛ 16:25

Yáá haláá kulɔi pɛli pələ taŋan na kəlee ɓa, yɛ́ ə́ wɔ lɛlɛ mąąliɓi laa; yɛ́ ə́ kɔ́lɔ tɛɛ tɛɛ bələi nuą́ kəlee pɔ, yɛ́ ə́ wɔ túwɔ pələ ɲɔ̨n hu wiɛ la.

Ɉeremi 25:11

Nɔi ŋɛ̨i naa kəlee kaa pai lɛɛi a kpomó, da lɔi pun. Ɛlɛɛ, ɉu nuą kəlee da kɛ Babilonə tɔɔmun ɲee mu əlɛɛɉu, kwɛlan bow mɛ̨ihveelɛ.