Biblia Todo Logo
Bib sou entènèt

- Piblisite -




Azaya 23:11 - Yálá laawoo hɛɓɛ (dc)

11 Yai-Laa aa gboloyá kɛlɛ a vaŋą, aa tɔɔlɔiɠaa hu kpɛlin. Yɛ Kanaan ɓa, ə́ wɔ kɔ́taaɠaa pu.

Gade chapit la Kopi

Yálá laawoo hɛɓɛ

11 Yai-Laa aa gboloyá kɛlɛ a vaŋą, aa tɔɔlɔiɠaa hu kpɛlin. Yɛ Kanaan ɓa, ə́ wɔ kɔ́taaɠaa pu.

Gade chapit la Kopi

Bible

11 Yâwɛɛ a ǹyée sã́a yúo mɛi a gâloŋ-laa-ŋai kélee túmo-tûmo. È m̀o a gɛɛ dí Fonisia ŋɔkili tɔɔ-maa kwaa-ŋai ma su kara.

Gade chapit la Kopi




Azaya 23:11
30 Referans Kwoze  

Moisə ə ɲee haŋą gboloyá mɛ̨i, Yai-Laa ə ɓo hvaŋą kɛnɛ̨ ta ɓa, yɛ həɠə voló kulɔi pələ. Vaŋąi tii ə gboloyá ɓɛlaɓo ɉu hveelɛ a kpinį, di tɛɛ pələ hu ə kpala.


Ə mo tonwələn nɔwɔtɔɔ nuą diɛ yɛ diɛ: «Ka ɉɛnŋąą ŋɛ̨i kəlee kulɔ ɓɛ, ka hvo na nwɔ pɛlɛ́i kɛ a yɔw kɛ pɛlɛ.»


Yili pulu ə di kalan yɛ diɛ: «Yálá ə mo nawoo hu, yɛ diɛ: ‹Nwɔ́ pɛlɛ́ kaa pai kɛi a yɛnɛ̨ɛ̨ nąą kəlee nuą di wɔ Yálá hvɛli pɛlɛ́.› Kɛlaa ka wɛi, kaa gɛ a nwuɔ̨ nuą hee pɛlɛ́.»


Ɉuda da Ɉerusalɛmə di wɔ kwɛli ləɠii kəlee di kaa pai kɛi a Yai-Laa Mɛ̨nį Kəlee ŋą Hééɓomun nwɔɔ, nui lɔpee pai pai haláá kulɔi, a di həɠə yɛ nwɔ haláá hɛn yili di hu. Mąą yələi tii, lɔwɔtɔɔmun va kɛa kɛ Yai-Laa Mɛ̨nį Kəlee ŋą Hééɓomun yəi bɛlɛ́n.


Yai-Laa Mɛ̨nį Kəlee ŋą Hééɓomun yɛ nwɔ̨nɔ̨ diɛ: Gáá pai hį́i kəlee tumoi, di yəi hɛnŋąą walawalaɠaa da di yəi hɛn gɔwɠaa kəlee kaa pai ɓɛ, ɉéé pɛlɛ́i ŋɛ̨i nwɔ mąąwiɛ kaa pai kɛnɛ̨i.


Mɛ̨nįi Yai-Laa ka moi yɛ hvilɛn yɛ́ ya ka, yɛ: Ə́ laa hvo pai lɛɛi huwui lɔpee da ɓa, ə́ wɔ yáláɠaai hvɛli pɛlɛ́ mu, ɉaliɠaai di kaa laa a wulu mąą haɠaa, da yiiɠaai di di yɔw, gáá pai gəlee kpɛɛi laa; gáá ə́ kámą pɛlii, mąąhɔlɔɓo ə́ mu hvo wiɛ li.


Ŋą́ lɔiɠaa mąą kpɛlin, doo tin ma; ɓɛlɔwai ŋą́ ɲɛɛ laa haa nuą taa, da nuąi daa yɛɛ nowa hu, lɔi mu pələ lɔiɠaa hu, Edɛn wuluɠaa kəlee lii ə laa. Wuluɠaa, Liban wulu nɛlɛɛɠaa, a diɛi tii da kɛ ya pui diɛ,


Nwɔ hoo kpulu tamą pələ, gaa pai muluun bɛlɛ́i yɛ́, ə́ nąą kəlee; ɉooɠaa, da nwotoloɠaa di kɔ́wɔ mu tin gaa pai kɛi ə́ wɔ hį́iɠaa hu kpɛlin ɉin; ɓɛlɔwai gaa pai tɛɛ la ɉį́i laalei, yɛ da kɛi lɔ taai ɉį́i wolo ɓa pələ.


A pɛli vįitɔɔi ləi? Hvo gaai, Yai-Laa ɓə dɔɔ kóló ɓa, yɛ li pɛlɛi Askelɔn da gboloyá kwɛlɛ lɔi diɛ; naa ɓə di nɛ ma.


Yáá daa kɛ a taa kpoloon, daa yii kɛ mąątínɛ̨n ŋąą a hįį, Yáá nɛɛ a lɔi pun, Túwɔ́ pələ ɲɔ̨n gulɔ nuą, di wɔ taai, hvo kɛa a taa, hva kɛa pənə hvo tɔɔ kpɔ tanɔ̨n gbɛli.


Ɲá kpɛa kpɛaɠaa, Nilə kwɛlɛ tíiɠaai, ɲá kɛnɛ̨i kwɛlɛ mɔ̨nunŋaa, diɛ ɓə kɛ a ɉɔlɔɓo hɛnŋąą; Lɔiɠaa di wɔ lɔ́wɔ́-taa kɛnɛ̨ li kɛ.


Gáá ɲąątɔɔi lɔi ɲɔ̨nwɔ̨ɔ̨ ɓa, gáá dɔɔi nu huwui niiholii bɔ́, yɛ di wɔ hɛn gɔwɠaai həɠə, yɛ too di mɛ̨i, yɛ di kiin giin, gɔwɔ mu yɛ da kɛli pɔlɔ tan.


Ka lɔ gwɛni woloɠaa hu, ka lɔwa tee ka lɔ ɉu, ə gɛ, Yai-Laa nwɔ liiɲąnwąnąai pai, ka pu ka həɠə dɔwɔ, ka ka mąąkilɛ nwɔ nwąną kulɔ vaŋąi tɔwɔ, ɓɛlɔwai gaa pai muhəɠəi la, lɔi hutɔɔ mɛ̨nį ɓa.


'Kɛ́ a mą́ą́kilɛi kwɛni, a ɓɛi ŋą́ nóó laa a yələ kəlee; Ə́ naa ə́ kwəi yɛ́ ə́ kaa máloi, mą́ą́kɔ̨nwɔ̨ kwɛni ɓaa a yɛ́, da mą́ą́kpɛ hįi.


Yálá kaa daa kwəi, ɲɔw hva pɛli tooi nąą nuą hu, Yálá a kpɔnmąą tɛɛ bɔ yələɓɔi pinɛ̨ɛ̨.


Nąąlɔwai, Noe yɛ diɛ: «Kanaan nɛ̨ŋɛ̨n naai! Gaa pai kɛi a gaayɔwɔɠaa di wɔ luwɔ pulu luwɔ.»


Yili mąą mɛ̨nį ɓa, Yai-Laa lii aa holi nwɔ nuąi pɔ, aa ɲee tɛ mɛ̨i di kɛlɛ mɛ̨nį ɓa, yeeɠaa diɛ kpɛlin, di powaɠaa di ɓo gwəli hɛ̨ąiɠaa yɛ tulun ŋą, kɛlaa ə mą kɛ tii, nii hvo nii laa li, ɲee tɛɛ lɔ ni mɛ̨i.


Gáá pai yələkɔlɔn ɉiɠi-hiɠi ɓoi, lɔi yɛ kpɛlin ɉeei, Yai-Laa Mɛ̨nį Kəlee ŋą Hééɓomun ɲɛ̨i tɔwɔ, a ɲələi nwɔ liiholii kaa pai muhəɠəi la.


Mɛ̨nįi ŋį́ mąą kili tee gwə́i yɛ hvilɛn na lɔi kəlee ɓa, ya ka tii; ɲééi ŋį́ bili lɔi kəlee hu, ya ka tii.


Gboloyá kaa pai kpalai, ɲá lee kɛnɛ̨i yɛ kpala.


Tarsisə nɛ̨ɛ̨gbɛla, yɛ́ lɔi dɔlɔ kulɔ, a ɲəi kwɛaa, yɛ bələi Nilə kaa la, mąąhɔlɔɓo, yá ɲą kələnŋaa tɔɔi hvo kɛa laa.


Pai ŋį́ mo, lə ɓə kɛ yai və́ nu ta kaa… Ŋą́ təliɓo kɛ, nu ta hvo bulu pənə li? A kɛ tii, ɲéé kpuwaa mɔ̨ɔ̨, nu nwun mąąɓoi? Hvąŋą hvo mɔ̨ɔ̨ ɲə́i, gɛ́ pɛli nu kulɔi la mɛ̨nįi? Nąą kaa: Ŋą́ tómą gboloyá mɛ̨i, gɛ́ gbala, gɛ́ tɛɛya kpɛa kpɛa lɛɛ a lɔi pun ɉu kpalaa; ɉu hɔwɔleeɠaa diɛ haa a kpələ wɛli, ɲa hva kɛ mą.


Di kaa pai ə́ mąą kpɛ-hį́į́ɠaa pui, di ə́ mąą kɔ̨nwɔ̨ pɛlɛ́ɠaa wolo; gáá pai ɉu-muluun gələi; gɛ́ nwɔ kwɛni kpuwuluɠaai lɛɛ lɔ a di mɛ̨i ponoɔ.


Swiv nou:

Piblisite


Piblisite