Azaya 23:1 - Yálá laawoo hɛɓɛ (dc)

¹ Mɛ̨nįi kponąą di mo yɛ hvilɛn Tirə ɓa, ya ka: 'Ka gboo təli, Tarsisə ya ɲą kələnŋąą, mąąhɔlɔɓo, daa ka wɔ taai wolo! Pɛlɛ́ hvo kɛa laa! Kələn dɔɔi hvo kɛa laa! Di kɛɛ həɠəi Siprə lɔi hu pələ ɓə di kulɔ la mɛ̨i.

Yálá laawoo hɛɓɛ

¹ Mɛ̨nįi kponąą di mo yɛ hvilɛn Tirə ɓa, ya ka: 'Ka gboo təli, Tarsisə ya ɲą kələnŋąą, mąąhɔlɔɓo, daa ka wɔ taai wolo! Pɛlɛ́ hvo kɛa laa! Kələn dɔɔi hvo kɛa laa! Di kɛɛ həɠəi Siprə lɔi hu pələ ɓə di kulɔ la mɛ̨i.

Bible

¹ Ɣâla ŋɔworɛ̂-wooi ká ŋí Taya lɔii mɛ̂ni ma. Káai a tîma su sia-kɛ́-ƃelai, ka wɔ́lɔ a ŋ̀ánaa! Ƃɛ́i kálɔii Taya su tima-ŋai da kpêra naai, ǹaa kélee su a kara. Pɛ́rɛ dɔnɔ kpîŋ fé ŋɔ́nɔ naa. Ka m̀aa tuŋ mɛ̀ni tãi ká kùla la Sapɔrɔ lɔii sui.

Azaya 23:1 Referans Kwoze

Zɛnɛse 10:4

Yavan lonnii laa ka: Elisa, Tarsisə, Kitimə da Rodanimə.

Ɉeremi 47:4

Volói ŋɛ̨i pai, Filisti nuą kəlee ɲąą yii mɛ̨nį ɓa, nu tɛitɛi kəlee da kpɔnmąą tɛɛ Tirə da Sidɔn di pɔ, di paa mɛ̨nį ɓa. Gaa tii, Yai-Laa kaa Filisti nuą kpɛɛi yɛnɛ̨ɛ̨, diɛi di kaa Kaftɔrə dínɉu gboloyá hąmąi di wɔ nu gbəliɠaa.

Ɉeremi 25:22

Tirə tɔɔɓɛlaa kəlee, da Sidɔn tɔɔɓɛlaa da gboloyá pulu pələ lɔi hutɔɔɓɛlaa kəlee.

Azaya 2:16

A həli, Tarsisə nwɔ ya ŋą kələn gbɛa-kpɛa diɛ, da ya ŋą kələn nɛlɛɛɠaa.

Ɉeremi 2:10

Ka li Kitimə ɲa lɔwai lɔiɠaa hu, ka kɛɛ mąąkpɛɛ, ka tiɓo kə mun Kedarə Arabə lɔi hu, ka kɛɛ mąąni kɛ, ka naa kaa, akɛ mɛ̨nį taaləi tii aa ta kɛ;

Azaya 23:12

Yɛ diɛ: Sidɔn nɛ̨ɛ̨gbɛla, daa hee ə́ mɛ̨i, hvá kɛa kwəinɛ̨ɛ̨ kulɔ. Ə́ muhəɠə, 'li Siprə pələ, ə mą kɛ nąą ɓə, hvó pai hvįįtɔɔ hɔlɔɓoi laa.

Tɔɔɓɛlaa dɔlɔɔ 22:48

Tɔɔmun hvo kɛ heeni Edɔmə lɔi hu, kɛlaa, ə ɲɛ̨ikɔw ta hee laa.

Tɔɔɓɛlaa dɔlɔɔ 10:22

Tarsisə kələnŋąą di kɛ tɔɔmun ɲəi gboloyá ŋą, diɛ hiɛ kulɔ da Hiramə nwɛiɠaai, ɛlɛɛ, kwɛlan ɉaaɓa tɛɛ pələ tɛitɛi kəlee, gələnŋąą tii di kɛi pa di laahvɛɛ a hɛniɠaa, da wali, da hə́lə́ ɲin, kwalaɠaa, da nwɛ̨nį huwu lɛlɛɛɠaa diɛ kɛ di laa ɓaa: Paon.

Danîa 11:30

Nuą da həɠə Kitimə lɔi hu hvóló tooi pələ diɛ pa ɓaton ɉu, di pa di pɛlɛ ma. Vii a kpɛɛ, ə pənə bulu, nuąi ŋɛ̨i Yálá ə mįnɛ̨ həɠə diɛ, diɛ ɓə a nwąną kulɔ diɛ, nuą yiiɠaai di hva lɛɛ mįnɛ̨ həɠəə tii ɓa a woo tɔ̨nɔ̨ namɛnaa, da diɛni di pɛli ɉu.

Izikiɛ 26:1

Gwɛlan bow gɔw taanɔ̨n nąn, ɲąnin ŋą hvóló toloo, Yai-Laa woo ə həli mą́ą́, yɛ mą́ą́:

Ɉeremi 25:15

Nwooi Yai-Laa Israɛlə nwɔ Yálá ə mo mą́ą́, ya ka, yɛ mą́ą́: «Nɔɔ gbamąi ŋɛ̨i hon ɲə́i, yai naahvɛɛ a nwɔ́ liiholi lɔɔ kpəɠiɛ; nɔiɠaai gáá ə́ tɔɔ di pɔ, ə́ dɔɔ di la.

Azaya 60:9

Mąąhɔlɔɓo, gboloyá hɛ̨ąi lɔiɠaa kaa di ɲɛ̨i hąŋąn bɔ́ pələ, Tarsisə kələnŋąą ɓə di ɲɛ̨itɔwɔ, di kaa həɠəi a nonnii kwɛala, diɛ pa a diɛ, da di wɔ waliɠaa, ɛlɛɛ di wɔ hɛniɠaa. Yai-Laa, ə́ wɔ Yálái mąąwiɛ mɛ̨nį ɓa. Israɛlə nwɔ Mąąhəɠəmun mąą mɛ̨nį ɓa, yai mąąwiɛ kɛ yɛ́.

Azaya 24:10

Daa hvowoloi aa too, bɛlɛ kəlee laa kpuloɔi, nu hva pɛli lɔi da mu.

Azaya 15:8

Gboo təli woo aa Moabə lɔi kəlee kulɔ, wɔlɔ woo aa həli kpɔ Ɛglaimə, yɛ həli Elimə yálɔwa la.

Mąątɛ̨nɛ̨ 48:7

Di mąą ə kɛi kpɛlin, diɛ kpəlaan, yɛ nɛ̨ɛ̨nu a kɛi kwəi nwąną kɛ.

Kɔlɔnikɔ Veerɛi 9:21

Gbalai tɔɔ, kələnŋąą di kɛ tɔɔmun ɲəi, di kɛi li Tarsisə da Hiramə nwɔ nuą, ɛlɛɛ, kwɛlan ɉaaɓa haaɓa, Tarsisə kələnŋąą di kɛi pa a hɛni, wali, hə́lə ɲin, kwala da nwɛ̨niɠaa.

Tɔɔɓɛlaa dɔlɔɔ 5:1

Salomɔn ə kɛi tɔɔlaa kɛ, ə həɠə Eufratə ya kwɛlɛ, dɔɔlaaɠaa kpɔ kɛ laa, gəlee mɛ̨i, ə li Filisti nuą di wɔ lɔi ɓa; ə lɛɛ la ɉu, ə həli da Eziptə nuą ɲɛn ma. Salomɔn ŋą yɛnɛ̨ɛ̨ kəlee yee mu, di kɛi tíi kɛ mą, diɛ nįįhɔ̨nwɔ̨ kulɔ mą.

Zasua 19:29

Di ɲɛ̨n ə kɛi tɛɛ Rama tənən ma, yɛ həli la Tirə gɔ́ taa kɛnɛ̨ ɓa. Yɛ nwɔ̨nɔ̨ tínɛ̨n yɛ li Hosa pələ, ə hee gboloyá ɓa Mahalɛvə, Akzivə lɔi hu.

Lonon mo 24:24

Gáá ya ŋą kələnŋąą kaai, diɛ həɠə Kitimə, di kaa pai heei Asurə mɛ̨i, diɛ hee Ebɛrə mɛ̨i. Kɛlaa gɛɛ kalamun tii yaa kpɛli, nwun na kaa pai pilii.»

Lukə 10:13

«Kpalo ɓɛlaai yɛ́, Korazɛn taa, kpalo ɓɛlaai yɛ́, Bɛtsaida taa, mąąhɔlɔɓo, gbalo mɛ̨nįɠaa ŋɛ̨i kɛ ka hui, a kɛ tii kɛ Tirə daai da Sidɔn taa hu, yɛ mą, daaɠaa tii hu nuą daa wɔlɔ kɛ mąąwɛli həɠə too di kwąną, əgɛ, di nɛ diɛ: daa di túwɔ́ pələ ɲɔ̨nŋąa mąąhvalin.

Azaya 23:6

'Ka gboloyá teen, ka həli Tarsisə; 'ka gboo təli, gboloyá hɛ̨ąi lɔi hu nuą.

Izikiɛ 26:2

Hulɔnu lon! Tirə ə mɛ̨nį ta ɓo a Ɉerusalɛmə laa, yɛ kɛ diɛ: «Hiiyoo, daa lɔiɠaa di wɔ kpon wolo!» Bílɛ yələ aa həli; daa nɛɛ a lɔi pun.

Izikiɛ 27:6

Di ə́ hiɛ minɛ̨ɠaa kɛ a Basan wulu kpɛa kpɛa, di hə́lə́ ɲįn gəlee lɔ ə́ tɔɔ mɛ̨nį hu, da Kitimə wulu siprə.

Izikiɛ 27:30

Diɛ wɔlɔ ə́ mɛ̨i, diɛ tomą a naa mąąwɛliɛ, diɛ muluun gbala pu di nwuɔ̨, diɛ kiliɠilin luwu hu.

Zôna 1:3

Ɉonasə ə pu, ə tɛɛ yɛ li Tarsisə daai pələ, ə gɛ, ə now Yai-Laa ɓa. Ɉonasə ə li Ɉafa daai, ə kələn da kaa laa gɛ pələ pɛliɛ kɛa yɛ li Tarsisə daai pələ. Ɉonasə ə gələn ɉala tɛɛ, ə tɛ diɛ li, ə gɛ ə now Yai-Laa ɓa.