Azaya 22:4 - Yálá laawoo hɛɓɛ (dc)

⁴ Yii hu kɛa, gáá kɛi kaa: ka ka ɲɛ̨i həɠə mą́ą́, ŋį́ wɔlɔ kpɔ a ɲąąnwąnąą, ka hvo tɔɔ kaa kɛ, ka káá ɲɛ̨́i kpalai, nwɔ́ lɔi hu nɛ̨ɛ̨gbɛla, hu kala mɛ̨nį ɓa.

Yálá laawoo hɛɓɛ

⁴ Yii hu kɛa, gáá kɛi kaa: ka ka ɲɛ̨i həɠə mą́ą́, ŋį́ wɔlɔ kpɔ a ɲąąnwąnąą, ka hvo tɔɔ kaa kɛ, ka káá ɲɛ̨́i kpalai, nwɔ́ lɔi hu nɛ̨ɛ̨gbɛla, hu kala mɛ̨nį ɓa.

Bible

⁴ M̀ɛni ma ŋá m̀ôi ńyɛ̃ɛi, “Ŋa pâi wɔ̂lɔi a zu kɛ́tɛ ŋ́ɛi-ya é pú ŋánûai su-kara mɛni ma. Núu da fé pà ŋ́ɛi a gɛɛ é ŋá-nɛnɛ.”

Azaya 22:4 Referans Kwoze

Ɉeremi 9:1

'Əkə! Gbɛɛ ɓə a gbáán dee kələ tɛɛ pɔ? Nɔi pun ɉu! Ə gɛ, ŋį́ kulɔ nwɔ́ nuą lɔwai, ŋį́ li ŋį́ mą́ą́kilɛ di yəi kwɛa la. Di kəlee di kaa a wɛli hon nuą, a ɲaba lɔ nuą.

Maafîu 2:18

«Woolaa woo, da wɔlɔ woo di kaa tɔɔ Rama; Rasɛlə ɓə nonnii haa wɔlɔ ɓoi. Hvo gɛi hvo naapilɛ, mąąhɔlɔɓo, nonnii daa haa.»

Mise 1:8

Yili mąą mɛ̨nį ɓa, gáá wɔlɔi, gɛ́ gbóó təli! Gɛ́ hiɛ a gbúwúlú, kɔ́lɔ hvó gɔ́wɔ́ ŋą. Gɛ́ haa mɛ̨i wələ too, yɛ húluúɠaa da kɛi wɔlɔ, gɛ́ nwóólaa, yɛ wɔ́lɔ́ nwɛ̨ni.

Ɉeremi 31:15

Yai-Laa woo ka, yɛ diɛ: Gboo təli woo kaa tɔɔi Rama, gaa a mąąwɛli wɔlɔ woo. Rasɛlə ɓə nonnii wɔlɔ ɓoi, hvo nwəli tɔɔi naapilɛ nuą woo ɓa. Mąąhɔlɔɓo, nonnii di hvo lɛɛ li.

Ɉeremi 13:17

Ka wala ka wəli tɔɔ niɛwoo ŋɛ̨i ɓa, gáá pai mąąwɛli hee ɓoi honwon ɉu, gbɔwɔ ɲąą kɛnɛ̨ taaləi tii mąą mɛ̨nį ɓaa, gɛ́ wɔlɔ, ɲɛ̨́i ya yɛ laa a yalon. Mąąhɔlɔɓo, Yai-Laa nwɔ kpului kaa lii luwɔlaa hu.

Mąątɛ̨nɛ̨ 77:2

Yálá ɓə gáá dəlii, gɛ́ tómą, Yálá ɓə gáá dəlii, yɛ nwəli tɔɔ nwóó ɓa.

Lukə 19:41

Jesus ə lɛɠɛɛ kɛa Ɉerusalɛmə taa ɓa, ə ɲɛ̨i hee daa ɓa, ə wɔlɔ, yɛ mą:

Lukə 1:2

Yɛ bələi nuą mɛ̨nįɠaai tii kaa a di ɲɛ̨ikɔw, ə həɠə gɔwɔ tɔɔi lɔwai ɓa, ə həli la yiihu ɓa diɛi mąąnɛ̨ɛ̨ di Yálá laawoo laa həli, yɛ bələi diɛ kpinįi di ɉukulɔ la.

Maafîu 26:75

Piɛrə ə giliŋąhiɛ, nąąlɔwai mɛ̨nįi tii Jesus ə mo mą, nąą kili ə too ŋą. Yai tii Jesus ə kɛ mą: «Gɛɛ tɛ́ɛ́ hvo nwoo pili, ə́ kaa pai lənəi mą́ą́ gee mɛ̨i haaɓa, yɛ́ kɛ diɛ hvó gɔ́lɔn.» Piɛrə ə həɠə laa gwəli, ə li dɔ̨nɔ̨ kɛɛnąą, ə wɔlɔ kpɔ a nąą mąąwɛliɛ.

Ɉeremi 8:18

Gáá mɔ̨nɔ̨ hu, yii naai hvo mą, ɉú aa haa,

Ɉeremi 6:26

Kaa ɓaa nwɔ́ nu huwui, ka mąąwɛli heeɓo! Ka too luwu hu ka kɔ́, yɛ nu non ɉulɔnu tɔ̨nɔ̨ gbən a haa. Ka ka woo laa a nwąnąą! A mąąwɛliɛ, mąąhɔlɔɓo, gɛɛ kala nuą tii, di kaa pai woloi lɔ kaa tanwɔn kpúlu, ka tɛɠii pələ.

Ɉeremi 4:19

Ə́kə́ Níí! Ə́kə́ níí kaa kpəlaan ɉii gwə́i mɔ̨nɔ̨i gáá mįi mąą mɛ̨nį ɓa. Níí yɛ kulɔ mą́ą́, gwəi aa kɛ tukpu-tukpu, vá pɛli náá pilɛi, mąąhɔlɔɓo, ŋą́ą́ gɔ́ tulu woo mɛ̨n, ŋą́ą́ gɔ́ mɛ̨i woo mɛ̨n aa too nwə́lii.

Azaya 33:7

Ka káá gaai; Ariɛlə nuą kaa tómąi gwəli hɛ̨ąɠaa, niilaa-wɛlɛɛ ɓo nuą kaa wɔlɔi kpɔ a di nwąnąi.

Azaya 15:3

Nuą daa di mąą yili a ɓíi haɠa gwəliɠaa pɔ, nu kəlee kaa nwoo laai bɛlɛ́ɠaa kwɛlɛ, da gwəli hąąiɠaa, di ɲɛ̨iyá yɛ pu wuuu.

Ɉeremi 9:18

Woo lawoo kaa tɔɔi Siɔn daai! «Diɛ kɛ: Ə́kə! Daa ku too ku kpowoɲɛi ɓa, nwumɛ̨ yɛ ə ku paa, mąąnɛ̨ɛ̨ ku kulɔ lɔi, daa ku wɔ pɛlɛ́ɠaa pu.»

Woolaa 2:11

Ɲɛ̨́iyá aa ɲɛ̨́i-kwəleen mɛ̨i pu, góólon ɉu aa kɛ tukpu-tukpu nwáná aa yɛɛ a gɔ́wɔ́, mąąhɔlɔɓo, nwɔ lɔi lɛlɛɛ hu aa kala. Lɛapɛlɛɛ da ɲįnį kpələ lonnii diɛ haa a kpələ wɛli gwəli hąąiɠaa ɓa.

Izikiɛ 27:31

Diɛ di nwun galaan ə́ ma mɛ̨nį ɓa, diɛ mąąwɛli həɠəɠaa too di kwąną, diɛ wɔlɔ ə́ mɛ̨i a di lii kələnŋaa di kwəi, diɛ di woola a nąą mąąwɛliɛ.

Izikiɛ 21:11

«Hulɔnu lon, 'kɛ ɲiŋɛ̨i, ə́ mąą pɛlɛɛ, a lii ɲą nwąną; 'kɛ ɲiŋɛ́i di ɲɛ̨́i ɓa.