Azaya 21:1 - Yálá laawoo hɛɓɛ (dc)

¹ Mɛ̨nį kponąąi di mo gboloyá kwɛlɛ lɔi pun naa mɛ̨i, ya ka: Bələi lɔ tulɔ hvaŋą a tɛɛ la Negɛvə lɔi hu, bələ lɔ ɓə kɔ́ kaa pai həɠəi la nɔi pun mąą ɲɔwuɔ hu pələ.

Yálá laawoo hɛɓɛ

¹ Mɛ̨nį kponąąi di mo gboloyá kwɛlɛ lɔi pun naa mɛ̨i, ya ka: Bələi lɔ tulɔ hvaŋą a tɛɛ la Negɛvə lɔi hu, bələ lɔ ɓə kɔ́ kaa pai həɠəi la nɔi pun mąą ɲɔwuɔ hu pələ.

Bible

¹ M̀ɛni-ŋai kɛ̂i Babelɔŋ maa worɛ-wooi ká ŋí. Lɔii-ŋuŋ wála-walaa da a pâi pâi a mɛni kpɔ̂lu Babelɔŋ é gɛ́ ǹɔii é lɛ́ɛ a bûŋ yɛ̂ɛ fãa kpânaŋ a tɛ̀ɛ kwaa ma a ǹaa kɔ̀ɔ.

Azaya 21:1 Referans Kwoze

Azaya 14:23

Gáá pai nąą kɛi a palayá, a ya nwɛ̨niɠaa taa ŋą. Ŋą́ Babilonə kələ a taŋąn, gɛ́ hɛn gəlee kulɔ laa; Yai-Laa Mɛ̨nį Kəlee ŋą Hééɓomun woo li.»

Ɉeremi 51:42

Gboloyá aa laa Babilonə mɛ̨i, aa lɛɛ yaɠilin ɉu.

Azaya 13:1

Mɛ̨nįi kponąąi Amɔsə lon Esai ə gaa, yɛ hvilɛn na Babilonə ɓa, 'ka mo mą, kaa mą:

Zakari 9:14

Yai-Laa kaa pai kɛi di nwun mɛ̨i, nwɔ mɛ̨ɛ̨kɔwi kaa pai kɛi lii, yɛ yələgbąnąą a kɛi yɛlɛ. Nąmu Yai-Laa, yɛ túlú hvɛɛ gɔ́ ɓa, yɛ həɠə ɉɛɠɛɛ pələ tulɔ hvaŋą hu yɛ pa.

Azaya 17:1

Mɛ̨nįi kponąą di mo yɛ hvilɛn na Damasə, ɓa ya ka: Damasə hvo kɛa pai lɛɛi a taa, gaa pai lɛɛi a taa kpoloon.

Danîa 11:40

«Ŋaakpɛɛi lɔwai, hɛɠɛɛ tɔɔmun mə pai kɛa nwɛlikpɛɛ maa laa həɠəi, kɛlaa, yanwuɔ̨ tɔɔmun gaa pai kɔ́ pɛlɛi ma, da nwɔ wotoloɠaai, da nwɔ hoo mɛ̨i hee ɓo nuą, da nwɔ ɓaton gbulu kɛnɛ̨; da nwɔ kɔlaɠai di kaa pai lɔi tamąą hu ɓɔi, di tɛɛ ɲɛn bələ tamąą ɓa, yɛ ya hvɛɛ.

Izikiɛ 31:12

Nwɛ̨ąąi di ɲɔ̨nwɔ̨ɔ̨ lɔiɠaa kəlee lɔwai, daa bɔn, daa nɛɛ laa diɛ li. Nwonwoɠaa daa pu yeeɠaa nwuɔ̨, da yee lɔwai lɔiɠaa kəlee hu. Nwonwoɠaa hu aa yali yali lɔi mɛ̨i, ya pɛlɛɛɠaa kəlee hu; lɔi mɛ̨i nuą kəlee daa kulɔ nįnįn mu daa taɠa ma.

Izikiɛ 30:11

Yaa mąn, da nwɔ lɔi hu nuą; lɔiɠaa kəlee di yowo; ŋą́ pa a diɛ nɔi hu kala mɛ̨nį ɓa. Di kaa pai woloi Eziptə ɓa a kɔ́ kɔ́ ɓɔwa, diɛ nɔi laa hvɛɛ a nu pɔwa.

Zôo 37:9

Hvaŋą a kulɔ daa hu, kwɛlɛ yɛ həɠə ɲələi pələ.

Azaya 5:28

Donwą ɓaɠaaɠaa, da gilɛnŋąą kəlee di hu yalaa ɓə, di wɔ hooɠaai kɔ́wɔ ɲą wala walaai yɛ kwɛni, di wɔ wotoloɠaai kɔ́wɔ ə ɓo yɛ hvaŋą.

Izikiɛ 1:4

Ɲɛ̨́i ə lɛɛ laa, tulɔ hvaŋą ə kɛi həɠə ɲánwuɔ̨ pələ, tulɔ kpinįn ɉu wiaa da nwɔ̨n gɛnɛ̨, ɛlɛɛ, gwɛ́lɛ́ kəlee pɔ̨nɔ̨ɔ̨ kɛ a nwɔ̨n nə́n; ɛlɛɛ, nwɔ̨n tii hąą ə kɛ yɛ nwɔ̨n gbaalən gbɔluɔ tamąą da kɛi kulɔ nwɔ̨n tii hu.

Izikiɛ 38:9

Ə kaa pai lii, yɛ́ pənə yɛ́ pa, a ə́ hvąŋą kɛnɛ̨; ə́ kaa pai kɛi yɛ tulɔ kpinįn, a pɛlɛ lɔi mɛ̨i; yɛ́ ka ə́ wɔ kɔ́kuláá kpuluɠaai kəlee, ka nu huwu tamąąi tii pai kɛi ə́ pulu.

Azaya 13:13

Gáá pai yələkɔlɔn ɉiɠi-hiɠi ɓoi, lɔi yɛ kpɛlin ɉeei, Yai-Laa Mɛ̨nį Kəlee ŋą Hééɓomun ɲɛ̨i tɔwɔ, a ɲələi nwɔ liiholii kaa pai muhəɠəi la.

Azaya 14:1

Yai-Laa kaa pai Ɉakɔbə mąąwɛli kaai, gaa nwɔ̨nɔ̨ pai Israɛlə kɛi a niiɓa mun, ə pənə ə ɉee nwɔ lɔi hu; nwɛ̨ąą diɛ pa di pɔ, diɛ kanąn Ɉakɔbə nwɔ pɛlɛ́i ɓa.

Azaya 14:14

Gáá pai tɛi tulɔ kpinįnŋąą mɛ̨i, gáá pai kɛi yɛ Hɛn Gəlee mɛ̨imun Yálá.»

Azaya 47:1

Yɛi ɓaa a Babilonə nɛ̨ɛ̨gbɛla, 'ə́ mąą yɛɛ kpɔ kɛnɛ̨! 'Laa munuun gbala hu! 'Ka həɠə dɔɔ kpəlin ɉu, 'ka hee luwu hu, Kalde nɛ̨ɛ̨gbɛlaɠaa, mąąhɔlɔɓo, di hvo kɛa pai kɛi ə́ laa ɓa: «Nɛ̨ɛ̨nu lɛlɛɛ, kwəinɛ̨ɛ̨ kulɔ nɛ̨ɛ̨nu.»

Ɉeremi 51:1

Yai-Laa woo ka, yɛ diɛ: Gáá pai lɔi kala hvaŋą ɲąątɔɔi Babilonə ɓa, da ɲówoɠaa di wɔ yɛnɛ̨ɛ̨.

Ɉeremi 51:51

Kwaa nwumɛ̨ ku lalan bələ ɓa, nwumɛ̨ aa ku ɲɛ̨i paa. Nwɛ̨ąą daa lɔ Yai-Laa nwɔ pɛlɛ́i mu, gɛɛnąą mąąhəɠɛɛ ɓa.