Azaya 20:4 - Yálá laawoo hɛɓɛ (dc)

⁴ Bələ ɓə Asiri tɔɔmun gaa pai lii la a Eziptə nuą, da Nubi nuą, kɔluwɔlaa hu. Ɉilɛlɛa da ɉilɛgoloɠaa di ɓo a di kpuwulu, kɔ́lɔ hva kɛ di kɔ́wɔ ŋą, bɛlɛ hva kɛ diɛ, diɛ di wulɛn gaa; a kɛ Eziptə ɓa a nwumɛ̨.

Yálá laawoo hɛɓɛ

⁴ Bələ ɓə Asiri tɔɔmun gaa pai lii la a Eziptə nuą, da Nubi nuą, kɔluwɔlaa hu. Ɉilɛlɛa da ɉilɛgoloɠaa di ɓo a di kpuwulu, kɔ́lɔ hva kɛ di kɔ́wɔ ŋą, bɛlɛ hva kɛ diɛ, diɛ di wulɛn gaa; a kɛ Eziptə ɓa a nwumɛ̨.

Bible

⁴ Asiria kaloŋ Sagɔŋ a pâi Ize da Itiopia lɔii-ŋai láa túɛ-ƃelai yée mɛi ɣâlei é ǹaa siɣe. A pâi ǹaa-ƃelai kélee sonîi a kɔ-sôŋ-ŋa. A pâi díkelee dímaa kpôlonii dílɛɛ a díkaa kaŋ, díkɛ ƃò a díkɔɔ ŋá fòlo, ǹuu pɔlɔ-ŋai da ǹyaŋkpa-ŋai. A pâi kɛ̂i a ŋumɛ su-kɛ́tɛ dîa.

Azaya 20:4 Referans Kwoze

Azaya 19:4

Ŋą́ Eziptə too ɲąąwooɓo kɛ nuą kili wala-walaaɠaa yəi, nwąnąlɔ tɔɔmun da a hee di mɛ̨i, Ɲą́ą́ Nąmu Yai-Laa Mɛ̨nį Kəlee ŋą Hééɓomun, nwóó li.

Ɉeremi 13:26

Ɲą́ą́ gbínii, gáá yɛ́ həɠəi tɛi a ə́ nwun, ə́ ɓɛlɛ ə́ too nu kəlee ɲɛ̨i ɓa.

Ɉeremi 13:22

Akɛti, ya ə́ kpɔɔ mąąni kɛ, yɛ kɛ diɛ: «Mɛ̨niɠaa ŋɛ̨i kaa laai mą́ą́ lə mɛ̨nį ɓa?» Ə́ wɔ lii ɲɔ̨n gwəi laa ɓə gɛi, diɛ həɠə tee la yɛ́, di yee tɔɔ ə́ kwąną.

M̀ɛni-lɛɛi 3:18

gáá ə́ liɛwoo kɛi, gɛ́ ə́ pa, ə́ hɛni huwaa nwɔ̨n ɉu yá, ɲɛ̨́i, əgɛ, ə́ yee la ə hvoloon, ɛlɛɛ, ə́ həɠə kwɛlɛɛɠaa yá, ə́ ə́ tənə mąą kpulu la, əgɛ, ə́ kpuwulu kaa nwumɛ̨ hvo hee yɛ́, ɛlɛɛ, ə́ ɲɛ̨inwąną hali yá, ə́ ɉiɛ ə́ ɲɛ̨i, ə́ ɲɛ̨i ə kɛɛ mąą kpɛɛ.

Mise 1:11

Safirə nɛ̨ɛ̨nu, tɛɛ a ə́ kpuwulu, a nwumɛ̨ kɛnɛ̨. Saanan nɛ̨ɛ̨nu hva kɛa kulɔ yɛnɛ̨ɛ̨. Di kaa di woolaai Bɛtə-Esɛlə, daa kpɔnmąą kəlee kulɔ ka yəi.

Izikiɛ 30:18

Yələ hvo pai ɓɔi Dafne mɛ̨i, ɲələi gáá pai Eziptə nwɔ hééɓolaai hu yalii la, ŋą́ nwɔ kpɔwɔ ŋąą kɛnɛ̨i kulɔ ɲəi, yai ə kɛi nwun dɛ ɉu. Tulɔ kpinįn gaa pai pɛlɛi mɛ̨i, nonnii nɛ̨ą diɛ li luwɔlaa hu.

Ɉeremi 46:26

Nuą kpɔ di hvilɛn ŋąą di pulu, gáá di tɛɛi di pɔ, diɛi ɓaa Babilonə tɔɔmun Nabukodonosorə da nwɔ nuą. Yili pulu, Eziptə lɔi a pənə ə hee, yɛ bələi ə kɛ la a bɔlɔ pɔlɔ.

Azaya 47:3

Nuą di ə́ kpuwulu kaai! Ə́ tənəi ŋɛ̨i ə́ kpáánŋąąi, yɛ́ noo, nuą di gaa, gáá pai nwą́ną́ kulɔi, nu ta hvo laa, yɛ kpɛ̨ąn ɉii dɔ́wɔ́.

Azaya 3:17

Ną́mu Yálá kaa pai kpowólo pui Siɔn nɛ̨ɛ̨lɛa nwuɔ̨, Yai-Laa kaa pai di mąą kpoloon ɉii.

Samia Veerɛi 10:4

Hanun ə Davidə nwɔ nuąi hon, ə di kpɛlɛ bələ tɔ̨nɔ̨ kalaan, ə di mąąhəɠəɠaa mąą tee kpɔ, ə gbɛla di wulɔn mu, ə ɓo diɛ di li.

Azaya 47:2

'Ɲənə həɠə, 'ə́ mɔ̨nun ɉiɠɛ! 'Mɔlɔ kulɔ ə́ nwun ma! 'Ɉəɠə tɛ, 'ə́ kɔwɔ wulu lɛ! 'Ɲá teen.

Ɉeremi 46:19

Eziptə lɔi hu nuą, 'Ka ká tiɛ̨ pɛli ka mąąkilɛ mɛ̨nį ɓa. Mɛmfisə kaa pai lɛɛi a lɔi mąąwɛliɛ, a taa kələn, nu hvo ɉu.

Amɔsə 9:7

Yai-Laa yɛ mą: Akɛti, Israɛlə nu huwu, ka hvo mɔ̨ɔ̨ ɲɛ̨́i ɓa yɛ Eziptə nuą? Kɛlɛi ɲą́ą́ ɓə Israɛlə nu huwu kulɔ Eziptə lɔi hu ee? Ŋą́ Filisti nuą kulɔ Kaftɔrə lɔi hu, ŋį́ Aramə nuą kulɔ Kirə lɔi hu! Kɛlɛi yili kpaɠala kaa tii kaa ee?

Nahumə 3:10

Yaa kpɛli mɛ̨n, də li la lɔi takpɛli hu, di ɉon, diɛ li la luwɔlaa hu, di nwɔ lon dalaɠaai diɛ kpɛli di nwun nwolo kwəli hɛ̨ąi kəlee ɓa. Di nwɔ kalanɉonŋąą kɔ́ a kpɛɛn; di ɉu nuą kpɛa kpɛa kəlee yili a yɔwɔn.

Sofoni 2:12

Kaa kpɛli, kaa ɓaa Nubi nuą, nwɔ́ ɓɔwai kaa pai ɓɔi ka hu,

Kɔlɔnikɔ Maa-ŋuŋ 19:4

Hanun ə Davidə nwɔ nuąi hon, ə di kpɛlɛ bələ tɔ̨nɔ̨ kalaan, ə di mąąhəɠəɠaa mąą tee kpɔ, ə gbɛla di wulɔn mu, ə ɓo diɛ di li.

Azaya 31:2

Ya pa yai tii kpɛli nwɛlɛɛi, a pɛli mɛ̨nį ɲąąnwąnąą laai nu ɓa; ɛlɛɛ, yii a mo, hva ɉəɠə mą. Gaa muhəɠəi nu ɲɔ̨nwɔ̨ɔ̨ɠaa laa ɓa, da mɛ̨nį ɲɔ̨n gɛ nuąi tii di kaa di təlii kpɔn mąą tɛɛ mɛ̨nį ɓai.

Azaya 31:3

Eziptə mun gaa lɔ a nu, yálá hvə li, nwɔ hooɠaai di kaa lɔ a huwɔ, malakaɠaa hvə li. Ɓɛlɔwai Yai-Laa kaa pai ɲee haŋąi la, mąąkɔ̨nwɔ̨ kɛ mun gaa pai kalin ɉii, nui di mąąkɔ̨nwɔ̨i yɛ too; di kəlee di nwun na a pili a gee.