Azaya 20:3 - Yálá laawoo hɛɓɛ (dc)

³ Yai-Laa yɛ diɛ: «Nwɔ́ tí mun Esai aa kwɛlan ɉaaɓa kɛ, ə ɓo a gbuwulu, kɔ́lɔ hvo gɔwɔ ŋą; mɛ̨nįi pai laai Eziptə da Nubi diɛ, gɔlɔn ɉɛn ga tii.

Yálá laawoo hɛɓɛ

³ Yai-Laa yɛ diɛ: «Nwɔ́ tí mun Esai aa kwɛlan ɉaaɓa kɛ, ə ɓo a gbuwulu, kɔ́lɔ hvo gɔwɔ ŋą; mɛ̨nįi pai laai Eziptə da Nubi diɛ, gɔlɔn ɉɛn ga tii.

Bible

³ Tãi dí Asɔdɔ taa-leei láa túɛ-ƃelai yée mɛi ɣàle la dí ǹaa siɣei, Yâwɛɛ è m̀o ǹyɛɛi, “Ńyee-mu-nuui a kɛ́ a gáa kâŋ gɛ́ ƃò a gɔ́ɔ ŋá fòlo kóraŋ saaƃa yée mu. M̀ɛnii pâi kɛ̂i a Ize da Itiopiai lɔii-ŋai, maa ŋɛi kɛ-maa ká ŋí.

Azaya 20:3 Referans Kwoze

Azaya 8:18

Ɲą́ą́ kwa nónnii Yai-Laa ə di tɛɛ bɔ́, kuɔ ka; ku kaa a mɛ̨nįi pai kɛi Israɛlə lɔi hu, kɔ́lɔn ɉɛnŋąą, da dɔwɔ wɛlɛɛ, yai həɠə Yai-Laa Mɛ̨nį Kəlee ŋą Hééɓomun pɔ, a yai heeni Siɔn yee nwuɔ̨.

Azaya 43:3

Mąąhɔlɔɓo, ɲą́ą́i a Yai-Laa, ə́ wɔ Yálá ɓaa a ɲą́ą́, Israɛlə nwɔ Mąąhəɠəmun, ə́ nwun mąąɓomun. Ŋą́ Eziptə kɛ a ə́ mąąhaláá hɛn, gɛ́ ə́ nwun mąąɓo la, ŋį́ Nubi da Seva di tɛɛ a ə́ mąąhvalin;

Azaya 37:9

Mąąhɔlɔɓo, Asiri tɔɔmun ə bələ mɛ̨n diɛ mą Nubi tɔɔmun Tirhaka aa muhəɠə yɛ pa kɔ́ pɛlɛi mą. Bələi tii mɛ̨n Asiri tɔɔmun ə mo, ə nuą tɔɔ Ezekiasə pɔ yɛ mą:

Lonon mo 14:34

Hvóló pow nąąn ɓə ka gɛ kaa nɔi tii hu hiɛ, kaa mąąkpɛɛ; yili ɓa, hvóló tɔ̨nɔ̨ kaa a kwɛlan dɔ̨nɔ̨. Kwɛlan bow nąąn ɓə ka káá gɛi, kaa ka wɔ mɛ̨nį ɲɔ̨n tii ɉu mɔ̨nɔ̨ mįi. Yili pɔ pələ ɓə ka gaa la, kaa diɛ, nu a gili kulɔ ɉú, ɲɔ̨nwɔ̨ɔ̨i.›

Izikiɛ 4:3

'Kwɛli ɓɛla həɠə; 'dɔɔ yɛ kwɛli pɛlɛ́ nwąną ka daa ka lɔwai, 'tinɛ̨n ə́ ə́ ɲɛ̨i hee daa ɓa hįį; a kɛ a taa yii daa kɔ́ hee mą; mąąhɔlɔɓo, yáá kɔ́ hee mą. Israɛlə nwɔ pɛlɛ́i mąą hanwɔ̨n ga ti.

Izikiɛ 12:6

Ə́ kaa pai di laai ə́ nwuɔ̨ di ɲɛ̨i ɓa, yɛ́ di kulɔ kpinįi, ə́ kaa pai həɠə yɛɛi a ə́ nwun, ə gɛ hvo pa nɔi kaa. Mąąhɔlɔɓo, gáá ə́ kɛi a hanwon Israɛlə nwɔ pɛlɛ́i mąą mɛ̨nį ɓa.»

Izikiɛ 30:6

Mąąhɔlɔɓo, mɛ̨nįi Yai-Laa kaa moi ya ka: nuąi kɛi kpɔmąą tɛɛ Eziptə pɔ, daa too; ɉɛn kɛ a vąŋą, yɛ nwun dɛ ɉu, a too, ə həɠə Migdolə ə həli la Siɛnə gəlee kaa pai tooi a kɔ́ kɔ́ ɓɔwa laa pɔɔ. Yai-Laa, ka wɔ Yálái ɓə mo ti.

Zakari 3:8

«'Ə́ wəli tɔɔ Ɉosue, yɛ́i a ɉaláá laa həli mun gɛnɛ̨ɛ̨, yɛ́ ka ə́ ɓɛlaai heeni ə́ líílai; nuąi tii kaa a mɛ̨nį ta kɔlɔn ɉɛn; mąąhɔlɔɓo, gáá pai a nwɔ́ tímun, yii gaa yɛ wulu ɓɔn.

Azaya 19:4

Ŋą́ Eziptə too ɲąąwooɓo kɛ nuą kili wala-walaaɠaa yəi, nwąnąlɔ tɔɔmun da a hee di mɛ̨i, Ɲą́ą́ Nąmu Yai-Laa Mɛ̨nį Kəlee ŋą Hééɓomun, nwóó li.

Ɉeremi 13:1

Mɛ̨nįi Yai-Laa ə dɔ́ɔ́ la, ya ka; yɛ mą́ą́: 'Lí, ə́ hɛan yili kɔ́lɔ ya, yɛ ɓo a nwalawalaa yɛ mąąlən gɔw, ə́ gɛ a ə́ wɔɔ, ə́ dɔɔ ə́ hąą; kɛlaa hvó nɔ yai.

Izikiɛ 4:1

Yai-Laa yɛ nwɔ̨nɔ̨ mą́ą́: Yɛ́, hulɔnu lon, pɔlɔ kɔ́w tɔ̨nɔ̨ həɠə, naa ə́ lííla; taa ta mąąnįnįn gɛ mɛ̨i, Ɉerusalɛmə.

Izikiɛ 30:4

Kɔ kɔ́ ɓɔwa a pili Eziptə lɔi hu; ɲɔ̨n ɲɛ wolo Nubi lɔi ɓa; a ɲələi nuą kaa pai kɛi tooi la Eziptə lɔi hu a di pɔwa; nuą diɛ li a ɲəi hɛngɔwɠaa; diɛ gulɔ bihɛi.

Sofoni 2:12

Kaa kpɛli, kaa ɓaa Nubi nuą, nwɔ́ ɓɔwai kaa pai ɓɔi ka hu,