Azaya 20:2 - Yálá laawoo hɛɓɛ (dc)

² Nąąlɔwai, Yai-Laa ə pələ ɓo Amɔsə lon Esai ɓa, yɛ mą: «'Li, ɉəɠə ɓɛlai tii ə́ ləŋəi, ə́ volóon, gɔlɔi tii ə́ kɔ́wɔ ŋą, ə́ gulɔ.» Ə li ə gɛ tii, yɛ li a gbuwulu, kɔ́lɔ hvo kɛ gɔwɔ ŋą.

Yálá laawoo hɛɓɛ

² Nąąlɔwai, Yai-Laa ə pələ ɓo Amɔsə lon Esai ɓa, yɛ mą: «'Li, ɉəɠə ɓɛlai tii ə́ ləŋəi, ə́ volóon, gɔlɔi tii ə́ kɔ́wɔ ŋą, ə́ gulɔ.» Ə li ə gɛ tii, yɛ li a gbuwulu, kɔ́lɔ hvo kɛ gɔwɔ ŋą.

Bible

² Maa kôraŋ ƃé Ɣâla Yâwɛɛ è m̀o la Emɔ ǹóŋ Azaya ma ǹyɛɛi, “Ye íkpaŋ-kpalii kúla íkɔɔ ŋá í m̀aloŋ-seɣei kúla yâ.” È fàa ma é m̀aa kpôloŋ é lɛ́ɛ a gáa kâŋ, gɛ́ sìa a gɔ́ɔ ŋá fòlo.

Azaya 20:2 Referans Kwoze

Maafîu 3:4

Ɉaan mąą həɠə ə kɛ a ɲɔ̨nwɔ̨mɛ̨ɛ̨ ləɠa, ɉəą yiliɛ a huwɔ kɔ́lɔ, gɔ̨nɔ̨n yɛ ɓo a peelə da kwɛin nwulɔ.

Mise 1:8

Yili mąą mɛ̨nį ɓa, gáá wɔlɔi, gɛ́ gbóó təli! Gɛ́ hiɛ a gbúwúlú, kɔ́lɔ hvó gɔ́wɔ́ ŋą. Gɛ́ haa mɛ̨i wələ too, yɛ húluúɠaa da kɛi wɔlɔ, gɛ́ nwóólaa, yɛ wɔ́lɔ́ nwɛ̨ni.

Samuɛlə dɔlɔɔ 19:24

Yaa kpɛli mąn, ə nwɔ gbaawii kulɔ mą, yɛ mɛ̨nįɠaa ɓo, hvo kɛ a gbɔwɔ yee kɔ́nma mɛ̨nį Samuɛlə lííla. Yili pulu, ə lɛɛ a gbuwulu, ə too, ə túwɔ́ a pulu, ə yii la, yili mąą mɛ̨nį ɓə da kɛ kɛi la diɛ: «Saulə yaa kpɛli gaa mɔ̨ɔ̨ a Yálá kwəi mɛ̨nį hukulɔ mun da?»

Zakari 13:4

Mąą yələi tii, Yálá kwəi mɛ̨nį hu kulɔ nuą, mɛ̨nįi da gaa diɛ mo, diɛ kɛ di kaa ɉəɠəi Yálá kwəi, da nwumɛ̨ ɉu; di hva kɛa biliɉu pili di kalan ɉu diɛ nuą ɓowo.

Izikiɛ 24:23

Ka wɔ ɓɔlɔɠaai da kɛ ka nwuɔ̨, ka wɔ kɔ́lɔɠaai di ɓo ka kɔ́wɔ ŋą, ka hvo pai túwɔi yɛ haa a too kaa; ka hvo pai wɔlɔi, kɛlaa ka káá pai kpalai ka wɔ nɛ̨ŋɛ̨nŋaai mąą mɛ̨nį ɓa, kaa ɲiŋɛ ka kee ni mąą mɛ̨nį ɓa.

Izikiɛ 24:17

Ya kɛ lɔ ɲiŋɛi ə́ hu pələ, mɛ̨nįɠaai da gɛ haa mɛ̨nį hu, hvo pai da kɛi. Ə́ wɔ ɓɔlɔi lɔ ə́ nwuɔ̨, ə́ wɔ kɔ́lɔɠaai lɔ, hvó həɠə pɛlɛ ə́ laaləi, ɛlɛɛ, hvó kɔ̨nɔ̨n ɉon gwəlii mun da yəi.»

Mise 1:11

Safirə nɛ̨ɛ̨nu, tɛɛ a ə́ kpuwulu, a nwumɛ̨ kɛnɛ̨. Saanan nɛ̨ɛ̨nu hva kɛa kulɔ yɛnɛ̨ɛ̨. Di kaa di woolaai Bɛtə-Esɛlə, daa kpɔnmąą kəlee kulɔ ka yəi.

Azaya 13:1

Mɛ̨nįi kponąąi Amɔsə lon Esai ə gaa, yɛ hvilɛn na Babilonə ɓa, 'ka mo mą, kaa mą:

M̀ɛni-lɛɛi 11:3

Ɛlɛɛ, yili pulu, gáá pai nwɔ́ kɛla hveelɛ tɛɛi di mąą yiliɛ a mąąwɛli həɠə, di gwə́i mɛ̨nį ɓo, hvóló waa tɔ̨nɔ̨ pulu nwun veelɛ ɲee mɛ̨ida yee mu.»

Gɛlaɠaa 19:16

Nui ŋɛ̨i ɲįnɛ̨n ə kɛ bulu, ə wolo nu mɛ̨ihveelɛi ti ɓa, ə di laa nɔ̨nwɔ̨ɓo kpɔ a vaŋą, di kulɔ ɲəi bɛlɛ́n a di kpuwulu, di mąą tee-teɛ.

Ɉaan 21:7

Galan non ti nwɛli ə kɛ Jesus ɓa, yɛ Piɛrə ɓa: «Ną́mu Jesus ka tii!» Yii lɔ Piɛrə ə mɛ̨n diɛ kɛ mą: «Ną́mu ka tii», aa mą nwɔ həɠəi həɠə aa doo gwaną mąąhɔlɔɓo, ə kɛ a gbuwulu, ə too ɲái.

Maafîu 16:24

Nąąlɔwai, Jesus ə mo nwɔ kalan nɛai diɛ, yɛ diɛ: «Nui gaa bɔ ə hvilɛn búlú, hvo kɛli ə lənə gbɔwɔ ɓa. Ə gbɔwɔ haa wulu həɠə ə hvilɛn búlú.

Izikiɛ 4:5

Gáá hvólóɠaa pɛ̨ɛ̨i ə́ nwuɔ̨, di lononŋaa yɛ həli di wɔ nɛ̨ŋɛ̨nŋąąi di wɔ kwɛlan bɔ: nwun ɉaaɓa yee mɛ̨inąąn, ə́ kaa pai Israɛlə nu huwu nwɔ nɛ̨ŋɛ̨n heei ə́ nwuɔ̨.

Tɔɔɓɛlaa veelɛ 1:8

Diɛ mą: «Ɉəɠəi kɛ gwąną, ə kɛ a huwɔ ləɠa həɠə, ɉąą yilɛɛ a huwɔ kɔ́lɔ.» Di mo lɔ tii, tɔɔmun yɛ diɛ: «Tisbe mun Eli ka tii!»

Samia Veerɛi 6:20

Davidə ə pənə yɛ li ɲəi bɛlɛ́ laaləi, ə gɛ ə lúwɔ́ too ɲəi bɛlɛ́n nuą diɛ. Saulə lon Mikalə ə kulɔ, yɛ li naakwiɛn ɉii, ə tɔɔ Davidə lííla, yɛ mą: «Israɛlə tɔɔmun aa háákələi ɓaa lɔ gbɔwɔ ɓa-oo! Yɛ gbuwulu ɓo nwɔ luwɔɠaai di wɔ tí nɛ̨ąą yɛi ɓa, yɛ awala kɛ a nu ɓɛlɛ mąą.»

Zasua 5:15

Yai-Laa nwɔ kɔlaɠa nwun nąmu yɛ Ɉosue ɓa: «Gɔlɔ kulɔ, mąąhɔlɔɓo, ɓɛi ŋɛ̨i ə́ kaa laa, nąą mąąhəɠɛɛi.» Ɉosue ə nɛ̨ɛ̨ mą ə gɔlɔ kulɔ.

Lɛɛ gbɔwɔ ɓa 3:5

Yálá yɛ mą: «'Hvó kɛ ə́ kaa lɛɠɛi ɓɛ. 'Gɔlɔ kulɔ ə́ kɔ́wɔ ŋą. Mąąhɔlɔɓo, ɓɛi tii ə́ kaa laa, lɔi mąąhəɠɛɛ li.

Gɛlaɠaa 21:11

Ə lɛɠɛ kuɔ, ə Polə nwɔ yalai kulɔ ɉąą, ə gɔwɔ da ɲee pɛlɛ gee ɓa, ə ɲili la, yɛ mą: «Mɛ̨nįi Kili-Mąąhəɠɛɛ kaa moi ya ka; yɛ diɛ: Nui bɔɔ ɓaa ɲalai ŋɛ̨i, bələ ɓə Ɉuifəɠaa kaa li ɲili la Ɉerusalɛmə, di dɛɛ nwɛ̨ąą pɔ.»

Samia Veerɛi 15:30

Davidə ə kɛi olivie yee tɛ, ə kɛi ɲee tɛ a wɔlɔ; həɠə pɛlɛɛ nwun mɛ̨i, ə kɛi hiɛ kɔ́lɔ hvo kɛ gɔwɔŋa. Nu kpului tii kɛ bɔ, həɠə ə kɛ gəlee nwun mɛ̨i. Di kɛi li, diɛ ɲee tɛ diɛ wɔlɔ.

Mąątɛ̨nɛ̨ 30:11

'Ə́ wəli tɔɔ nwóó ɓa Yai-Laa! Nɛ̨ɛ̨ yɛ́! Yai-Laa, kɛ a mą́ą́kpɔn mąąɓomun.

Azaya 1:1

Ɉįi Amɔsə lon Esai ə gaa yɛ hvilɛn na Ɉuda nu huwu ɓa, da Ɉerusalɛmə taa, ɓɛlɔwai Oziasə, Yotamə, Akazə, da Ezekiasə ni di kɛi tɔɔlaa kɛ la Ɉuda lɔi hu.

Azaya 37:2

Yili pulu ə dɔɔ pɛlɛ́ ɲąąwooɓomun Ɛliakimə, da ɉɛɓɛ́ pɛ̨ɛ̨mun Sɛvna, ɛlɛɛ nu pɔlɔ pɔlɔɠaai kpɔ di kaa ɉaláá laa həli nuą lɔwai, ə di tɔɔ Yálá kwəi mɛ̨nį hu kulɔmun Esai pɔɔli, yai a Amɔsə lon, mąąwɛli həɠə toɔ di kəlee di kwąną.

Ɉeremi 48:37

Yili mąą mɛ̨nį ɓa, daa di nwun gəlee kalaan, daa di kpɛlɛ kəlee pu, daa ɓɔwa pɔɔ kɛ di yee kəlee ɓa, ɓíi hɛlɛn ŋąą nu kəlee woɓə ɓa.

Izikiɛ 4:1

Yai-Laa yɛ nwɔ̨nɔ̨ mą́ą́: Yɛ́, hulɔnu lon, pɔlɔ kɔ́w tɔ̨nɔ̨ həɠə, naa ə́ lííla; taa ta mąąnįnįn gɛ mɛ̨i, Ɉerusalɛmə.