Azaya 2:9 - Yálá laawoo hɛɓɛ (dc)

⁹ Nu kanŋaa kaa pai pɛlɛi, nuą di di mąą yɛɛ, di di laa pɛlɛɛ pɔ́lɔ́ ɓa! Hvó pai di mąą hvaa lɛɛi.

Yálá laawoo hɛɓɛ

⁹ Nu kanŋaa kaa pai pɛlɛi, nuą di di mąą yɛɛ, di di laa pɛlɛɛ pɔ́lɔ́ ɓa! Hvó pai di mąą hvaa lɛɛi.

Bible

⁹ Ƃâa a pâi kulâi núu-kpune ma é ŋumɛ. Yâwɛɛ, ífe dísu-mɛni lɛ̀ɛ!

Azaya 2:9 Referans Kwoze

Azaya 5:15

Nu kanŋaa kaa pai di mąą pɛlɛi, hvo kɛli a kɛ tii, nu kan nwun mąą kaa pai yɛɛi, kpɔwɔ ɲąąkɛnɛ̨ nuą di kaa pai di nwun vilɛn ɉii lɔi ɓa.

Lomaŋ 3:23

Nu kəlee daa nɛ̨ŋɛ̨n ɉəɠə daa hvɛɠɛ a Yálá nwɔ mąąwiɛlaa hu.

Markə 3:29

kɛlaa, nu a Kili-Mąąhəɠɛɛ lalan, mąą nu mąąhvaa hva lɛɛ kpɔ tɔ̨nɔ̨ kpɛli. A kɛ tii nɛ̨ŋɛ̨ ɲii kpɛɛ hvo mą, aa ɉəɠə.»

Azaya 27:11

Ɓɛlɔwai nwulu woŋoɠaa da kpala la, nɛ̨ą da pa di nwɔ̨n naa ɉu, a tɛ̨ą, kili hvo nu huwui ŋɛ̨i ɓa; ya ɓə gɛi, nui di pɛli, hva di mąąwɛli kaa. Nui di kulɔ hva di ɲɛ̨imąąwɛli kaa.

Nehemi 4:5

Ku yowoɠaa diɛ kɛ diɛ, gɛɛ di kili hvo pu ɉu, ɛlɛɛ di hvo ku kaa, kwa tɛ di mɛ̨i, ku wɔ di paa, ɛlɛɛ, ku goló kpəla bələi.

Zasua 24:19

Ɉosue yɛ Israɛlə lonnii diɛ: «Ka hvo pai pɛli tíi Yai-Laa ɓa, mąąhɔɓo, gaa a Yálá Mąąhəɠɛɛ, Yálá tólɔɔ li, hvo pai niilaai ka wɔ kulɔ nwoo mu laa, da ka wɔ nɛ̨ŋɛ̨nŋąą mu.

Kolosə 2:23

Di mąn kpɔ dɔn nwooɠaa ti heekpəlin na kɛ a kilikɛɲəi laai, gaa lɔ a: di kpɔ-kpɔɔ kalan bələ, a kalan bələ huwu ta, a di kɔlɔ mɔ̨nɔ̨ ɓo pələ; nwun nɔ pee ta hvo mą, gaa lɔ a kɔlɔ liiɓa kɛ mɛ̨nį.

Ɉeremi 18:23

Kɛlaa yɛ́i a Yai-Laa, ə́ di kwəi kili ɲɔ̨nwɔi tii kɔ́lɔn, yɛ hvilɛn na mą́ą́. 'Hvó nɛ̨ŋɛ̨n tii mąąhvaalɛɛ diɛ, 'hvó di wɔ nɛ̨ŋɛ̨n tii hu pu ə́ ɲɛ̨i mu. 'Gɛ di too ə́ ɲɛ̨i mu, 'hee di hu a ə́ wɔ liiholi yələ.

Azaya 57:9

Ə́ kɛi li a gilɛ tɔɔmun bɔ pələ, wulɔ lɔɔ yɛ́, yɛ́ ə́ wɔ mąąti wulɔ kunnɛ̨ɛ̨ɠaa lɔ yɛ́ pɔlɔɔ pɔlɔɔ, yɛ́ nuą tɔɔ kpɔ kwɛala, bələ ɓə ə́ ə́ kpɔwɔ mąą yɛɛ la, kpɔ yɛ́ həli la ɲąmuą taa pələ.

Mąątɛ̨nɛ̨ 62:9

'Ka ka kilitɔɔ mą, a yələ kəlee, kaai a nɔi lonnii! 'Ka ka kwəi mɛ̨nį kəlee hukulɔ mą. Yálá kaa gu yəi, a gu mąąkilɛi!

Mąątɛ̨nɛ̨ 49:2

Yɛnɛ̨ɛ̨ nu kəlee, 'ka ka wəli tɔɔ mɛ̨nįi ŋɛ̨i ɓa, lɔi mɛ̨i heeɓo nuą, 'ka ka wəli tɔɔ kpɔ a nɛlɛɛ.

Kolosə 2:18

'Ká hvo ká kpɔwɔ lɛɛ laa, ɲɛ̨imąą-nɛ̨ɛ̨ nuą hvo ká ɲąąnɛ̨nɛ̨n, di hvo ká ɲɛ̨i tínɛ̨n di pɔ pələ: A kalan gɛ pələ huwu ta, a malakaɠaa hvɛli pələ huwu ta; da lɔ di kpɔɔ kiliŋąhiɛ hu, di wɔ mɛ̨nį kɔlɔn bələ yɛ di hu hvɛɛ a ɓowo pələ.

Mąątɛ̨nɛ̨ 59:5

Və́ ɉɔ́n gɛ li; ə mą kɛ tii, di kaa gilɛ həɠəi, diɛ di hee dɔ́wɔ́. 'Ə́ ɲįnąąɓo! 'Pá ə́ náá kwiɛn, Ee, ɓɛ kaa li!

Azaya 5:16

Yai-Laa Mɛ̨nį Kəlee ŋą Hééɓomun laa kaa pai tɛi, nwɔ kiti tee pələ hu, Yálá mąąhəlɛɛ kaa pai gbɔwɔ lɛi a mąąhəɠɛɛ ɉaŋą pələ hu.