Azaya 19:21 - Yálá laawoo hɛɓɛ (dc)

²¹ Yai-Laa kaa pai gbɔwɔ lɛi Eziptə nuą diɛ, Eziptə nuą diɛn, da Yai-Laa kɔ́lɔn a volói tii, diɛ gɔ́ a halááɠaa da mɛ̨inɛ̨ɛ̨ɠaa; diɛ mɛ̨nįɠaa laakwɛlanmo Yai-Laa ɓa, ɛlɛɛ, diɛ bɔ mɛ̨nį kɛ.

Yálá laawoo hɛɓɛ

²¹ Yai-Laa kaa pai gbɔwɔ lɛi Eziptə nuą diɛ, Eziptə nuą diɛn, da Yai-Laa kɔ́lɔn a volói tii, diɛ gɔ́ a halááɠaa da mɛ̨inɛ̨ɛ̨ɠaa; diɛ mɛ̨nįɠaa laakwɛlanmo Yai-Laa ɓa, ɛlɛɛ, diɛ bɔ mɛ̨nį kɛ.

Bible

²¹ Yâwɛɛ a pâi gbîŋ lɛ̂i Ize-ƃelai dîa. Ǹyaŋ Ize-ƃelai da pâi gɔ̂lɔni. Da pâi kɛ̂i vɛlîi díkɛ kéreŋ sâla kula ma, díkɛ sama-sãa tɛ̀ɛ bɔ́. Da kono-tee kɛ̀ ǹyêei, da pâi ŋ̀aa-see kɛ̂i.

Azaya 19:21 Referans Kwoze

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Azaya 11:9

Kɛɛ kala mɛ̨nį da mɛ̨nį ɲɔ̨n nɔpee hva kɛa kɛ, nwɔ́ yee mąąhəɠɛɛi nwuɔ̨, mąąhɔlɔɓo, nɔi laahvɛɛi a Yai-Laa kɔ́lɔn gili, yɛ bələi yaɠaa kəlee kaa la gboloyá mu, bɛlɛɛ di mɛ̨i.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

Ɉaan 17:3

Yaan, yɛnɛ̨ɛ̨ hva kpɛɛ ɓaa, di ə́ kɔ́lɔn a Yálá tanɔ̨n, yai a kpɔ-kpɔ, da Jesus Kristə yai Ə́ dɔɔ.

Sofoni 3:10

Nwɔ́ nuąi da kwɛli hvilɛn mą́ą́, diɛi tii ŋį́ di taɠa-taɠa, di kaa pai həɠəi Nubi yalee kpɛa-kpɛa bulu pələ, diɛ pa bɔ́ a gɔ́ hɛnŋąą.

Habakukə 2:14

A tɛ̨ą, Yai-Laa, nwɔ mąąwiɛ kɔ́lɔn ŋąą a lɔi mɛ̨i kəlee laahvɛɛ, yɛ pələi yaɠaa da gboloyá hu hvɛɛ la.

Zôna 1:16

Nąąlɔwai, di kəlee di ɲɔw kpɔ kɛnɛ̨, di nɛ̨ɛ̨mą di haláá kulɔ Yai-Laa ɓa, di di woo kwɛlɛ mą a di nwąnąi.

Azaya 56:7

gáá pai pai a diɛ nwɔ́ yee mąąhəɠɛɛi nwuɔ̨, gɛ́ di hee nwun na nɛ̨ɛ̨ hu, ɲə́i bɛlɛ́n; ɓɛi da vɛ́li laa, diɛ mą́ą́wiɛ halááɠaa da di wɔ kɔ́ɓo hɛnŋąą tɛɛ laa, ŋį́ ɲéé lɛlɛɛ hee di mu, ɉaláá kulɔi ɓa, mąąhɔlɔɓo, di kaa pai nwɔ́ pɛlɛ́i laa heei a: «Pɛlɛi huwu kəlee a Yálá hvɛli mu.»

Azaya 55:5

Mąąhɔlɔɓo, nu huwui hvo kɛ gɔlɔn, ə́ kaa pai dəlii, ɛlɛɛ, nu huwui hvo ə́ kɔ́lɔn, yɛ ə́ mąą gilɛ hələ. Yili a kɛ tii, mąąhɔlɔɓo, Yai-Laa ɓə a ə́ wɔ Yálá, a kɛ tii Israɛlə nwɔ mąąhəɠə mun laa hu, a yai tii ə́ wɔ mąąwiɛ kɛ yɛ́i.

Azaya 44:5

Di tɔ̨nɔ̨ kaa pai kɛi diɛ: «Yai-Laa nwɔ nu ɓaa a ɲą́ą́», diɛ dakpɛli laa hee a Ɉakɔbə, dakpɛli yɛ bɛ̨ɛ̨ ɲee kɔ̨nwɔ̨n mɛ̨i, yɛ kɛ mą: «Gáá a Yai-Laa nwɔɔ», ɛlɛɛ yɛ gbɔwɔ laa hee a Israɛlə.

Azaya 37:20

Kɛlaa, Ə́ wɛi, Yai-Laa, ku wɔ Yálá, ku kulɔ ɲəi, ə gɛ yɛnɛ̨ɛ̨ tɔɔlɔiɠaa kəlee di pɛli ɉu kɔ́lɔn ɉi diɛ kɛ, yɛ́ tɔ̨nɔ̨ lɔ ɓaa a Yai-Laa.»

Ikilisiati 5:4

Yii viɛlaɓoɔ ya ɓaa: Nu hvo mun nwoo kwɛlɛ, ə tɛɛ, ə́ woo kwɛlɛɛ ɓa, hvá bɔ mɛ̨nį kɛ.

Mąątɛ̨nɛ̨ 67:2

Yálá, 'ku mąąwɛli kaa, ə́ lúwɔ́ too kuɔ! 'Ə́ ə́ ɲɛ̨i lɛlɛɛ hee kuɔ

Tɔɔɓɛlaa dɔlɔɔ 8:43

Ee Yai-Laa! Lɛɛ yələkɔlɔn ɉu, ə́ ə́ wəli tɔɔ, ə́ mɛ̨nį kəlee kɛ, yɛ bələi nwɛ̨ąi tii kaa pai vɛli la yɛ́. Ə gɛ, yɛnɛ̨ɛ̨ nuą kəlee diɛ pɛli ə́ laa kɔ́lɔn ɉii, ɛlɛɛ, diɛ ɲɔw yɛ́, yɛ bələi ə́ wɔ nu huwu Israɛlə a ɲɔw la yɛ́. Ɛlɛɛ, di gili kɔ́lɔn diɛ kɛ da kɛi ə́ laa ɓoi bɛlɛ́i ŋɛ̨i mɛ̨i, yai ŋą́ dɔɔ.

Samuɛlə dɔlɔɔ 17:46

Háákələi kpɔ-kpɔɔ, Yai-Laa kaa ə́ lɔi ɲə́ə́ ŋą. Gáá ə́ paai, ŋą́ ə́ nwun dee ə́ ŋą. Háákələi kpɔ-kpɔɔ, Filisti nuą di wɔ kɔlaɠai powa kaa lɛɛ a yələi nwɛ̨niɠaa da lɔwɔ huwɔɠaa kɔ̨nɔ̨n. Hį́i kəlee kili kaa pui ɉu diɛ kɛ Yálá kaa Israɛlə yəi.

Mąątɛ̨nɛ̨ 61:8

'Ə lɛɛ lɔ dɔɔlaa hu, kpɛɛ hvo kɛ mą, Yálá ɲɛ̨i ɓa! Wɛlikɛmąąlaa da tɛ̨ą, di tɔɔ gwɛlɛ, diɛ mąą kpɛ!

Mąątɛ̨nɛ̨ 68:31

'Tómą veen ɉu huwɔi tii mɛ̨i, niŋɛ̨ hilɛ kpului tii mɛ̨i, da niŋɛ̨ lonnii tii, diɛi da kɛ kwɛli hvilɛn ɉii di liila, a di wɔ wali kwɛli. Aa wɛa nuą hu taɠa.

Azaya 11:11

Ɲələi tii a həli, Yálá kaa pai nwɔ̨nɔ̨ mɛ̨nį ta kɛi, nwɔ nu kpəli wolaai da lɛɛ ɲɛnɛ̨ɛ̨, a di nwun mąąɓo a nwɔ huwalawalai, ə di kulɔ Asiri da Eziptə, ə di kulɔ Patrɔsə, da Kusə, da Elamə, ə mą kɛ, Sinearə da Hamatə; ə di kulɔ gboloyá hąąi lɔiɠaa hu.

Azaya 27:13

Mąą hvólói, túlu kɛnɛ̨ woo kaa pai tɔɔi, nuąi kɛ daa pili, di kaa pai həɠəi Asiri lɔi hu diɛ pa; da nuąi ta di di kpɛ Eziptə lɔi hu, di kaa pai pɛlɛi Yai-Laa lííla, ɲee mąąhəɠɛɛ nwuɔ̨ Ɉerusalɛmə.

Azaya 45:14

Yai-Laa woo ka, yɛ diɛ: Eziptə kóló kɛ nuą, da Nubi yɔw kɛ nuą, ɛlɛɛ, Save nuą, a diɛi kpɔ di yee muhəɠɛɛ tii, di kaa pai tɛɛi ə́ pɔɔli, a di yɛli, diɛ lɛɛ a ə́ pɔɔ; di hvilɛnŋąą ə́ pulu, di yiliɛ a yɛli, di kaa pai gwɛli hvilɛn ɉi ə́ lííla, diɛ vɛli wooi ɲɛ̨i ɓo yɛ́, diɛ kɛ yɛ́: «Ə́ pɔɔli lɔ ɓə Yálá kaa laa, dakpɛli hvo pələ takpɛli, yálá takpɛliɠaa di wɛi, kpɛli kpɛli hɛnŋąą ɓaa a diɛ.»

Azaya 49:7

Mɛ̨nįi Yai-Laa, Israɛlə nwun mąąɓo Yálá, da nwɔ nu mąąhəɠɛɛ kaa moi, ya ka: Yai daa mɛlɛ kpɛɛ mą, yɛnɛ̨ɛ̨ nuą diɛ gaa yɛ hɛn ɲɔ̨nwɔ̨ɔ̨, ə ɓo a tɔɔɓɛlaa di wɔ luwɔ, Gaa kɛi mą, tɔɔɓɛlaa kaa pai ə́ kaai, diɛ di muhəɠə, lɔi ɲąąwooɓo nuą, diɛkpɛli, diɛ kwɛli hvilɛn mą, diɛ yili kɛ tii, Yai-Laai ɲɛ̨i dəlimoɔ, mąą mɛ̨nį ɓa, Israɛlə nwɔ nu mąąhəɠəɛi ɲɛ̨i ə́ həɠə ɉu, mąą mɛ̨nį ɓa.

Azaya 60:7

Kedarə taatɛlɛɛɠaa kaa di ɲąą kpɔn ɉi ə́ pɔɔli, Nebayotə ɓɛlaa hilɛɠaa kaa pai kɛi ə́ yeekɔn mą. Di kaa pai tɛi a diɛ ɓɛi da haláá kulɔ laa mą́ą́, ɛlɛɛ gɛ́ ɲee hee di mu, gɛ́ nwɔ́ pɛlɛ́i nɛlɛ yee ta pɛlɛ mą a nwɔ́ mąąwiɛ pɛlɛi ŋą́ mo mɛ̨i.

Azaya 66:23

Yai-Laa woo ka, yɛ diɛ: Nu huwu kəlee kaa pai pai ɓɛ, diɛ di woo tɛ bɔ́ pələ, a ɲąnin dɔɔ pələ tɛitɛi, da túwɔ́ hvoló tɛitɛi, ɛlɛɛ, yili kaa pai kɛi, hva ɉəɠə mą.

Mąątɛ̨nɛ̨ 68:32

Di kaa həɠəi Eziptə lɔi hu, a həɠə ɓɛla ɲɛ̨i tɔɔɠaa, Nubi yɛ pa Yálá pɔ a gilɛ, ɲee laahvɛɛ a hɛngɔw.