Azaya 18:7 - Yálá laawoo hɛɓɛ (dc)

⁷ Nąąlɔwai, nu huwu yee muhəɠɛɛi tii gbɛlɛ hvo mą, a yai gwɛlɛ lɔiɠaa da ɲɔw mą kpɔ kɛnɛ̨i, yai vaŋá kɛnɛ̨ɛ̨ ɉeɛ lɔiɠaa mɛ̨i, gaa pai pai a Yai-Laa Mɛ̨nį Kəlee ŋą Hééɓomun kɔ́ hɛn. A nɔi tii ya kpɛa-kpɛaɠaa kaa ɉu, gwɛlɛ lɔiɠaa diɛ ɲɔw mą kpɔ tii kɛnɛ̨i, gaa pai pai a Yai-Laa Mɛ̨nį Kəlee ŋą Hééɓomun kɔ́ hɛn, ɓɛi Naa kaa laa Siɔn yee nwuɔ̨.

Yálá laawoo hɛɓɛ

⁷ Nąąlɔwai, nu huwu yee muhəɠɛɛi tii gbɛlɛ hvo mą, a yai gwɛlɛ lɔiɠaa da ɲɔw mą kpɔ kɛnɛ̨i, yai vaŋá kɛnɛ̨ɛ̨ ɉeɛ lɔiɠaa mɛ̨i, gaa pai pai a Yai-Laa Mɛ̨nį Kəlee ŋą Hééɓomun kɔ́ hɛn. A nɔi tii ya kpɛa-kpɛaɠaa kaa ɉu, gwɛlɛ lɔiɠaa diɛ ɲɔw mą kpɔ tii kɛnɛ̨i, gaa pai pai a Yai-Laa Mɛ̨nį Kəlee ŋą Hééɓomun kɔ́ hɛn, ɓɛi Naa kaa laa Siɔn yee nwuɔ̨.

Bible

⁷ Tãi a pâi pâi, ǹɔii-ŋuŋ wála-walai ŋí ŋ̀a-kɔlɛɛi a ya-lêe-ŋai, zu-ƃela yée-laa mu-seɛɛ, díkɔlɔ kɛ́ ƃò dîa nɛ̃ɛ-nɛ̃ɛ, nûa díkɛ yào dîa ŋ̀éniɛi gwaa kéleei, da pâi pâi a sama-sã̂a Ŋ̀wála-wâla kélee Yâwɛɛ pɔ́. Da pâi pâi a dísama-sãai bɔ́ Zãiyɔŋ Yeei ma ƃɛ́i nûa da vɛ̀li naai.

Azaya 18:7 Referans Kwoze

Sofoni 3:10

Nwɔ́ nuąi da kwɛli hvilɛn mą́ą́, diɛi tii ŋį́ di taɠa-taɠa, di kaa pai həɠəi Nubi yalee kpɛa-kpɛa bulu pələ, diɛ pa bɔ́ a gɔ́ hɛnŋąą.

Azaya 45:14

Yai-Laa woo ka, yɛ diɛ: Eziptə kóló kɛ nuą, da Nubi yɔw kɛ nuą, ɛlɛɛ, Save nuą, a diɛi kpɔ di yee muhəɠɛɛ tii, di kaa pai tɛɛi ə́ pɔɔli, a di yɛli, diɛ lɛɛ a ə́ pɔɔ; di hvilɛnŋąą ə́ pulu, di yiliɛ a yɛli, di kaa pai gwɛli hvilɛn ɉi ə́ lííla, diɛ vɛli wooi ɲɛ̨i ɓo yɛ́, diɛ kɛ yɛ́: «Ə́ pɔɔli lɔ ɓə Yálá kaa laa, dakpɛli hvo pələ takpɛli, yálá takpɛliɠaa di wɛi, kpɛli kpɛli hɛnŋąą ɓaa a diɛ.»

Azaya 18:4

Mąąhɔlɔɓo, Yai-Laa ə kɛ mą́ą́: «Gáá pai lɛɛi heeni ɉééi, gɛ́ kɛɛ kaa, ɉéɛ kpɔ kpɛ, yɛ bələi hvóló tɛɛ nwun mą wəleen gɛnɛ̨i la, gbaalən ə ɓo mą; yɛ bələi lɔ luwu luwu a pɛlɛ la mɔ̨nun deei lɔwai.»

Kɔlɔnikɔ Veerɛi 32:23

Nu tamąą di kɛi pa Ɉerusalɛmə daai a Yai-Laa kɔ́ hɛnŋąą, da mɛ̨inɛ̨ɛ̨ɠaa a Ɉuda tɔɔmun Ezekiasə nwɔɔ. Ə həɠə mɛ̨nįi tii ɓa, yɛnɛ̨ɛ̨ lɔiɠaa kəlee di kɛi mɛlɛ kɛ mą.

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Mise 4:13

'Ə́ muhəɠə, 'mɔ̨nun dan Siɔn nɛ̨ɛ̨gbɛla, gáá pai ə́ mįnɛ̨ɠaa kɛi a kwɛli, gɛ́ ə́ kɔ́wɔɠaa kɛ yɛ kwɛli kpɔlu, ə́ kaa pai lɔi tamąą kiin-giin ɉii, ɉɛn ə́ pai ɉon ɉii a kɔ́, yɛ́ gulɔ Yai-Laa ɓa a haláá, yɛ́ di yəi hɛngɔwɠaa kɛ a Yai-Laa kɔ́ hɛn.

Azaya 16:1

Ka nɔi tɔɔmun nwɔ ɓɛlaa lon tɛɛ, yɛ həɠə la Sela nɔi pun ɉu, di li la Siɔn nɛ̨ɛ̨gbɛla nwɔ yeei nwuɔ̨.

Maafîu 2:11

Di lɔ bɛlɛ́n, di nokoloi da nee Mari di kaa. Di pu di nwungbəla, di kwɛli hvilɛn mą. Yili pulu, di di tiɛ̨ hvoloon. Di ɉamą a: hɛni, lansan, da mirə wulɔ.

Azaya 18:2

Yɛ́i ya kɛ ə́ wɔ kɛlaɠaa tɛɛi gboloyá ŋąi, kələnŋąą hu, diɛ pa ɲáɠaa ŋą. Kɛla kɔ́wɔ mąąhulaaɠaa! 'Ka li, nɔi tii ɉu nuą yee muhəɠɛɛ, di kpɛlɛ hvo diɛ, di pɔ, a yai tii, gwɛlɛ lɔiɠaa da ɲɔw mą kpɔ kɛnɛ̨i; a nɔi hvaŋą kɛnɛ̨i tii, ɉeɛ lɔiɠaa mɛ̨i, yá kpɛa-kpɛaɠaa di ɓo ɉu.

Habakukə 1:7

Di ɲɛ̨i mąą ɲɔwuɔi, di hvaŋą kɛnɛ̨. Di wɔ huɲąŋą kɛnɛ̨ laa hu, di wɔ tɔ́n mąą a di wɔ huwalawala.

Mąątɛ̨nɛ̨ 68:32

Di kaa həɠəi Eziptə lɔi hu, a həɠə ɓɛla ɲɛ̨i tɔɔɠaa, Nubi yɛ pa Yálá pɔ a gilɛ, ɲee laahvɛɛ a hɛngɔw.