Azaya 17:5 - Yálá laawoo hɛɓɛ (dc)

⁵ Yɛ bələi kpɔlɔ da mɔ̨nun diɲɛ̨ la gee mɛ̨i mɔ̨nun deei lɔwai, diɛ mɔ̨nun gɔnŋąą tiɛ̨ gee mɛ̨i, mɔ̨nun gbaɠa tɛi tɛi lɔ ɓə kɛa a lɛɛ Refaitə yɛɛ kɔ́wɔ hu.

Yálá laawoo hɛɓɛ

⁵ Yɛ bələi kpɔlɔ da mɔ̨nun diɲɛ̨ la gee mɛ̨i mɔ̨nun deei lɔwai, diɛ mɔ̨nun gɔnŋąą tiɛ̨ gee mɛ̨i, mɔ̨nun gbaɠa tɛi tɛi lɔ ɓə kɛa a lɛɛ Refaitə yɛɛ kɔ́wɔ hu.

Bible

⁵ Naa a pâi lɛɛ̂i yɛ̂ɛ kpâlaŋ ƃé da kpɛ̀ɛ a ŋ̀á mɔlɔŋ téɛɛ dí gbaŋ su kɔ́ri. Naa a pâi lɛɛ̂i fóŋ-kpoŋ yɛ̂ɛ da kpɛ̀ɛ a Lefaiŋ Yee loai si-sãa ƃa kulâi da gbaŋ su kɔ́ri.

Azaya 17:5 Referans Kwoze

Maafîu 13:30

Yili ɓa, ka nɛɛ lɔ tii ə lɛɛ la Ɉu deei lɔwai ə ɉəli. Deei lɔwai, ŋą mo nuą diɛ, gɛ́ diɛ: «Ka gala ɲɔ̨nwɔ̨ɔ̨ɠaa kulɔ tɔlɔɔ ɉu, ka ɲili a dee, ka bɛlɛ gee ɓa, ka nwɔ̨n doo ɉu. Yili pulu, ka nwɔ́ hihɛn gɔwi pu ɲə́i gələi.»›»

Ɉeremi 51:33

Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka, yɛ diɛ: Babilonə lɛlɛɛ kaa yɛ mɔ̨nun gbala gbaha, ɓɛlɔwai di kaa pai bɛlɛi la, ɉu hvo kɛa kwɛa li diɛ pa mɔ̨nun bui mɛ̨i,

Samia Veerɛi 5:18

Filisti nuą di pa, di di huhiɛ Refaitə ɲɛɛ kɔ́wɔ hu.

Samia Veerɛi 5:22

Filisti nuą di pənə di tɛ di tɔɔ Refaitə nuą di wɔ yee lɔwai yɛɛ kɔ́wɔ hu.

Osia 6:11

Yɛ́ kpɛli mąn Ɉuda, gáá mɔ̨nun mɔn ŋąą heei ə́ tɔwɔ, a ɲələi gáá pai nwɔ́ nuąi kulɔi la luwɔlaa hu.

Ɉeremi 9:22

Yai-Laa yɛ diɛ: Kilimąą mun və gbɔwɔ ɲąąkɛnɛ. Nwɔ kili mɛ̨nį hu. Huwalawala mun hvo gbɔwɔ ɲąą kɛnɛ̨, nwɔ huwalawala laa hu. Hɛn Nąmu hvo gbɔwɔ ɲąą kɛnɛ̨, nwɔ hɛn gɔw mɛ̨nį hu.

Azaya 17:11

Ɲələi lɔ yá di hin na, ə́ ɲɛ̨i a lɛɛ diɛ, diɛ kɛnɛ̨, ɛlɛɛ yələ wala pɔ, yɛ́ kɛa di ɓa kulɔ, Kɛlaa di mįi lɔwai a həli lɔ, di ɓa ə kwɛlɛɛn, ɲɔ̨n tii ɉali hva kɛ.

Zasua 15:8

Nɔi ɲɛ̨n ə kɛi tɛɛ Bɛn-Hinɔmə ɓoloon ɉu pələ. Ɉebusə nuą di wɔ lɔi koo ɓa pələ, naa ɓa Ɉerusalɛmə. Yili pulu, di ɲɛ̨n ə kɛi tɛ kpɔ ɲee ton na. Hinɔmə ɓoloon ɲɛ̨i tɔwɔ, voló tooi pələ. Refaitə nu huwu di wɔ ɓoloon ɲələi pələ.

Zasua 18:16

Ə kɛi yɛɛ ɲee kpɛlai, Bɛn-Hinɔmə ɓoloon tənən ma, Refaitə nuą di wɔ yɛɛ kɔwɔ ɲánwuɔ̨ pələ, ə kɛi laa a Hinɔmə ɓoloon, yɛ hee Ɉebusə nuą di wɔ lɔi ɓa ɉɛɠɛɛ pələ, yɛ hee Ein-Rogɛlə ɓa.

Hanwon 27:25

Da kala kpala paa, nįnɛ̨ a tíliin, nįnɛ̨ kaa lɔ tíliin ɉi, ka gbalaɠaa yɛɠɛ ɲeeɠaa nwuɔ̨.