Azaya 17:2 - Yálá laawoo hɛɓɛ (dc)

² Daaɠaai ɲee mu, nu hvo kɛa pai lɛɛi di hu, di kaa pai lɛɛi a taatɛlɛɛɠaa pɛlɛi, ɛlɛɛ, nu ta hvo pai kɛi di kpɛi.

Yálá laawoo hɛɓɛ

² Daaɠaai ɲee mu, nu hvo kɛa pai lɛɛi di hu, di kaa pai lɛɛi a taatɛlɛɛɠaa pɛlɛi, ɛlɛɛ, nu ta hvo pai kɛi di kpɛi.

Bible

² Fé pâi ǹɛɛ̂i naa Asiria taa-lee-ŋai da é lɛ́ɛ zu. Ŋa pâi naa kélee su-karâi. Naa a pâi lɛɛ̂i nɔ́ a taa-tulɛ-ŋa kɛ̂i. Núu da fé pâi wɔ́lɔ pɔrîi dímaa yaôi dí kúla naa.

Azaya 17:2 Referans Kwoze

Izikiɛ 25:5

Gáá pai Raba kɛi a ɲɔɔmɛ̨ɛ̨ laa mįi, gɛ́ Amɔn lonnii di wɔ lɔi kɛ a taatɛlɛɛ kpulu pɛlɛi. Bələ ɓə ka gili kɔ́lɔn na, kaa kɛ ɲą́ą́ ɓə gáá a Yai-Laa.

Ɉeremi 7:33

Di kaa pai nu kpulu kɛnɛ̨ paai nuą ŋɛ̨i lɔwai, di lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n, ə lɛɛ nu hvo pai hɔlɔɓoi, yɛ di kpɛ.

Sofoni 2:6

Gboloyá kwɛlɛ lɔi kaa lɛɛ a taatɛlɛɛɠaa laa mį́i, a ɓɛi taatɛlɛɛ mɛ̨i kaa nuą da kɛ hiɛ-hiɛ kɛi laa, diɛ taatɛlɛɛ gala tɔɔ laa.

Mise 4:4

Nu kəlee kaa pai lɛɛi nwɔ hihɛnŋąą kwɛlɛ, ɛlɛɛ, nu ta hva di hviikpɛɛ, mąąhɔlɔɓo, Yai-Laa Mɛ̨nį Kəlee ŋą Hééɓomun ɓə ə kulɔ na.

Dutɛrɔnome 2:36

Ə həɠə Aroɛrə ɓa, yaai tii Arnɔn yá kwɛlɛ, ə həɠə nwɔ̨nɔ̨ daai tii ɲee lɔwai lɔi hu mą, ə həli Galaadə lɔi ɓa; taa ta hvo kɛ laa, yii gu hvo ɉon. Yai-Laa gu wɔ Yálái aa kɛ gəlee tɛɛ gu pɔ.

Lonon mo 32:34

Gadə lonnii di pənə di Divɔn tɔɔ, da Atarotə, da Aroɛrə,

Ɉeremi 48:19

'Ká tɔɔ bələi, 'ká bələ hɛlɛn dɛ; Aroɛrə nuą Ka bu nuą tii mąąni kɛ, kaa diɛ: Lə ɓə kɛ?

Dutɛrɔnome 3:12

Gu nɔi tii hon, Galaadə yeeɠaa bələ tɔ̨nɔ̨ da ɉu taaɠaa, ə həɠə Aroɛrə Arnɔn ɓa, ŋį́ dɛɛ Rubɛn da Gadə di wɔ nuą pɔ.

Azaya 7:21

Mąą yələi tii, taatɛlɛɛ tɔɔ mun dɔ̨nɔ̨, nįŋɛ̨ haa tɔ̨nɔ̨ ɓə a kɛ ɲəi, da ɓɛlaa hveelɛ.

Azaya 5:17

Ɓɛlaa lonnii kaa pai kɛi di laa mįi laa, yɛ da kɛ kpomói, ɓoolu lonnii wulaaɠaa diɛ di laa mįi daa kpoloon ɉu,

Zasua 13:16

Ə həɠə Aroɛrə ɓa, Arnɔn ɓoloon gwɛlɛ lɔi, da daai tii heeni nɛ̨ŋɛ̨ lɔi hu, da ɲee lɔi tii Madaba kwɛlɛ gəlee.

Zôo 11:19

Yá kɛi ə́ hvįįtɔɔ, nu ta hva ə́ hviikpɛɛ. Ə lɛɛ, nu tamąą kaa pai kɛi ə́ ɲɛ̨i kələi.

Azaya 7:22

Daatɛlɛɛ ɲįnįya kɛnɛ̨ pələi tii, ɲįnįya ŋą wulɔ ɓə da kɛ mįi; A tɛ̨ą, nuąi pai lɛɛi nɔi, ɲįnįya ŋą wulɔ da kwɛ̨i nwulɔ, ya ɓə pai kɛi a di kɔ̨nɔ̨n.

Azaya 27:10

Daai tii mąątínɛ̨n ŋąą, gaa pai lɛɛi dɔ̨nɔ̨ kon ɉu, a taatɛlɛɛɠaa laamįi kpomó, nɛɛi gbɔwɔ ɓa yɛ lɔi pun, nįŋɛ̨ lon gaa pai pai yɛ naa mįi laa; yɛ laa laa, yɛ wulu laaɠaa mįi.

Izikiɛ 39:26

Nwumɛ̨i di mo, da di wooɠaai kpɔ di gala mą́ą́ mɛ̨nį hu, ɓɛlɔwai di kɛ laa di wɔ lɔi hu, nu ta hvo kɛi di mąą kpɛlin, da lɛ̨ą yili kəlee ɓa.

Zasua 13:25

Di wɔ lɔi ka: Yazerə, Galaadə taaɠaa kəlee, Amɔn lonnii di wɔ lɔi bələ tɔ̨nɔ̨ ə həli Aroɛrə ɓa, yii gaa Raba tənən ma.