Azaya 17:13 - Yálá laawoo hɛɓɛ (dc)

¹³ Lɔiɠaa diɛ gɛ lɔ ɉuwu ɉuwu yɛ ya hvɛɛ. Yálá a tómą di mɛ̨i, diɛ pu diɛ li kwɛa la, da di kpɛ, yɛ yee hu hvaŋą a hee mɔ̨nun gala hu, diɛ li yɛ tulɔ hvaŋą a hee laakpala hu yɛ li la.

Yálá laawoo hɛɓɛ

¹³ Lɔiɠaa diɛ gɛ lɔ ɉuwu ɉuwu yɛ ya hvɛɛ. Yálá a tómą di mɛ̨i, diɛ pu diɛ li kwɛa la, da di kpɛ, yɛ yee hu hvaŋą a hee mɔ̨nun gala hu, diɛ li yɛ tulɔ hvaŋą a hee laakpala hu yɛ li la.

Bible

¹³ Dílaɣi-woo a tɛ̂i yɛ̂ɛ ya-ɣîliŋ támaa súluŋ tîŋ. Kɛ́lɛ Ɣâla a pâi díŋa-yenii. Ǹyaŋ naa a pâi kɛ̂i tɔ̀ŋ. Da pâi kɛ̂i pûi yɛ̂ɛ muluŋ ƃé fãa a kɛ̀ ǹokwâi gɛ́ yèŋ a yée kpaa máŋ yɛ̂ɛ láa kpala ƃé fãa a tɛɛ̂i la.

Azaya 17:13 Referans Kwoze

Mąątɛ̨nɛ̨ 9:5

Mąąhɔlɔɓo, ə́ mą́ą́ mɛ̨nį ɓo, ə́ nwɔ́ tɛ̨ą ɓo, ə́ ɓo heeni, yɛ́ tɔɔkpəlin hu, Yɛ́i a giti teemun ɉaŋąŋąą.

Mąątɛ̨nɛ̨ 1:4

Nu ɲɔ̨nwɔ̨ɔ̨ɠaa di wɛi hva kɛ tii, di kaa yɛ mɔ̨nun gala, yai hvaŋą a li la.

Zôo 21:18

Ya pa, da kɛ kɛi diɛ: «Di kaa yɛ kala kpala yii hvaŋą a ɉəɠə, yɛ mɔ̨nun galai hvaŋą a ɉu taɠa.»

Azaya 29:5

Ə yowoɠaa kpulu kaa pai kɛi yɛ lɛɠɛ hunwɔ̨, Ə́ mɔ̨nɔ̨ɓo tɔɔɓɛlaa kpulu a kɛ yɛ mɔ̨nun galai hvaŋą kaa líila. Ɛlɛɛ kpɔlɔ ɲąą ɓa,

Osia 13:3

Yili mąą mɛ̨nį ɓa, di kaa pai kɛi yɛ luwuluwui a pu yələ wala pɔ; yɛ yələ wala pɔ nɛ̨nɲá, yai hva lamun laakpala ɲą; yɛ mɔ̨nun gala, mɔ̨nun vɛɛi lɔwai, yɛ nwɔ̨n nului a kulɔ pɛlɛ kɔ́m ma.

Danîa 2:35

Nąąlɔwai, gwɛli da nəɠipɔlɔ, mala kwɛli da nwali kwɛli, ə lɛɛ, da ɉɛni tii, di taɠa-taɠa di kee ɓa yɛ hvóló laa ɓoɔ hvana a hee mɔ̨nun gala hu. Hvaŋą ə li a ɉɛn tii kəlee, pɔɔ tɔ̨nɔ̨ kpɛli hvo lɛɛ laa. Kɛlaa, gwɛnii tii kɛlɛ mąąnįnįn ɉaɠaa hu, ə mąą pənə a yee kɛnɛ̨, ə lɔi mɛ̨i kəlee laahvɛɛ.

Azaya 27:1

Nąąlɔwai, Yai-Laa kaa pai nwɔɔ tooi ɉu, a nwɔ kɔ́ kɔ ɓɔwa ɲąąliɛi, gɛnɛ̨, vaŋą kɛnɛ̨; yɛ hvilɛn na Leviatan pulu, yai a gaalə kɛnɛ̨i, a gaalə hu kpəlaan-gbəlaanŋąąi; gaa pai gboloyá hu Gbaatow-gbonoi tii paai.

Azaya 14:25

Gáá pai Asiri huyalii nwɔ́ lɔi hu, gáá pai gii gii ɉii nwɔ́ yeeɠaai nwuɔ̨, nuąi kɛ ɉeɛ di mɛ̨i, da ɉəɠə mąą nuą mɛ̨i, nuąi nwɔ tiɛ̨i ə kɛ di nwuɔ̨, diɲɛ̨i tii a həɠə di nwuɔ̨.»

Mąątɛ̨nɛ̨ 35:5

Di kɛ yɛ mɔ̨nun gala, hvaŋą yəi, a ɓɛlɔwai Yálá nwɔ malakai a hee la di hu.

Zôo 38:11

Gɛ́ mą: «Yá pa, ə́ kpɛlai ka, 'hvo nąą mąą tɛɛ, ə́ wɔ kpɔwɔ ŋąą kɛnɛ̨ laa kpɛlai ka.»

Mąątɛ̨nɛ̨ 65:7

Yá yeeɠaa hee kpɔ tin-tin, a ə́ hvąŋą, yɛ́ ə́ hɛ̨ą yili a huwalawalalaa.

Azaya 8:7

Yili mąą mɛ̨nį ɓa, Yai-Laa kaa pai yalee hvaŋą kɛnɛ̨ hvɛɛi ə dɛ diɛ. Ya ɓaa a: Asiri tɔɔmun da mąą ɲinɛ̨n gɛnɛ̨ɛ̨, gaa pai hvɛɛi, ə həɠə naai yɛ hiɛ kɛɛnąą kəlee ɓa.

Azaya 21:15

mąąhɔlɔɓo, di kɛi pu kɔ́ kɔ́ ɓɔwa tɔwɔ, diɛ həɠə kɔ́ kɔ́ ɓɔwa ɲąąliɛ tɔwɔ, kilɛn daa ɲala ɉu, di kɛi həɠə ɲɛ̨i tɔwɔ, gɔ́ ə hviyɛn di mɛ̨i.

Azaya 22:18

A ə́ pili, yɛ́ kiliɠilin yɛ hɛn gbuɠulu, yɛ́ li lɔi pun gɛnɛ̨ hu. Nąą ɓə ə́ kaa pai haai laa, ka gɔ́ kɔ́ wotoloɠaai kɛi ə́ mąąwiɛ, ɛlɛɛ, di ɓo a ə́ nąmu ŋą pɛ́lɛ́i, mɛlɛ kpɛɛ mąą hɛnŋąą.

Azaya 34:17

Yaa kpinįi ɓə gbɛɛn bili, yɛ nu tɛi tɛi kɔ́, yaa kpinįi ɓə nɔi kɔ́ɔn diɛ, yɛ lɛɛ di yəi a di pɔɔ a yələ kəlee mɛ̨nį, di ɓo laa heeni a kwɛlan gəlee da nwɔɔ.

Azaya 40:15

Lɔiɠaa kaa lɔ yɛ yai a ɓɔ kɔ́wɔ wolo ɓa, yɛ hvilɛn tən tən; di kaa yɛ munuun gbala, a gboloyá hɛ̨ąi lɔiɠaa kpəŋə ɲee ŋą, yɛ bili yələi, yɛ munuun.

Azaya 40:24

Da lɛɛ lɔ heei, da lɛɛ lɔ di kɔwɔ hvilɛn ɉi, di wɔ tɔɔlaai ɉamu hva kpɛli hvilɛn, A nɔ̨ɔ̨ pu lɔ diɛ, daa mą kpala, tulɔ hvaŋą yɛ li a diɛ yɛ kala kpala.

Azaya 41:11

Nuąi kpɔ tii kɛ di liikələnŋąą di kwəi ə́ pɔ, di kaali, di kaa pai nwumɛ̨i, di ɓɛlɛ yɛ kpɛɛ diɛ, di kaa pai lɛɛi a nu kpoloonŋąą, diɛ haa, diɛi kpɔ tii kɛi hvaa pɛlɛ yɛ́i.

Sofoni 2:2

Gɛɛ mɛ̨nįi tii hvo pa kulɔ, di ka hutaɠa yɛ dɛ̨ɛ̨ kpalaan, a vóló tɔ̨nɔ̨i tii, gɛɛ Yai-Laa nwɔ liiɲąnwąną hvo yɛɛ a ka nwun, gɛɛ niiɲąnwąną hvólói tii hvo ɓɛla ka mɛ̨i, 'Ka ka nwun dɔɔ, ka ka kɔ́wɔ mąąnikɛ!

Mąątɛ̨nɛ̨ 65:8

Yɛ́ gboloyá tin gɛnɛ̨ kɔ́lɔ haa mą, ɲá a kɛi muhəɠə tii a din gɛnɛ̨, da nukanŋaa hvuluun nwoo.

Azaya 30:28

Na hvaŋą kaa yɛ yá hvɛɛ, a ląn gbonwomɛ̨i yɛ nu hon gwąną. Gaa pai lɔiɠaa hiɠi-hiɠiɓoi ə di hu kala, ə lɛɛ, yɛ hoo laa kwɛli lɔ di la, a di nwun ɉu lan ɉɛn.