Biblia Todo Logo
Bib sou entènèt

- Piblisite -




Azaya 17:12 - Yálá laawoo hɛɓɛ (dc)

12 Mąąwɛli mɛ̨nį ka! Nu kpulu kɛnɛ̨i lono hvo mą, di huluun nwoo kaa tɔɔi, di huluun nwoo yɛ tɔɔ, yɛ gboloyá a kɛi huluun, di kaa huluun ɉii yɛ ya leeɠaa da kɛi huluun.

Gade chapit la Kopi

Yálá laawoo hɛɓɛ

12 Mąąwɛli mɛ̨nį ka! Nu kpulu kɛnɛ̨i lono hvo mą, di huluun nwoo kaa tɔɔi, di huluun nwoo yɛ tɔɔ, yɛ gboloyá a kɛi huluun, di kaa huluun ɉii yɛ ya leeɠaa da kɛi huluun.

Gade chapit la Kopi

Bible

12 Áao, kɔ́ kɔ́-ƃela da pâi Ɣâla ŋɔnûai tíŋ kuláa yɛ̂ɛ yúo too tiŋ! Ǹɔii ŋuŋ-ŋai su kɔ-kuluƃa-ŋai da pâi. Dílaɣi-woo a tɛ̂i yɛ̂ɛ ya-ɣîliŋ kɛ́tɛ too tîŋ.

Gade chapit la Kopi




Azaya 17:12
21 Referans Kwoze  

«Mɛ̨nįɠaa kaa pai kɛi hvóló ɓa, da yɛ kɛ ɲąnįn ma da pɛmɛ̨nɛ̨n gɔwɠaa. Lɔi mɛ̨i da, gboloyá hu tin gɛ pələ, yɛ liihɛlɛn doo nuą diɛ.


Nwɔ kulaaɠaa kaa di wɔ kpalaɠaa da mį́i kɔ́wɠaa kɔ̨nwɔ̨i. Di kili walawalaa ɲɛ̨imąąwɛli hvo di hu, di tin gaa tɔɔ yɛ gboloyá aa kɛi huluun, di kaa heeni hooɠaa mɛ̨i; di háán yiliɛ kɔ́ kɔ́ mɛ̨nį ɓa, daa tɔɔ a di yɛli, Siɔn taa! Yɛ́ ɓə di kaa pai pɛlɛi yɛ́.


Mąąwiɛ ə kɛ mą! Ŋį́ Yai-Laa təli lɔ, ɲéé ə tɛɛ ɲówoɠaa diɛ.


Yili pulu, malaka yɛ mą́ą́: «Ɲáɠaa tii ə́ gaa ɓɛi nwɛlikɛ nɛ̨ɛ̨nui tii heɛ ə kɛ laai, di kaa a huwuɠaa, a nu kpuluɠaa, hįi lɔiɠaa, ɛlɛɛ, da hįi wooɠaa.


Yili pulu, malaka mɛ̨ihveelɛi tii gbələ kɔ́wɔ mɛ̨ihveelɛ ə kɛ di yee ɲąi, dɔ̨nɔ̨ ə pa, yɛ mą́ą́: «'Pá ɓɛ! Nwɛlikɛ nɛ̨ɛ̨nu kɛnɛ̨i tii heeni gboloyá kwɛlɛ, bələi di pai giti teei la, ŋį́ bələ lɛ yɛ́.


Ŋą́ Israɛlə nwɔ Yálá nwɔ mąąwiɛlaa kaa, yɛ həɠə voló kulɔi pələ, yɛ pa a din gɛnɛ̨ɛ, yɛ ya hvɛɛ tin. Lɔi mɛ̨i ə pɔ̨nɔ̨ a nwɔ mąąwiɛlaa.


Mɛ̨nį haŋąą ɓə pai kɛi a bɛlɛ́ kɔ́ɔn ɲɛli, tələnmolaa ə ɓo a ɉaŋą hɛn, ka mąąkilɛ pɛ́lɛ́i a lɛɛ, hanwon gaa pai ɉukalai, ɓɛi ka káá pai ka mąąkilɛi laa, yá hvɛɛ a nąą həɠə.


Gbala ə tɔɔ, gwaa lon ɉɔlɔɓo, daa lon ɉulɔnu tɛɛ gu pɔ, heeɓolaa kaa ɲəi; naa ɓaa a: Liɛwoo kɛmun nɛlɛɛ, Huwalawala Yálá yələ kəlee Ną́n, Liilaa Tɔɔmun.


Yai-Laa woo aa hiɛ yá kəlee mɛ̨i, Yálá mąąwia kaa tomąi yɛ yələgbąnąą; Yai-Laa kaa heeɓolaa kɛi yá kpɛa kpɛa kəlee mɛ̨i.


Ɓɛlɔwai mąąnɛ̨ɛ̨ kɛ di li la a mįnɛ̨ kəhi, Moisə a kɛ mą: «Yai-Laa ə́ muhəɠə Ə́i yowoɠaa hu taɠa, nuąi diɛ di tɔɔ Ə́ la, di pu di həɠə Ə́ ɲɛ̨itɔwɔ!»


Ee Yálá! 'Hvó ə́ laa pilɛ lɔ tin! 'Hvó tɔɔ lɔ tii tin, ə́ mɛ̨ihaa.


Nu-kanŋąą, 'ka kpɛlin, 'ka kwəi ə pili kaa a mɔ̨nɔ̨! 'Ka ka wəli tɔɔ, kwɛala lɔiɠaa, kaai kpɔ lɔi mɛ̨i ɓɛ yɛnɛ̨ɛ̨! 'Ka ka hu yili kɔ́ kɔ́ mɛ̨nį ɓa, ɛlɛɛ, di ka hu wolo! 'Ka ka hu yili kɔ́ kɔ́ mɛ̨nį ɓa, ɛlɛɛ, di ka hu wolo!


'Ka di hu tín mɛ̨n ɲeeɠaa hu, gaa yɛ nu kpulu kɛnɛ̨, 'ka nɔiɠaa hu tín mɛ̨n, lɔiɠaa ɲąąkpɔn ŋąąi, Yai-Laa Mɛ̨nį Kəlee ŋą Hééɓomun, kaa nwɔ kɔlaɠaɠaai mɛ̨i kaai, di kaa lii kɔ́ ɓa.


Kɔ kɔ́ hɛn lɔpee di bɛli ə́ mąą mɛ̨nį ɓa, hvo pai pɛlii mɛ̨nį ta kɛi yɛ́, nɛn lɔpee yɛ ə tɔɔ ə́ la kiti hu, yá pənə ə́ bulu kulɔ a ɉɔn. Bələ ɓə Yai-Laa nwɔ tínuą kɛ pələ kaa pai kɛi la. Di wɔ tələnmolaai tii a gɛ́ mɛ̨nįi, gɛ pələ kaa pai kɛi tii. Yai-Laa woo li.


Kɛlaa yiihu, lɔi tamąą daa di muhəɠə yɛ́ a kɔ́, di kaa kɛi diɛ: «Siɔn ɓɛlɛ ə too, ə too kpɔ, ku ɲɛ̨i kɔ́w ə nąą kaa!»


Ɓɛlɔwai ŋą kɛ la laani ɲəi gbin ŋą a kpinį, ŋą́ hįi kaa. Hvaŋą ə həɠə yɛnɛ̨ɛ̨ nwoɔo nąąn ɉu, yɛ tɛɛ, yɛ li gboloyá ŋą, yɛ ɲa kɛ takpa takpa.


Swiv nou:

Piblisite


Piblisite