Azaya 17:11 - Yálá laawoo hɛɓɛ (dc)

¹¹ Ɲələi lɔ yá di hin na, ə́ ɲɛ̨i a lɛɛ diɛ, diɛ kɛnɛ̨, ɛlɛɛ yələ wala pɔ, yɛ́ kɛa di ɓa kulɔ, Kɛlaa di mįi lɔwai a həli lɔ, di ɓa ə kwɛlɛɛn, ɲɔ̨n tii ɉali hva kɛ.

Yálá laawoo hɛɓɛ

¹¹ Ɲələi lɔ yá di hin na, ə́ ɲɛ̨i a lɛɛ diɛ, diɛ kɛnɛ̨, ɛlɛɛ yələ wala pɔ, yɛ́ kɛa di ɓa kulɔ, Kɛlaa di mįi lɔwai a həli lɔ, di ɓa ə kwɛlɛɛn, ɲɔ̨n tii ɉali hva kɛ.

Bible

¹¹ À kɛ̀ zí-sãai ŋí da sòo dí poa nɔ́ a tãi ká dísi lai, ká fé pâi dí ƃá kulâi. Ka pâi kɛ̂i nɔ́ naa mɛni kpɔ̂lu-ŋa tee-tee su lii-too pôlu ŋánaa kɛ́ ƃò kâa.

Azaya 17:11 Referans Kwoze

Osia 8:7

Di kaa hvaŋą hin ɉii, di kaa pai tulɔ hvaŋą hɔlɔɓoi, mɔ̨nun gbaɠa a wala kɛ mą, gɔw hva kɛ ɉu, da a kɛ nwɔ̨nɔ̨ ɉu, nwɛ̨ąą ɓə da mįi.

Zôo 4:8

Ŋą́ą́ gaa, gɛ́ diɛ: nu ya hulu mɛ̨nį hin, da laanɔ̨nwɔ̨, ya ma kulɔ.

Lomaŋ 2:5

Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Osia 9:16

Daa Ɛfraimə kɛlɛ, di hamu aa kpala, di hvo kɛa pai ɓai. Di mąn lon gaa, ŋą́ di wɛlikɛmąą lon tii paa.

Ɉeremi 5:31

Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Mąątɛ̨nɛ̨ 90:6

a powa yələwala pɔ, mąą yɛ hvalin, yələwulii pɔ, ə yohva, ə kpala.

Levetekɔ 26:20

Ka káá lɔ pai kɛi ka kpɔwɔ hviikpɛɛi, dɔ̨nɔ̨ hva hɔlɔɓo, nɔi ɲąą hva nɛ̨ɛ̨, hɛn da hva lɛlɛ mą.

Dutɛrɔnome 28:39

Ka viɲə yɛa laa, ka naa hɔn mo, kɛlaa, ka hva nɔɔ kpələ, ka hva kpɛli má kulɔ, mąąhɔlɔɓo, kolo a pu maáɠaa hu.

Azaya 17:5

Yɛ bələi kpɔlɔ da mɔ̨nun diɲɛ̨ la gee mɛ̨i mɔ̨nun deei lɔwai, diɛ mɔ̨nun gɔnŋąą tiɛ̨ gee mɛ̨i, mɔ̨nun gbaɠa tɛi tɛi lɔ ɓə kɛa a lɛɛ Refaitə yɛɛ kɔ́wɔ hu.

Zooɛ 1:17

Ɉihɛn ɉuwui gu bili, yɛ kpala bɔlɔ mu. Mɔ̨nun aa kpɛɛ, gələɠaa daa lɛɛ a di hvowolo, gələɠaa daa pu.