Azaya 16:10 - Yálá laawoo hɛɓɛ (dc)

¹⁰ Kwəinɛ̨ɛ̨ da yɛlɛ woo daa kpɛɛ ɲeeɠaa nwuɔ̨, ɛlɛɛ, di hvo kɛa mąnąi, di hvo kɛa di yee lɔwai viɲə yɛɛɠaa hu, di hvo kɛa lɔɔ kulɔi, gwəinɛ̨ɛ̨ wələɠaa daa kpɛɛ.

Yálá laawoo hɛɓɛ

¹⁰ Kwəinɛ̨ɛ̨ da yɛlɛ woo daa kpɛɛ ɲeeɠaa nwuɔ̨, ɛlɛɛ, di hvo kɛa mąnąi, di hvo kɛa di yee lɔwai viɲə yɛɛɠaa hu, di hvo kɛa lɔɔ kulɔi, gwəinɛ̨ɛ̨ wələɠaa daa kpɛɛ.

Bible

¹⁰ Núu da fé ŋɔ́nɔ lii-nɛ̃ɛ kulâi gbâlaŋ-ŋai ŋí da ŋá. Núu da fa mii-sãa da kélee sɔlɔ ƃô naa. Lii-nɛ̃ɛ mɛni da kélee fé ŋɔ́nɔ naa gbɔmɔ kpâlaŋ-ŋai da ŋá. Núu da fa ŋɔ́nɔ lii-nɛ̃ɛ wule da tòo naa. Sí-sãa ƃá-kula mɛni da fé ŋɔ́nɔ naa. Yâwɛɛ a gélee kpéra.

Azaya 16:10 Referans Kwoze

Ɉeremi 48:33

Moabə, ə wɔ kwəinɛ̨ɛ̨ hu kɛnɛ̨i gaa ə́ yəi ɲɛa kɔ́ɔɠaa hu, viɲə yɛɛɠaa hu, gəlee kpɛɛ li. Nu huluun nwoo hva kɛa tɔɔ viɲə lɔɔɠaa pɛlii.

Amɔsə 5:17

Woolaa kaa pai kɛi ka yəi viɲə yɛaɠaa kəlee ɓa, ɓɛlɔwai ŋį́ tɛɛ la ka pɔɔli; Yai-Laa woo li.

Amɔsə 5:11

Kaa too mąąwɛli mun mɛ̨i, kaa gɔ̨nɔ̨n gulɔ ɲəi. Yili ɓə gaa mą, ka káá pai kwɛni pɛlɛ lɛlɛɛɠaa tɔɔi-yo! Kɛlaa, ka hva yii mu. Kaa viɲə huwu lɛlɛɛɠaa ɲɛa laa, Kɛlaa, ka hvo pai da ya kulɔi, ka hvo gɛ a lɔɔ kaa gbələ.

Nwun mąąɓo 9:27

Sisɛmə nuą də li di yəi viɲə yɛaɠaa ɓa, di ma kulɔ, də li di bɛli a lɔɔ, di hɛli kɛnɛ̨ ta pu la, də li di wɔ haliɠaai hee pɛlɛ́ mu, di di laa mįi, di di kpələ, yili pulu, diɛ Abimelɛkə nɛ̨ŋɛ̨n naa.

Sofoni 1:13

Nuą da too di wɔɔ hɛngɔwɠaai hu, di di wɔɔ pɛlɛ́ɠaai wolo. Di kaa pai pɛlɛ́ɠaa tɔɔi, Kɛlaa, di hva lɔ mu. Da viɲə yɛa laa, Kɛlaa, di hva da ya kpələ.

Azaya 32:10

Kwɛlan dɔ̨nɔ̨ a tɛɛ hvóló taɠaa da laa mɛ̨i, ka mąą kaa pai kpɛlin ɉii, a kɛ tii kɛa daa kpɛɛ a mɔ̨nun deɛ, mɔ̨nun dee mɛ̨nį hva kɛa kɛ ɉu.

Zôo 24:11

Diɛ nuą di wɔ wulɔ kulɔ di yəi gwəliiɠaa diɛ di wɔ lɔɔ ya kulɔ, di hva gɔwɔn, pulu ə ɓo diɛ.

Azaya 24:11

Di kaa lɔɔ kwɛlii gwəliɠaa pɔ, kwəinɛ̨ɛ̨ mɛ̨nį kəlee aa kpɛɛ, kwəinɛ̨ɛ̨ kəlee aa kpɛɛ nɔi.

Zooɛ 1:12

Viɲəɠaa daa kpɛɛ ɉu. Mɔɔlaa wuluɠaa daa hvilingbɛ ɲɛa wuluɠaa kəlee daa kpala. Grenadə wuluɠaa, tow wuluɠaa, daa pomə wuluɠaa kəlee. Nuą kwəinɛ̨ɛ̨ mɛ̨nįɠaa daa kpɛɛ.

Amɔsə 9:13

Yai-Laa yɛ nwɔ̨nɔ̨ diɛ: Hvoló ta kaa pai həlii, mɔ̨nunŋaa da lɛlɛ, di lɛɛ deei, ɛlɛɛ la ɉu, kɛɛhii lɔwai ə ɉəli, Nuąi da kɛ viɲə ya kulɔi, diɛ gɛ a lɔɔ, da lɛɛ gulɔi, ɛlɛɛ la ɉu, viɲə hii lɔwai yɛ ɉəli. Nąąlɔwai, lɔɔ nįnɛ̨ a kɛ yɛɛi a yee kpukpuɠaa yɛ ya lon. Lɔɔ ya a hvɛɛ ə tɛ ɲeeɠaa kəlee diɛ.

Izikiɛ 7:7

Pulu kaa pai ə́ mɛ̨i nɔi lon, ɲələ kaa pai; voló aa lɛɠɛ. Ɲɔw ɓə ɲeeɠaa nwuɔ̨, kwəinɛ̨ɛ̨ hvəi.