Azaya 15:5 - Yálá laawoo hɛɓɛ (dc)

⁵ Gáá wɔlɔi Moabə mɛ̨i, pu nuą daa həli kpɔ Soarə, daa həli Ɛglatə-Selisiya. Diɛ Luhitə yee kpukpu tɛ a wɔlɔ, diɛ tómą a ɲąą nwąnąą Horonaimə pələɠaa pɔ.

Yálá laawoo hɛɓɛ

⁵ Gáá wɔlɔi Moabə mɛ̨i, pu nuą daa həli kpɔ Soarə, daa həli Ɛglatə-Selisiya. Diɛ Luhitə yee kpukpu tɛ a wɔlɔ, diɛ tómą a ɲąą nwąnąą Horonaimə pələɠaa pɔ.

Bible

⁵ Ŋa wɔ̂lɔi a zu-kɛ́tɛ Môa mɛni ma! Ŋɔnûai dí pù dí lí Zôa. Dí pù dí táa-tâa. Da-ŋa dí lì Egila Selisiya pere, da-ŋa dí lí Lui díkɛ wɔ̀lɔ díkɛ lì. Da-ŋa dí pù dí lí Oronaiŋ perei ma díkɛ maloŋ wɔ̀lɔ kɛ̀ a zu-kɛ́tɛ dísu-kara mɛni ma.

Azaya 15:5 Referans Kwoze

Ɉeremi 48:5

Di kaa Luhitə yee tɛi, diɛ wɔlɔ; Nuą di kaa Horonaimə yee yɛɛi, diɛ təli ɓo woo mɛ̨n, yɛ həɠə mąąwɛli mɛ̨nį kɛɛnąą pələ.

Ɉeremi 4:20

Di kaa kɛi diɛ: «Kɛɛ kala mɛ̨nį ɓə-o, kɛɛ kala mɛ̨nį ɓə-o.» Nɔi kəlee aa lɛɛ a lɔi pun. Daa nwɔ́ pɛlɛ́ɠaa pu lɔ tɔ̨nɔ̨, kpulú! Daa ku nwun mąąkilɛi lɛɛ a hvea ŋą.

Ɉeremi 17:16

Ɛlɛɛ yaan, gu woo hvə li li a pələ tɔ̨nɔ̨, və́ ɉu hvɛli gɛ́ kɛ mɛ̨nį nwąnąą ə pa ɉa, və́ kɛ mɛ̨nį kalaa nwɔ yələ hu hvɛli li, yɛ́ kpįnįi gbaɠala kaa yɛ́. Mɛ̨nįi kulɔ ná, ŋį́ mo ə́ ɲɛ̨i ɓa.

Ɉeremi 13:17

Ka wala ka wəli tɔɔ niɛwoo ŋɛ̨i ɓa, gáá pai mąąwɛli hee ɓoi honwon ɉu, gbɔwɔ ɲąą kɛnɛ̨ taaləi tii mąą mɛ̨nį ɓaa, gɛ́ wɔlɔ, ɲɛ̨́i ya yɛ laa a yalon. Mąąhɔlɔɓo, Yai-Laa nwɔ kpului kaa lii luwɔlaa hu.

Ɉeremi 9:10

Yai-Laa yɛ diɛ: Gáá Ɉerusalɛmə daai lɛɛi a kwɛni hįi, a lɔwɔ huwɔɠaa pɛlɛi, ŋį́ Ɉuda taaɠaa lɛɛ a lɔi pun, Nui lɔpee ta hva lɛɛ daaɠaa tii hu.

Azaya 22:5

Mąąhɔlɔɓo, Nąmu Yai-Laa Mɛ̨nį Kəlee ŋą Hééɓomun aa yələ ɲɔwɔ̨ɔ̨ laa ɓɔ ku mɛ̨i, a ɲɔw kɛnɛ̨ nwɔ yələ, a nuą pu yələ, nu hu yɛ pu mą, Ɉį́į kaa ɓoloon ŋą hįį kpoloon ta aa pu, tómą woo yɛ tɔɔ ɲee nwuɔ̨.

Azaya 16:14

Yiihu kɛa, Yai-Laa yɛ: «Gɛɛ kwɛlan ɉaaɓa hvo tɛɛ, Moabə nu kpɛa-kpɛaa, da nɔi lonnii kəlee di ɓɛlɛ a kpɛɛ diɛ, da lɛɛ lɔ tɛi tɛi, nu kpəli hva lɛɛ a hɛn ɲąą mąą.»

Samia Veerɛi 15:30

Davidə ə kɛi olivie yee tɛ, ə kɛi ɲee tɛ a wɔlɔ; həɠə pɛlɛɛ nwun mɛ̨i, ə kɛi hiɛ kɔ́lɔ hvo kɛ gɔwɔŋa. Nu kpului tii kɛ bɔ, həɠə ə kɛ gəlee nwun mɛ̨i. Di kɛi li, diɛ ɲee tɛ diɛ wɔlɔ.

Samia Veerɛi 15:23

Nɔi nuą kəlee di kɛi wɔlɔ a di woo kɛnɛ̨. Nuą kəlee di tɛɛ. Tɔɔmun yaa kpįnįi ə Sedrɔn ya teen, ə lɛɛ, nɔ nuą kəlee di kɛi tɛɛ a bələi tii a laa a nɔi pun goo.

Zɛnɛse 19:22

Li a gilɛ ɉa-ɉa, ə́ ə́ mąą kilɛ laa, mąąhɔlɔɓo, ya wala ni həli daai tii hu, və́ pai pɛlii mɛ̨nį ta kɛi.» Mɛ̨nįi gɛ diɛ kɛ daa lon tii laa ɓaa Soarə yaa li.

Zɛnɛse 14:2

di kɔ́ pɛlɛ Sodomə tɔɔmun Bera ɓa, da Gomorə tɔɔmun Birsa, ə mą kɛ, Adma tɔɔmun Sineavə, da Sevoimə tɔɔmun Sɛmevɛrə, ɛlɛɛ, Bera yai da kɛ mą Soarə nwɔ tɔɔmun.

Zɛnɛse 13:10

Lɔtə ə ɲɛ̨i laa, nɔi kɛ Ɉurdɛn yá koo ɓa, ə gaa, nąą pələ nwɔ kalai ɲąąnɛ̨ɛ̨. Ə həɠə Soarə daai yɛ li Sodomə daai da Gomorə daai pələ, nąą pələ ə kɛ yɛ Yálá-taa lon ma. Kɛlaa, Nąąlɔwai, Yai-Laa hvo ni kɛ Sodomə taa da Gomorə taa di kala li. Gɛɛnąąi tii, nɔi lɛlɛ pələ ə kɛ yɛ Eziptə ɲá lee kɛnɛ̨ ŋɛ̨i da kɛ mą: Nilə, gwɛlɛ lɔi.

Lonon mo 21:29

Moabə, kpalo aa ɓɛla yɛ́! Kemɔsə nwɔ lɔi ə lɛɛ ɉu. Nonnii nɛ̨ąą daa lɛɛ a luwɔɠaa, non ɉinąą daa kɛ a pu nuą. Amɔrə tɔɔmun Sihɔn yəi.

Azaya 59:7

Mɛ̨nį ɲɔ̨n mə di kɔ́wɔ a mąą gilɛ həɠə, da kɛ gilɛ həɠəi, diɛ li kwəi kwələmun ɲąmą pu mɛ̨nį ɓa, di kwəi kiliɠaa kaa a mɛ̨nį ɲɔ̨n gɛ kili, ɓɛi da tɛɛ laa, kɛɛ kalaa, hɛn ɉu wolɔɔ ɓə da di lɛɛ laa.

Ɉeremi 4:19

Ə́kə́ Níí! Ə́kə́ níí kaa kpəlaan ɉii gwə́i mɔ̨nɔ̨i gáá mįi mąą mɛ̨nį ɓa. Níí yɛ kulɔ mą́ą́, gwəi aa kɛ tukpu-tukpu, vá pɛli náá pilɛi, mąąhɔlɔɓo, ŋą́ą́ gɔ́ tulu woo mɛ̨n, ŋą́ą́ gɔ́ mɛ̨i woo mɛ̨n aa too nwə́lii.

Ɉeremi 48:3

'Ká pa kilɛ mą́ą́ woo kaa tɔɔi Horonaimə, kɛɛ kala mɛ̨nį da yee lɛɛ ɉu kɛnɛ̨.

Ɉeremi 50:46

Babilonə tɔɔmun too tín gaa pai lɔi kpɛlin ɉii. Doma woo yɛ tɔɔ lɔiɠaa hu.