Azaya 14:22 - Yálá laawoo hɛɓɛ (dc)

²² Yai-Laa Mɛ̨nį Kəlee ŋą Hééɓomun yɛ diɛ: «Gáá pai haŋąi ŋį́ tɔɔ, gɛ́ Babilonə laa hu pu, da dɛɛ pɔɔ kəlee, ə mą kɛ, ɉuwu da bulu nuą. Yai-Laa woo li.

Yálá laawoo hɛɓɛ

²² Yai-Laa Mɛ̨nį Kəlee ŋą Hééɓomun yɛ diɛ: «Gáá pai haŋąi ŋį́ tɔɔ, gɛ́ Babilonə laa hu pu, da dɛɛ pɔɔ kəlee, ə mą kɛ, ɉuwu da bulu nuą. Yai-Laa woo li.

Bible

²² Ŋ̀wála-wâla kélee Yâwɛɛ a m̀ôi ǹyɛɛi, “Ŋa pâi ŋɔ́nɔ Babelɔŋ su-karâi. Fé pâi sɛŋ da kélee lɛɛ̂i naa a dɔnɔ kpîŋ, nîa-pɛlɛɛ, kpaa máŋ fúlu-sɛŋ da kélee. Fé pâi da ŋɛ́i malôŋ kâai.

Azaya 14:22 Referans Kwoze

Hanwon 10:7

Tələnmo nuą kili kaa nuą ŋą, diɛ lúwɔ́ too diɛ. Kɛlaa, nwąnąlɔ nuą laa a pu pɔlɔ hu.

Tɔɔɓɛlaa dɔlɔɔ 14:10

Yili mąą mɛ̨nį ɓa, gáá hinąą kpɛɛi Ɉeroboamə yəi bɛlɛ́n, yɛi kɛ a luwɔ a wala kɛ tii lɛɛ gbɔwɔ ɓa mun ɓɛ Israɛlə lɔi hu. Gáá pai Ɉeroboamə yəi bɛlɛ́n nonnii kələi yə bələi da kala kələ la.

Azaya 43:14

Yai-Laa woo ka, yai a ka nwun mąąɓo, Israɛlə nwɔ Mąąhəɠəmun, yɛ diɛ: Gáá kɔ́ pɛlɛi Babilonə ɓa, ka mąą mɛ̨nį ɓa, gɛ́ nąą nuą kəlee kɛ a nuąi da pu kɔ́ tɔwɔ, a tɛ̨ą, Kalde nuą kaa pai kɛi pui; kələnŋąą hu, ɓɛi di yee looa wooɠaa ə kɛi tɔɔ laa a kwəinɛ̨ɛ̨.

Azaya 21:9

Ɉɛn pai ya ka: Nu ta kaa wotolo hu, hoo hveelɛ diɛ ɲala, ə pələ pili mą́ą́, yɛ mą́ą́: «Aa too! Aa too! Babilonə aa too! Nwɔ hali mąą nįnįnŋąą kəlee kaa nɔi ɓa, di hu aa yali.»

Azaya 13:5

Di kaa həɠəi kwɛala lɔi hu, yələkɔlɔn gbɛlai pələ, Yai-Laa da nwɔ liiholii nwąnąkulɔ hɛnŋąąi, di kaa pai nɔi kəlee huwoloi,

Ɉeremi 50:3

Gaa tii, ɲələi pələ, nu huwu ta kaa woloi mą, yɛ nwɔ lɔi mąą pənə a lɔi pun. Nu kan-nwoo huwɔ-oo. Gəlee daa pu, hɛn da hvo lɛɛ li laa.

Nahumə 1:14

Mɛ̨nįi Yai-Laa ka moi yɛ hvilɛn yɛ́ ya ka, yɛ: Ə́ laa hvo pai lɛɛi huwui lɔpee da ɓa, ə́ wɔ yáláɠaai hvɛli pɛlɛ́ mu, ɉaliɠaai di kaa laa a wulu mąą haɠaa, da yiiɠaai di di yɔw, gáá pai gəlee kpɛɛi laa; gáá ə́ kámą pɛlii, mąąhɔlɔɓo ə́ mu hvo wiɛ li.

Mąątɛ̨nɛ̨ 12:6

Ya ɓə Yai-Laa a kɛ diɛ: «Mąąwɛli nuą laanɔ̨nwɔ̨ ɓo pələ, da yeehvowolo nuą wɔlɔ pələ, múhəɠə hiɛ kpɔlɔ li. Nui di kɛi di lɛayá pili mą, gɛ́ ɉee liilaa hu.»