Azaya 14:19 - Yálá laawoo hɛɓɛ (dc)

¹⁹ Kɛlaa ə́ wɛi, daa ə́ pili kwɛaa la, hvó ə́ wɔ kámąi kwɛlɛ, yɛ yəikalalon a nu lii muhəɠə, yɛ nui di baa a ɓɔwa kwɛaa, diɛ ɓɔ di hu, diɛ di pili kwɛni woloɠaa hu, gəlee daa pu ə́ mɛ̨i, yɛ nu powai di kaa dan ɉii a di kɔ́wɔ.

Yálá laawoo hɛɓɛ

¹⁹ Kɛlaa ə́ wɛi, daa ə́ pili kwɛaa la, hvó ə́ wɔ kámąi kwɛlɛ, yɛ yəikalalon a nu lii muhəɠə, yɛ nui di baa a ɓɔwa kwɛaa, diɛ ɓɔ di hu, diɛ di pili kwɛni woloɠaa hu, gəlee daa pu ə́ mɛ̨i, yɛ nu powai di kaa dan ɉii a di kɔ́wɔ.

Bible

¹⁹ Kɛ́lɛ íƃolôŋ fé ma. Ípoma lâai banaŋ ma gɛ́ lula. Gáa kɔ́ kɔ́-ƃela poma-ŋa sáma nyíi-ŋai dí dípàa kɔ́ su nûa díkɛ ƃɔ̀rɔŋ dîai. Da pâi dípilîi kɔni-wôlo kpóŋ kôya-ŋa su.

Azaya 14:19 Referans Kwoze

Ɉeremi 41:9

Ɲálɔwai Yismaɛlə ə nu powaɠaa pu ɉui, ɲálɔwa kɛnɛ̨i tɔɔmun Asa ə dee ɓɛlɔwai Israɛlə tɔɔmun Baesa ə kɔ́ pɛlɛ la ma. Netania lon Yismaɛlə ə ɲálɔwai tii laahvɛɛ a nu powa.

Ɉeremi 41:7

Di həliɛ daa hąąi, Netania lon Yismaɛlə da nuąi tii kɛ bɔ, di di paa, di di powa pili ɲálɔwa hu.

Izikiɛ 32:23

Di Asiri nuą kámąɠaa tee kpɔ nowa kpon ɉu, nwɔ kpɔn kaa gámaɠaa mąątínɛ̨n ɉii yɛ doo gee hu, di di kəlee di paa, di too a ɓɔwa kwɛa laa pɔɔ; a diɛi tii kɛi ɲɔw too yɛnɛ̨ɛ̨ nuą hui.

Ɉeremi 22:19

Di kaa pai bowa looi yɛ bələi da hoohvaalən now la, di kaa pai bowa yalai di bili Ɉerusalɛmə taa mąąkpɛ hį́i gbon bulu pələ.»

Ɉeremi 16:6

Nɔi ŋɛ̨i hu nu kpɛa kpɛaa, da bɛlɛɛɠaa di kaa pai haai, di powa loo mun hva hɔlɔɓo, wɔlɔ woo hva tɔɔ di mɛ̨i; nu ta hva gbɔwɔ mąą ɓɛla, nu ta hva nwun gbəlaan mo.

Tɔɔɓɛlaa veelɛ 9:25

Nąąlɔwai, Ɉehu yɛ nwɔ ɓíitiɛ̨i Bidkarə ɓa: «'Bowa kulɔ nwotolo hu ə́ bili Izreɛlə mun Nabɔtə nwɔ tíi hu.» Ɉehu yɛ nwɔ̨nɔ̨ mą: «Ə́ kiliŋąhiɛ tai, yələ ta, gu kɛ gu kee ɓa, ɲą́ą́ gwa yɛ́ nwotolo hu, gu ɓo Yoramə nąn Akabə yee mu, Yai-Laa ə mɛ̨nį ta ɓo yɛ hvilɛn na Akabə nwɔ pɛ́lɛ́i ɓa.

Tɔɔɓɛlaa dɔlɔɔ 21:24

Akabə yəi bɛlɛ́n nuąi lɔpee da haa taai, yilɛɠaa ɓə da bowa mįi, yii a haa lɔwɔi, yələi nwɛ̨nįɠaa ɓə da bowa mįi, yii a haa kpomói, yələi nwɛ̨nįɠaa ɓə da bowa kpələ.»

Tɔɔɓɛlaa dɔlɔɔ 21:19

Yá li ə́ bələ ŋɛ̨i ɓo mą, yɛ mą: ‹Yáá nu paa, ɛlɛɛ ə́ kaa nwɔ̨nɔ̨ bɔ ə́ hɛn ɉɔlɔɓo›, yɛ nwɔ̨nɔ̨ mą; Yai-Laa woo ka: ‹Ɓɛi kpɔlɔɔ tii, yilɛɠaa di Nabɔtə ɲąmą kpələ laa, yilɛɠaa kaa kpɔlɔɔ pai yɛ́ kpɛli ə́ ɲąmą kpələi laa.›»

Azaya 5:25

Yili mąą mɛ̨nį ɓa, Yai-Laa lii aa holi nwɔ nuąi pɔ, aa ɲee tɛ mɛ̨i di kɛlɛ mɛ̨nį ɓa, yeeɠaa diɛ kpɛlin, di powaɠaa di ɓo gwəli hɛ̨ąiɠaa yɛ tulun ŋą, kɛlaa ə mą kɛ tii, nii hvo nii laa li, ɲee tɛɛ lɔ ni mɛ̨i.

Azaya 13:15

Nui lɔpee di pai gaai, da baa, nui lɔpee di kaa pai ɉon ɉii, kɔ́ kɔ́ ɓɔwa a doo.

Azaya 14:18

Yɛnɛ̨ɛ̨ tɔɔɓɛlaa kəlee, da laa hvo kulɔ li ɉu, di kaa di hviitɔɔi a di ɓɛlɛ, di wɔ kámąɠaai hu.

Azaya 34:3

Di kaa pai di wɔ nu powaɠaai pilii lɔ tii, nu powaɠaa ku ɲɛ tɛ, ɲąmą kpoloon ɲɛ yɛɛ a ɲeeɠaa.

Ɉeremi 51:4

Nuąi daa di mąą nwąną di paa pələ ɓa, di kaa tooi Kalde lɔi hu a di powa. Nuąi daa ɓɔ di hu, diɛ too bələɠaa pɔ.

Izikiɛ 32:27

Da gɔ́kulááɠaai tii haa di ɓo a kɛ́nɛ̨ kpolɔwaɠaa, di hva pɛli kɛi laa ni kɛɛnąą tɔ̨nɔ̨ ɓa, di yɛɛ ɲąmuątaa, di wɔ kɔ́ kɔ́ hɛnŋaai kəlee ə ɓo diɛ, di di wɔ kɔ́ kɔ́ ɓɔwaɠaai laa di nwun mu, di wɔ nɛ̨ŋɛ̨nŋaa di ɓo di kɔ́wɠaa mɛ̨i. Mąąhɔlɔɓo, kɛi di mo a kɔ́kulááɠaa, di ɲɔu too yɛnɛ̨ɛ̨ nuą hu.