Azaya 14:1 - Yálá laawoo hɛɓɛ (dc)

¹ Yai-Laa kaa pai Ɉakɔbə mąąwɛli kaai, gaa nwɔ̨nɔ̨ pai Israɛlə kɛi a niiɓa mun, ə pənə ə ɉee nwɔ lɔi hu; nwɛ̨ąą diɛ pa di pɔ, diɛ kanąn Ɉakɔbə nwɔ pɛlɛ́i ɓa.

Yálá laawoo hɛɓɛ

¹ Yai-Laa kaa pai Ɉakɔbə mąąwɛli kaai, gaa nwɔ̨nɔ̨ pai Israɛlə kɛi a niiɓa mun, ə pənə ə ɉee nwɔ lɔi hu; nwɛ̨ąą diɛ pa di pɔ, diɛ kanąn Ɉakɔbə nwɔ pɛlɛ́i ɓa.

Bible

¹ Yâwɛɛ a pâi ŋɔnûai Eezuɛ-ŋai ŋɛ́i-malôŋ kâai ŋɔ́nɔ é pá a dia pôlu díkpɔɔi lɔii su. Ǹɔii-ŋuŋ da kpɛ́ni-ŋa su-ƃelai da pâi pâi da dîa-ni dí ƃò naa.

Azaya 14:1 Referans Kwoze

Mąątɛ̨nɛ̨ 102:13

Kɛlaa, Ə́ wɛi, Yai-Laa, Ə́ kaa lɔ a Heeɓomun a yələ kəlee, Ə́ kili ə ɓo lɔ nuą ɲą a kwɛlan gəlee.

Zakari 1:17

'Mɛ̨nįi ɲɛ̨i noloɓo, yɛ́ diɛ: Yai-Laa Mɛ̨nį Kəlee ŋą Hééɓomun, woo ka: Nwɔ́ taaɠaai kaa pai kɛi nwunnąnɛ̨ɛ̨ hu. Yai-Laa kaa pai pənəi ə Siɔn liilaa; Ə pənə nwɔ̨nɔ̨, ə Ɉerusalɛmə kɛ a nwɔ taa.»

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Ɉeremi 50:33

Yai-Laa Mɛ̨nį Kəlee ŋą Hééɓomun nwoo ka, yɛ diɛ: Di kaa Israɛlə lonnii da Ɉuda nuą mɔ̨nɔ̨ ɓoi, di mɔ̨nɔ̨ ɓo nuą daa di hon, di hvo bɔ di hvo ɓo diɛ,

Azaya 49:13

Yələ kɔ́lɔn, 'tómą a kwəinɛ̨ɛ̨, lɔi, 'ə́ mąną, yeeɠaa, 'ka tómą kpɔ a kwəinɛ̨ɛ̨ kɛnɛ̨, mąąhɔlɔɓo, Yai-Laa kaa nwɔ nuąi lii laai, di mąąwɛliɛi kɛ, aa di ɲɛ̨imąąwɛli kaa.

Ɉeremi 29:14

Ɛlɛɛ, gáá pai nɛɛi laa, káá gáá. Ɲą́ą́ Yai-Laa nwóó li! Gáá pai pənəi ŋį́ ka kulɔ ɓɛɠaa kpɔ ŋą́ ka hutaɠa kaa li laa, ŋą́ ka ŋąąkpɔn, ŋą́ ka tɔɔ. Ɲą́ą́ Yai-Laa nwóó li! Ŋą́ pənə ŋį́ pa a kaa ɓɛi ŋą́ ka həɠə laa.

Azaya 66:20

Nuą di kaa pai pai a ka kaayɔwɔɠaa diɛ həɠə lɔi takpɛliɠaa hu, diɛ gɛ a Yai-Laa kɔ́ hɛn, di ɓo hoo mɛ̨i, da wotoloɠaa, da luwu hu, di ɓo hoohvaalənŋąą mɛ̨i, da ɲɔɔmɛ̨ɛ̨ɠaa. Diɛ li nwɔ́ yee mąąhəɠɛɛi mɛ̨i, yii gaa a Ɉerusalɛmə; Yai-Laa woo li. Yɛ bələi lɔ Israɛlə lonnii diɛ kpɛli, da kɛ pai a kɔ́ɓo hɛnŋąą, hɛnɲąŋą mąąhəɠɛɛɠaa hu Yai-Laa yəi bɛlɛ́n.

Azaya 49:7

Mɛ̨nįi Yai-Laa, Israɛlə nwun mąąɓo Yálá, da nwɔ nu mąąhəɠɛɛ kaa moi, ya ka: Yai daa mɛlɛ kpɛɛ mą, yɛnɛ̨ɛ̨ nuą diɛ gaa yɛ hɛn ɲɔ̨nwɔ̨ɔ̨, ə ɓo a tɔɔɓɛlaa di wɔ luwɔ, Gaa kɛi mą, tɔɔɓɛlaa kaa pai ə́ kaai, diɛ di muhəɠə, lɔi ɲąąwooɓo nuą, diɛkpɛli, diɛ kwɛli hvilɛn mą, diɛ yili kɛ tii, Yai-Laai ɲɛ̨i dəlimoɔ, mąą mɛ̨nį ɓa, Israɛlə nwɔ nu mąąhəɠəɛi ɲɛ̨i ə́ həɠə ɉu, mąą mɛ̨nį ɓa.

Azaya 44:1

Kɛlaa, yiihu kɛa, Ɉakɔbə, ə́ wəli tɔɔ, yɛ́i a nwɔ́ tímun, Israɛlə, yɛ́i a nííɓamun!

Azaya 41:8

Kɛlaa yɛ́ Israɛlə, nwɔ́ tí mun, Ɉakɔbə, yɛ́i ŋį́ ə́ həɠə ɉu, kaai a mɛ́lan Abrahamə lonnii,

Azaya 27:6

Voló yiɠaai pai pai, Ɉakɔbə hamuɠaa kaa pai ɓɔn ɉi, Israɛlə kaa pai powai, dɛlinŋąą diɛ kulɔ, gaa pai yɛnɛ̨ɛ̨ laa hvɛɛi a ma.

Mąątɛ̨nɛ̨ 143:12

Ə́ wɔ wɛlikɛmąąlaa haalai, ə́ kaa pai ɲówoɠaa paai, Nuąi kpɔ daa hee mɛ̨́i, yɛ́ di nwunna pili. Mąąhɔlɔɓo ə́ wɔ tímun maa a ɲą́ą́.

Mąątɛ̨nɛ̨ 98:3

Bələi a Israɛlə nwɔ pɛlɛ́i hon na, a wɛlikɛmąąlaa, da lɛɛ nwoo pululaa, aa gili too ɲą, ə mą kɛ kwɛala lɔiɠaa daa gu wɔ Yálái nwɔ ɓalo mɛ̨nį kaa.

Lukə 2:32

Gaa a kɛɛ pono yii gaa pai ə́ lɛi yɛnɛ̨ɛ̨ hį́i kəlee ɓa, ə kɛ a Israɛlə mąą ɲįnɛ̨n.»

Lukə 1:54

Aa kpɔnmąą tɛɛ nwɔ kɛlaɠaa Israɛlə nu huwu pɔ. Hvo lɛ̨ą li diɛ, aa mɛ̨inɛ̨ɛ̨ kɛnɛ̨ kɛ diɛ.

Azaya 41:9

kaai ŋį́ ka həɠə kpɔ lɔi kpon ɉeei, ka kɛ kpɔ ɓɛi lɔi a kpəla laa, gɛ́ ka təli, yɛ́ Israɛlə, yɛ́i ŋį́ kɛ yɛ́: «Ŋą́ tímun mąą yɛ́, ŋį́ ə́ həɠə ə́ ɓɛlaa lɔwai, və́ gíli kulɔ li ə́ hu.»

Azaya 45:14

Yai-Laa woo ka, yɛ diɛ: Eziptə kóló kɛ nuą, da Nubi yɔw kɛ nuą, ɛlɛɛ, Save nuą, a diɛi kpɔ di yee muhəɠɛɛ tii, di kaa pai tɛɛi ə́ pɔɔli, a di yɛli, diɛ lɛɛ a ə́ pɔɔ; di hvilɛnŋąą ə́ pulu, di yiliɛ a yɛli, di kaa pai gwɛli hvilɛn ɉi ə́ lííla, diɛ vɛli wooi ɲɛ̨i ɓo yɛ́, diɛ kɛ yɛ́: «Ə́ pɔɔli lɔ ɓə Yálá kaa laa, dakpɛli hvo pələ takpɛli, yálá takpɛliɠaa di wɛi, kpɛli kpɛli hɛnŋąą ɓaa a diɛ.»

Azaya 49:10

Di hva kɛa pulu həɠə, ə mą kɛ, kpələ wɛli, wəleen, da hvóló, di hva kɛa di hvii kpɛɛ, mąąhɔlɔɓo, Yálái di mąą lii kaa gwəi kɛnɛ̨, ya ɓə pai kɛi di ɲɛ̨itɔwɔ, yɛ li a diɛ ya kɛɛnąąɠaa, diɛ di nį́į́ lɔ laa.

Azaya 49:15

Nɛ̨ɛ̨nu a mɔ̨ɔ̨ pɛli lɛ̨ąi non dala ɓa? A mɔ̨ɔ̨ pɛli kpɛlai gwəi lon nwɛlila kɛɛ ɓa? Ə mą kɛ kɛ nɛ̨ąą da pɛli kɛ lɛ̨ąi, nwɛ́i və́ pai lɛ̨ąi yɛ́!

Azaya 49:25

Yai-Laa yɛ diɛ, gaa pai kɛi tii: di kaa pai kɔ́ kuláa nwɔ kɔ-hon kulɔi ɲəi, di kɛɛ kalamun ə ɉon, da nwun mąąɓo! Nui a hvaa pɛlɛ yɛ́, ɲą́ą́ ɓə pai vaa kɛi, ə́ lonnii di wɛi, ɲą́ą́ ɓə pai di ɓaloi.

Azaya 54:3

mąąhɔlɔɓo, ə́ huwu hu kaa pai kɛnɛ̨i, ə́ ɓa-mįi-yee hu pələ, da ə́ kɔ́ɓɛyee hu pələ. Ə́ huwu kaa pai hįį tapkɛliɠaa yəi hɛn gɔw hɔlɔɓoi a nwɔɔ, ə́ lonnii diɛ taa kpoloonŋąą laahvɛɛ a nu kan.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Azaya 56:3

Nweąi a hvilɛn Yai-Laa pɔ, mąą hvo nɛ̨ɛ̨li hvo tɔɔ yɛ kɛ diɛ: «Yai-Laa kaa pai gúlɔi nwɔ nuąi lɔwai ɉəɠə mąą hvo mą.» Ɛlɛɛ, gbɛtɛ kpuwulu hvo kɛ diɛ: «Nwɛi gáá a wulu kpala.»

Azaya 60:10

Nwɛąą lonnii ɓə pai ə́ mąą kpɛ hį́i tɔɔi, di wɔ tɔɔɓɛlaa di ɓo a ə́ wɔ tinuą. Teą li, níí holi pələ ɓa, ŋį́ ə́ kɛlɛ, Kɛlaa, níí lɛlɛ pələ gwə́i, ŋą́ą́ ə́ mąąwɛli kaa.

Azaya 60:14

Nuąi kɛi ə́ mɔ̨nɔ̨ ɓo, di lonnii kaa pai ə́ pɔ, di mąą pɛlɛɛ, nuąi kpɔ kɛi ə́ hviiɓo, di kaa pai pɛlɛi di liiɓa, ə́ kɔ́wɔ mu. Di kaa pai ə́ laa heei a Yai-Laa nwɔ taa, Israɛlə nwɔ Mąąhəɠə mun nwɔ Siɔn taa.

Izikiɛ 47:22

Ka nɔiɠaa kɔ́ a kpɛɛn, ka wɛi da nweai da hee ka kɔ́wɔ mɛ̨i; ɛlɛɛ, da lonŋąąi di di kaa ka lɔwai. Mąąnɛ̨ɛ̨ ka di hon yɛ nɔi lon da Israɛlə nu huwui lɔwai. Ka diɛni ka nɔi kɔ́ a kpɛɛn, da Israɛlə nu huwu kəlee.

Mąątɛ̨nɛ̨ 102:14

Ə́ kaa pai Ə́ muhəɠəi, Siɔn taa wɛli ɓa. Mąąwɛli kaa yələ aa həli, a tɛ̨ą, ɲələ aa ɉəli!

Azaya 19:18

Nąąlɔwai Eziptə taa lɔɔli kaa pai kɛi Kanaan woo ɓoi, diɛ di kwɛla, diɛ di kpɔwɔ laakwɛlanmo Yai-Laa Mɛ̨nį Kəlee ŋą Hééɓomun ɓa, dɔ̨nɔ̨ laa kaa pai kɛi a Kɛɛ Kala Taa.

Azaya 21:1

Mɛ̨nį kponąąi di mo gboloyá kwɛlɛ lɔi pun naa mɛ̨i, ya ka: Bələi lɔ tulɔ hvaŋą a tɛɛ la Negɛvə lɔi hu, bələ lɔ ɓə kɔ́ kaa pai həɠəi la nɔi pun mąą ɲɔwuɔ hu pələ.

Azaya 47:1

Yɛi ɓaa a Babilonə nɛ̨ɛ̨gbɛla, 'ə́ mąą yɛɛ kpɔ kɛnɛ̨! 'Laa munuun gbala hu! 'Ka həɠə dɔɔ kpəlin ɉu, 'ka hee luwu hu, Kalde nɛ̨ɛ̨gbɛlaɠaa, mąąhɔlɔɓo, di hvo kɛa pai kɛi ə́ laa ɓa: «Nɛ̨ɛ̨nu lɛlɛɛ, kwəinɛ̨ɛ̨ kulɔ nɛ̨ɛ̨nu.»

Ɉeremi 16:15

Kɛlaa, di kaa pai kɛi diɛ: Yai-Laa tii Israɛlə nuą kulɔ ɲələi pələ lɔiɠaa hu da nɔi kpɔ ə di taɠa taɠa gəlee hu, gaa a vulú. A tɛ̨ą, ŋą́ pənə ŋą́ pa a diɛ, nɔi ŋɛ̨i ŋą́ dɛɛ di nąnni pɔ ɉu. Ɲą́ą́ Yai-Laa nwóó li!

Ɉeremi 30:8

Yai-Laa Mɛ̨nį Kəlee ŋą Hééɓomun nwoo ka, yələi tii a həli, ŋą́ nwɔ́ tiɛ̨i kulɔ di nwuɔ̨, ŋą́ ɲɛliɠaa tee. Di hva kɛa kɛ a nwɛ̨ąą di wɔ luwɔ.

Ɉeremi 31:4

Gáá bɔ ŋį́ pənə ŋį́ ə́ tɔɔ, Israɛlə nɛ̨ɛ̨gbɛla, ə́ kaa pai tɔɔi, ə́ kaa pai pənəi ə́ pu ə́ ninə kɔ́lɔi. Ŋą́ ə́ mąąyili, ə́ wɔ hvɛli kɛ hɛnŋaa di ɓo ə yəi, ə́ tɔɔ la nuą ɲɛ̨itɔwɔ nwələ yɛli hu, a ɉɛli yələ.

Ɉeremi 51:51

Kwaa nwumɛ̨ ku lalan bələ ɓa, nwumɛ̨ aa ku ɲɛ̨i paa. Nwɛ̨ąą daa lɔ Yai-Laa nwɔ pɛlɛ́i mu, gɛɛnąą mąąhəɠɛɛ ɓa.

Izikiɛ 16:60

Nwɛ́i, mįnɛ̨i gwa yɛ́ gu ɉəɠə a ə́ muhəɠə yələ, gáá pai nąą kili tooi ə́ ŋą; gwa yɛ́ guɔ mįnɛ̨ həɠə la, a yələ kəlee mɛ̨nį.