Azaya 13:9 - Yálá laawoo hɛɓɛ (dc)

⁹ Yai-Laa nwɔ hvólói ka pai, a liiholi kɛnɛ̨ da lii kələn gwəi, nu mąąhvaalɛɛ mɛ̨nį hvo ɉu, yɛ nɛ̨ŋɛ̨n ɉəɠə nuą ɲąąyíi, nɔi yɛ lɛɛ a mąąwɛli lɔi.

Yálá laawoo hɛɓɛ

⁹ Yai-Laa nwɔ hvólói ka pai, a liiholi kɛnɛ̨ da lii kələn gwəi, nu mąąhvaalɛɛ mɛ̨nį hvo ɉu, yɛ nɛ̨ŋɛ̨n ɉəɠə nuą ɲąąyíi, nɔi yɛ lɛɛ a mąąwɛli lɔi.

Bible

⁹ Yâwɛɛ ŋɔmɛni ŋá-tee ɣelei a pâi. Gáa a mɛni kpɔ̂lu su-kɛ́tɛ ɣele. A pâi m̀ɛni nyɔ́mɔɔ kɛ́-ƃelai su-karâi ǹɔii ma. A pâi gɛ̂i ǹɔii ma é lɛ́ɛ a fɛ̃ɛ-kpâlaŋ.

Azaya 13:9 Referans Kwoze

Nahumə 1:6

Gbɛɛ ɓə a pɛli tɔɔi nwɔ liiholii ɲɛ̨i tɔwɔ? Nwɔ liiholii a mu həɠə, gbɛɛ ɓə a pɛli tɔɔi? Nwɔ liiholii hu a kɛnɛ̨ yɛ nwɔ̨n a too lɔwɔi, ə mą kɛ kwɛni kpɛa kpɛa ɓə, da kɛ ɓɛlai ɲɛ̨i tɔwɔ.

Azaya 13:6

'Ka haa wɔlɔ ɓo, a gboo təliɛ, Yai-Laa nwɔ hvólói həli hiɛ ka, a kɛɛ kala hvóló, yɛ həɠə kɛɛ kaamun bɔ.

Nahumə 1:2

Yai-Laa kaa a Yálá tolɔɔ, yɛ nwąną kulɔ, nuąi da tɔɔ na, a nwąną kulɔ diɛ, Yai-Laa a nwąną kulɔ, nwɔ liiholii mąą ɲɔwuɔi, Yai-Laa a nwąną kulɔ gɔ́ yɔwɔɠaa diɛ, a nii hvoli ɲowoɠaa pɔ.

Mąątɛ̨nɛ̨ 104:35

Nɛ̨ŋɛ̨n ɉəɠə nuą 'di kpɛɛ lɔi mɛ̨i, nuąi di hva kulɔ di woo ɓa, 'di hvo lɛɛ yɛnɛ̨ɛ̨! 'Lúwɔ́ kɛ Yai-Laa ɓa, nį́į́ wolo! 'Kánikookwəi!

Hanwon 2:22

Kɛlaa, nwąnąlɔ nuą, da nuąi di hvo haŋą li, da di kpɛ nɔi.

M̀ɛni-lɛɛi 18:8

Yili mąą mɛ̨nį ɓa, mɛ̨nį ɲąąnwąnąąɠaai naa dɔwɔ, di kaa pai pu mɛ̨i lɔ a hvóló tanɔ̨n, diɛ ɓaa: Haa, haa wɔlɔ, da pulu, ɛlɛɛ, nwɔ̨n mə pai yaai tii gələn ɉii. Mąąhɔlɔɓo, Ną́mu Yálá, yai pai gití teei, vaŋą kɛnɛ̨i.»

Azaya 9:19

Nu kəlee kaa pai kɛ gbɔwɔ yee ɓa kɔ́lɔ mįi, da di kɔ́ɓɛyee ta tee mą di mįi, hva di pilɛ, da di ɓa-mįi-yee ta tee mą di mįi, hva di pilɛ.

Izikiɛ 13:5

Ká hvo pɛli li ɉį́i wolo ɓa kpɛli ɔi, ká hvo hįį tɔɔ li Israɛlə nwɔ pɛlɛ́i ɓa, yɛ pɛli tɔɔi la gɔ́ tɔwɔ a Yai-Laa nwɔ hvólói?

Zooɛ 1:15

Ə həli kaa! Ə kə́! Hvóló ləi ɓəi! Voló mąą aa kpuɔ, Yai-Laa nwɔ hvólói mąą aa kpuɔ, volói tii kaa pai a kɛɛ kalaa, hɛn yii a həɠə Huwalawala Kəlee Nąmu Yálá yəi.

Nahumə 1:8

Ə mą kɛ ya hvɛɛ kaa tɛɛi, a daa kɔ́wɔ hvilɛn ɉɛnŋąą kulɔ, yɛ ɲowoɠaa pili kpinį hu.

Zakari 14:1

Hvóló ta kaa pai həlii, a Yai-Laa nwɔ kuui, da Ɉerusalɛmə mąąkpoloon, di hee daa kwəi, diɛ ɲąąkwɛlɛ.

Azaya 2:12

Yai-Laa Mɛ̨nį Kəlee ŋą Hééɓomun, aa hvóló ta həɠə ɉu, ə gɛ, ə kiti tee, nuąi da di kpɔwɔ kaa a nu kpɛa-kpɛa, di hunɛ̨ɛ̨, a di mąą yɛɛ.

Azaya 34:8

Yai-Laa nwąną kulɔ hvóló li, gwɛlan da Siɔn mąą mɛ̨nį ɓo la, mąą kwɛlan ni.

Azaya 63:4

Ŋą́ naa tii gwə́i, gɛ́ nwą́ną́ kulɔ hvoló aa həli, nwun mąąɓo kwɛlan aa kɛ pa.

Azaya 66:17

Nuąi da kɛ «di kpɔwɔ kɛi a mąąhəɠə nuą da mąąwaa nuą», diɛ lɔ nɔw yɛa hu, di ɓo di nwun nąmu pulu, nwɛi, ə ɓo tɔɔni di hąmąi; nuąi da kɛ ɓoi mį́í, da ɉuwɔɠaai tɔ́n gaa diɛ, da ɲinɛ̨ɠaa, gəlee kaa pai haai a gee. Yai-Laa woo li.

Izikiɛ 30:3

Mąąhɔlɔɓo ɲələ aa lɛɠɛ; Yai-Laa nwɔ kuui aa lɛɠɛ. Ɲələi ti a kɛ a tulɔ kpinįn ɲələi lɔiɠaa mɛ̨i.

Zooɛ 2:1

Dulu hvɛɛ Siɔn taa mɛ̨i, tómą nwɔ́ yee mąąhəɠɛɛ ɓa. Nɔi lonnii kəlee di kpɛlin, mąąhɔlɔɓo, Yai-Laa nwɔ hvólói aa həli; Yaai kɛ mąą kpuai.

Sofoni 1:15

Volói tii kaa a liihvoli hvóló, a liiɲąnwąną hvóló, gaa a kɛɛ kala hvóló, a lii too pulu hvóló, gaa a tɛɛhilɛ kpinį, ɉu tɛɠiɛɛ, a hvólói tulɔ aa ɉu kpinį, luwuluwu aa hiɛ ɲələ ɲɛ̨i.