Azaya 13:8 - Yálá laawoo hɛɓɛ (dc)

⁸ Ɲɔw aa too di hu, di mąą yɛ kpɛlin, diɛ mɔ̨nɔ̨ mįi, diɛ kpɛlaan gbɛlaan yɛ nɛ̨ɛ̨nu a kɛi kwəinwąną kɛ, diɛ di kee kaa a kwəi pili, di ɲɛ̨i kɔ́w aa kpɔlu yɛ nwɔ̨n dəŋą.

Yálá laawoo hɛɓɛ

⁸ Ɲɔw aa too di hu, di mąą yɛ kpɛlin, diɛ mɔ̨nɔ̨ mįi, diɛ kpɛlaan gbɛlaan yɛ nɛ̨ɛ̨nu a kɛi kwəinwąną kɛ, diɛ di kee kaa a kwəi pili, di ɲɛ̨i kɔ́w aa kpɔlu yɛ nwɔ̨n dəŋą.

Bible

⁸ Yao ŋánaa a pâi pâi díkɔlɔi. Dimɛni sôlii a pâi kɛ̂i yɛ̂ɛ nɛnî a kɛ̀ koi-têe su maa mɛni solii. Da pâi kɛ̂i díkîe-ni ŋɛ́i kâai a yao pere, díŋɛi kɛ́ kɛ̀ mãla-mãla yɛ̂ɛ ŋɔŋ-sôŋ.

Azaya 13:8 Referans Kwoze

Tɛsalonikə dɔlɔɔ 5:3

Ɓɛlɔwai nu kəlee kaa pai kɛi la diɛ: «Liilaa, wəlipululaɠi», nąąlɔwai kpɔlɔ ɓə nwun napili a kulɔ la di tɛɠii, ə yɛɛ di mɛ̨i, yɛ bələi kwəinwąną a nɛ̨ɛ̨nu hon na; ɛlɛɛ, di nwun hva kulɔ ɉu.

Nahumə 2:10

Ka nwali həɠə, ka ɉɛni həɠə, ɉɛn laa, kpɛɛ hvo mą; hɛn nɛlɛɛ huwu kəlee puɔi laa gee mɛ̨i.

Azaya 26:17

Ku pa Ə́ lííla, Yɛ́i a Yai-Laa, yɛ nɛ̨ɛ̨nui kwəi nwąną kɛi, yai a kɛ kpɛlaan ɉi, yɛ tómą mɔ̨nɔ̨ yəi.

Ɉaan 16:21

Ɓɛlɔwai nɛ̨ɛ̨nu a kɛ kwəinwąną kɛi la, nii a kɛ a gələn ŋąą gwəi, mąąhɔlɔɓo, nwɔ mɔ̨nɔ̨ mį́i lɔwai aa ɉəli. Kɛlaa, a naayɛɛ kɛa, nwɔ mɔ̨nɔ̨i tii kili a kpɛɛ ŋą́; mąąhɔlɔɓo, aa nu kan ɉɔlɔɓo.

Zooɛ 2:6

Da kɛi lɛɠɛ nuą diɛ, nu kəlee da kpɛlin a ɲɔw, nu kəlee ɲɛ̨ilai mąą a hvalin di ɲɔw pələ ɓa.

Ɉeremi 50:43

Babilonə tɔɔmun aa bələ mɛ̨n, vii aa kpɛɛ kpɔ kɛnɛ̨, niikələn ŋąą gwəi, yɛ nɛ̨ɛ̨nui kwəi nwąną kɛi nwɔ mɔ̨nɔ̨.

Ɉeremi 30:6

Ka kɛɛ mąąlən gɛ, ka ka ɲɛ̨i laa, hulɔnu a mɔ̨ɔ̨ naayɛɛ? Lə ɓə kɛ yai gáá kpakolo hinąą kaai, di yee tɔɔ di woɓəi yɛ Nɛ̨ɛ̨nu a kɛi kwəi nwąną kɛ. Nu kəlee ɲɛ̨ikɔw aa kulɔ daai?

Ɉeremi 4:31

Gaa yɛ ŋį́ kɛi kwəi kwąną kɛ Nɛ̨ɛ̨nu woolaa woo mɛ̨n; wɔlɔ woo yɛ tɔɔ yɛ, Nɛ̨ɛ̨nu aa kɛi gbəla lon gaa. Siɔn taa ɲiŋɛ woo ka tii, yɛ ɲee hanŋa, yɛ kɛ diɛ: «Ə́kə́ kpalo aa gáá-ee! Ɉáá hiɛ ka nu paa nuą ŋɛ̨i yee mu!»

Tɔɔɓɛlaa veelɛ 19:26

Daaɠaa tii hu nuą yee kpuai, di hu aa pu diɛ, diɛ gɛ ɉuwu ɉuwu. Di kaa yɛ looɛi kalaɠaa, di ɓo yɛ gbənə wulu muhəɠɛɛ nįnɛ̨, di ɓo yɛ kalai a ɓɔn pɛlɛ kɔ́ma, di ɓo yɛ mɔ̨nun a hvelee.

Ɉeremi 13:21

Ə́ kaa pai kɛi lə! Nuą tii ə́ nɛ̨ɛ̨laa kɛnɛ̨ laa, ka diɛni ka lɔwai, Ɓɛlɔwai, di kaa pai heei la ə́ hu, diɛ hee ə́ mɛ̨i, Yɛ́ mɔ̨nɔ̨ mį́i yɛ kwəi nwąną kɛ Nɛ̨ɛ̨nu, yá kɛ lə?

Ɉeremi 46:5

Lə ɓə kɛ? Ɲɔw aa pili di hu; Di kaa pui. Daa di wɔɔ huwalawala nuą paa. Nuą kaa tɛɛi a gilɛ, diɛ li, di hvo di pulu kaai! Ɲɔw aa di hon bələ kəlee. Ɲą́ą́ Yai-Laa nwóó li!

Ɉeremi 48:41

Daa Keriyotə hon, daa lɔ Mesadotə. Moabə kɔ́kulááɠaa lii aa kɛ di kwɛi yɛ yɛ̨ɛ̨nui kwəi nwąną kɛi a volói tii.

Ɉeremi 49:22

Gaa yɛ geelə a kɛi tɛ yələi, yɛ koon, yɛ goon ɉu lɛan Bɔsra mɛ̨i. Volói tii, Edɔmə kɔ́kulááɠaa lii a kɛ di kwəi, yɛ kwəi nwąną kɛ nɛ̨ɛ̨nu lii.

Ɉeremi 49:24

Damasə aa too, aa bulu tinɛ̨n yɛ pu. Maa yɛ kpɛlin nɔ ya ya mɔ̨nɔ̨ da liikələn gwəi daa həli mą, yɛ Nɛ̨ɛ̨nui kwəi nwąną kɛi.

Ɉeremi 51:30

Babilonə kɔ́kulááɠaa daa lənə gɔ́ ɓa, daa hee so-so, hoŋonŋaa hu, di hvaai aa kpɛɛ di yəi, daa kɛ yɛ nɛ̨ąą, di kaa nwɔ pɛlɛ́ɠaai kələn ɉii. Diɛ nwɔ kponŋaai ɓɛla.

Osia 13:13

Kwəi nwąną kaa pai yilii lon gaa nɛ̨ɛ̨nu ɓa, nwɛi, lon ɉulɔnu li, yii hvo mɛ̨nį ta hon bələ kɔ́lɔn; ba yələ aa həli, kɛlaa, hvo gɛi hvo kulɔ nee kwəi.

Mąątɛ̨nɛ̨ 48:7

Di mąą ə kɛi kpɛlin, diɛ kpəlaan, yɛ nɛ̨ɛ̨nu a kɛi kwəi nwąną kɛ.