Azaya 12:4 - Yálá laawoo hɛɓɛ (dc)

⁴ Mąą yələi tii, ka káá pai kɛi diɛ, 'Ka Yai-Laa hɛɠɛɛɓo, ka Naa tɛ, ka gɛ mɛ̨nį noloɓo yɛnɛ̨ɛ̨ nuą diɛ, 'Ka pənə nwɔ̨nɔ̨ kaa diɛ; Naa tɛɛi kpɔ ɓəɠə-ɓəɠə.

Yálá laawoo hɛɓɛ

⁴ Mąą yələi tii, ka káá pai kɛi diɛ, 'Ka Yai-Laa hɛɠɛɛɓo, ka Naa tɛ, ka gɛ mɛ̨nį noloɓo yɛnɛ̨ɛ̨ nuą diɛ, 'Ka pənə nwɔ̨nɔ̨ kaa diɛ; Naa tɛɛi kpɔ ɓəɠə-ɓəɠə.

Bible

⁴ Ka pâi wule toôi a maa ɣêlei tí ka m̀ó kaai, “Kwaa kú sɛɣɛ-fêe tɛɛ Yâwɛɛ pɔ́! Kwaa dóli a gɛɛ é kpɔŋ kûa! Kwaa gɛ́ tîi kpaya-kpayai maa mɛ̂ni ƃó ǹɔii ŋuŋ-ŋai su-ƃelai dîa. Kwaa ŋɔkɛ́tɛ-laai maa mɛ̂ni ƃó dîa!

Azaya 12:4 Referans Kwoze

Mąątɛ̨nɛ̨ 105:1

'Ka Yai-Laa Laa tɛ, 'ka Naa tɛ a wələ woo nɛ̨ɛ̨, 'ka gɛ mɛ̨nįɠaa hu kulɔ nu huwu kəlee lɔwai.

Kɔlɔnikɔ Maa-ŋuŋ 29:11

Heeɓolaa, huwalawalalaa, lɛlɛ, mąąɲįnɛ̨n, mąąwiɛ, di kaa Ə́ yəi, gbala ə tɔɔ, hɛn lɔpee yələ kɔ́lɔn ɉu, da lɔi ɓa, Ə́ wɔɔ ɓaa a gəlee. Ə́ wɔ tɔɔlaa da ɲąąwooɓolaa pɛlɛɛi hɛn gəlee mɛ̨i.

Azaya 25:1

Yai-Laa! Yɛ́ ɓə a nwɔ́ Yálá, gáá Ə́ laa mąąwiɛi, gɛ́ Ə́ laa too a wələ, mąąhɔlɔɓo, mɛ̨nįɠaai kpɔ wɔlɔ, Ə́ gili tee Ə́ kwəi, Yáá gəlee pɔ mɛ̨nį kɛ, dai lɔpee mąą hvo hvalin ni.

Ɉaan 17:26

Ŋą́ą́ ə́ laa lɛ diɛ, gáá nwɔ̨nɔ̨ pai kɛi lɔ nɛi diɛ. Ya ɓə a gɛ, nwɛlikɛmąą laa ə́ gɛ a ɲą́ą́, nwɛlikɛmąą laa tii ə kɛ di lɔwai, kwa diɛni ku kɛ ɉu tɔ̨nɔ̨.»

Ɉeremi 50:2

'Ka mo lɔiɠaa hu, 'Ká nolo ɓo, 'ka ɉukulɔ, 'Ká mo, ká hvo ɲɔw, 'ka kɛ diɛ: Daa Babilonə hon, daa Bɛlə nwumɛ̨, Mardukə aa too, daa nwɔ haliɠaai ɓɛlɛkpɛɛ diɛ. Daa nwɔ halii mąąnįnįnŋaa hukala.

Mąątɛ̨nɛ̨ 57:5

Ŋą́ą́ laa yalaɠaa lɔwai, di kpəiɛ yɛ nwɔ̨n, a diɛi tii da nu kan ɉu kalai, kpalaɠaa, da tɔ́nwąɠaa ɓə di la, a di ɲįn, di nɛ̨n ə ɓo a ɓɔwa kwɛaa ɲąą liɛ.

Mąątɛ̨nɛ̨ 18:46

Nwɛ̨ą da həɠəən diɛ pu kpulu, di mąą yɛ kpɛlin, diɛ kulɔ di loo pələi.

Nehemi 9:5

Yili pulu, Levi lonnii, Yesua, Kadmiɛlə, Bani, Hasavneya, Serevia, Hodiya, Sevania, da Petahia, diɛ nuą diɛ: «Ka ka waa, ka Yai-Laa ka wɔ Yálá mąątɛ̨nɛ̨, yələ kəlee da nwɔɔ. «Ka mąątɛ̨nɛ̨! Ka naa tɛ! Naa kɛnɛ̨i dɛɛ laa kəlee ɓa.

Lɛɛ gbɔwɔ ɓa 33:19

Yai-Laa yɛ mą: «Gáá pai nwɔ́ mąąwiɛ kəlee tɛɛi ə́ ɲɛ̨i, Ŋą́ náá ɓo yɛ, náá ɓaa a: ‹Yai-Laa.› Nui a nɛ̨ɛ̨ mą́ą́, ya ɓə ŋą́ ɲɛ̨i mąąnwɛli kaa.»

Lɛɛ gbɔwɔ ɓa 15:2

Yai-Laa ɓə gaa a nwɔ́ huwalawala da nwɔ́ wələ, gaa a málomun, gaa a nwɔ́ Yálá, Ya ɓə ŋą́ Naa tɛ. Ną́n nwɔ Yálá li, gáá mąą wələ tooi.

Azaya 66:19

Gaa a tɛ̨ą gaa pai pɔɔkɔɔn da kɛi di lɔwai, hvo pai lɛɛi a yili, yiiɠaai pai kulɔi ɉu, gáá pai daɠaa tɛɛi hįį lɔi takpɛliɠaa lɔwai, Tarsisə, Putə da Ludə diɛ di wɔ kilɛnŋąąi ŋąątɛ, Tubalə, Yavan da gboloyá hu lɔiɠaai kwɛaala, diɛi di hvo mą́ą́ mɛ̨nį bələ mąni, diɛi di hvo ta nwɔ́ mąąwiɛi kaa li; di kaa pai nwɔ́ mąąwiɛi mąą loloɓoi hįįɠaa mɛ̨i,

Azaya 33:5

Mąąwiɛ kaa Yai-Laa ɓa, mąąhɔlɔɓo, gaa heeni yələi pələ; aa Siɔn laahvɛɛ a tɛ̨ą mɛ̨nį da tələnmolaa.

Azaya 24:15

Di kaa Yai-Laa mąąwiɛi hvóló mɛlai pələ, diɛ Yai-Laa, Israɛlə nwɔ Yálái mąąwiɛ, gboloyá hɛ̨ąi lɔiɠaa hu.

Azaya 12:1

Mąą yələi tii, yá kɛ diɛ: Yai-Laa! Gáá ə́ hɛɠɛɛɓoi! Ə́ líí holiɛ kɛ bɔ́, Kɛlaa, ə́ wɔ líiholii kɔ́lɔ aa haa mą. Ə́ kaa kɛa níí laai.

Azaya 2:17

Nuą di wɔ kpɔwɔŋąą kɛnɛ̨ mąą a yɛɛ, nuąi di huɲąŋą kɛnɛ̨, da di laa pɛlɛi pɔlɔ ɓa. Mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 2:11

Kpɔwɔɲąą kɛnɛ̨ nuą, mąą a yɛɛ, ɲɛ̨itɛ nuą di kwɛli hvilɛn, a mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Mąątɛ̨nɛ̨ 113:5

Gbɛɛ ɓə yɛ Yai-Laa, ku wɔ Yálái? A yai gaa hɛn gəlee nwu mɛ̨i kpɔ ləɠə ləɠə?

Mąątɛ̨nɛ̨ 107:22

Di ɉɛɠɛɛɓo haláá kulɔ kan, di gɛ mɛ̨nįɠaa loloɓo a kwəinɛ̨ɛ̨.

Mąątɛ̨nɛ̨ 97:9

Mąąhɔlɔɓo, Yai-Laa, Yɛ́ ɓə a Hɛn Gəlee mɛ̨imun, yɛnɛ̨ɛ̨ kələ nwun mɛ̨i, Ə́ yee tɛɛ kpɔ yáláɠaa kəlee diɛ.

Mąątɛ̨nɛ̨ 96:3

'Ka mąąwiɛ pələ hukulɔ lɔiɠaa hu, da gɛ mɛ̨nį ɲɛ̨i kɛ̨nɛ̨ɠaa, nu huwu kəlee lɔwai.

Mąątɛ̨nɛ̨ 73:28

Nwɛ́i nwɔ́ yɛnɛ̨ɛ̨ ɲąąnɛ̨ɛ̨ lɔ ɓaa: Ŋį́ kɛ Yálá kwɛlɛ. Ną́mu Yai-Laa kwɛlɛ ɓə ŋį́ gɛ a mą́ą́kilɛi, gɛ́ pɛli gɛ mɛ̨nįɠaa kəlee noloɓoi.

Mąątɛ̨nɛ̨ 46:10

A kɔ́ɠaa kpɛɛ lɔi nąą kəlee, yɛ kilɛn ɉu yali, yɛ kpala hu yali; a kɔ́ kɔ́ wotoloɠaa kələn.

Mąątɛ̨nɛ̨ 40:5

Nwun nąnɛ̨ɛ̨mun maa nui a gilitɔɔ Yai-Laa ɓa, yai hva too huɲąŋą kɛnɛ̨ nuą pɔ; da nuąi lɛɛ mɛ̨nį aa di nwun ɉu lan.

Mąątɛ̨nɛ̨ 34:3

Gwə́i kpɔ-kpɔɔ nɛ̨ɛ̨i Yai-Laa mąą mɛ̨nį ɓa, kpɔwɔ mąą yɛɛ nuą, ka nwóó mɛ̨n, 'ka kwəinɛ̨ɛ̨ kulɔ.

Mąątɛ̨nɛ̨ 22:31

Di huwu kaa pai tíi Yai-Laa ɓa, di kaa pai mąą mɛ̨nį hu kulɔi, nu huwui tii ɓa.

Mąątɛ̨nɛ̨ 21:13

Mąąhɔlɔɓo, yá di too di kpowoɲɛ̨i ɓa pələ, yɛ́ di hɛŋi di ɲɛ̨ilain a ə́ wɔ kilɛn.

Mąątɛ̨nɛ̨ 9:11

Nuąi ə́ laa kɔ́lɔn, da di kilitɔɔ yɛ́, hvó gaai, nuąi da ə́ kwɛli, Yai-Laa, hvá ə́ yee kulɔ di mu.

Kɔlɔnikɔ Maa-ŋuŋ 16:8

'Ka Yai-Laa mąątɛ̨nɛ̨, 'ka naa tɛ! 'Ka gɛ mɛ̨inɛ̨ɛ̨ɠaa hukulɔ hį́iɠaa diɛ!

Mąątɛ̨nɛ̨ 148:13

'Ka Yai-Laa laa mąątɛ̨nɛ̨, mąąhɔlɔɓo naa kɛnɛ̨i, yaa tanɔ̨n gbən, Mąąɲįnɛ̨n ɉeɛi lɔi da yələ kɔ́lɔn di mɛ̨i!

Azaya 26:8

Bələi ə́ woo a nɛ kuɔ, ya ɓə kwa hiɛ mɛ̨i, ku kili ə ɓo a dɔɔ Yɛ́, Yai-Laa, mɛ̨nįi niihɛlɛn gaa kuɔ, ya ɓaa, ku kɛ lɔ ə́ laa ɓo mɛ̨nį hu.

Azaya 42:12

Nuą di Yai-Laa laa tɛ, di mąątɛ̨nɛ̨ wələɠaa too gboloyá hɛ̨ąi lɔiɠaa hu.

Azaya 48:20

'Ka kulɔ Babilonə daai, 'ka pu ka kulɔ Kalde nuą di wɔ lɔi hu, 'ka noloɓo a ka woo kɛnɛ̨, nuą di mɛ̨n, 'ka bələ taɠa, ə həli kpɔ lɔi kpon ɉeei, kaa kɛ diɛ: «Yai-Laa aa nwɔ tí mun Ɉakɔbə nwun mąąɓo.»

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Mąątɛ̨nɛ̨ 68:5

'Ka wələ too Yálá ɓa, 'ka naa tɛ a wələ woo nɛ̨ɛ̨! Nui tii tɛɛi nɔiɠaa hu, hoo mɛ̨i, 'ka naa tɛ. Naa ɓaa a Yai-Laa! 'Ka pili yələi níila, a kwəinɛ̨ɛ̨!