Azaya 12:1 - Yálá laawoo hɛɓɛ (dc)

¹ Mąą yələi tii, yá kɛ diɛ: Yai-Laa! Gáá ə́ hɛɠɛɛɓoi! Ə́ líí holiɛ kɛ bɔ́, Kɛlaa, ə́ wɔ líiholii kɔ́lɔ aa haa mą. Ə́ kaa kɛa níí laai.

Yálá laawoo hɛɓɛ

¹ Mąą yələi tii, yá kɛ diɛ: Yai-Laa! Gáá ə́ hɛɠɛɛɓoi! Ə́ líí holiɛ kɛ bɔ́, Kɛlaa, ə́ wɔ líiholii kɔ́lɔ aa haa mą. Ə́ kaa kɛa níí laai.

Bible

¹ Ya pâi wule toôi Yâwɛɛ ma a ɣele da yɛ̂ɛ m̀ai, “Yâwɛɛ, ŋa sɛɣɛ-fêi tɛɛ̂i ípɔ, kpɛ́ni fêi ílii fé ŋɔ́nɔ ŋwána ní ḿâ, ya ŋ́aa nɛnɛ.

Azaya 12:1 Referans Kwoze

Mąątɛ̨nɛ̨ 30:5

Kaai a Yai-Laa yee pɔ nuą, 'ka naa tɛ wələ too, 'ka mąątɛ̨nɛ̨, kaa nwɔ mąąhəɠəlaa hukulɔ pɔ̨nɔ̨ ŋą.

Azaya 25:1

Yai-Laa! Yɛ́ ɓə a nwɔ́ Yálá, gáá Ə́ laa mąąwiɛi, gɛ́ Ə́ laa too a wələ, mąąhɔlɔɓo, mɛ̨nįɠaai kpɔ wɔlɔ, Ə́ gili tee Ə́ kwəi, Yáá gəlee pɔ mɛ̨nį kɛ, dai lɔpee mąą hvo hvalin ni.

Azaya 54:8

Níí holi pələ kɛnɛ̨, ŋį́ ɲɛ̨́i lai loo yɛ́, gɛ́ mą́ą́kwɛa yɛ́ lɔ a lɔwai logolo mɛ̨nį, Kɛlaa, ə́ wɛli kɛ pələ mą́ą́ kɛnɛ̨, gáá ə́ hon ɉii a lii nɛɛ gwəi; Yai-Laai ə́ nwun mąąɓoi, nwoo li.

Zakari 14:9

Mąą yələi tii, Yai-Laa a gbɔwɔ lɛ a yɛnɛ̨ɛ̨ kəlee nwɔ tɔɔmun, a kɛ tii, Yai-Laa yaa tanɔ̨n mə a kɛ laa, naa ə ɓo tanɔ̨n.

Osia 6:1

'Ka pa ka gu pənə gwəli Yai-Laa pɔ, ya ɓə ɲɔ̨n bɛlɛ guɔ, ya ɓə pai gu kɔ́lɔi pɔ̨nɔ̨i, ya ɓə gu kɛlɛ, ya lɔ ɓə nwɔ̨nɔ̨ pai bala halii.

Azaya 51:3

Gaa tii, Yai-Laa aa Siɔn mąą wɛli kaa, Aa nwɔ taa kpoloonŋąąi mąą wɛli kaa; gaa nwɔ ɲɛą lɔi mąą pɛ̨nɛ̨i a Yálá-taa lon ma, ə nwɔ kpomóɠaai mąą pɛ̨nɛ̨ a, Yai-Laa nwɔ nɔw yɛa; kwəinɛ̨ɛ̨ da mąną ɓə nu a di kaa laa, hɛɠɛɛɓo da hvɛ́li woo lɔ ɓə nu a di mąn naa.

Azaya 35:10

Nuąi Yai-Laa ə di nwun mąąɓo, di kaa pənəi diɛ pa, di kaa pai kɛi lɔi Siɔn, diɛ tómą a kwəinɛ̨ɛ̨, diɛ yɛlɛ a kwəinɛ̨ɛ̨ huwu yii nu hva pɛli ɉukulɔi, nwun na nɛ̨ɛ̨ da kwəinɛ̨ɛ̨ di kaa pai di laa kwiɛn ɉii, liikələn gwəi da wɔlɔ woo diɛ pu a gilɛ.

Azaya 14:3

Ɲələi Yai-Laa kaa pai hvitɔɔ yɛnɛ̨ɛ̨ tɛɛi la ə pɔ, ə́ wɔ mɔ̨nɔ̨ɠaai da ə́ wɔ hviikpɛɛɠaai pulu, da nuwɔ laa ɲąąnwąnąąi ə kɛ ɉu, gəlee pulu,

Azaya 49:13

Yələ kɔ́lɔn, 'tómą a kwəinɛ̨ɛ̨, lɔi, 'ə́ mąną, yeeɠaa, 'ka tómą kpɔ a kwəinɛ̨ɛ̨ kɛnɛ̨, mąąhɔlɔɓo, Yai-Laa kaa nwɔ nuąi lii laai, di mąąwɛliɛi kɛ, aa di ɲɛ̨imąąwɛli kaa.

Azaya 25:9

Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

Lomaŋ 11:15

Yaan, akɛ di mąą tɛi ŋɛ̨i di mo pulu, yili ɓə gɛ Yálá da yɛnɛ̨ɛ̨ nuą di yee yɛ lɔ gee hui, akɛ da pənə da di mąą lɛɠɛ Yálá ɓa, lə ɓə kɛa a kɛ? Yii a kɛ kɛa ya ɓaa: Nuąi kɛ mąąnɛ̨ɛ̨ di haa, da yɛnɛ̨ɛ̨ hɔlɔɓo.

Zakari 14:20

Mąą yələi tii, di kaa pai bɛ̨ɛ̨i ɉoo kwaną talanənŋaa diɛ, diɛ kɛ mą: «Naakwəlan moɔi Yai-Laa ɓa.» Yai-Laa yəi bɛlɛ́n gwɛli ləɠiɠaa kaa pai kɛi yɛ, nuą mąąhəɠə gəgənŋaa ɉaláá kulɔi lííla.

Osia 11:8

Ŋą́ ə́ hon bələ kɛ ləi Ɛfraimə, Ə́ hu kala ɓə mɔ̨ɔ̨ ŋą́ mo, Israɛlə? Ŋą́ ə́ hukala pələ kɛ yɛ Adma taa, yɛ bələi ŋą́ Sevoimə taa kala la? Yáá gwə́i pili mą́ą́! Ə́ ɲɛ̨imąąwɛli aa ɉón!

Azaya 66:13

Ɲą́ą́ ɓə pai ka liilaai kaa, lɔ yɛ bələi, hilɔnu nee a nii laa la mą. A tɛ̨ą ka lii kaa pai laai ka kwəi, Ɉerusalɛmə daa kwəi.

Azaya 26:1

Mąą yələ, di kaa pai kɛi nwələi ŋɛ̨i tooi Ɉuda lɔi hu, diɛ kɛ diɛ: Kɔtaa wala wala kaa ku yəi, ɓalo mɛ̨nį ɓə a mąąkɔ̨nwɔ̨ hįį.

Azaya 11:16

Yálá nwɔ nuąi da lɛɛ a di hvulú Asiri lɔi hu, da pələ hɔlɔɓo di pa, yɛ bələi wɔlɔ Israɛlə nuą di pələ hɔlɔɓo la, diɛ həɠə Eziptə.

Azaya 10:25

Mąąhɔlɔɓo, ɉu hvo kɛa kwɛa li, nąą aa lɛɛ kpɔlɔɔ tiikpə, vá kɛa níí holi ka pɔ; Kɛlaa, gáá nwɔ́ liiholii ɲɛ̨i heei diɛ, di nwun na pili mɛ̨nį ɓa.

Azaya 2:11

Kpɔwɔɲąą kɛnɛ̨ nuą, mąą a yɛɛ, ɲɛ̨itɛ nuą di kwɛli hvilɛn, a mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 10:4

Mɛ̨nįi lɔ ka pɛli gɛi, ya ɓaa, ka ka nwun vilən gɔ́ honŋąą lɔwai, ka too nuąi daa lɛɛ gɔ́ hu, di pɔ. Kɛlaa mɛ̨nįɠaai tii kəlee di mą kɛ kɛi, nwɔ liiholii hvo ni yali li bulu, ɛlɛɛ, ɲee haŋąą lɔ ni di mɛ̨i.

Zôo 13:16

Yálá kaa kiɛ pai kɛi a nwun mąąɓo mɛ̨nį? Mąąhɔlɔɓo, túwɔ́ pələ ɲɔ̨n gulɔ mun da heei hvo bɔɔ li.

Mąątɛ̨nɛ̨ 9:1

Nwələ ɲɛ̨itɔwɔmun, Davidə nwɔ wələ woo, ə doo a bɛlɛgwəi.

Mąątɛ̨nɛ̨ 71:21

Ə́ kaa nwɔ̨nɔ̨ pai nwɔ́ mąąɲįnɛ̨n ta pɛlɛi mą, yɛ́ nwɔ̨nɔ̨ pənə yɛ́ níilaa.

Azaya 54:7

Ŋą́ ɲéé kulɔ lɔ ə́ mu a lɔwai logolo, Kɛlaa, gáá pai pənəi gɛ́ ə́ lonnii ɲąąkpɔn a wɛli kɛmąą laa; vįi hvo pai kpɛɛi yili kɛi.

Azaya 54:9

Gáá gɛi lɔ yɛ Noe nwɔ ya mɛ̨nįi, ŋį́ gwɛla mɛ̨nįi tii hu, gɛ́ diɛ ya hva kɛa pənə hvo lɔi mɛ̨i kpulu yɛ Noe nwɔ tulɔi, gáá lɔ nwɔ̨nɔ̨ gwɛ́lai tii, gɛ́ kɛ vá kɛa níí holi ə́ pɔ, vá kɛa ə́ mąąɲɔw.

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Azaya 64:5

Ku kəlee ku kɛ yɛ nu kɔ́hɔɓoɔ, ku wɔ təlimo túwɔ́ɠaa kəlee di kɛ yɛ həɠə kɔ́hɔɓoɔ, ku kəlee kwaa yohva yɛ laakpala, ku wɔ túwɔ́ pələ ɲɔ̨nŋąą diɛ li a kuɔ yɛ hvaŋą.

Azaya 65:18

Yaa mun, ka kaa pai kwəinɛ̨ɛ̨ kulɔi, kaa pili yələi a kwəinɛ̨ɛ̨, mąąhɔlɔɓo, gáá pai kwəinɛ̨ɛ̨ pɛlii, kpɛɛ hva kɛ mą, a neelee, gwəinɛ̨ɛ̨i tii gáá pai bɛlii, Ɉerusalɛmə ɓə, ɛlɛɛ, mąną kaa mɛ̨nį nwun mą, ya ɓaa a, nonnii mąą mɛ̨nį.

Ɉeremi 30:19

Hɛɠɛɛ ɓo wooɠaa diɛ kulɔ laa, kwəinɛ̨ɛ̨ wooɠaa. Gáá di ɓuwu ɓoi, di ta hva kɛa kulɔ ɉu, gáá di mąąwiɛi, di hva kɛa kɛ a nu huwu hviikpɛɛ.

Zakari 8:11

Kɛlaa, yiihu, nɔi lonnii gbəliɠaai ɲɛ̨i daa lɛɛ, və́ kɛa pai di hon ɉi yɛ bələi ŋį́ kɛi gɛ la. Yai-Laa Mɛ̨nį Kəlee ŋą Hééɓomun, woo li.

Zakari 8:19

Nwooi Yai-Laa Mɛ̨nį Kəlee ŋą Hééɓomun ə mo mą́ą́, ya ka, yɛ mą́ą́: Ɲąnin nąąn nąą nwɔ hin nɔ kuu, ɲąnin nɔɔli nąą nwɔ hin nɔ kuu, ɲąnin mɛ̨ihveelɛnąą nwɛi, da ɲąnin bow nąą nwɛi, gəlee kaa pai kɛi a Ɉuda nwɔ pɛlɛ́i mu nuą di wɔ kwəinɛ̨ɛ̨ kulɔ hvóló, di wɔ mąną kaa hvólóɠaa, da di wɔ hɛli pu hvólóɠaa. Kɛlaa, tɛ̨ą da liilaa, di wɛli ə kɛ kaa.

Nehemi 8:10

Ɛsdrasə yɛ diɛ: «Ka li, ka kɔ̨nɔ̨n nɛlɛɛɠaa mįi, ka lɔɔ nɛ̨ɛ̨ɠaa kpələ, ɛlɛɛ, nui hvo pɛli li hɛn da kɛ pələ pɛlii, ka mąą nuą tii kɔ́. Mąąhɔlɔɓo, volói ŋɛ̨i kaa a gu Ną́mu nwɔ hvóló mąąhəɠɛɛ, ka hvo kɛ liihɛlɛn ɉu, mąąhɔlɔɓo, Yai-Laa nwɔ kwəinɛ̨ɛ̨ ɓə gaa a guɔ huwalawala.»

Zôo 11:16

Mąąhɔlɔɓo, ə́ wɔ mɔ̨nɔ̨ɠaai naa kili hva kɛa too ə́ ŋį́. Gili a too lɔ kɛa ə́ ŋą yɛ ya a pu.

Mąątɛ̨nɛ̨ 85:4

Yáá ə́ wɔ liiholii kpɛla bələi, yáá ə́ wɔ liiholi kɛnɛ̨ɛ̨i yali bulu.

Mąątɛ̨nɛ̨ 86:17

'Ə́ ɲɛ̨i lɛlɛɛ hee mą́ą́, ə ɲɛ̨́i pono, ə ɲówóɠaa ɲɛ̨i paa a nwumɛ̨, a gaai da mo diɛ kɛ, Yɛ́i a Yai-Laa, Yɛ́ ɓə kpɔnmąą tɛɛi bɔ́, Yɛ́ níilɔ.

Azaya 60:10

Nwɛąą lonnii ɓə pai ə́ mąą kpɛ hį́i tɔɔi, di wɔ tɔɔɓɛlaa di ɓo a ə́ wɔ tinuą. Teą li, níí holi pələ ɓa, ŋį́ ə́ kɛlɛ, Kɛlaa, níí lɛlɛ pələ gwə́i, ŋą́ą́ ə́ mąąwɛli kaa.

Ɉeremi 31:13

Mąą yələi tii, nɛ̨ɛ̨lɛa kaa pai kɛi mąnąai, di ɓo di nɛɛ hu. Ɉilɛlɛa, da ɉulɔgoloɠaa kpɛli mąn, gáá pai di wɔlɔ woo mąą pənəi a kwəinɛ̨ɛ̨. Ŋą́ di kpɛgbɛn mo, gɛ́ di kwəinɛ̨ɛ̨ mɔ̨nɔ̨ mį́i pulu.

Zakari 1:16

«Yili ɓə gɛi, Yai-Laa yɛ kɛ diɛ: Gáá pənəi gɛ́ pa Ɉerusalɛmə pɔ a ɲɛ̨imąąwɛli kaa pələ. Nwɔ́ pɛlɛ́i a pənə ə tɔɔ laa, Yai-Laa Mɛ̨nį Kəlee ŋą Hééɓomun, woo li. Di kaa pai Ɉerusalɛmə kɔ́ɔn ɉi a mąąlən gɔw.