Azaya 10:9 - Yálá laawoo hɛɓɛ (dc)

⁹ Kɛlɛi Kalno aa kɛ kɛa yɛ Karkemisə Hamatə ə ɓo yɛ Arpadə, Samari ə ɓo yɛ Damasə?

Yálá laawoo hɛɓɛ

⁹ Kɛlɛi Kalno aa kɛ kɛa yɛ Karkemisə Hamatə ə ɓo yɛ Arpadə, Samari ə ɓo yɛ Damasə?

Bible

⁹ Ŋaâ Kano taa-leei su kara yɛ̂ɛ berei ŋá gɛ̀ la a Kasimisi, Ama, Apâi, Sameria da Dɛmɛika.

Azaya 10:9 Referans Kwoze

Kɔlɔnikɔ Veerɛi 35:20

Mɛ̨nįɠaa tii kəlee tɛɛ pulu, yii kɛa Ɉosiasə ə kpɛɛ a Yálá nwɔ pɛlɛ́i pɛliɛ, Eziptə tɔɔmun Neko ə pa, ə kɔ́ pɛlɛ Karkemisə ɓa, Eufratə kwɛlɛ. Ɉosiasə ə həɠə yɛ li naakwiɛn ɉii.

Tɔɔɓɛlaa veelɛ 16:9

Asiri tɔɔmun ə ɲee hee Akazə woo mu. Ə pa yaa kpinįi ə kɔ́ pɛlɛ Damasə taa ɓa, ə ɉon; ə ɉu nuą tɛɛ Kirə, ə Resin paa.

Ɉeremi 46:2

Yii hvilɛn na Eziptə ɓa, nwɛi ka: Eziptə tɔɔmun Neko nwɔ kɔlaɠai ŋɛ̨i kɛ Eufratə ya kɛnɛ̨ kwɛlɛ Karkemisə taa tənən ma, ɓɛlɔwai Babilonə tɔɔmun Nabukodonosorə ə ɉon na kɔ́ hu, ə kɛ a Ɉuda tɔɔmun Yoyakimə, Ɉosiasə lon nwɔ tɔɔlaa gwɛlan nąąn nɔwai.

Zɛnɛse 10:10

Nɛmrodə nwɔ taa tɔlɔɔɠaai ə dɔɔ, diɛ ɓaa kɛ: Babɛlə, Erɛkə, Akadə da Kalne, Sinearə lɔi hu ɓə ə daaɠaai tii pu laa.

Ɉeremi 49:23

Damasə nwɛi ka: Nwumɛ̨ aa Hamatə da Arpadə nuą ɲɛ̨i paa, wɛlɛɛ ɲɔ̨nwɔ̨ɔ̨ aa həli diɛ. Di hu kaa kpɛlin ɉii, yɛ gboloyá. Liihɛlɛn gɛnɛ̨ li, nu hva pɛli heei laa kpɛ-kpɛ.

Azaya 37:13

Mįnɛ̨ ɓə kələi dɔɔɓɛlaa ŋɛ̨i kaa laa: Hamatə nwɛi, Arpadə nwɛi, Lairə nwɛi, Sefarwaimə tɔɔmun nwɛi, Hena nwɛi, ɛlɛɛ da Iwa nwɛi?»

Azaya 36:19

Hamatə da Arpadə di wɔ yáláɠaai kaa mį? Sefarwaimə nwɔ yáláɠaai kaa mį? Di mɔ̨ɔ̨ pɛli Samari kulɔi ɲee ɲą?

Azaya 17:3

Ɛfraimə mąąkpɛ hįi hva kɛa kɛ mą, tɔɔlaa hva kɛa kɛ Damasə, Aramə nuąi pai kulɔi ɉu, di hvo pai kɛi a hɛn da, di yee hva tɛɛ Israɛlə nu huwu gbəli ɓa, Yai-Laa Mɛ̨nį Kəlee ŋą Hééɓomun woo li!

Azaya 7:8

Mąąhɔlɔɓo, Aramə lɔi daa lee ɓaa Damasə, ɛlɛɛ, Resin nwɔ tɔɔlaa kɛi lɔ ɓaa Damasə daai; aa lɛɛ a kwɛlan bow mɛ̨ida kɔ́w lɔɔli, Ɛfraimə kaa pai woloi, nu huwu hvo kɛa pai kɛi laa.

Tɔɔɓɛlaa veelɛ 17:24

Asiri tɔɔmun ə nuą həɠə Babilonə, Kutə, Awa, Hamatə, ɛlɛɛ, Sefarwaimə, ə di hee Samari taaɠaa hu a Israɛlə lonnii mąąhvalin. Samari ə kɛ kɛa a di wɔ lɔi, di hee nąą taaɠaa hu.

Samia Veerɛi 8:9

Hamatə tɔɔmun Toi ə bələ mɛ̨n diɛ kɛ Davidə yee a tɛɛ Hadadɛzɛrə nwɔ kɔlaɠaɠaa kəlee diɛ.

Lonon mo 34:8

Ə həɠə Hɔrə yee ɓa, ka ka ɲɛn naa, ka ɉəli Lebo-Hamatə ɓa. Ka ɲɛn gaa pai hvilɛn ɉii Sedadə ɓa.

Tɔɔɓɛlaa veelɛ 18:34

Hamatə da Arpadə haliɠaa, di kaa mį? Sefarwaimə da Hena, ɛlɛɛ, Iwa di wɔ haliɠaai di kaa mį? Ɉaliɠaa tii, di pɛli mɔ̨ɔ̨ Samari lɔi kulɔi ɲéé ŋą?

Kɔlɔnikɔ Veerɛi 32:14

Nɔiɠaa tii nɛlɛ kpɔɔ ɓə nwɔ haliɠaa di di kulɔ ɲə́i, yaai ka wɔɔ Yálái kaa pai ka kulɔi ɲə́i?

Azaya 10:8

Hvo gaai, gaa kɛi diɛ; «Ŋą́ kɔ́ kuláaɠaai di hvo mɔ̨ɔ̨ ɓɔ́ a tɔɔɓɛlaa?

Azaya 17:1

Mɛ̨nįi kponąą di mo yɛ hvilɛn na Damasə, ɓa ya ka: Damasə hvo kɛa pai lɛɛi a taa, gaa pai lɛɛi a taa kpoloon.

Azaya 37:11

Yɛ́ kpinįlee, mɛ̨nįɠaai kpɔ Asiri tɔɔɓɛlaa daa naa nɔiɠaai kpɔ di di kɛ a haláá hɛnŋaa diɛ, kɛlɛi, gəlee bələ aa həli yɛ́-e; ya ɓə yɛ́, ə́ kaa pai kulɔi ɉu?

Izikiɛ 47:16

Hamatə, Berotai, Sivraimə, yai tii Damasə lɔi da Hamatə lɔi di lɔwai. Haserə, Tikɔn yai tii Hauran lɔi pɔ pələi.

Habakukə 1:10

Di ɲɛ̨i tɛɠɛ ɓoɔi tɔɔɓɛlaa hu, diɛ yɛlɛ kulɔ ɲąąwooɓo kɛ nuą hu. Da taa mąąkpɛ híí taɠa, di bɔlɔ kpɔn gee ɓa, di ɉəɠə.

Azaya 33:8

Bələɠaa mɛ̨i tɔɔ ton ton; nu ta hvo kɛa tɛɛi bələɠaa pɔ, daa mįnɛ̨ hukala, daa di yee kulɔ daaɠaa mu; nu mɛ̨nį ɓɛlɛ hvo kɛa mą.