Azaya 10:5 - Yálá laawoo hɛɓɛ (dc)

⁵ Asiri nwun na ɲɔ̨nwɔ̨ɔ̨ ɓə, yai a nwą́ną́kulɔ gbɔn, ə ɓo ɲə́i ɲą, ŋį́ líiholii ka tii.

Yálá laawoo hɛɓɛ

⁵ Asiri nwun na ɲɔ̨nwɔ̨ɔ̨ ɓə, yai a nwą́ną́kulɔ gbɔn, ə ɓo ɲə́i ɲą, ŋį́ líiholii ka tii.

Bible

⁵ Yâwɛɛ è mò ǹyɛɛi, “Asiria káa ńyêei a sɔnyɔ̂ŋ-ƃela kula maa kɛ́ lɔii. Ŋá dɛ̀ɛ ǹɔii ŋuŋ-ŋai su a gɛɛ é diai kula maa kɛ́ da ńii ŋwána mɛni kɛ̂i.

Azaya 10:5 Referans Kwoze

Sofoni 2:13

gaa pai ɲéé haŋąi ɲanwuɔ̨ pələ, ə Asiri nwun napili, ə Ninivə kɛ a taa kpoloon.

Azaya 30:30

Yai-Laa woo kaa pai kɛi tɔɔi a mąą ɲɔwuɔ, diɛ ɲee pili pələ kaa, nwɔ liiholi kɛnɛ̨ɛi hu, ə ɓo yɛ nwɔ̨n gɛnɛ̨ a kɛi kɛɛ kələn, yɛ hvaŋą tulɔ kɛnɛ̨ a kɛi pu, hanwon yɛ pu mu.

Azaya 14:25

Gáá pai Asiri huyalii nwɔ́ lɔi hu, gáá pai gii gii ɉii nwɔ́ yeeɠaai nwuɔ̨, nuąi kɛ ɉeɛ di mɛ̨i, da ɉəɠə mąą nuą mɛ̨i, nuąi nwɔ tiɛ̨i ə kɛ di nwuɔ̨, diɲɛ̨i tii a həɠə di nwuɔ̨.»

Azaya 10:15

Akɛtii, yowa a mɔ̨ɔ̨ nwun dɛ, nui kóló kɛi la mɛ̨i? Gbɛa a mɔ̨ɔ̨ nwun dɛ nui kóló kɛi la mɛ̨i? Awala kɛtii, gbɔn a mɔ̨ɔ̨ pɛli nui gaa ɲee ŋą, ə dənən dɔɔi? Tunwɔ̨n a mɔ̨ɔ̨ pɛli dumo dɔɔi, nąmu tɛɠii?

Azaya 66:14

Ka káá pai nąą kaai, ka lii yɛ nɛ̨ɛ̨ ka kwəinɛ̨ɛ̨, ka kɔ́wɠaa diɛ pu di ninɛ̨ kɔ́lɔi, yɛ kala tiliin. Yai-Laa kaa pai ɲee hvąŋą lɛi nwɔ tínuąi diɛ, Kɛlaa, gaa pai nii hvolii ɲowoɠaa pɔ.

Azaya 13:5

Di kaa həɠəi kwɛala lɔi hu, yələkɔlɔn gbɛlai pələ, Yai-Laa da nwɔ liiholii nwąnąkulɔ hɛnŋąąi, di kaa pai nɔi kəlee huwoloi,

Azaya 8:4

mąąhɔlɔɓo, gɛɛ nolokolo hvo pɛli kɛi diɛ ‹ną́n› da ‹néé›, di kaa pai lii Asiri tɔɔmun níi la a Damasə hɛn gɔwɠaa da ɉɛnŋąąi di ɉɔlɔɓo kɔ́ hu Samari lɔi hu.»

Mąątɛ̨nɛ̨ 125:3

Yili nwɛi, pɛlimąą lɔpee hvo ɉu, nɛ̨ŋɛ̨n dɔɔlaa hva pɛli heei tələmo lonnii di wɔ lɔi mɛ̨i. Tələmo lonnii di hvo pa nəi, di yee lɔ piɛndoo mɛ̨nį hu.

Mąątɛ̨nɛ̨ 17:14

Yai-Laa, ə́ yee ə di kpɛ lɔi mɛ̨i, di həɠə yɛnɛ̨ɛ̨, di kulɔ nu kanŋaa lɔwai. Yili kpɔ ɓə mąąnɛ̨ɛ̨ ə həli diɛ yɛnɛ̨ɛ̨ ɓɛ. 'Di pilɛ a mɛ̨nį ɲąąnwąnąąi ə́ naa di tɔwɔi! Di lonnii di pilɛ ɉu, di da lɛɛ di kwəi lonnii tɔwɔ.

Zɛnɛse 10:11

Nɛmrɔdə ə həɠə nɔi tii hu, ə li ə hee Asiri lɔi hu. Ə nɛɛ mą ə Ninivə taa tɔɔ, ə Rehovotə-Irə da Kala taa tɔɔ,

Tɔɔɓɛlaa veelɛ 19:25

Gbaɠala hvo yɛ́, yɛ́ ŋą́ą́ mɛ̨nįɠaa tii mąą kiliŋąhiɛ kɛ a ɉukwɛa? Hvo gɔlɔn ŋą́ą́ wɔlɔ ɉeekpəlin na kɛ a ɉukwɛa? Yii hu kɛa, mɛ̨nįɠaa tii, gáá bɔ mɛ̨nį kɛi. Mąą laa kaa ə́ yəi, ə́ pɛli taa kpɛa kpɛaa hu ɓuwɔi yɛ kwɛni.

Azaya 7:17

Kɛlaa, yɛ́ ka ə́ nąn nonnii, da ká ə́ wɔ lɔi hu nuą ka wɛi, Yai-Laa kaa pai hvólóɠaa hɔɔi ka mɛ̨i, yii ɉuwu ta hvo ta muhəɠə li tii, ə həɠə ɲələi Ɛfraimə lɔi da Ɉuda lɔi di di ɓɛlaɓo la. Asiri tɔɔmun.»

Azaya 7:20

Mąą yələ, Ną́mu kaa pai Asiri tɔɔmun ɉu hvɛli ɲa pulu pələ da nwɔɔ kpəŋąi, ə nuą nwun bu, ə di kpɛlɛ pu, ə mą kɛ, di ləɠa.

Azaya 8:7

Yili mąą mɛ̨nį ɓa, Yai-Laa kaa pai yalee hvaŋą kɛnɛ̨ hvɛɛi ə dɛ diɛ. Ya ɓaa a: Asiri tɔɔmun da mąą ɲinɛ̨n gɛnɛ̨ɛ̨, gaa pai hvɛɛi, ə həɠə naai yɛ hiɛ kɛɛnąą kəlee ɓa.

Azaya 10:25

Mąąhɔlɔɓo, ɉu hvo kɛa kwɛa li, nąą aa lɛɛ kpɔlɔɔ tiikpə, vá kɛa níí holi ka pɔ; Kɛlaa, gáá nwɔ́ liiholii ɲɛ̨i heei diɛ, di nwun na pili mɛ̨nį ɓa.

Azaya 14:24

Yai-Laa Mɛ̨nį Kəlee ŋą Hééɓomun ə gwɛla, yɛ diɛ: «Mɛ̨nii ŋą́ naa gwə́i, ɲələ kaa pai həlii, mɛ̨nįi ŋą́ą́ mąą kili tee gwə́i, ɲɛ̨i kaa pai kulɔi.

Azaya 23:13

Ə́ ɲɛ̨i hee Kalde lɔi ɓa: nu huwu tii hvo kɛa yɛnɛ̨ɛ̨. Asiri aa nąą kɛ a lɔwɔɲąąleeɠaa taa ŋą, daa kɛ daaɠaa mąąkpɛ pɛlɛ́ɠaa tɔɔ, daa hįįɠaa tɔɔ diɛ; Asiri aa nąą lɛɛ a huwɔ hu.

Azaya 26:20

Nwɔ́ nuą! 'Ka li, 'ka lɔ ka yəi bɛlɛ́n, 'Ka gbon gəlee hveelɛ laa kpulu kaa. 'Ka ka loo lɔ, ka nąą mąą kpɔn woloɓo, ə lɛɛ ɉu niiholi ə tɛɛ,

Azaya 30:27

Ka ka ɲɛ̨i hee! Yai-Laa laa ka tii həɠəi kpɔ kwɛaala yɛ pa. Nwɔ liiholii kɛnɛ̨i, yɛ nu hu wolo, líiholi woo kaa kulɔi na, nɛn gaa yɛ kɛɛ kələn nwɔ̨n.

Azaya 34:2

Yai-Laa nwɔ liiholii aa muhəɠə lɔi kəlee laa ɓa, nwɔ kɛɛ kala liiholii aa muhəɠə di wɔ kɔlaɠa kəlee pɔ, aa ɲee lɛ diɛ di hukala mɛ̨nį ɓa; aa ɲee ɓo diɛ, di hukala.

Izikiɛ 7:10

«Ɲələ ka, pulu ka ŋɛ̨i pai; gaa bələ pɔ, wea mɛ̨nį nwɛi ɓə a nɛ̨ɛ̨mą. Kpɔwɔ ɲąą kɛnɛ̨ laa yɛ tɔɔ.

Izikiɛ 22:31

Yili ɓə gɛ, gɛ́ níí holi di pɔ, gɛ́ di paa nwɔ́ liiholi nwɔ̨n hu. Ŋą́ di túwɔ pələ kəlee wiɛ hee di nwuɔ̨. Mɛ̨nį kəlee ŋą Hééɓomun Yálá woo li.»

Habakukə 1:12

Yai-Laa ə həɠə kpɔ yɛnɛ̨ɛ̨ pɛli yələ ɓa, ə həli la yiihu ɓa, kɛlaa yɛ́ lɔ ɓə a nwɔ́ Yálá? Nwɔ Yálá mąąhəɠɛɛ, yili ɓa ku hvo pai haai! Yai-Laa, yɛ́ ɓə a ku mą́ą́kpɛ kwɛni. Yɛ́ ɓə nuą tii həɠə ɉu, ə́ di kɛ a ku hutɔɔ hvaɠa, di ə́ nwąną kulɔ kuɔ.

Lonon mo 24:24

Gáá ya ŋą kələnŋąą kaai, diɛ həɠə Kitimə, di kaa pai heei Asurə mɛ̨i, diɛ hee Ebɛrə mɛ̨i. Kɛlaa gɛɛ kalamun tii yaa kpɛli, nwun na kaa pai pilii.»

Tɔɔɓɛlaa veelɛ 18:25

Ɛlɛɛ, ka gɔlɔn kaa diɛ, Yai-Laa ɓə hvaa mą, ə gɛ, ŋą́ pa ŋą́ daa ŋɛ̨i wolo. Yai-Laa ɓə kɛ mą́ą́: ‹Lí, ə́ nɔi hukala.›»

Azaya 29:2

Gáá pai heei Ariɛlə ɓa, di kaa pai kɛi di woolaai, diɛ ɲiŋɛ̨; gaa pai kɛi ɲə́i a kuláá ta.

Azaya 30:9

Kulɔ nwoo mu nu huwu ka tii, lɛɛ kɛ nuą ɓaa a diɛ, di hvo bɔ di hvo di wəli tɔɔ Yai-Laa ŋą tɔ́n nwoo ɓa.

Danîa 11:36

«Yii lɔpee a nɛɛ tɔɔmun ma, ya ɓə gaa pai gɛi. Hu ɲąŋą kɛnɛ̨ kaa pai kɛi ɉu, yə gbɔwɔ kaa yɛ kɛ gɛnɛ̨ɛ dɛɛ alaɠaa diɛ, gaa pai kɛi mɛ̨nį ɓoi alaɠaa di wɔ Yálá ɓa, hva kpɛli ɲɔw. Gɛ mɛ̨nįɠaa kəlee hu kaa pai kɛi nɛɛi, ə lɛɛ la ɉu Yálá nwɔ líiɲąnwąnąi pa hvóló yɛ ɉəli. Nąąlɔwai, yii Yálá ə gbən dee, a naahvɛɛ.

Nahumə 1:1

Mɛ̨nįi di mo Ninivə taa laa mɛ̨i, mɛ̨nįi Yálá ə nɛ Ɛlkɔsə mun Nahumə ɓa, yili pɛ̨ɛ̨ ka.