Biblia Todo Logo
Bib sou entènèt

- Piblisite -




Azaya 10:27 - Yálá laawoo hɛɓɛ (dc)

27 Mąą yələi tii, tiɛ̨i kɛ ə́ kalan ŋą da ɉəɠə ə́ kalan ŋą, di diɛ̨ həɠə ə́ nwuɔ̨, diɛ̨i tii a həɠə laa, hɛn gɔw yɛ laa laa;

Gade chapit la Kopi

Yálá laawoo hɛɓɛ

27 Mąą yələi tii, tiɛ̨i kɛ ə́ kalan ŋą da ɉəɠə ə́ kalan ŋą, di diɛ̨ həɠə ə́ nwuɔ̨, diɛ̨i tii a həɠə laa, hɛn gɔw yɛ laa laa;

Gade chapit la Kopi

Bible

27 Tái tí a sèri, ŋa pâi káŋuŋ maa ƃôi Asiria yêei. Vé pâi ŋɔ́nɔ pɔrîi mɛni da kɛ̂i a káa. Ŋɔkáraŋ-ŋai kákɔŋ mai, ŋa pâi díkulâi naa ŋá dísu kara.”

Gade chapit la Kopi




Azaya 10:27
28 Referans Kwoze  

Hvó gaai, gɔlɔ kpɛa-kpɛai kɛ di kɔ́wɔ ŋą, diɛ nɔi tín gulɔ la, ɉəɠəi kɛ di kwaną gbɔluɔ a ɲąmą, yiliɠaai kəlee kaa pai kələn ɉii, di kɛ a nwɔ̨n gɔ̨nɔ̨n.


«Ną́mu nwɔ Kilii laai mɛ̨́i, aa ɉə́ɠə́ ɉu, əgɛ, ŋą wɛlɛɛ lɛlɛɛ laa həli mąąwɛli nuą diɛ. Ə dɔ́ɔ́, əgɛ, ŋą gaho nąmįną di wɔ nwun mąąɓo mɛ̨nį laa həli diɛ, əgɛ, ŋą ɲɛ̨ipu nuą ɲɛ̨i hvólón, əgɛ, nuąi di laanɔ̨nwɔ̨ ɓoɔ ŋą di nwun mąąɓo,


Gáá pai Asiri huyalii nwɔ́ lɔi hu, gáá pai gii gii ɉii nwɔ́ yeeɠaai nwuɔ̨, nuąi kɛ ɉeɛ di mɛ̨i, da ɉəɠə mąą nuą mɛ̨i, nuąi nwɔ tiɛ̨i ə kɛ di nwuɔ̨, diɲɛ̨i tii a həɠə di nwuɔ̨.»


Yɛ kɛ diɛ: «Nuąi ŋą́ di həɠɛɛ ɉu, 'Ka hvo tunwɔ̨n diɛ, 'ka hvo mɛ̨nį ɲɔ̨n gɛ a gwə́i mɛ̨nį hu kulɔ nuą.»


Yii ɓaa ká wɛi, daa ká mąątí, Mąąhəɠəmun ɓə ká mąątí, ɛlɛɛ, ká kəlee ká kili kaa tii ɉu.


Ee kə Yálá! Yɛ́i yɛ́ Heeɓolaa kpɛlai hvo mą, yɛ́ tɔɔ-hvilii, tələnmo hvili li!


Akɛtii kwa yɛ́ yeetɛɛmąąlaa mąą kwəinɛ̨ɛ̨ kulɔ. Kuɔ kɛa ɉilɛyili tɛ ɲələi ku wɔ Yálái laa hu. Gɛ́, mɛ̨nįi ə́ kaa vɛlii, Yai-Laa ə gəlee kɛ yɛ́!


Ká wɛi, ká mąątíi ŋɛ̨i Ə moi, gaa ká hu, ɛlɛɛ, ə mą kpɛli kɛ, di hvo ká mąąkwɛli yili ɓa; kɛlaa, yɛ bələi nwɔ wulɔi a ká mąąkwɛli la a mɛ̨nį kəlee, ɛlɛɛ, yɛ ɓo a tɛ̨ą, ɛlɛɛ, hva lɛɛ kɛ, yii kani aa ká mąąkwɛlii, 'káán ká kąnąn gani mą.


Gilboa yeeɠaa, ka hvo kɛa tulɔ hɔlɔɓo, ə mą kɛ luwuluwu; tíi hvo kɛa lɛlɛ ka mɛ̨i. Mąąhɔlɔɓo, naa ɓə gɔ́kulááɠaa di wɔ hə́mə ɓɛlɛ ə kpɛɛ laa mą. Saulə nwɔ hə́məi tii, yai mąą hvo kɛ tii li a wulɔ,


Yai-Laa Mɛ̨nį Kəlee ŋą Hééɓomun Yálá, Ə́ hvɛlii gáá moi, 'Ə́ wəli tɔɔ mą. Ɉakɔbə nwɔ Yálá, 'Ə́ wəli tɔɔ kpɔ a nɛlɛɛ.


«Mąąhɔlɔɓo, gaa a tɛ̨ą, Herodə da Pɔnsə Pilatə di di yee lɔ gee hu ɓɛ daai, da nwea, ə mą kɛ da Israɛlə nu huwu, ə gɛ, di kɔ́ pɛlɛ Yálá nwɔ tímun Jesus ɓa, yaai Yálá ə ɉəɠə ɉu ə gɛ a nuą Nwun mąąɓomun.


Gáá pai daa ŋɛ̨́i mąąkɔ̨nwɔ̨i, ŋį́ nwun mąąɓo, ɲą́ą́ mą́ą́ mɛ̨nį ɓa, kwa nwɔ tímun Davidə.»


Ə́ wɔ tímun Davidə mąą mɛ̨nį ɓa, dɔɔmun ə́ ɉəɠə ɉu, hvo ə́ pulu tɔɔ mą!


«Ɲą́ą́ ɓə nwɔ́ tɔɔmun hee Siɔn yee nwuɔ̨, yai a nwɔ́ yee mąąhəɠɛɛi.»


Andre ə gbɛa li tɔlɔɔ ə həli niɛ Simɔn ɓa yɛ mą: «Nwun mąąɓomun Yálá ə naakwɛlanmo kwaa gaa. (Yai da kɛ mą: Kristə.)»


Yɛnɛ̨ɛ̨ yíi ɓo bələ ta ka ti ə naa Ɉosɛfə nwuɔ̨, ɓɛlɔwai ə pɛlɛ la Eziptə lɔi ɓa, woo ta kaa tooi nwə́lii və́ gɔlɔn.


Gaa pai kɛi tulɔ pui ka wɔ tíi ɓa, yai ka káá pai gɛi, gɔ̨nɔ̨n lɔi kaa pai dɛɛi, a kɛnɛ̨, yɛ lɛlɛ. Nąąlɔwai tii, kala tiliin nɛlɛɛɠaa hu ɓə, ka wɔ taatɛlɛɛɠaa da di laa mįi laa.


'Kulɔ muluun gbala hu, ə́ ə́ mąąkpɛŋɛ̨n, ə́ haŋą ə́ tɔɔ, 'hee, Ɉerusalɛmə. Ɲɔwɔnŋaai kɛ ə́ kwąną, di tee kɛa, yɛ́i ŋɛ̨i ə́ kaa a Siɔn luwɔ nɛ̨ɛ̨gbɛlai.


Lə mɛ̨nį ɓa yai ka ka wɔ walii hukala, ɉɛn hvo a kɔ̨nɔ̨n bulu, kaa kóló kɛ ɉɛn hva nu pilɛ bulu? 'Ka ka wəli tɔɔ, ka nwóó mɛ̨n, ɛlɛɛ, kaa pɛli kɔ̨nɔ̨n mįi, kaa pɛli ka lii hon gɔ̨nɔ̨n nɛɛɠaa mįi.


Yələ hvo pai ɓɔi Dafne mɛ̨i, ɲələi gáá pai Eziptə nwɔ hééɓolaai hu yalii la, ŋą́ nwɔ kpɔwɔ ŋąą kɛnɛ̨i kulɔ ɲəi, yai ə kɛi nwun dɛ ɉu. Tulɔ kpinįn gaa pai pɛlɛi mɛ̨i, nonnii nɛ̨ą diɛ li luwɔlaa hu.


Aarɔn da nonnii di wɛi ka tii Yai-Laa nwɔ haláá kɔ̨nɔ̨nŋąąi hu, ə həɠə kpɔ ɲələi da di tɔɔ la Yai-Laa nwɔ kólói ɓa, ɉaláá kulɔ mɛ̨nį ɓa.


Yai-Laa Mɛ̨nį Kəlee ŋą Hééɓomun nwoo ka, yələi tii a həli, ŋą́ nwɔ́ tiɛ̨i kulɔ di nwuɔ̨, ŋą́ ɲɛliɠaa tee. Di hva kɛa kɛ a nwɛ̨ąą di wɔ luwɔ.


Swiv nou:

Piblisite


Piblisite