Azaya 10:22 - Yálá laawoo hɛɓɛ (dc)

²² Israɛlə, ə mą kɛ, ə́ wɔ nuąi tamąąi yɛ gboloyá hu ɲɛ̨ą kɔ́w, gbəli wolo lɔ ɓə a pənə ə pa; daa ka hukala mɛ̨nį mąą kili tee di kwəi, yili ɓə pai giti mɛ̨nį ɲɛ̨i kulɔi, yɛ pɛli ɉu.

Yálá laawoo hɛɓɛ

²² Israɛlə, ə mą kɛ, ə́ wɔ nuąi tamąąi yɛ gboloyá hu ɲɛ̨ą kɔ́w, gbəli wolo lɔ ɓə a pənə ə pa; daa ka hukala mɛ̨nį mąą kili tee di kwəi, yili ɓə pai giti mɛ̨nį ɲɛ̨i kulɔi, yɛ pɛli ɉu.

Bible

²² Berei máŋ Eezuɛ-ŋai tâmaai la yɛ̂ɛ yúo su ŋãai, gbulu-lôŋ nɔ́ ƃé pâi tínanîi Yâwɛɛ pɔ́ naa pere. Ɣâla a gbâa gbɛtɛ a gɛɛ é ǹaa-ƃela su-kara yɛ̂ɛ berei dítûa-pere káa lai.

Azaya 10:22 Referans Kwoze

Azaya 6:13

Da nɔi lonnii ɓɛlaɓo ɉu pow, bow nąąi pai kulɔi ɉu, yaa kpɛli a lɛɛ a nwɔ̨n gɔ̨nɔ̨n, yɛ bələi da kpitili da ɓahi di pɔn na, nwungbə lɔ ɓə a lɛɛ, nwungbəi tii, hɛn ɉuwu mąąhəɠɛɛ li.

M̀ɛni-lɛɛi 20:8

Ɛlɛɛ, gaa pai lii ə hįi lɔiɠaai yɛnɛ̨ɛ̨ nwonwo nąąn ma, ə nuą ɲąąhɛn, Gɔgə ɛlɛɛ, Magɔgə. Gaa pai di ɲąąkpɔn ɉii, kɔ́ kɔ́ mɛ̨nį ɓa, di lonon gwɛnį kaa pai kɛi yɛ gboloyá hu ɲɛ̨ą kɔw.

Danîa 9:27

Gwɛlan mɛ̨ihveelɛ lɔwai tii yee mu, da nu kpulu kɛnɛ̨ di kaa pai mįnɛ̨ walawala həɠəi. Kwɛlan ɉaaɓa da gbulɔ yee mu, gaa pai gɛi haláá kulɔ mɛ̨nį da Yálá kɔ́ mɛ̨nįɠaa hu. Gɛɛ kalamun gɛnɛ̨i tii kaa pai nwɔ mɛ̨nį ɲɔ̨nŋaai tii kɛi kpɔ a mąąhulaa, gɛɛ nɔwai ŋɛ̨i di ɲɛɠɛ ɉu hvo kɛ həlii ma.»

Lomaŋ 2:5

Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Gɛlaɠaa 17:31

Hvo gaai, aa kuu ta hee, yɛ gaa pai yɛnɛ̨ɛ̨ nuą kəlee kiti teei a ɉaŋąa, a Nui ə ɉəɠə ɉu. Ə nɛ nu kəlee ɓa, yɛ mɛ̨nįi tii hvo pai ɉəɠəi mą, a nui ə nwun, ə gulɔ haa nuą lɔwai.»

Azaya 8:8

Gaa pai həlii Ɉuda lɔi ɓa, yɛ hiɛ mɛ̨i, yɛ nąą kəlee hvɛɛ, yɛ həli kpɔ nu kwąną, ɛlɛɛ ɲąą kɛnɛ̨ pələ, Oo Ɛmanuɛlə, gaa pai yɛ́ lɔii laa hvɛɛi nąą kəlee.

Azaya 6:11

Gɛ́ mą: «Ną́mu, ə lɛɛ ɉu lə yələ?» Yɛ mą́ą́: «Ə lɛɛ ɉu, daaɠaa di lɛɛ a di kpoloon, nu hva kɛ laa, bɛlɛ́ɠaa di lɛɛ a di howolo, nu hva kɛ mu; nɔi hu ə kala, ɛlɛɛ a kpomó.»

Tɔɔɓɛlaa dɔlɔɔ 4:20

Ɉuda nuą Israɛlə nuą, di kpulu hu kɛnɛ̨ɛ̨ kɛ yɛ gboloyá kwɛlɛ ɲɛ̨ą kɔ́w. Di kɔ̨nɔ̨n ə kɛ di yəi, da di kpələ lɔɔ, ɛlɛɛ, di ɓo di nɛ̨ɛ̨ hu.

Zɛnɛse 18:25

Gílí kaa ɉu gɛ́ diɛ́, hvá pɛli mą. Hvá hvaa mą, nuąi hɔn və diɛ, da hɔn mąą nuą, hvə́ di nwun na pili a gee. Nui ŋɛ̨i a yɛnɛ̨ɛ̨ mɛ̨nįɠaa kəlee kitii tee, hva hvaa mą, hvo tələnmomun nwun na pili.»

Azaya 46:3

'Ka ka wəli tɔɔ, Ɉakɔbə nwɔ nuą, kaai kpɔ tii, kaa lɛɛ a Israɛlə yəi bɛlɛ́n nuą, kaa kpɔ tii di ka ɲąąkɔn, ə həɠə ka káá yələ ɓa, kaai tii lɛɛ ka leeni kwəi, gɛ́ ka mąą mɛ̨nį ɲɛ̨i kulɔ;

Azaya 48:19

ə́ huwu ə li kɛ yɛ ɲɛa kɔ́w, ɉu lonnii di ɓo yɛ kwɛni wean, naa hvo li kpɛɛ ɲɛ̨́i mu a yələ lɔpee ta, di hvo li kɛ naa waa laa.

Azaya 60:22

Nolokolo laamun, gaa pai kɛi a nu waa tɔ̨nɔ̨, nui kpɔ nogolo tiikpə, a kɛ a lɔi hvąŋą kɛnɛ̨. Ɲą́ą́ Yai-Laa, nąąlɔwai a həli, ŋį́ gɛ ɉa ɉa.

Azaya 65:8

Yai-Laa yɛi: Bələi lɔ da towələ keą kaa la towələ wulu hu, diɛ kɛ diɛ: «ka hvo bɔn, mąąhɔlɔɓo, luwɔ kaa ɉu», bələ lɔ ɓə gáá pai gɛi la, nuąi da tí mą́ą́ di mąą mɛ̨nį ɓa, ə gɛ və́ pa nəi gəlee hu kala.

Tɔɔɓɛlaa veelɛ 19:31

Mąąhɔlɔɓo, nu kpəli wolo kaa pai lɛɛi Ɉerusalɛmə daai, nu kpəli ə lɛɛ yiiɠaa da kulɔ gɔ́ hu Siɔn yee ɓa. «Yai-Laa nwɔ tələnmolaa ɓə pai yili kɛi tii.

Azaya 37:31

Nu gbəliɠaai kulɔ gɔ́ hu Ɉuda yəi bɛlɛ́n, yii di nɛɛ laa, ɉamu kaa pa pənəi ə ɓɔn a nįnɛ̨, ɛlɛɛ, yɛ ɓa.

Azaya 59:20

Kɛlaa, gaa pai pai Siɔn taa pɔ, yɛ kɛ a nwun mąąɓomun, da Ɉakɔbə lonnii yiiɠaai da di kɔ́wɔ kulɔ, kulɔ nwoo mu laa hu. Yai-Laa woo li.

Ɉeremi 3:14

Yai-Laa woo ka, yɛ diɛ: Ka pənə ka pa bɔ́, ká kulɔ nwoo mu lɛapɛlɛɛ ŋɛ̨i; mąąhɔlɔɓo, ka nwun nąmu ɓaa ɲą́ą́. Gáá pai nu tɔ̨nɔ̨ həɠəi taa tɔ̨nɔ̨ hu, nu hvelɛ lɔi tɔ̨nɔ̨ hu, gɛ́ li a kaa Siɔn daai.

Ɉeremi 44:28

Nu tɛitɛi kaa pai kulɔi gɔi tii hu, di lɛɛ a di hvulú də li Ɉuda lɔi hu. Akɛ kɛa tii, diɛ mąn, ɲą́ą́ mąn, nui tɛ̨ą kaa bɔ da gɔlɔn.