Azaya 10:20 - Yálá laawoo hɛɓɛ (dc)

²⁰ Ɲələi tii a həli, Israɛlə nu kpəli, da Ɉakɔbə nwɔ pɛlɛ́i mu nuąi pai kulɔi ɉu, di hva kɛa di kilitɔɔ di kɛlɛmun mą; di kaa pai di kilitɔɔi Yai-Laa ɓa, Yai gaa a Israɛlə nwɔ Mąąhəɠəmun.

Yálá laawoo hɛɓɛ

²⁰ Ɲələi tii a həli, Israɛlə nu kpəli, da Ɉakɔbə nwɔ pɛlɛ́i mu nuąi pai kulɔi ɉu, di hva kɛa di kilitɔɔ di kɛlɛmun mą; di kaa pai di kilitɔɔi Yai-Laa ɓa, Yai gaa a Israɛlə nwɔ Mąąhəɠəmun.

Bible

²⁰ Tãi a pâi Eezuɛ-lonii nyii-ŋai lɛ̀ɛ ɣele mai, da fé pâi gíli tɔɔ̂i Asiria-ŋai nyii-ŋai kɛ̀ pâi dísu-karâi. Kɛ́lɛ díkili a pâi kɛ̂i nɔ́ Yâwɛɛ, Eezuɛ Ŋɔnúu Maa Waai ma a tɔ̃yâ-pere.

Azaya 10:20 Referans Kwoze

Azaya 50:10

Gbɛɛ ɓə ka lɔwai yɛ ɲɔw Yai-Laa ɓa? Mąą nu ə Yai-Laa nwɔ tímun woo mąn, ɛlɛɛ nui hiɛi kpinįi, yai kɛɛ pɔ̨nɔ̨ hvo ɲəi, Mąą nu ə gilitɔɔ lɔ Yai-Laa láá ɓa, ə kąnąn nɔ nwɔ Yálái ɓa!

Azaya 1:9

Akɛ kɛ, Yai-Laa Mɛ̨nį Kəlee ŋą Hééɓomun, hvo ku kpəli wolo lɛɛ kɛ, yɛ kwəli kɛ yɛ, Sodomə, ku mąą mɛ̨nį ə kɛ yɛ Gomorə.

Kɔlɔnikɔ Veerɛi 28:20

Asiri tɔɔmun Tilgatə-Pilnesɛrə ə pa ə pɛlɛ Akazə ɓa a kɔ́, yaamun hvo kɛ a mąąkpɔnmąą ɓomun.

Tɔɔɓɛlaa veelɛ 16:7

Akazə ə nuą tɔɔ Asiri tɔɔmun Tiglatə-Pilesɛrə pɔɔli, yɛ mą: «Gáá a ə́ lon, da ə́ wɔɔ tímun, pa ə́ gúlɔ Aramə tɔɔmun da Israɛlə tɔɔmun di yəi, daa yili mą́ą́ a kɔ́.»

Osia 14:3

'Ka woo lɔ ka la, 'ka pənə ka pa Yai-Laa pɔ, 'ka kɛ mą: «Ku ɲɛ̨imąąwɛli kaa, ə́ ə́ yee hee ku mu, nɛ̨ŋɛ̨n gəlee kulɔ kuɔ; nįŋɛ̨ hilɛɠaa hvə ku kaa pai gulɔi yɛ a haláá, Kɛlaa nwooɠaai lɔ da kulɔ ku la diɛ lɔ ɓə.

Osia 5:13

Ɛfraimə aa nwɔ ɲɔ̨n kaa, Ɉuda yaan, aa nwɔ palai kaa; Ɛfraimə aa li Asiri pɔ pələ, ɛlɛɛ, aa kɛla tɔɔ dɔɔmun gɛnɛ̨ pɔ. Kɛlaa, gáá moi kaa: Hva pɛli ka ɓaloi, hva pɛli ka wɔ palai hali kɛi.

Azaya 37:4

Gbəli kaa laa, Yai-Laa ə́ wɔ Yálái kaa pai gɔ́kuláái tii woo mɛ̨n ɉii, yai nwɔ mɛ̨nį nąmu Asiri tɔɔmun ə dɔɔ la yɛ Yálá hvulúmąą lalan, gbəli gaa pai ɉutɔɔi nwooɠaai tii mąą mɛ̨nį ɓa, yai Yai-Laa ə́ wɔ Yálái aa mɛ̨n, 'ə́ woo tɛ bɔ pələ, ə́ vɛli nu kpəli woloi aa lɛɛ ɓɛ mąą mɛ̨nį ɓa.»

Azaya 11:11

Ɲələi tii a həli, Yálá kaa pai nwɔ̨nɔ̨ mɛ̨nį ta kɛi, nwɔ nu kpəli wolaai da lɛɛ ɲɛnɛ̨ɛ̨, a di nwun mąąɓo a nwɔ huwalawalai, ə di kulɔ Asiri da Eziptə, ə di kulɔ Patrɔsə, da Kusə, da Elamə, ə mą kɛ, Sinearə da Hamatə; ə di kulɔ gboloyá hąąi lɔiɠaa hu.

Azaya 6:13

Da nɔi lonnii ɓɛlaɓo ɉu pow, bow nąąi pai kulɔi ɉu, yaa kpɛli a lɛɛ a nwɔ̨n gɔ̨nɔ̨n, yɛ bələi da kpitili da ɓahi di pɔn na, nwungbə lɔ ɓə a lɛɛ, nwungbəi tii, hɛn ɉuwu mąąhəɠɛɛ li.

Ɛsdrasə 9:14

Yili a kɛ tii, kwa pɛli nwɔ̨nɔ̨ mą, ku ə́ wɔ tíɓoɠaai kala, kuɔ too nu ɲɔ̨nwɔ̨ɔ̨ɠaa ŋɛ̨i pɔ hilɛ taai mɛ̨nį hu, a kɛ tii, hvo pai ə́ líiholii ku pɔ, ə́ ku nwun na pili, nu tɔ̨nɔ̨ kpɛli hva lɛɛ?

Tɔɔɓɛlaa veelɛ 19:31

Mąąhɔlɔɓo, nu kpəli wolo kaa pai lɛɛi Ɉerusalɛmə daai, nu kpəli ə lɛɛ yiiɠaa da kulɔ gɔ́ hu Siɔn yee ɓa. «Yai-Laa nwɔ tələnmolaa ɓə pai yili kɛi tii.

Kɔlɔnikɔ Veerɛi 14:11

Yai-Laa ə Nubinuą kɛlɛ Asa da Ɉuda nuą di tɔwɔ, Nubinuą di pu.

Azaya 11:16

Yálá nwɔ nuąi da lɛɛ a di hvulú Asiri lɔi hu, da pələ hɔlɔɓo di pa, yɛ bələi wɔlɔ Israɛlə nuą di pələ hɔlɔɓo la, diɛ həɠə Eziptə.

Azaya 46:3

'Ka ka wəli tɔɔ, Ɉakɔbə nwɔ nuą, kaai kpɔ tii, kaa lɛɛ a Israɛlə yəi bɛlɛ́n nuą, kaa kpɔ tii di ka ɲąąkɔn, ə həɠə ka káá yələ ɓa, kaai tii lɛɛ ka leeni kwəi, gɛ́ ka mąą mɛ̨nį ɲɛ̨i kulɔ;

Ɉeremi 44:14

Nuą mąn lɛɛ Ɉuda lɔi hu, nuą di kaa Eziptə lɔi hu di mąąkilɛ pələi, da hvo pai kulɔi ɉu, di ta hvo pai lɛɛi, di ta hvo pai pənəi hvo li Ɉuda lɔi hu, di kili kaa ni di pulu pənə mɛ̨nį ɓa di pa di hee di pɔɔli. Kɛlaa, di hva pənə di hvo li laa. Nu kpulu wolo tiikpə lɔ ɓə pai kulɔi ɉu.»

Mise 5:3

Gaa pai kɛi tɔɔni yɛ nwɔ taatɛlɛɛ kpului ɲąąkɔn, a Yai-Laa nwɔ huwalawalalaa, a nwɔ Yálái Yai-Laa nwɔ mąąwiɛ, di kaa pai heei diɛ həli lɔi kpon ɉeei, di kpulu hu kɛnɛ̨ pələ ɓa.

Sofoni 3:13

Israɛlə nu kpəlii a lɛɛ, di hva kɛa tuwɔ pələ ɲɔ̨n gulɔ. Di hvo kɛa pai kɛi lɛɛ hvaaɓoi, nu ɓowo woo hva kɛa kulɔ di la, Kɛlaa, di kaa pai kɛi di laa mį́į́, diɛ di hvįįtɔɔ; ɛlɛɛ, nu ta hva kɛa di mąą ɲɔw.

Kɔlɔnikɔ Veerɛi 28:16

Mąą kwɛlan tii hu, tɔɔmun Akazə ə nuą tɔɔ, diɛ li kpɔnmąą hu hvɛlii Asiri tɔɔɓɛlaa diɛ.

Ɉeremi 3:23

Haláá kulaa yee kpu kpuɠaa mɛ̨i, da mɛ̨nį tamąą kɛɛ yeeɠaa nwuɔ̨, yili nwɛi, a tɛ̨ą gaa kpɔ a kpɛli-kpɛli. A tɛ̨ą Israɛlə nwun mąąɓo mɛ̨nį a həɠə lɔ Yai-Laa kuɔ Yálái yee ŋą.