Azaya 1:8 - Yálá laawoo hɛɓɛ (dc)

⁸ Siɔn nuą diɛ tɔ̨nɔ̨ lɔ ɓə daa lɛɛ, yɛ ɓuwui gaa viɲə yɛa, yɛ kpolo kələi gaa kilikɛmąą yɛa, gaa yɛ taai mąą tínɛ̨n ŋąą a kɔlaɠa.

Yálá laawoo hɛɓɛ

⁸ Siɔn nuą diɛ tɔ̨nɔ̨ lɔ ɓə daa lɛɛ, yɛ ɓuwui gaa viɲə yɛa, yɛ kpolo kələi gaa kilikɛmąą yɛa, gaa yɛ taai mąą tínɛ̨n ŋąą a kɔlaɠa.

Bible

⁸ Zerusâlɛŋ taa-leei nɔ́ ƃé lɛ̀ɛ. Kɛ́lɛ maa mɛ̂ni káa yɛ̂ɛ boo-kpânaŋ da sûa su yeŋkeŋ. Gáa nɔ́ yɛ̂ɛ taa-lêe nyii kɔ-kuluƃa-ŋa da ǹaa pere-lee-ŋai kélee sóŋ.

Azaya 1:8 Referans Kwoze

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Ɉaan 12:15

«Siɔn nɛ̨ɛ̨gbɛla! 'Hvo ɲɔw. Ə́ wɔ tɔɔmun ka ŋɛ̨i pai, ɉiɛ hoohvaalən non mɛ̨i.»

Zakari 2:10

'Ka li 'ka li! 'Ka ká kɔ́wɔ mąąhulɔ, ka kulɔ ɲələi pələ lɔi tii hu, Yai-Laa woo li, Yai-Laa yɛ diɛ: ŋį́ ka taɠa taɠa yələkɔlɔn mu nąą kəlee.

Azaya 62:11

Mɛ̨nįi Yai-Laa kaa moi, yɛ həli kpɔ lɔi kpon ɉeei, ya ka: 'ka mo Siɔn nɛ̨ɛ̨gbɛla ɓa, kaa mą: Ə́ ɓalo mun ga ɲɛ̨i pai, vɛla kaa ɲəi, ɲąą kɛlɛ hɛnŋąą di ɓo ɲɛ̨itɔwɔ.

Azaya 10:32

Voló tɔ̨nɔ̨i tii yeemu, a Nɔvə hon, ə nɛɛ mą ə Siɔn nɛ̨ɛ̨gbɛla nwɔ yeei mąą ɲɔw a ɲee, yai a Ɉerusalɛmə yee kpukpu.

Woolaa 2:6

Aa nɔw yɛa da gələ di kala, ɓɛi kwa ku kee kaa laa bɛlɛ́ mąąhəɠɛɛ mu, aa nąą wolo. Yai-Laa aa hɛli mɛ̨ni da túwɔ́ yələ mąą mɛ̨ni pili ɉu Siɔn, nwɔ liiholi hu kɛnɛ̨ pələ, aa dɔɔɓɛlaa da ɉaláá laa həli nuą ɓɛlɛ too.

Woolaa 2:1

Ee kə! Yai-Laa liiɲąnwąną pələ ɓa, aa Siɔn halakpɛla mɛ̨i kpįnį, aa Israɛlə mąąɲįnɛ̨n tɛ yələi aa doo nɔi ɓa. Niiholi pələ, hvo kpɛli gili lɛɛ li gɔwɔ tɔɔ kpəlin ɉu.

Azaya 37:22

Mɛ̨nįi Yai-Laa kaa moi, yɛ hvilɛn Senakeribə ɓa ya ka: «Siɔn nɛ̨ɛ̨gbɛla aa tɛɠɛɓo ə́ hu, yɛ yɛlɛ yɛ́, Siɔn nɛ̨ɛ̨gbɛla, mąąɲąŋąą, Ɉerusalɛmə nɛ̨ɛ̨gbɛla, kaa gɔn gbɛlaan ɉi a yɛ́, ə́ pulu pələ.

Azaya 4:4

Ɓɛlɔwai Ną́mu kaa pai nɔ̨nwɔ̨ waai la Siɔn nɛ̨ɛ̨lɛa diɛ, ɲąmąi di bu Ɉerusalɛmə yɛ nwaa a kiti haŋąą da nwɔ̨n.

Mąątɛ̨nɛ̨ 9:14

'Mą́ą́wɛli kaa, Yai-Laa! Nwɔ́ mɔ̨nɔ̨i kaa! Yai ɲówóɠaa daa naa mą́ą́! Yɛ́i ya gúlɔ haa wolo la.

Zôo 27:18

A nwɔ pɛlɛ́i tɔɔ yɛ nwɛ̨nį taa, yɛ nwɛ̨nį kpɛmun ɉee kələ.

Ɉeremi 4:17

Di kaa yɛ tíi mąąkpɛ nuą, daa Ɉerusalɛmə taa mąątinɛn, diɛ həɠə pələ kəlee pɔ, mąąhɔlɔɓo, aa kulɔ nwóó mu. Ɲą́ą́ Yai-Laa nwóó li.

Azaya 8:8

Gaa pai həlii Ɉuda lɔi ɓa, yɛ hiɛ mɛ̨i, yɛ nąą kəlee hvɛɛ, yɛ həli kpɔ nu kwąną, ɛlɛɛ ɲąą kɛnɛ̨ pələ, Oo Ɛmanuɛlə, gaa pai yɛ́ lɔii laa hvɛɛi nąą kəlee.

Azaya 1:7

Ka wɔ lɔi aa kɛ yɛ lɔi pun, ka wɔ taaɠaai daa kələn, nwɛ̨ąą diɛ too ka mɛ̨i, diɛ ka wɔ lɔi dɔ̨nɔ̨ kulɔ, ka ɲɛ̨i ɓa; hɛn nɔpee ta hva lɛɛ laa, yɛ bələi lɔi kalamun a lɔi kulɔ la bihɛi.

Azaya 1:9

Akɛ kɛ, Yai-Laa Mɛ̨nį Kəlee ŋą Hééɓomun, hvo ku kpəli wolo lɛɛ kɛ, yɛ kwəli kɛ yɛ, Sodomə, ku mąą mɛ̨nį ə kɛ yɛ Gomorə.

Azaya 49:21

Nąąlɔwai, ə́ kaa pai kɛi ə́ kpɔwɔ mąąni kɛi, yɛ́ kɛ diɛ: «Kwa gbɛɛ ɓə yiiɠaai kaa? Ɲą́ą́i lon və kɛa kɛ mą́ą́, ŋį́ ɓo a kpomąnɛą, daa kɛ gúlɔ lɔwɛi, ŋį́ ɓo luwɔlaa hu, gbɛɛ ɓə yiiɠaai kulɔ ɉu? Ŋį́ kɛ dɔ́nɔ́ kon ɉu, yiiɠaai di kɛ mį?»

Ɉeremi 6:2

Yɛ́ Siɔn taa, Nɛ̨ɛ̨nu lɛlɛɛ gɔmɛ̨i, daa gɛ, ə́ mɛ̨i aa haa tón-tón.

Azaya 29:3

Ŋą́ kɔ́ pɛlɛ yɛ́, yɛ bələi Davidə ə gɛ la; ŋį́ ə́ mąątinɛ̨n ŋį́ doo gee hu ɲą́ą́ gbɛli, gɛ́ galaɠaa tɔɔ, gɛ́ ə́ mąątinɛ̨n na.

Azaya 30:17

Nu waa tɔ̨nɔ̨ kaa pai pui, diɛ ɲɔw nu tanɔ̨n gbən ɓa. Nu lɔɔli gbən kaa pai ka mąą ɲɔwi, ka kəlee kaa pu di tɔwɔ, nuąi da kulɔ ɉu, da kɛ lɔ kɛa yɛ kɛɛnąą lɛ hɛn tɔɔni yee tonna, di ɓo yɛ wulu kpiɛn da dɔɔ yee kpu kpu nwuɔ̨ yɛ pələ lɛ.

Azaya 37:4

Gbəli kaa laa, Yai-Laa ə́ wɔ Yálái kaa pai gɔ́kuláái tii woo mɛ̨n ɉii, yai nwɔ mɛ̨nį nąmu Asiri tɔɔmun ə dɔɔ la yɛ Yálá hvulúmąą lalan, gbəli gaa pai ɉutɔɔi nwooɠaai tii mąą mɛ̨nį ɓa, yai Yai-Laa ə́ wɔ Yálái aa mɛ̨n, 'ə́ woo tɛ bɔ pələ, ə́ vɛli nu kpəli woloi aa lɛɛ ɓɛ mąą mɛ̨nį ɓa.»