Biblia Todo Logo
Bib sou entènèt

- Piblisite -




Azaya 1:7 - Yálá laawoo hɛɓɛ (dc)

7 Ka wɔ lɔi aa kɛ yɛ lɔi pun, ka wɔ taaɠaai daa kələn, nwɛ̨ąą diɛ too ka mɛ̨i, diɛ ka wɔ lɔi dɔ̨nɔ̨ kulɔ, ka ɲɛ̨i ɓa; hɛn nɔpee ta hva lɛɛ laa, yɛ bələi lɔi kalamun a lɔi kulɔ la bihɛi.

Gade chapit la Kopi

Yálá laawoo hɛɓɛ

7 Ka wɔ lɔi aa kɛ yɛ lɔi pun, ka wɔ taaɠaai daa kələn, nwɛ̨ąą diɛ too ka mɛ̨i, diɛ ka wɔ lɔi dɔ̨nɔ̨ kulɔ, ka ɲɛ̨i ɓa; hɛn nɔpee ta hva lɛɛ laa, yɛ bələi lɔi kalamun a lɔi kulɔ la bihɛi.

Gade chapit la Kopi

Bible

7 Ŋɔ̃ya-ŋa da kálɔii su-kara, da kátaa lêe-ŋai kélee kéreŋ. Dí m̀ɛni-ŋai ŋí kélee kɛ̀ káŋɛi, kálɔii é lɛ́ɛ a bûŋ.

Gade chapit la Kopi




Azaya 1:7
37 Referans Kwoze  

Ku kwɛlinŋaa daa lɛɛ nu takpɛliɠaa yəi. Nuąi ku wɔ pɛlɛ́ɠaa kaa di yəi, ku hvo di kɔ́lɔn.


«Nwɛ̨ąąi di kaa heeni ka kɔ́wɔ mɛ̨i, di hvaŋą ta lɔ ɓə a kɛ laai mɛ̨i, yɛ tɛɛ ka wɛi ɓa, kaa lɛɛ pulu pələ, ka wɛi yɛ tííkpə lɔ yələ kəlee.


Ka wɔ hihɛnŋąąi ɓa, da ka kɛ kóló dɔlɔ, a lɛɛ a nu huwui ka hvo di kɔ́lɔn di kɔ̨nɔ̨n. Ka kɛ lɔ a nu huwui da di yee pənə ɉu, diɛ giin-giin.


Nwɛ̨ąą kaa vaŋą kpɛɛi, ɛlɛɛ nwɛi, gili hvo ɉu; yili pulu nwun nəɠa bowa yɛ pu ɉu, ɛlɛɛ mɛ̨nį ta kpaɠala hvo mą.


Gáá pai Nilə kɛi a lɔi hu kpalaa; gɛ́ nɔi lɔwɔ́tɔɔ nu ɲɔ̨nwɔ̨ɔ̨ɠaa diɛ; ŋį́ nɔi hu kala, da ɉu hɛnŋąą, a nwɛąą kɛ mɛ̨nį. Ɲą́ą́, Yai-Laa, nwoo li.


Nwɔ Yálái Yai-Laa ə dɛɛ Aramə tɔɔmun bɔ kɔ́ hu, yili ə kɔluwɔ tamąą hon di li a dɛ Damasə daai. Yálá ə pənə nwɔ̨nɔ̨ ə nɔ Israɛlə tɔɔmun ɲee mu, kɔ́ ə kala mą kpɔ a ɲąąnwąnąą.


Di kaa hvaŋą hin ɉii, di kaa pai tulɔ hvaŋą hɔlɔɓoi, mɔ̨nun gbaɠa a wala kɛ mą, gɔw hva kɛ ɉu, da a kɛ nwɔ̨nɔ̨ ɉu, nwɛ̨ąą ɓə da mįi.


«Ɉerusalɛmə, ə́ yee hee niɛwoo mu. A wala kɛ tii, gwa yɛ́ hvəi kɛa gu tɔɔ! Ŋą́ ə́ mąą pənə a mąąwɛli lɔi, a lɔi kpoloo.»


Diɛ huluun mɛ̨i yɛ yala lonnii daa kɛi kɔ̨nɔ̨n mį́i, diɛ kpəɠi mą, diɛ nwɔ lɔi lɛɛ a lɔi pun. Diɛ nwɔ taaɠaa kələn, yɛ lɛɛ a taa kpoloonŋaa.


Edɔmə lɔi hu yaɠaa mąą kaa pai pənəi a həɓəyá, munuun mąą ə pənə a kiə́n vunwɔ̨, nɔi tii kaa pai kɛi yɛ nwɔ̨n a ɓɛla wulɔ hu,


Gbala ə tɔɔ, gwaa lon ɉɔlɔɓo, daa lon ɉulɔnu tɛɛ gu pɔ, heeɓolaa kaa ɲəi; naa ɓaa a: Liɛwoo kɛmun nɛlɛɛ, Huwalawala Yálá yələ kəlee Ną́n, Liilaa Tɔɔmun.


Gɛ́ mą: «Ną́mu, ə lɛɛ ɉu lə yələ?» Yɛ mą́ą́: «Ə lɛɛ ɉu, daaɠaa di lɛɛ a di kpoloon, nu hva kɛ laa, bɛlɛ́ɠaa di lɛɛ a di howolo, nu hva kɛ mu; nɔi hu ə kala, ɛlɛɛ a kpomó.»


Ɓɛlaa lonnii kaa pai kɛi di laa mįi laa, yɛ da kɛ kpomói, ɓoolu lonnii wulaaɠaa diɛ di laa mįi daa kpoloon ɉu,


Ŋą́ Yai-Laa Mɛ̨nį Kəlee ŋą Hééɓomun kwɛla woo mɛ̨n, yɛ kɛ diɛ: «Pɛlɛ tamąą, di kpɛa-kpɛa di lɛlɛɛ, di kaa pai lɛɛi a di howolo; mu nuą di hva kɛ mą.


Yili pulu, di huwu yɛ tíkpə, di yɛ yɛɛ, luwɔlaa yəi, mąąwɛlilaa, da liikələn gwəi.


Ə lɔi lɛlɛɛ mąą pənə a kwɛni lɔi, ɉu nuą kili ɲɔ̨nwɔ̨ pələ ɓa.


«Mąąwɛli yələɠaai tii ka káá pai kɛi la ka yowoɠaa di wɔ lɔi hu, ka wɔ lɔi a nwɔ hviitɔɔi hɔlɔɓo, yii ka hvo kɛ dɛɛ li bo.


Ka wɛi, gáá pai ka taɠa taɠai lɔiɠaa hu, gɛ́ kɔ́ kɔ́ ɓɔwa kulɔ daai gɛ́ ɉee kaa; ka wɔ lɔi a lɛɛ a lɔi pun, ka wɔ taaɠaai di lɛɛ a taa kpoloon.


Nąąlɔwai, hį́i kəlee kaa pai kɛi diɛ: ‹Lə ɓə kɛ yaai, Yai-Laa ə nɔi ŋɛ̨i hon bələ kɛ ŋɛ̨i-oo? Niiholi kɛnɛ̨i ŋɛ̨i ə gulɔ, nwun maa a lə?›


Nui kwələ tɔɔ mą, mąą nu ə ɲəi hɛnŋąą kəlee kulɔ ɲəi, nwɛ̨ąą di too ɉɔlɔɓo hɛn ɉu.


Siɔn nuą diɛ tɔ̨nɔ̨ lɔ ɓə daa lɛɛ, yɛ ɓuwui gaa viɲə yɛa, yɛ kpolo kələi gaa kilikɛmąą yɛa, gaa yɛ taai mąą tínɛ̨n ŋąą a kɔlaɠa.


Ɉerusalɛmə aa kalin, Ɉuda lɔi yɛ too; mąąhɔlɔɓo, di ka lɔ Yai-Laa ɓɛlɛ too mɛ̨nį hu a di hvaa woo, da mɛ̨nįɠaai da kɛ naai mą.


Yai-Laa Mɛ̨nį Kəlee ŋą Hééɓomun nwɔ liiŋąnwąną kɛnɛ̨ pələ, nɔi aa kulɔ bihɛi nwɔ nuąi daa kɛ a nwɔ̨n gɔ̨nɔ̨n, nu ta hva mɛlan gulɔ ɉu.


A tɛ̨ą, ə́ kaa a lɔi pun, a lɔi mąąwɛliɛ, kɛlaa, ə həɠə yiihu ɓa, ə́ hu kaa pai koloi, ə́ hu nuą tamą pələ ɓa, ɛlɛɛ, nuąi kɛi ə́ hukala, diɛ li kwɛaala.


Yɛ́i tii kɛ daa ɓo yɛ́, daa ə́ too, ə́ wɛli kpɛɛ nuą diɛ, nu hvo kɛ yɛ́, gáá pai ə́ kɛi a ɲɛ̨i pɔ̨nɔ̨ hɛn, yələ kəlee mɛ̨nį, ŋį́ ə́ kɛ a kwɛlan gəlee nwɔ kwəinɛ̨ɛ̨.


Yai-Laa aa gwɛla, ə gwɛla a mamįiyee da ɲee kɔ̨nwɔ̨n ɉu hvąŋą kɛnɛ̨i laa, yɛ kɛ: Vá kɛa ə́ wɔ ɓai kɛ, a ə́ yowoɠaa kɔ̨nɔ̨n, nwɛą nu huwu hva kɛa ə́ wɔ lɔɔi kpələ, a nɔɔi tii ə́ hviikpɛɛ həɠə bulu.


Ku wɔ pɛlɛ mąąhəɠɛɛ-ɲɛ̨i tɔɔi tii, a ɓɛi ku nąnni di kɛli ə́ mąą tɛnɛ̨ wələɠaa too laa, daa nwɔ̨n bili ɉu, aa gələn, ɛlɛɛ, ɉɛnŋąąi kpɔ kɛ ku kanąnŋąą diɛ, gəlee hu aa kala.


Yala aa kulɔ ɲəi gban mu, nɔiɠaa kalamun aa hvilɛn bələ ɓa, aa həɠə bɔɔli, yɛ pa kuɔ lɔi kala mɛ̨nį ɓa, di kaa pai kuɔ taaɠaa kələn ɉii diɛ naa lɛɛ a taa kpoloon.


Gáá kwəinɛ̨ɛ̨ woo da yɛlɛ́ wooɠaa kpɛɛi Ɉuda taaɠaa hu, da Ɉerusalɛmə gwəliɠaa pɔ. Hilɛtaa wələ hva too, hilɛtaa kɛ Nɛ̨ɛ̨nu hva wələ hvaa. Mąąhɔlɔɓo, nɔi kaa pai lɛɛi a lɔi pun.


Yili ɓə gɛ, gɛ́ nííholi di pɔ, a kɛɛ kala pələ, gɛ́ Ɉuda taaɠaa hukala da Ɉerusalɛmə kwəliɠaa, daa lɛɛ a taa kpoloon, a lɔi pun, yɛ bələi di kaa la háákələi!


Yili mąą mɛ̨nį ɓa, gáá ə́ tɛɛi hvóló kulɔi pələ nuą pɔ a di wɔɔ. Di kaa pai di wɔ taaɠaai tɔɔi ə́ pɔɔli, diɛ di heei bɛli laa, diɛ ɓə pai ə́ wɔ wulu ɓaɠaai mįi. Di ə́ wɔ taatɛlɛɛɠaai ɲįnįyá kpələ.


gɛ́ ə́ wɔ tɔlikpɛ mɛ̨nįɠaa kulɔ ə́ yee pɔ, ɲɛ̨ąkpɛmun va kɛa kɛ ə́ yəi,


Yili mąą mɛ̨nį ɓa, ŋą́ ɲɔ́n bili ə́ hu, a ə́ kɛlɛ pələ, da ə́ huwolo pələ ɲə́i, ə́ wɔ nɛ̨ŋɛ̨nŋaai mąą mɛ̨nį ɓa.


Swiv nou:

Piblisite


Piblisite