Azaya 1:28 - Yálá laawoo hɛɓɛ (dc)

²⁸ Kɛlaa, kpalo kaa pai ɓɛlai kwɛlitee nuą da nɛ̨ŋɛ̨n ɉəɠə nuą diɛ, nuąi daa di pulu tɔɔ Yai-Laa ɓa, di nwun na a pili,

Yálá laawoo hɛɓɛ

²⁸ Kɛlaa, kpalo kaa pai ɓɛlai kwɛlitee nuą da nɛ̨ŋɛ̨n ɉəɠə nuą diɛ, nuąi daa di pulu tɔɔ Yai-Laa ɓa, di nwun na a pili,

Bible

²⁸ Kɛ́lɛ a pâi zɔnyɔ̂ŋ-ƃelai su-karâi da diai da tɔ̂ɔ m̀ai. Diai kélee da díyee kùla m̀ui, a pâi dípaâi.

Azaya 1:28 Referans Kwoze

Mąątɛ̨nɛ̨ 1:6

Mąąhɔlɔɓo, Yai-Laa ə tələnmo nuą kpaalə kɔ́lɔn, Kɛlaa, nu ɲɔ̨nwɔ̨ɔ̨ɠaa kpaalə hu a kala.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

Azaya 30:13

Yili ɓa nɛ̨ŋɛ̨n tii kaa pai kɛi kaa, yɛ pɛlɛ́ nwąnąi a ɓɛla donna, yɛ wɛan mą lɔ tanɔ̨n, yɛ pu nɔi ɓa.

Zôo 31:3

Kɛlɛi kilikpɛɛgwəi nuą hvɛla lɔ ɓaa nwun na pili-ee? Ɛlɛɛ, mɛ̨nį ɲɔ̨n gɛ nuą di wɛi ə ɓo a ɓɛlɛkpɛɛ mąą?

Piɛrə veelɛ 3:7

Yálá lawoo tɔ̨nɔ̨i ti ɓə mo yɛ diɛ: Yiihu, yələkɔlɔn da lɔi ŋɛ̨i, nwɔ̨n gaa pai di kələn ɉi. Yálá aa ɲee kɛ diɛ, ə lɛɛ la ɉu, volói gaa pai mɛ̨nį ɲɔ̨n gɛ nuą kiti teei la, yɛ ɉəli.

Tɛsalonikə dɔlɔɔ 5:3

Ɓɛlɔwai nu kəlee kaa pai kɛi la diɛ: «Liilaa, wəlipululaɠi», nąąlɔwai kpɔlɔ ɓə nwun napili a kulɔ la di tɛɠii, ə yɛɛ di mɛ̨i, yɛ bələi kwəinwąną a nɛ̨ɛ̨nu hon na; ɛlɛɛ, di nwun hva kulɔ ɉu.

Azaya 66:24

Nuąi daa di kwɛli tee ɲə́i, di powa kaa pai kɛi puuni, nuą da kulɔ, diɛ di kaa. Di mįi kóló hvo pai haai, di kələn nwɔ̨n va luwun di kaa pai kɛi a nu huwu kəlee mąą ɲɔw hɛn.

Azaya 65:11

Kɛlaa, kaai kpɔ ɲɛ̨i lənə Yai-Laa ɓa, kaa lɛa nwɔ́ yee mąąhəɠɛɛi ɓa, kaa kɔ̨nɔ̨n bɛli Gadə laa hu, kaa lɔɔ humɔ̨ɔ̨ɠaa hee a Meni nwɔɔ.

Azaya 50:11

Kɛlaa, kaa kpɔ ɲɛ̨i nwɔ̨n doo, ka ɓo gwɛlɛ, kaa ɲąą tɛɛ. 'Ka li, ka wɔ nwɔ̨n gbɔlu yɛhɛ yɛhɛi tii hu, gwɛi kpuoɠaai ka ɉee gee ɓa, 'ka li di hɛ̨ąi. Ɲéé ɓə pai mɛ̨nįi tii laai kaa: Ka káá pai haai mɔ̨nɔ̨ hu!

Hanwon 29:1

Nui a gbowo too ɉutɔɔ woo ɓa, a tee lɔ kpə, ɉali hva kɛ.

Mąątɛ̨nɛ̨ 125:5

Kɛlaa, nuąi daa həɠə bələ mɛ̨i, di hiɛ pələ kpɛli kpəlaanŋąąi, Yai-Laa ə di kpɛ, da mɛ̨nį ɲɔ̨n gɛ nuą; Liilaa ə kɛ Israɛlə mɛ̨i.

Mąątɛ̨nɛ̨ 104:35

Nɛ̨ŋɛ̨n ɉəɠə nuą 'di kpɛɛ lɔi mɛ̨i, nuąi di hva kulɔ di woo ɓa, 'di hvo lɛɛ yɛnɛ̨ɛ̨! 'Lúwɔ́ kɛ Yai-Laa ɓa, nį́į́ wolo! 'Kánikookwəi!

Mąątɛ̨nɛ̨ 92:9

Ə́ wɛi, ə́ kaa yələi, yɛ́ lɔ ɓə a Yai-Laa, a yələ kəlee da nwɔɔ!

Mąątɛ̨nɛ̨ 73:27

Yili ɓa, nui a mąąkwɛa yɛ́, mąą nu hva lamun; nui a ə́ lɛɛ, yɛ ɉon a pələ takpɛli, yá gulɔ a nwun.

Mąątɛ̨nɛ̨ 37:38

Kɛlaa, nuąi da di muhəɠə gu Ną́mu laa ɓa, da gəlee paa a hvoló tɔ̨nɔ̨; diɛ nu ɲɔ̨nwɔ̨ɔ̨ɠaa huwu kulɔ a nwun.

Mąątɛ̨nɛ̨ 9:5

Mąąhɔlɔɓo, ə́ mą́ą́ mɛ̨nį ɓo, ə́ nwɔ́ tɛ̨ą ɓo, ə́ ɓo heeni, yɛ́ tɔɔkpəlin hu, Yɛ́i a giti teemun ɉaŋąŋąą.

Mąątɛ̨nɛ̨ 5:6

Ɲąŋąɲąŋąmun va tɔɔ ə́ ɲɛ̨́i mu, Yá yowolaa kulɔ a mɛ̨nį ɲɔ̨n gɛ nuą kəlee.

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Samuɛlə dɔlɔɔ 12:25

Kɛlaa, ka túwɔ́ a ɲɔ̨nwɔ̨ɔ̨, a ka kalaɠala ka ká wɔɔ tɔɔmun ni.

Azaya 1:4

Kpalo ɓɛlaa yɛ́, nɛ̨ŋɛ̨n ɉəɠə lɔi, a nwąnąlɔ nu huwui tii; a ɉįi túwɔ́ pələ ɲɔ̨nwɔ̨ɔ̨ ti; Ka mɛ̨nį ɲɔ̨n gɛ nuą lonnii ŋɛ̨i, kaa həɠə Yai-Laa pulu, kaa Israɛlə nwɔ Mąąhəɠəmun mɛlɛ too, kaa ka pulu tɔɔ mą.

Azaya 24:20

Lɔi kaa tɔɔi takpa takpa yɛ lɔɔ hon, aa hviyɛn yɛ hə́lə́kpuwulu, nwɔ nɛ̨ŋɛ̨n aa wiɛ mą, a too, hva pɛli muhəɠəi.

Azaya 33:14

Nɛ̨ŋɛ̨n ɉəɠə nuą kwəi aa pili diɛ Siɔn daai, mɛ̨nį ɲɔ̨n gɛ nuą mąą kaa kpɛlin ɉii, ku nɛlɛ ɓə pai lɛɛi tɔɔni gɛɛ kala nwɔ̨n ŋɛ̨i kwɛlɛ? Ku nɛlɛ ɓə pai lɛɛi tɔɔni? Gaa a kpaɠa nwɔ̨n hva liin.

Azaya 50:1

Yai-Laa woo ka: Vulú taɠa hɛɓɛ́ wɔɔ? Yai ŋį́ ka lee kulɔ la lɔwɔi? Awala kɛtii, gbɛɛ ɓə ŋą kwələ kaa mą́ą́? Yai ŋį́ ka lɔwɔ́tɔɔ mą? Deąi laa ya ka: Ka wɔ nɛ̨ŋɛ̨nŋaa ɓə gɛ, diɛ ka lɔwɔ́tɔɔ, ka wɔ kulɔ nwoo mu laa ɓə gɛ, diɛ ka lee kulɔ lɔwɔi.

Azaya 58:2

Ɲą́ą́ ɓə da di nwun dɔɔ a ɲą́ą́ hvóló kəlee, nwɔ́ pələɠaai kɔ́lɔn mɛ̨nį ə ɓo a di liiɓa, yɛ nu huwui aa tələnmo yiiɓo, ɛlɛɛ hvo kulɔ li nwɔ Yálái nwɔ tɔ́n nwooi pulu. Di kaa bɔ ŋį́ kiti tee a tələnmolaa, di mąąlɛɠɛ mɛ̨nį Yálá ɓa ə ɓo a di kwəinɛ̨ɛ̨ mɛ̨nį.

Azaya 66:17

Nuąi da kɛ «di kpɔwɔ kɛi a mąąhəɠə nuą da mąąwaa nuą», diɛ lɔ nɔw yɛa hu, di ɓo di nwun nąmu pulu, nwɛi, ə ɓo tɔɔni di hąmąi; nuąi da kɛ ɓoi mį́í, da ɉuwɔɠaai tɔ́n gaa diɛ, da ɲinɛ̨ɠaa, gəlee kaa pai haai a gee. Yai-Laa woo li.

Ɉeremi 17:13

Yai-Laa! Yɛ́ ɓə Israɛlə kilitɔɔ yɛ́; nuąi da ə́ lɛɛ laa, nwumɛ̨ a di ɲɛ̨i paa; nuąi da di mąą kwɛa mą́ą́, kiti a kala diɛ. Mąąhɔlɔɓo, Yai-Laa a tɛɛyá nwun gulɔi, daa nɛɛ.

Ɉeremi 44:12

Ɉuda nuą gbəli woloi tii ɉaŋan a Eziptə lɔi hu pələ, diɛ li di mąąkilɛi, gáá hvilɛn ɉii gəlee pulu, di kəlee di kaa pai haai Eziptə lɔi hu, nąą ɓə di kaa lɛɛi laa tooni, a kɔ́ kɔ́ ɓɔwa laa pɔɔ, diɛ haa a pulu. Kɔ́ da pulu ɓə pai di paai. Gbɛa-kpɛaa da bɛlɛɛ-pɛlɛɛ mąn, di kaa pai kɛi a mąąwɛli nuą, nuą diɛ di kwɛla a di laa, diɛ lalan bili, diɛ nɛ̨ŋɛ̨n naa kɛ a di laa.

Osia 14:9

Ɛfraimə! Nwɔ́ lə mɛ̨nį ɓə hali mɛ̨nį hu? Ɲą́ą́ ɓə ŋą́ nwoo mu hon, gɛ́ ɲɛ̨́i kɛ mą, nwɛ́i gáá lɔ yɛ wului naa ka ŋą a yələ kəlee, ɲą́ą́ ɓə ə́ ɓa a kulɔ váŋą hu.

Kɔlɔnikɔ Veerɛi 21:10

Bələi mąn ə kɛ la tii, Edɔmə kwɛli teɛi lɔ kɛ Ɉuda tɔɔlaa ɓa, gaa lɔ tii háá ɓaa a háá. Nąąlɔwai tii hu lɔ nwɔ̨nɔ̨, Livna ə gwɛli tee Yoramə ɓa. Mąąhɔlɔɓo, Yoramə aa kɛ gili kulɔ nąnni di wɔɔ Yálái, Yai-Laa hu.

Kɔlɔnikɔ Veerɛi 28:6

Remaliahu lon Peka ə nu waa nwundɔ̨nɔ̨ nu waa pow hveelɛ paa Ɉuda nuą lɔwai a hvoló tɔ̨nɔ̨, gəlee di ɓo a kuláa walawala. Mąąhɔlɔɓo, aa kɛ kulɔ nąnni di wɔ Yálái Yai-Laa woo mu.

Kɔlɔnikɔ Veerɛi 28:23

Ya ka tii lii, yɛ haláá kulɔ Damasə haliɠaa diɛ, diɛi ŋɛ̨i di yee ə tɛɛ mą kɔ́ hu, yɛ kɛ diɛ: «Yii Aramə tɔɔɓɛlaa di haliɠaa da kpɔnmąą tɛɛ di pɔi, diɛ ɓə mąąnɛ̨ɛ̨ ŋį́ haláá kulɔ diɛ, ə gɛ, di kpɔnmąą tɛɛ bɔ́.» Yaan mɛ̨nįi tii ɓə kɛ ɲee lɛɛ ɉu mɛ̨nį da nɔi lonnii kəlee.

Zôo 34:26

A di hu lɔwa nu kpulu hu, yɛ da kɛi nu paa mun gɛlɛ.

Zôo 34:27

Mąąhɔlɔɓo, di hvo kɛi gɛ di hvo lɛɛ bulu, di hvo gɛ di hvo nwɔ pələɠaai kɔ́lɔn.

Azaya 64:6

Nu ta hvo tómąi a Ə́ laa, nu ta hvo mun kpɛli nwun ɉi, yɛ mɛ̨nįi tii too Yɛ́, mąąhɔlɔɓo, Yáá ə́ ɲɛ̨ilai now kuɔ, Yáá ku wɔ túwɔ́ pələ ɲɔ̨n lɛɛ laa ɲee aa tɛɛ kuɔ, yɛ ku kala kpɔ tɛ̨ɛ̨ tɛ̨ɛ̨.