Azaya 1:20 - Yálá laawoo hɛɓɛ (dc)

²⁰ Kɛlaa, ka wala gɛ, ka lɛɛ lɔ a ka pulu tɔɔ mą́ą́, ka lɛɛ a kɔ-kɔ ɓɔwa kɔ̨nɔ̨n. Bələ ɓə Yai-Laa ə mo la.

Yálá laawoo hɛɓɛ

²⁰ Kɛlaa, ka wala gɛ, ka lɛɛ lɔ a ka pulu tɔɔ mą́ą́, ka lɛɛ a kɔ-kɔ ɓɔwa kɔ̨nɔ̨n. Bələ ɓə Yai-Laa ə mo la.

Bible

²⁰ Kɛ́lɛ kà wàla fáa ma, kà tɔɔ ḿâ, ka pâi saa tí-ti ƃôi. Ńyãa Yâwɛɛ ƃé mò tí.”

Azaya 1:20 Referans Kwoze

Azaya 65:12

Ɲą́ą́ nwɛ́i, gáá ka tɛɛi a kɔ́ kɔ́ ɓɔwa kɔ̨nɔ̨n, ka kəlee, ka káá pai pui ka kpəlin na, diɛ ka nwun dee! Mąąhɔlɔɓo, ŋą́ təliɓo kɛ, ka hvo nwóó mu hon, ŋį́ pələ ɓo, ka hvo ka wəli tɔɔ li. Yii ɲɔ̨nwɔ̨ɔ̨ ɲɛ̨́i mu ya ɓə ka gɛ, ɉɛn nwɛli hvo mą́ą́, ya ɓə ka gɛ a ka liiɓa hɛn.

Azaya 58:14

Ya gɛ tii, ɲą́ kɛ kwəinɛ̨ɛ̨ ton, ɲą́ą́ Yai-Laa, gɛ́ li a yɛ́ wotolo hu, lɔiɠaa nwun mɛ̨i pələ, gɛ́ ə́ ɲąą kɔ́n, a ə́ kala pɔlɔ Ɉakɔbə nwɔ lɔi. A tɛ̨ą, nwooi kulɔ Yai-Laa la ya ka tii.

Azaya 40:5

Nąąlɔwai, Yai-Laa nwɔ mąąwiɛ kaa pai kulɔi pɔ̨nɔ̨ŋą, nɔ̨ɔ̨nɔ̨ɔ̨-hɛnŋąąi kpɔ di kaa lɔi mɛ̨i, gəlee kaa pai gaai, diɛ kɛ Yai-Laa ka tii aa hvaa!

Azaya 3:25

Ə́ wɔ hinąąi da haa kɔ́ kɔ́ ɓɔwa yəi, ə́ wɔ kuláaɠaai di haa kɔ́ hu.

Azaya 3:11

Kpalo ɓɛlaai mɛ̨nį ɲɔn gɛmun mą, hvó gaai mąąwɛli mɛ̨nį hɛlɛ ŋąąi nwun mɛ̨i, di kaa pai ɉon ɉii, yɛ bələi ə gwɛli la a dúwɔ́ pələ.

Lonon mo 23:19

Yálá hvo yɛ bələi nu kaa la, hva pɛli lɛɛ kɛi, hvo yɛ Adamə lon da, yɛ pɛli nwoo mąą pənəi. A mɔ̨ɔ̨ pɛli mɛ̨nį ɓoi a kɛ hvo mąą mɛ̨nį kɛ li? A mɔ̨ɔ̨ woo ɓo yii hvo bɔ mɛ̨nį kɛ li?

Taitɔ 1:2

kilitɔɔmąą laa hu, a ɓálo hva kpɛɛ, yai, Yálái hva lɛɛ kɛ, ə gbɛa naakwɛlanmo gɛɛ hvo yɛnɛ̨ɛ̨ pɛli;

Mise 4:4

Nu kəlee kaa pai lɛɛi nwɔ hihɛnŋąą kwɛlɛ, ɛlɛɛ, nu ta hva di hviikpɛɛ, mąąhɔlɔɓo, Yai-Laa Mɛ̨nį Kəlee ŋą Hééɓomun ɓə ə kulɔ na.

Samuɛlə dɔlɔɔ 12:25

Kɛlaa, ka túwɔ́ a ɲɔ̨nwɔ̨ɔ̨, a ka kalaɠala ka ká wɔɔ tɔɔmun ni.

Levetekɔ 26:33

Ka wɛi, gáá pai ka taɠa taɠai lɔiɠaa hu, gɛ́ kɔ́ kɔ́ ɓɔwa kulɔ daai gɛ́ ɉee kaa; ka wɔ lɔi a lɛɛ a lɔi pun, ka wɔ taaɠaai di lɛɛ a taa kpoloon.

Samuɛlə dɔlɔɔ 15:29

Ə lɛɛ nwɔ̨nɔ̨, Israɛlə nwɔ mąąwiɛ hva hea too gbɔwɔ la, yii a mo, hva ɉəɠə mą, mąąhɔlɔɓo, hvo yɛ nu, yii a yali gələn ma.»

Samuɛlə dɔlɔɔ 12:15

Kɛlaa, ka wala ka wəli tɔɔ Yai-Laa woo ɓa, ka ká nwun gulɔ Yai-Laa nwɔ tɔ́n nwooɠaa mu, Yai-Laa yee kaa pai wiɛi ka mɛ̨i, yɛ bələi ə wiɛ la ka nąnni mɛ̨i.

Azaya 8:6

Yii nuąi ɲɛ̨́i kaa lənəi Siloe yai a tɛɛ ɲąą mą, ɛlɛɛ di kwəi nɛ̨́ɛ̨́ mɛ̨nį ə ɓo a Resin mɛ̨nį da Remaliahu lon mąą mɛ̨nį.

Azaya 34:16

Ka Yai-Laa nwɔ hɛɓɛ́i hu kaa, ka ɉu woo ɓo, dɔ̨nɔ̨ kpɛli hvo pai lɛɛi pulu, di ta hvo pai kɛi mɛlan gɛɛmąąnįn kɛi, Mąąhɔlɔɓo, Yai-Laa ɓə di tí la nwɔ Kilii ɓə di ɲąąkpɔn.

Ɉeremi 4:17

Di kaa yɛ tíi mąąkpɛ nuą, daa Ɉerusalɛmə taa mąątinɛn, diɛ həɠə pələ kəlee pɔ, mąąhɔlɔɓo, aa kulɔ nwóó mu. Ɲą́ą́ Yai-Laa nwóó li.

Ɉeremi 17:27

Kɛlaa, ka wala ka wəli tɔɔ nwóó ɓa, ká hvo vįitɔɔ hvóló mąąhəɠə, kaa tiɛ̨ həɠə, káá tɛɛ la Ɉerusalɛmə gbonŋaa laaləi a vįitɔɔ yələ, ká hvo kpəla li yili ɓa, yili nwɛi, nwɔ̨n mə ŋą́ doo gbonŋaa ŋɛ̨i ɓa, yɛ Ɉerusalɛmə pɛlɛ́ lɛlɛɛɠaa kələn, ɛlɛɛ, nwɔ̨n va luwun.

Ɉeremi 21:8

Yii ɓaa nuą ŋɛ̨i di wɛi, yá kɛ diɛ: «Yai-Laa woo ka, yɛ diɛ: Ka ka liiɓa həɠə: Ɓalo da haa di lɔwai.

Ɉeremi 26:4

Yá kɛ diɛ Yai-Laa woo ka, yɛ: ‹Ká wala gɛ a nɛlɛɛ, nwooɠaai gáá moi kaa ka hvo lɛɛ bulu,

Ɉeremi 46:14

'Ká mɛ̨nįi tii laa həli Eziptə lɔi ɓa, 'ká noloɓo Migdolə, 'ká noloɓo Mɛmfisə da Dafne; kaa mą: 'Haŋąn ə́ tɔɔ, ə́ ə́ kpɔɔ pɛli, mąąhɔlɔɓo, kɔ́ kɔ́ ɓɔwa kaa kɛɛ kalai ə́ kwɛlɛ nąą kəlee.

Lɛɛ gbɔwɔ ɓa 9:2

Yá lənə nwɔ̨nɔ̨ mą, yá wala ɓo diɛ, di hvo li,

Levetekɔ 26:25

Ŋą́ kɔ́ kɔ́ ɓɔwa pa ka mɛ̨i, ə gɛ mįnɛ̨i ŋɛ̨i ka gala ə nwą́ną kulɔ kaa. Ka káá pai ka ɲąąkpɔn ɉii kaa wɔ taa kpɛa-kpɛaɠaai hu, kɛlaa ŋą́ lɔi wolo ɲɔ̨n nɔ ka lɔwai; kaa too ka yowoɠaa yee ŋą.

Zôo 36:12

Kɛlaa, da wala di wəli tɔɔ nwoo ɓa, di kaa pai mɔ̨nɔ̨ mįi kpala yəi, diɛ haa mɛ̨nį kɔ́lɔn gili tɛɠii.