Azaya 1:13 - Yálá laawoo hɛɓɛ (dc)

¹³ Ka hvo gɔ́ a yɛlɛ kulɔ pələ ɉú, nulu ɓɛlɛ hvo gwə́i, ɲąnįn dɔɔ nįnɛ̨ hɛlii ka kɛ bui, da túwɔ́ yələ hɛli, ə mą kɛ hɛli kpɛa-kpɛaɠaai ka kɛ bui, yili nąą wɛli hvo kɛa mą́ą́.

Yálá laawoo hɛɓɛ

¹³ Ka hvo gɔ́ a yɛlɛ kulɔ pələ ɉú, nulu ɓɛlɛ hvo gwə́i, ɲąnįn dɔɔ nįnɛ̨ hɛlii ka kɛ bui, da túwɔ́ yələ hɛli, ə mą kɛ hɛli kpɛa-kpɛaɠaai ka kɛ bui, yili nąą wɛli hvo kɛa mą́ą́.

Bible

¹³ Ƃâa fé kásama-sãai dîa. Kákereŋ sãa kú nɛ̃ɛi kúŋ ƃɛlɛ fé ŋ́goi. Ka ŋ̀áloŋ nina kuui kûla, ká kɛ́ vii-tɔɔ ɣelei mɛi kâa, ká kɛ́ káɣâla mɛni kɛ́ kpɔŋ-ŋai tôo. Kɛ́lɛ kásɔnyɔ̂ŋ a gɛ̀ ƃâa fé ŋɔ́nɔ gúu-ŋai ŋí kélee dîa.

Azaya 1:13 Referans Kwoze

Azaya 66:3

Da kɛ niŋɛ̨ kulɔi a haláá, ɛlɛɛ nwɔ̨nɔ̨, diɛ nu paa! Da kɛ ɓɛlaa haa kulɔi a haláá, ɛlɛɛ nwɔ̨nɔ̨, diɛ yilɛ lon baa a gbɔn! Diɛ ɓɛlaa laa həli, kɛlaa ɓoi ɲąmą ɓə da bu! Da lansan kələn, kɛlaa hali mąąwiɛ mɛ̨nį ɓə! Nuąi tii, daa di liiɓa pələ həɠə, ɛlɛɛ, gbɛli kpɛli mɛ̨nįɠaai tii, di ɓo a di kwəinɛ̨ɛ̨ mɛ̨nį,

Malasi 1:10

Yii viɛlaɓoɔ, ya ɓaa: ka tɔ̨nɔ̨ ə li, ə nwɔ́ pɛlɛ́ laa kpulu, ə gɛ, ka hvo pa kɛ lɔ lii laa, kaa nwɔ̨n ɉee nwɔ́ haláá kulɔi tii ɓa, a kpɛli. A tɛ̨ą, və́ kpɛli bɔ, və́ ka káá ɉaláá kulɔi, gu hvomun kɛ, ka wɔ haláá hɛnŋaa. Yili wɛli hvo mą́ą́. Ɲą́ą́ Yai-Laa Mɛ̨nį Kəlee ŋą Hééɓomun, nwóó li.

Maafîu 15:9

Gwɛlii da vilɛn mą́ą́, gaa a kpɛli-kpɛli. Mąąhɔlɔɓo, nuą túwɔ́ pələ lɔ ɓə da galan di kee ɓa; diɛ ɲą́ą́ Yálá nwɛ́i lɛɛ laa.›»

Izikiɛ 20:39

«Yili ɓa, káái a Israɛlə nwɔ pɛlɛ́i mu nuą, yii Mɛ̨nį kəlee ŋą Hééɓomun Yálá kaa moi, ya ka: Nu kəlee ə li kani ə nwɔ halii kɔ́, yili pulu, gu kaa pai gaai, akɛ ká hvo pai lɛɛi nwóó mu. Yili a kɛ tii, ká hvo kɛa pai náá mąąhəɠɛɛ pui, a ka wɔ haláá hɛnŋaai da ka wɔ haliɠaa.

Lukə 11:42

«Farisiɛ̨ɠaa, kpalo ɓɛlaai kaa! Ka ka hɔlɔɓo hɛn bow nąą tɛɛ Yálá pɔ, ə mą kɛ, ka yəi ɲɛa nɔ́wɠaa, da yiiɠaai ka doo nɔ́w hu, yɛ mąą kun nɛ̨ɛ̨ la. Kɛlaa, tələnmolaa da Yálá wɛli la kɛɛ, kaa yiliɠaai lɛɛ laa. Yaamun, yiliɠaa ɓə kɛ mąąnɛ̨ɛ̨i kɛ kaa gɛ, ka hva yiiɠaai tii ta lɛɛ pulu.

Zooɛ 2:15

Ka tulu hvɛɛ Siɔn daai, ka hin noloɓo, ka ɲąąkpɔn gɛnɛ̨ɛ loloɓo.

Woolaa 2:6

Aa nɔw yɛa da gələ di kala, ɓɛi kwa ku kee kaa laa bɛlɛ́ mąąhəɠɛɛ mu, aa nąą wolo. Yai-Laa aa hɛli mɛ̨ni da túwɔ́ yələ mąą mɛ̨ni pili ɉu Siɔn, nwɔ liiholi hu kɛnɛ̨ pələ, aa dɔɔɓɛlaa da ɉaláá laa həli nuą ɓɛlɛ too.

Ifisiɛŋ 4:30

'Ká hvo Kili-Mąąhəɠɛɛ liikələn gwəi, yai Yálá ə gɔlɔn ɉii kɛ la káá, káá ká nwun mąąɓo yələ mąąkpɔn na.

Korɛntə dɔlɔɔ 11:17

Yiiɠaa ti kɛ, gwaa yili kaa, və́ ká mąątɛ̨nɛ̨i; ká wɔ ɲąąkpɔnŋaai di hva ka tɛ tɔwɔ, yaamun, a ká kala.

Zooɛ 1:14

'Ka nolo ɓo nu kəlee mɛ̨i, 'ka ka mąąhəɠə hin nɔ. 'Ka galanɉonŋąą ɲąąkpɔn, 'ka nɔi lonnii kəlee təli. Yai-Laa ka wɔ Yálá yəi bɛlɛ́n, 'ka wɔlɔ Yai-Laa ɓa.

Hanwon 21:27

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, mąąhɔlɔɓo, da gulɔ a líiɲɔ̨nwɔ̨ɔ̨.

Mąątɛ̨nɛ̨ 78:40

Di kɛi di kwɛli tee mą nɔi pun ɉu! Kpɔ gee mɛ̨i tamąą, Diɛ níikələn gwəi nɔi pun gələn ŋąą ti hu, kpɔ kɛlɛ-kɛlɛ.

Kɔlɔnikɔ Maa-ŋuŋ 23:31

Ɓɛlɔwai lɔpee di kɛi Yai-Laa kɔ́ la a tuwɔ́ lɔwɔ yələ, a ɲąnįn nwɔ hvóló dɔlɔɔ, awala kɛ tii a hɛli yələ ta, da gɛ a haláá hɛn da gəlee kələn, yɛ bələi ɉaláá hɛn nonon ŋąą kaa la a yələ kəlee, diɛ gɛ tii Yai-Laa lííla.

Lɛɛ gbɔwɔ ɓa 12:16

Vóló dɔlɔɔ yələ, da vóló mɛ̨ihveelɛ yələ, ka ka ŋąąkpɔn Yálá líí la. Vólóɠaa ti yee mu, kóló lɔpee ta hva kɛ, hvo kɛ li lɔ, kɔ̨nɔ̨n mąąnɛ̨ɛ̨ ka mįi, yili mɛ̨nį.

Filipə 1:15

A tɛ̨ą, daɠaa da gɛ hɛn nwɛlilaa da wɛli kpɛɛmąą laa, kɛlaa, daɠaa diɛ Kristə mąą mɛ̨nį laa həli a liinɛ̨ɛ̨ gwəi.

Lonon mo 10:2

«'Mo di túlú hveelɛ yɔw a wali kwɛli. Diɛ ɓə pai kɛi a nuą təli hɛn, a wala kɛ tii di muhəɠə túlú, di li mɛ̨nį ɓa.

Azaya 66:23

Yai-Laa woo ka, yɛ diɛ: Nu huwu kəlee kaa pai pai ɓɛ, diɛ di woo tɛ bɔ́ pələ, a ɲąnin dɔɔ pələ tɛitɛi, da túwɔ́ hvoló tɛitɛi, ɛlɛɛ, yili kaa pai kɛi, hva ɉəɠə mą.

Osia 2:11

Yili maą mɛ̨nį ɓa, gáá pai pənəi ŋį́ nwɔ́ mɔ̨nun həɠə ɲəi, ɲələ a həli, da nwɔ́ lɔɔ nɛ̨ɛ̨i, a ɲələi ŋą́ kɛ la bɔ, gɛ́ nwɔ́ həɠəɠaai kulɔ ɲəi, diɛi tii kɛi mąąkpulu.

Levetekɔ 26:31

Gáá pai ka wɔ taa kpɛa-kpɛa lɛɛi a taa kpoloon, gɛ́ ka wɔ kɛɛnąą mąąhəɠɛɛɠaai mąąwɛli; vá kɛa ka wɔ lansan kun mɛ̨n.

Tɔɔɓɛlaa veelɛ 4:23

Ɉilɛ yɛ mą: «Lə mɛ̨nį ɓa, yɛ́ ə́ li háákələi laa? Yaan, hvo kpɛli a ɲąnin dɔɔ nįnɛ̨, hvo nwɔ̨nɔ̨ a túwɔ́ lɔwɔ?» Nɛ̨ɛ̨nui yɛ ɉilɛ ɓa: «Hvó ə́ liihɛlɛn!»

Hanwon 7:14

«Ŋą́ gwɛ́la, gɛ́ diɛ, gáá ponnąą haláá kulɔi, ya ka ɉaláá laa aa hon.