Bib sou entènèt

Azaya 1:11 - Yálá laawoo hɛɓɛ (dc)

¹¹ Ka wɔ haláá tamąąi ka ka gulɔi, Və́ kɛa da bɔ. Ɲą́ą́ Yai-Laa nwɔ́ɔ́ li, mɛlaa ka gulɔ mą́ą́ a haláái da gəlee kələn, ə mą kɛ a nįŋɛ̨ gbɔn nwulɔɠaai ka gulɔ mą́ą́ a haláá, ŋą́ą́ pilɛ ɉu. Nįŋɛ̨ hilɛ ɲąmąɠaai, mɛlaa lon da molu ɲąmąɠaa, nąą wɛli hvo kɛa mą́ą́.

Gade chapit la Kopi

Yálá laawoo hɛɓɛ

¹¹ Ka wɔ haláá tamąąi ka ka gulɔi, Və́ kɛa da bɔ. Ɲą́ą́ Yai-Laa nwɔ́ɔ́ li, mɛlaa ka gulɔ mą́ą́ a haláái da gəlee kələn, ə mą kɛ a nįŋɛ̨ gbɔn nwulɔɠaai ka gulɔ mą́ą́ a haláá, ŋą́ą́ pilɛ ɉu. Nįŋɛ̨ hilɛ ɲąmąɠaai, mɛlaa lon da molu ɲąmąɠaa, nąą wɛli hvo kɛa mą́ą́.

Gade chapit la Kopi

Bible

¹¹ A m̀ôi ǹyɛɛi, “Zâla támaai ka gulâi ḿâi, vé a sɛŋ dɔnɔ kpîŋ ŋ́ɛi. Káƃala-sîrɛ da niŋa sîrɛ sala támaai mɛni ƃɛlɛ fé ŋ́goi. Fé wɛ́li ní a niŋa sîrɛ, ƃála sîrɛ da ƃoli sîrɛ ŋãa mɛni.

Gade chapit la Kopi

tounen moute ⬆

Azaya 1:11
23 Referans Kwoze

Amɔsə 5:21

Ka wɔ hɛliɠaai wɛli hvo mą́ą́, di ɓɛlɛ hvo gwə́i. Ka wɔ ŋąąkpɔn, naa wɛli hva ɉón.

Samuɛlə dɔlɔɔ 15:22

Nąąlɔwai, Samuɛlə ə mo Saulə ɓa, yɛ mą: «A kɛ tii, taatɛlɛɛ kulaa Yai-Laa ɓa a haláá yii da gəlee kələn, yili ɓə mɔ̨ɔ̨ nwɛli kaa mą, a wala kɛ tii, Yai-Laa woo hon ŋąą? Kpaa-oo! Woo hon naa hviɛlaɓoɔi ɓɛlaa hilɛɠaa wulɔ ɓa.

Ɉeremi 6:20

Lansan ŋɛ̨i ka həɠə la Saba, kaa paa la mą́ą́ mɛ̨nį ɓa, lə ɓə ŋį́ gɛ la? Lə ɓə ŋį́ gɛ a ɉɛn mąą kun nɛ̨ɛ̨i tii, ka həɠə la kwɛala lɔiɠaa hu? Ka wɔ haláá yiiɠaa da gəlee kələn, wɛli hvo mą́ą́. Ka wɔ haláá ɓɛlɛ hvo gwə́i.

Azaya 66:3

Da kɛ niŋɛ̨ kulɔi a haláá, ɛlɛɛ nwɔ̨nɔ̨, diɛ nu paa! Da kɛ ɓɛlaa haa kulɔi a haláá, ɛlɛɛ nwɔ̨nɔ̨, diɛ yilɛ lon baa a gbɔn! Diɛ ɓɛlaa laa həli, kɛlaa ɓoi ɲąmą ɓə da bu! Da lansan kələn, kɛlaa hali mąąwiɛ mɛ̨nį ɓə! Nuąi tii, daa di liiɓa pələ həɠə, ɛlɛɛ, gbɛli kpɛli mɛ̨nįɠaai tii, di ɓo a di kwəinɛ̨ɛ̨ mɛ̨nį,

Mise 6:7

Yai-Laa kaa pai hvaai mą yɛ ɲee hee ɓɛlaa hilɛ waa tamąą mu? Wulɔ munuun damąą ɓə mɔ̨ɔ̨ ŋą́ gboloon naa nií la? Kulɔi ŋą́ mo nwoo mu, nąą pɛli hɛn maa mɔ̨ɔ̨ a nón ɉulɔnu tɔlɔɔ? Gɛ́ nwɔ́ nɛ̨ŋɛ̨nŋaai mąą kwələ kulɔ a gwə́i lon?

Malasi 1:10

Yii viɛlaɓoɔ, ya ɓaa: ka tɔ̨nɔ̨ ə li, ə nwɔ́ pɛlɛ́ laa kpulu, ə gɛ, ka hvo pa kɛ lɔ lii laa, kaa nwɔ̨n ɉee nwɔ́ haláá kulɔi tii ɓa, a kpɛli. A tɛ̨ą, və́ kpɛli bɔ, və́ ka káá ɉaláá kulɔi, gu hvomun kɛ, ka wɔ haláá hɛnŋaa. Yili wɛli hvo mą́ą́. Ɲą́ą́ Yai-Laa Mɛ̨nį Kəlee ŋą Hééɓomun, nwóó li.

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Mąątɛ̨nɛ̨ 50:8

Və́ ə́ hvalai ə́ wɔ halááɠaai mąą mɛ̨nį ɓa, ə́ wɔ haláá hɛnŋaai yá gəlee kələn, di kaa ɲɛ̨́i ɓa a yələ kəlee.

Hanwon 21:27

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, mąąhɔlɔɓo, da gulɔ a líiɲɔ̨nwɔ̨ɔ̨.

Maafîu 9:13

'Ka li, ka nwoo ɲɛ̨i mukulaa kwɛli; yai da kɛ mą: ‹Ɲɛ̨i mąąwɛli kaa ɓə gáá bɔ, ə tɛɛ taatɛlɛɛ haláá kulaa ɓa.› Mąąhɔlɔɓo, və́ pa li, nu haŋąąɠaa kwɛli, kɛlaa, ŋą pa nɛ̨ŋɛ̨n ɉəɠə nuą kwɛli mɛ̨nį ɓa.»

Mąątɛ̨nɛ̨ 51:16

Ee kə́! Yálá! Mɔ́lu Yálá! 'Hvó ɉón yɛ bələi ŋą́ túwɔ́ la, gɛ́ pɛli yɛ́ tələnmolaa hu kulɔi a nwóó kɛnɛ̨.

Ɉeremi 7:21

Yai-Laa Mɛ̨nį Kəlee ŋą Hééɓomun, Israɛlə nwɔ Yálá, woo ka, yɛ diɛ: Ɉaláá hɛnŋaai da gəlee kələn, da ɉaláá takpɛliɠaa, ka gəlee pɛlɛ gee ɓa, ka di mį́i.

Maafîu 22:4

«Ə pənə ə nwɔ tínuą takpɛliɠaa tɔɔ, yɛ diɛ: ‹Ka li nuą tii ŋą́ di təli kaa diɛ: «Niɉɛ gbɔnɉaai ŋą́ di paa gəlee daa mɔ. Di pa kɛa ku ku kwəinɛ̨ɛ̨ nón nwɔ húlu lɔ hɛlii hu.»›

Lonon mo 7:45

nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn.

Mąątɛ̨nɛ̨ 40:6

Yai-Laa nwɔ́ Yálá, mɛ̨nįɠaai yáá giliŋąhiɛ kɛ yɛ hvilɛn na kuɔ, da gwɛlɛɛn mɛ̨nįɠaa, gbɛa kpɛai! Ə́ pɛli hva hɔlɔɓo. Gáá bɔ ŋą́ yili hukulɔ, gɛ́ mo lɔ a yələ kəlee; Kɛlaa, gəlee hva pɛli ɓoi, di tamą pələ ɓa.

Hanwon 21:3

Tələnmolaa da tɛ̨ą mɛ̨nį kɛɛ, hviɛlaɓoɔ ɓə Yai-Laa ɲɛ̨i ɓa haláá kulaa ɓa.

Azaya 58:2

Ɲą́ą́ ɓə da di nwun dɔɔ a ɲą́ą́ hvóló kəlee, nwɔ́ pələɠaai kɔ́lɔn mɛ̨nį ə ɓo a di liiɓa, yɛ nu huwui aa tələnmo yiiɓo, ɛlɛɛ hvo kulɔ li nwɔ Yálái nwɔ tɔ́n nwooi pulu. Di kaa bɔ ŋį́ kiti tee a tələnmolaa, di mąąlɛɠɛ mɛ̨nį Yálá ɓa ə ɓo a di kwəinɛ̨ɛ̨ mɛ̨nį.

Osia 6:6

Mąąhɔlɔɓo mɛ̨inɛ̨ɛ̨ kɛɛ ɓə a níí hon, haláá kulaa hvəi, ɛlɛɛ, gɛ́ Yálá kɔ́lɔn mɛ̨nį hviɛlaɓo taatɛlɛɛ kələnŋąą a haláá ɓa.

Amɔsə 5:22

Haláá hɛn yiiɠaai ka gəlee kələn, da ka wɔ kɔ́ɓo hɛnŋąąi ka kɛ naa həli mą́ą́, nąą wɛli hva ɉón. Niŋɛ̨ gbɔn nwulaaɠaai ka kɛ gulɔi mą́ą́ a haláá, ə gɛ, gwa kaani gu yee ə kɛ a nɔɔ gee hu, vá kpɛli yili naa kaa.

Egaa 2:14

Aze ə mo kɛa diɛ nąąlɔwai; yɛ diɛ: «Yili ɓa, Yai-Laa yɛ diɛ: Bələ kpɔlɔ ɓə nuą ŋɛ̨i kaa la, pələ kpɔlɔ ɓə nu huwui ŋɛ̨i kaa la, pələ kpɔlɔ ɓə di kɛ kólo kaa la ɲɛ̨i ɓa. Hɛn kpɔ da gulɔ mą́ą́ a haláá, ɉaláá kulɔi gəlee kɔ́hɔɓoɔi.»

Zakari 7:5

'Kɛ nɔi lonnii kəlee da ɉaláá laa həli nuą diɛ: «Ɉin ka kɛi nɔ kaa wɔlɔ la, ɲąnįn nɔɔli yələ da ɲąnįn mɛ̨ihveelɛ yələ, kwɛlan bow mɛ̨ihveelɛ yeemu, ɉin tii, ka kɛi mɔ̨ɔ̨ nɔ mą́ą́ mɛ̨nį ɓa?

Osia 8:13

Yii di yəi a haláá ya ka; ɉuwɔi da gulɔ a haláá, da pənə di mįi; Kɛlaa, yili hva nɛ̨ɛ̨ Yai-Laa ɓa, yiihu, gaa giliŋąhiɛi di wɔ nɛ̨ŋɛ̨nŋąąi ɓa, yɛ di wɔ túwɔ́ pələ ɲɔ̨nŋąąi lonon. Hvo kɛli nwɔ̨nɔ̨ di pənə di li Eziptə lɔi hu.

Amɔsə 4:5

Lɛɠɛ yiiɠaai da gulɔ Yálá ɓa a haláá, ka dɛ hɛn bu ɉu, ka pa ka gələn, kɔ́ ɓo hɛn ka káá bɔ ka naa həli mą, ka ɉələ kɛ mɛ̨i, hvo gaai, yili ɓə nwɛli kaa kaa. Yai-Laa woo li.

Swiv nou:

Lyen patwone

Piblisite

Piblisite