Amɔsə 9:11 - Yálá laawoo hɛɓɛ (dc)

¹¹ Ɲələi tii a həli, Davidə nwɔ ɓuwui yɛ ə pu, ŋį́ ɉaŋą ŋį́ dɔɔ a nįnɛ̨, ŋį́ ɉįi laaləiɠaa pɛli, ɓɛ yiiɠaai nąą kaa a gboloon, ŋį́ naa tɔɔ, ŋį́ pənə ŋį́ daai tii tɔɔ, yɛ pələi wɔlɔ ə kɛ la.

Yálá laawoo hɛɓɛ

¹¹ Ɲələi tii a həli, Davidə nwɔ ɓuwui yɛ ə pu, ŋį́ ɉaŋą ŋį́ dɔɔ a nįnɛ̨, ŋį́ ɉįi laaləiɠaa pɛli, ɓɛ yiiɠaai nąą kaa a gboloon, ŋį́ naa tɔɔ, ŋį́ pənə ŋį́ daai tii tɔɔ, yɛ pələi wɔlɔ ə kɛ la.

Bible

¹¹ Maa-ɣelei tí ŋa pâi Deeƃé ŋɔpɛ́rɛi siɣêi ŋá dɔɔ, nyii doɔ̂i, ŋá bɛ́ŋ pɛ́lɛ, ŋá mu siɣe ŋá dɔɔ yɛ̂ɛ berei è wɔ́lɔ kɛ̀ a dɔɔ́ lai,

Amɔsə 9:11 Referans Kwoze

Azaya 16:5

Wɛlikɛmąąlaa a dɔɔkpəlin hee gbilin, ɛlɛɛ, Davidə yəi bɛlɛ́n, kiti tee mun ɉaŋąą kaa pai heei laa, yɛ tɛ̨ą hu kpɛ, ɲee mąąhulaa mɛ̨nį ɲɛ̨i kulɔi.»

Mąątɛ̨nɛ̨ 80:12

Nwonwoɠaa di kɛi kpɔ li diɛ həli gboloyá ɓa, gbaɠa pɛlɛɛɠaa diɛ həli ɲálee kɛnɛ̨ɛ̨ ɓa.

Azaya 63:11

Nwɔ nuą di di kiliŋąhiɛ kɛa, Moisə nwɔɔ hvolóɠaai diɛ, «Nui nwɔ taatɛlɛɛ pulunuą, kulɔ gboloyá yəi gaa mįnɛ̨? Nu kpɔ ə wɔɔ? A yai nwɔ Nįį-Mąąhəɠɛɛi tɛɛ bɔi?

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Izikiɛ 36:11

Yɛi kɛ a nu kan, yɛ ə kɛ a taatɛlɛɛ, gáá pai di ɓuwu ɓoi ka mɛ̨i. Di kaa pai tamąi, diɛ ɓá. Ŋą́ pənə ŋą́ nu tamą ka hu, yɛ tɔlɔɔ tɔlɔɔ yələ; ŋą́ hɛn dɛɛ ka pɔ, ə tɛɛ gɔwɔ tɔɔi lɔwai ɓa. Nąąlɔwai, ka gili kɔ́lɔn kaa kɛ ɲą́ą́ ɓə gáá a Yai-Laa.

Izikiɛ 17:24

A kɛ ti lɔwɔi wuluɠaa kəlee da gbaɠala kaa, diɛ kɛ ɲą́ą́ ɓə gaa a Yai-Laa. Yai a wulu kwɛaa kɛ a kpɔlɔ wulu, yɛ kpɔlɔ wulu kɛ a wulu kwɛaa; yɛ wulu nwunu kpala, yɛ gɛ wulu kpala yɛ tɛlin. Ɲą́ą́ Yai-Laa yii ŋą́ mo, ŋą́ gɛ́.»

Woolaa 5:21

Yai-Laa! Pələ laa ɓo ku tɔwɔ, ku pa ə́ pɔ. Pənə ə́ kuɔ yɛnɛ̨ɛ̨i pu nįnɛ̨ kɔ́lɔi, yɛ bələi ə kɛ la a tɔlɔɔ-tɔlɔɔ yələ.

Ɉeremi 46:26

Nuą kpɔ di hvilɛn ŋąą di pulu, gáá di tɛɛi di pɔ, diɛi ɓaa Babilonə tɔɔmun Nabukodonosorə da nwɔ nuą. Yili pulu, Eziptə lɔi a pənə ə hee, yɛ bələi ə kɛ la a bɔlɔ pɔlɔ.

Azaya 5:5

Mɛ̨nįi gáá pai gɛi, nwɔ́ viɲə yɛai ɓa, gáá nɛi kaa: galai tii dinɛ̨n ŋąą mą, gáá nwolo teei mą, taatɛlɛɛɠaa di di laa mįi laa, ŋą́ daɠa nuą di hiɛ ɉu.

Zôo 1:10

Kɛlɛi yáá ə́ nįnįn bɛlɛ mɛ̨i, yaa mąn da nwɔ pɛ́lɛ́i, ə lɛɛ, da ɲəi hɛnŋąą kəlee. Yáá lúwɔ́ too ɲəi hɛnŋąą kəlee ɓa: nwɔ taatɛlɛɛ kpului hu kɛnɛ̨ nɔi nąą kəlee.

Mise 7:14

Ə́ wɔ nu huwui ɲąąkpɔn ə́ nįnįn mu, Ə́ wɔ taatɛlɛɛ kpului tii a ə́ kwɛlin; gaa lɛɛ dɔ̨nɔ̨ kanɉu kpomói, wuluɠaa lɔwai. Gɛ́ ə gɔ̨nɔ̨n ɉɔlɔɓo Basan da Galaadə, yɛ tɔlɔɔ-tɔlɔɔ yələ.

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Ɉeremi 30:9

Yai-Laa di wɔ Yálái ɓə di kaa pai tí mą, Davidə ə ɓo a di wɔ tɔɔmun yai gáá pai ɉeei di nwun na.

Mąątɛ̨nɛ̨ 143:5

Gáá gíliɲąhiɛi gɛ́ vilɛn tɔwɔ tɔwɔ yələɠaa diɛ, gɛ́ pənə gɛ́ ə́ kɛ mɛ̨nįɠaa hu kulɔ gbɔ́wɔ ɓa, gɛ́ ə́ yee kɛ kólóɠaa pənə gwə́i, gɛ́ doo.

Mąątɛ̨nɛ̨ 89:40

Mįnɛ̨i ká ə́ wɔ tímun ka ɉəɠə, yáá lənə mą; yáá nwɔ tɔɔ ɓɔlɔi too lɔi ɓa, yaa mɛlɛkpɛɛ mą.

Lonon mo 24:18

Daa Edɔmə hon a kɔ́, Seirə aa lɛɛ ɲowoɠaa yee kɔ́nma. Israɛlə aa vaŋą həɠə.

Azaya 58:12

Ə́ haalai, di kaa pai pənəi diɛ taa kpoloonŋaa tɔɔ, pɛlɛ́ɠaai daa di hvilɛn ɉu aa kwɛa, yɛ́ ɓə pai di tɔɔi, di kaa pai ə́ laa heei a: «Hį́i kpoloon dɔɔmun, a nui a kwəli mu həɠə, nuą diɛ hee laa.»

Azaya 65:9

Gáá pai nu huwu kulɔi Ɉakɔbə huwu hu, a neelee, nuąi pai nwɔ́ yeeɠaai hɔlɔɓoi a di gwɛlin, ŋą di kulɔ Ɉuda huwu hu, nííɓa nuą kaa pai di hɔlɔɓoi a di wɔɔ, nuąi da tí mą́ą́, diɛ hee laa.

Ɉeremi 18:9

Yələ takpɛli, ŋą pɛli ŋą naa gwə́i, gɛ́ lɔi, awala kɛti, tɔɔi ŋą́ ɉee, ŋą́ gɔwɔ hvilɛn kpɔ tin-tin.

Abdiasə 1:17

Nąąlɔwai, Siɔn yee ɓa, yii gaa pai pənəi ə kɛ a ɲą́ą́ nwɔ́ɔ́, yii wolaai da kulɔ ɉu, di kaa pai liilaa hɔlɔɓoi. Ɉakɔbə huwu kaa pai pənəi di di wɔ lɔi hɔlɔɓo.

Mise 7:8

Hvó yɛ́lɛ́ mą́ą́, yɛ́i a ɲówó, akɛ ŋą́ą́ too, múhəɠə hiɛ li, akɛ gáá kpinįi, Yai-Laa ɓə gaa a nwɔ́ kɛɛ pɔ̨nɔ̨.

Mise 7:11

Ɲələi di kaa pai pənəi diɛ ə́ mąąkpɛ hįįɠaa tɔɔ la, mąą yələ, da ə́ wɔ lɔi ɲɛ̨n gulɔ bulu.

Zakari 6:12

'Yɛ́ mą: ‹Yai-Laa Mɛ̨nį Kəlee ŋą Hééɓomun woo ka, yɛ: «‹Nu ta ka ŋɛ̨i, naa ɓaa wulu ɓɔn, yɛnɛ̨ɛ̨ kaa pai ɓɔn ɉii gɔwɔ pɔɔ hu. Gaa pai Yai-Laa hvɛli pɛlɛ́ tɔɔi.

Zakari 12:7

Yai-Laa a gbɛa Ɉuda pɛlɛ́ɠaa ɓalo, ə gɛ a Davidə nwɔ pɛlɛ́i ɲɛ̨i pɔ̨nɔ̨ mɛ̨nį, da Ɉerusalɛmə nuą ɲɛi pɔ̨nɔ̨ mɛ̨nį hva kɛ a Ɉuda ɲɛ̨i paa mɛ̨nį.

Zakari 14:10

Nɔi kəlee mąą a pənə a nɛ̨ŋɛ̨ hu, ə həɠə Gɛva, ə həli la Rimɔn Ɉerusalɛmə kɔ́wɔla pələ. A kɛ tii, Ɉerusalɛmə a lɛɛ di nwun mɛ̨i pələ, ə həɠə Bɛnɉamɛn nwɔ kpon ɓa, ə həli la gbon bɔlɔ pɔlɔ kɛɛnąą, gbon tii bɛlɛ́ nwąną hveelɛi a gee kaa mɛ̨i, ə həɠə Hananeɛlə nwɔ pələ́i-kaa-pɛlɛ́i ɓa, ə həli la tɔɔmun ɲəi gɔwɔla.