Amɔsə 9:10 - Yálá laawoo hɛɓɛ (dc)

¹⁰ Kɔ kaa pai tooi nwɔ́ nuą lɔwai, nuąi hon gaa diɛ, nuąi da kɛ Yálá kwəi máni hu kulɔ nuą diɛ: «Mɛ̨ni ɲɔ̨n tii ə́ kaa mąą mɛ̨nį ɓoi, hvo pai həlii kuɔ, hvo pai lɛɠɛi kuɔ! Gɔi tii kaa pai gəlee paai.»

Yálá laawoo hɛɓɛ

¹⁰ Kɔ kaa pai tooi nwɔ́ nuą lɔwai, nuąi hon gaa diɛ, nuąi da kɛ Yálá kwəi máni hu kulɔ nuą diɛ: «Mɛ̨ni ɲɔ̨n tii ə́ kaa mąą mɛ̨nį ɓoi, hvo pai həlii kuɔ, hvo pai lɛɠɛi kuɔ! Gɔi tii kaa pai gəlee paai.»

Bible

¹⁰ Ƃóa-sɔkpɔ a pâi zɔnyɔ̂ŋ-ƃelai kélee paâi ŋánûai sáma, diai da mò, dîyɛɛi, ‘Sɔnyɔ̂ŋ fé pâi wɔ́lɔ serîi kûa.’ ”

Amɔsə 9:10 Referans Kwoze

Amɔsə 6:3

Gaa ka kwəi kaa, ka káá mɛ̨nį ɲɔ̨n mąą kwɛai kaa, kɛlaa, kaa toomɛ̨i maa kpuɔ kaa.

Azaya 33:14

Nɛ̨ŋɛ̨n ɉəɠə nuą kwəi aa pili diɛ Siɔn daai, mɛ̨nį ɲɔ̨n gɛ nuą mąą kaa kpɛlin ɉii, ku nɛlɛ ɓə pai lɛɛi tɔɔni gɛɛ kala nwɔ̨n ŋɛ̨i kwɛlɛ? Ku nɛlɛ ɓə pai lɛɛi tɔɔni? Gaa a kpaɠa nwɔ̨n hva liin.

Malasi 3:15

Kwaa gbaɠala kaa kɛa, nuąi da hilɛwoo tee, diɛ ɓə a lúwɔ́ lonnii. Nuąi da mɛ̨nį ɲɔ̨n gɛ, diɛ ɓə di yee la a hvólóon. Ə mą kɛ, di ka Yálá nwąną kɛi, mɛ̨nį ta hva kɛ a diɛ.»

Amɔsə 6:1

Kpalo ɓɛlaai kaa, Siɔn daai hee ɓo nuą, kaai ka káá ka nɛɛ nu. Kaai gaa ka kwəi, ka káá ka nɛɛ hu, Samari yeeɠaa tonna. Gaa yɛ kiɛ, kaa ɓə ka laa tɛɛ hį́iɠaa lɔwai, Kaai a Israɛlə nu huwu ɲɛ̨i tɔwɔ nuą.

Ɉeremi 18:18

Nuą di kɛ laa diɛ kɛ diɛ: «Ka gu gilima həɠə Ɉeremi ɓa, gu hvo pai hvɛɠɛi a gu mąą kwɛli mun, a gu liɛwoo ɓomun, a Yálá kwəi mɛ̨nį hukulɔ mun. Ka gwəli gu mɛlɛtoo a naa kala pələ, gu hvo gu wəli tɔɔ nwoo ɓa.»

Azaya 56:12

Di woo laa diɛ, 'ka pa, ku kaa lii pai a lɔɔ, lɔɔ kpəɠiɛɠaa ɓə gu kaa pai pilɛi ɉu, gwa tinąą gɛ lɔ yɛ háákəlee; gbəli kaa pai lɛɛi kpɔ kɛnɛ̨.

Azaya 5:19

Diɛ kɛ diɛ: «Ə gɛ kani ɉa, ə nwɔ kólói kɛ ɉa ku nąą kaa. Mɛ̨nįi Israɛlə nwɔ mąąhəɠəmun gwəi, ə too pɔ̨nɔ̨ŋą kuɔ pɛli gɔlɔn ɉii.»

Ikilisiati 8:11

Nui a mɛ̨nį ɲɔ̨n gɛ, gwələ hva kulɔ mą ɲąąɓa; mɛ̨nįi a gɛ mɛ̨nį ɲɔ̨n gɛ nuą diɛ mɛ̨nį ɲɔ̨n gɛ la yaa li.

Mąątɛ̨nɛ̨ 10:11

Yɛ kɛ gwəi pələ: «Yálá aa lɛ̨ą yili ɓa, aa ɲįnąą kpulu, hvo mɛ̨nį lɔpee ta kaai.»

Izikiɛ 20:38

Nuąi di kwɛli tee, diɛ kulɔ nwóó mui, ŋą́ di kulɔ ka lɔwai; ɓɛi dəli di mąą kilɛi laa, ŋą́ di kulɔ laa, kɛlaa di hva lɔ Israɛlə lɔi hu, bələ ɓə ka gili kɔ́lɔn na kaa kɛ ɲą́ą́ ɓə gáá a Yai-Laa.

Ɉeremi 23:17

Nuąi da Yai-Laa woo ɓɛlɛkpɛɛmą, diɛ kɛ yiliɠaa diɛ: ‹Ka wɛi hu kaa pai nɛɛi.› Nuąi di yee kaa di túwɔ́ pələ ɲɔ̨n ɉu, diɛ kɛ yiliɠaa diɛ: ‹mɛ̨ni ta hva həli kaa.›

Amɔsə 9:8

Yai-Laa ɲɛ̨i kaa Israɛlə tɔɔmun ɉuwuhu nuą kɛ nɛ̨ŋɛ̨n ma. Yɛ diɛ: Gáá pai di kpɛɛi lɔi mɛ̨i. Kɛlaa, və́ pai Ɉakɔbə huwuhu nuą kəlee laa kpɛɛi lɔi mɛ̨i. Yai-Laa woo li.

Zakari 1:6

Ɛlɛɛ yaan, váá wooɠaa, da gwə́i mɛ̨nįɠaa, a diɛi tii ŋą́ di laa nwɔ́ tínuąi a gwə́i mɛ̨nį hukulɔ nuą di nwuɔ̨, di hvo mɔ̨ɔ̨ həli ka nąnni diɛ? Nąąlɔwai, di yali di pulu, di hvaa mą, diɛ kɛ: Yai-Laa Mɛ̨nį Kəlee ŋą Hééɓomun, ə naa gwəi, yɛ: gaa pai ku hon ɉi, yɛ bələi ku gwɛli la, a ku hiɛ pələ, da ku tuwɔ́ pələ; ɛlɛɛ yaan, bələ kpɔlɔ ɓə aa ku hon na.»

Ɉeremi 29:32

Yili mąą mɛ̨nį ɓa, ɲą́ą́ Yai-Laa, gáá ɲéé pɛlɛi Nehelamə mun Semaya ɓa, da ɉuwu kəlee. Di ta lɔpee hvo pai ɉeei hɔlɔɓoi nuą ŋɛ̨i lɔwai, di ɲɛ̨i hva tɔɔ mɛ̨nį lɛlɛɛɠaa gáá pai gɛi nwɔ́ nuą diɛ, da ɓa. Mąąhɔlɔɓo, ə nuą ɲąątɔɔ, diɛ kulɔ Yai-Laa woo mu. Yai-Laa woo li!›»

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»