Amɔsə 8:5 - Yálá laawoo hɛɓɛ (dc)

⁵ Ka kɛ kɛi diɛ: «Mįnɛ̨ lɔwai ɓə ɲąnin nįnɛ̨ nwɔ hɛli puɔ kaa pai tɛɛi la, ə gɛ, ku ku wɔ mɔ̨nunŋaai lɔwɔ́tɔɔ? Ɛlɛɛ, mįnɛ̨ lɔwai ɓə túwɔ́ lɔwɔ a kpɛɛ la, ə gɛ, ku ku wɔ kɔ̨nɔ̨n gələɠaai laa ɓo? Ka kɛ ɉɛnŋąą kɔ́ɔn gəgənŋąą kpon dɛi ɉu, ə gɛ ɉu ɛlɛɛ tiikpə.

Yálá laawoo hɛɓɛ

⁵ Ka kɛ kɛi diɛ: «Mįnɛ̨ lɔwai ɓə ɲąnin nįnɛ̨ nwɔ hɛli puɔ kaa pai tɛɛi la, ə gɛ, ku ku wɔ mɔ̨nunŋaai lɔwɔ́tɔɔ? Ɛlɛɛ, mįnɛ̨ lɔwai ɓə túwɔ́ lɔwɔ a kpɛɛ la, ə gɛ, ku ku wɔ kɔ̨nɔ̨n gələɠaai laa ɓo? Ka kɛ ɉɛnŋąą kɔ́ɔn gəgənŋąą kpon dɛi ɉu, ə gɛ ɉu ɛlɛɛ tiikpə.

Bible

⁵ ká kɛ́ mò, kâai, “Mí tãi ƃé ŋ̀áloŋ-ninai a pâi kpɛɛ̂i la a gɛɛ kú kúmii-sãai kɔ́lɛ, da Vii-tɔɔ-ɣelei a gɛɛ kú wîi kɔ́lɛ, a gɛɛ kú kúmii-sɛŋ kɔ̂ɔŋ kɔpu-ŋai kɛ́ a guro té kú zɔ̃ɔ kɛ́tɛ, kúkɛ wôya kɛ̀ kúsɛŋ-kɔ̂ɔŋ-sãai su,

Amɔsə 8:5 Referans Kwoze

Osia 12:7

Ə́ wɛi, pənə ə́ pa ə́ wɔ Yálái pɔ, ə́ yee kanąn tɛ̨ą mɛ̨nį ɓa, da kwəi kwələ laa, ə́ kilitɔɔ lɔ Yálá ɓa yələ kəlee.

Levetekɔ 19:36

'Ka wɔ hɛn gɔɔn gəgənŋąą di kɛ a di pɛliɛ ɉu. Ɲą́ą́ ɓə gáá a Yai-Laa, yai ka kulɔ Eziptə lɔi hu.

Azaya 1:13

Ka hvo gɔ́ a yɛlɛ kulɔ pələ ɉú, nulu ɓɛlɛ hvo gwə́i, ɲąnįn dɔɔ nįnɛ̨ hɛlii ka kɛ bui, da túwɔ́ yələ hɛli, ə mą kɛ hɛli kpɛa-kpɛaɠaai ka kɛ bui, yili nąą wɛli hvo kɛa mą́ą́.

Hanwon 20:23

Hɛn gɔwɔn ɉɛnɲąɲąi gɛɛ hveelɛ, nwɛli hvo Yai-Laa ɓa, hɛn gɔwɔn ɉɛn a kɛ a galaa, hvo lɛlɛ li.

Hanwon 16:11

Yai-Laa hvo bɔ hvulu hvo kɛ gu wɔ hɛn gɔwɔn ŋąą hu. Ya ɓə hɛn gəlee wiɛ pələ kpaɠala kaa mą.

Hanwon 11:1

Nón! Mɛ̨nįi gáá ə́ kalan ɉii la, gili lɛɛ ə́ ɲą Yii ŋą́ kɛ yɛ́ gɛ, 'hvó lɛ̨ą mą.

Tɔɔɓɛlaa veelɛ 4:23

Ɉilɛ yɛ mą: «Lə mɛ̨nį ɓa, yɛ́ ə́ li háákələi laa? Yaan, hvo kpɛli a ɲąnin dɔɔ nįnɛ̨, hvo nwɔ̨nɔ̨ a túwɔ́ lɔwɔ?» Nɛ̨ɛ̨nui yɛ ɉilɛ ɓa: «Hvó ə́ liihɛlɛn!»

Lonon mo 10:10

Ka wɔ hɛli hvólóɠaa, da ka wɔ ɲąnin nįnɛ̨ nwɔ hɛliɠaa, a wala kɛ tii hɛli mąąwiɛi takpɛliɠaa hu, ɓɛlɔwai ka kɛi haláá hɛn gələn na, kaa nɛ̨ɛ̨yɔwɔ laa haláá kulɔ, ka dúlúɠaai tii hvɛɛ, ə gɛ ka ka nąą kili too la Yai-Laa ka wɔ Yálái ŋą. Ɲą́ą́ Yai-Laa ka wɔ Yálá.»

Azaya 58:13

Ya wala kɛ kólóɠaa kɛi a hvįįtɔɔ yələ, ya kpəla tɔ̨nɔ̨ kwɛliɛ ɓa, a nwɔ́ hvóló mąąhəɠɛɛ, ya vįitɔɔ yələ laa hee, «a ə́ liiɓa hvóló», Yɛ́ Yai-Laa nwɔ hvólói mąąhəɠɛɛ laa hee, a «hvóló Mąąwiaa.» Yɛ́ mąą həɠə a ə́ lííɓa hiɛɠaai ya nɛɛ laa, hva tɔ̨nɔ̨ kwɛli a mąą yələ, hvo túwɔ mɛ̨nį ɓo hu a mąą yələ.

Kolosə 2:16

Ə həɠə kɛa yiihu ɓa, nu ta hvo kɛa ɲɛ̨i hvala: kɔ̨nɔ̨n mɛ̨nį ɓa, ə mą kɛ, a kpələ hɛn mɛ̨nį, hɛli mɛ̨nį, ɲąnįn nįnɛ̨ mɛ̨nį, awala kɛ tii, túwɔ́ yələ mɛ̨nį.

Malasi 1:13

Káá nwɔ̨nɔ̨ kɛ mą: «Lə kɛ hvįikpɛɛ mɛ̨nį ɓəi!» Ká hva mɛ́lɛ lɔ mɛ̨nį ta hu, ɲą́ą́ Yai-Laa Mɛ̨nį Kəlee ŋą Hééɓomun; taatɛlɛɛi ka gulɔ mą́ą́ a haláá, ka li kaa nwuɔ̨, awala kɛ tii, ɲɔ̨n yɛ ɓo mą. Gáá ka mąąnįn kɛi, ŋą́ pɛli ɲee hee pələ kɛi ləi gɔ́ ɓo hɛn daaləi tii mu?

Lɛɛ gbɔwɔ ɓa 31:13

«Mo Israɛlə nuą diɛ, yɛ́ diɛ: Ka nwɔ́ túwɔ́ yələɠaa mąąwiɛ. Mąąhɔlɔɓo, gwa kaani gu lɔwai mɛ̨nį kɔ́lɔn bələ li a yələ kəlee. Ə gɛ, nuą diɛ pɛli gbaɠala kaai diɛ kɛ Ɲą́ą́ Yai-Laa, ɲą́ą́ ɓə ka mąąhəɠə.

Samuɛlə dɔlɔɔ 20:5

Davidə yɛ Ɉonatan ɓa: «Tínąą ɓaa ɲąnin mįnɛ̨ hɛli, mąąnɛ̨ɛ̨ kɛ ŋą́ hee tɔɔmun gwɛlɛ kɔ̨nɔ̨n mįi kɛi lɔwai; kɛlaa, hvaa mą ŋą́ li ŋą́ nóo ɲɛɛ kɔ́wɔ hu, ə lɛɛ la ɉu hvəlaan yələwulii pɔ.

Zakari 5:6

Ŋį́ mąąnįn kɛ, gɛ́ mą: «Yili mukulaa ɓaa a lə?» Yɛ mą́ą́: «Mɔ̨nun gɔwɔn gəgən ga tii pai. Ɛlɛɛ, nɔi kəlee hu nuą di wɔ nɛ̨ŋɛ̨nŋaai ka tii.»

Zakari 5:8

Ya ɓə a kɛ mą́ą́: «Mɛ̨ni ɲɔ̨n gɛ kili ka tii.» Yili pulu, ə ɲee hee mą, ə nɔ gəgən ɉu pələ, ə gwɛli ɓɛla kɛlɛɠɛlɛn-gɛɛ tii pɛlɛ na.

Osia 12:8

Nu ɓowo hɛn gɔwɔn gəgən mə ka yəi, yɛ bələi gaa la Kanaan yəi, hvulu wɛli kaa mą.