Amɔsə 8:11 - Yálá laawoo hɛɓɛ (dc)

¹¹ Nąmu Yai-Laa yɛ mą: hvólóɠaa kaa pai həlii, gáá pai pulu tooi nɔi nąą kəlee, Hva kɛ a kɔ̨nɔ̨n bulu da ya kpələ wɛli, kɛlaa, a kɛ a Yai-Laa lawoo mɛ̨n bulu.

Yálá laawoo hɛɓɛ

¹¹ Nąmu Yai-Laa yɛ mą: hvólóɠaa kaa pai həlii, gáá pai pulu tooi nɔi nąą kəlee, Hva kɛ a kɔ̨nɔ̨n bulu da ya kpələ wɛli, kɛlaa, a kɛ a Yai-Laa lawoo mɛ̨n bulu.

Bible

¹¹ Kúnuu-namui Ɣâla è mò, ǹyɛɛ, “Ka gáa, ŋ̀elei káa pâi tãi ŋa pâi puru tɛɛ̂i la ǹɔii sui. Ve pâi kɛ̂i a mii-sɛŋ puru, kpaa máŋ kpele-wɛli, kɛ́lɛ a pâi kɛ̂i a Nuu-namui ŋɔwóoi mɛni-puru.

Amɔsə 8:11 Referans Kwoze

Mąątɛ̨nɛ̨ 74:9

Ku hvo kɛa ku kɔ́lɔn ɉɛnŋąą kaai, Yálá kwəi mɛ̨nį hu kulɔ mun da hvo kɛa laa, ə lɛɛ, ku ta hvo mɛ̨nįi ŋɛ̨i kpɛɛ yələ kɔ́lɔn.

Samuɛlə dɔlɔɔ 3:1

Nokolo Samuɛlə yee ə kɛ Yai-Laa nwɔ kólói ɓa, Eli yee mu. Yai-Laa hvo kɛi hvaa kɛlɛ-kɛlɛ nuą pɔ, ə lɛɛ hvo kɛi gbɔwɔ lɛ nuą diɛ nąąlɔwai.

Kɔlɔnikɔ Veerɛi 15:3

Israɛlə ə lamun, Yálá kpɔ-kpɔ hvo kɛ ɲəi, haláá laa həli mun və kɛ laa yɛ nuą mąąkwɛli, tɔ́n və kɛ laa.

Samuɛlə dɔlɔɔ 28:6

Saulə ə Yai-Laa mąąnin gɛ, kɛlaa, Yai-Laa hvo nwoo pulu pənə, ə kɛ a hįi pələ, ə ma kpɛli kɛ a ɉaláá laa həli mun, ə kɛ a Yálá kwəi mɛ̨nį hukulɔ mun.

Izikiɛ 7:26

Kɛɛ lɔ ɓə pai kɛi kalai diɛ, wɛlɛɛ ɲɔ̨nwɔ̨ɔ̨ lɔ ɓə pai kɛi həlii diɛ; di ka mɛ̨nį kwɛlii Yálá kwəi mɛ̨nį hukulɔ mun na, ɉaláá laa həli mun və kɛa pai kɛi kalan gɛi diɛ, galanɉonŋaa di hva kɛa nwun dɔɔ kɛ.

Maafîu 9:36

Yii kɛa Jesus ə nu kpulu kɛnɛ̨i tii kaa, di mąą wɛli ə ɉon. Mąąhɔlɔɓo, di kɛ pələ ə kɛ yɛ ɓɛlaaɠaai di pulu mun və mą, di hviikpɛɛ, di taɠa-taɠaa.

Mise 3:6

Yili mąą mɛ̨nį ɓa, kpinį aa pɛlɛ ka mɛ̨i, ka hva kɛa kɛɛ kaa, tɛɛ́-hilɛ kpinį a pɛlɛ ka mɛ̨i, ka hva kɛa Yálá kwəi mɛ̨nį mɛ̨n, tulɔ kpinį kaa pai pɛlɛi Yálá kwə́i mɛ̨nį hukulɔ nuą mɛ̨i, da lɛɛ kpinį yəi.

Samuɛlə dɔlɔɔ 28:15

Samuɛlə yɛ Saulə ɓa: «Ə́ kaa vįikpɛɛi, yɛ́ dəli lə mɛ̨nį ɓa?» Saulə yɛ mą: «Gwə́i aa pili maa kɛnɛ̨, Filisti nuą daa kɔ́ pɛlɛ mą́ą́, ɛlɛɛ, Yai-Laa aa kulɔ búlu kpɔ a neelee. Hvo kɛa nwoo pulu pənəi a gwəi mɛ̨nį hukulɔ nuą laaləi a wala kɛ tii a hįi woo. Yili ɓə gɛ gɛ́ ə́ təli, mɛ̨nįi mąąnɛ̨ɛ̨ ŋą́ gɛ, nɛ mą́ą́.»

Azaya 5:6

Gáá nąą kɛi a mąąwɛli lɔi, di hva kɛa mɛ̨i tee, di hva tumɔ kulɔ ɉu, ɲąąlən da ɓomodiliin mə pai ɓɔn ɉii laa, ɛlɛɛ, ŋį́ tɔ́n dɔɔ tulɔ kpinįnŋąą diɛ, di hva kɛa tulɔ pu mɛ̨i.

Hanwon 29:18

Kwɛaa la kaamun a wala kɛ lɔi, lɔi lonnii da di yɛli tee. Kɛlaa, nwun na nɛ̨ɛ̨ lon maa nui aa tɔ́n ɉon.

Osia 2:3

'Ka kɛ ka nąn nonnii diɛ: «Ami, nwɔ́ nu huwu», kaa ka mąąhalani diɛ: «Ruhama, nwɛli kɛmąą mun.»